燐寿司

營業中

休息中

..估唔到荃灣西，都有一間高質Omakase 鮨店😍‼️ 呢日入左荃灣，夜晚約左朋友食飯見個面～知道呢度開左一間精緻日料，聽說質素不錯，吃貨思當然要來試試👅🥢。DA Group 旗下副line, 質素當然不用置疑～以低價就能享受高質日料🍣，食材有水準，服務有禮，大滿足🥰，下次黎到荃灣西不妨來試試吧！【Omakase 櫻 Sakura $888 / 雅 Miyabi $1188】🔸前菜：沖繩水雲 伴辣豆腐 (醋意濃濃）🔸茶碗蒸：配蟹肉魚籽 (口感鮮嫩）🔸4點刺身：真鯛薄切 (白身魚 肉質細緻清爽）、北寄貝🐚 (鮮甜爽脆）、炙燒深海池魚🐟 (肥美油香 口感順滑柔軟）、北海道厚岸生蠔🦪 (肥美鮮甜 濃郁奶香）🔸和食：蟹肉素麵 配蔥薑蓉 & 汁 (清新解膩）🔸壽司5貫：油甘魚腩 (肉質細嫩 油膩豐富）、炙燒銀鱈魚 (魚油香）、大拖羅 (口感滑嫩 入口即化）、炙燒左口魚 (誘人香氣 同時保留鮮嫩口感）、馬糞海膽 (韓國清甜）🔸拖羅魚蓉手卷 (滿滿魚蓉大滿足）🔸味噌湯 (最後來碗熱乎乎熱湯 暖暖胃）🔸甜品 (開心果味雪糕 好吃！）..×××××ש荃灣大河道100號海之戀商場3樓3016號舖

最近入咗荃灣搵美食，朋友介紹去咗呢間海之戀商場入邊嘅 — 燐壽司 。「海膽三文魚子碎拖羅丼」真係令人驚艷，海膽新鮮到入口即化，三文魚子的彈牙口感同海膽搭配得恰到好處，提升咗整體的風味。醬汁調配得非常完美，唔會遮掩天然味道，反而令味道更加豐富。米飯質地松軟，日本米出名飽滿，搭配刺身令整道菜更具滿足感。擺盤方面夠哂色彩斑斕，一見就有食慾，份量亦足夠，對於喜愛刺身丼嘅人來講，絕對值得一試。總之，呢道菜無論係味道定係視覺上都令人驚喜，真係唔好錯過！壽司定食方面有廚師發辦，亦都可以自己選擇，有池魚壽司、金槍魚壽司和大拖羅壽司。池魚鮮嫩，金槍魚油脂感十足，而大拖羅肥而不膩，一樣食得咁開心，師傅仲會了解我地嘅口味，加返相應嘅調味料例如柚子皮左口魚邊壽司更係一絕，肉質鮮嫩，油份爆棚配上醋飯，搭配相宜。呢間店既壽司米飯質地唔會過於黏稠，口感恰到好處。估唔到係呢個商場入面都搵到高級日本料理！好耐冇食軟殼蟹，軟殼蟹炸到外酥內嫩，搭配埋醬汁，成為完美的小吃選擇，呢間嘅小食同壽司一樣出色！整體而言，成餐飯都大滿足！感受到師傅嘅用心同埋食材嘅新鮮！我一定會再帶朋友過嚟食！

之前同朋友行海之戀經過呢間餐廳，睇餐牌見到啲野食種類好多，睇落都好高質，所以bookmark左🤣朋友近排生日，所以就約左一齊黎試下😋大滿足壽司定食11貫壽司-深海池魚、中拖羅、金目鯛、火炙松葉蟹腳，大拖羅2食-時令5件分別有赤貝，赤身，炙燒左口魚邊，金木鯛和牡丹蝦-一次過可以食大拖羅刺身和炙燒大拖羅，炙燒左口魚和拖羅入口即溶-牡丹蝦十分鮮甜，另外個軍艦係蝦頭的膏加上海膽，口感非常豐富🥰海膽三文魚子碎拖羅飯-每一啖都充滿驚喜，魚生同飯比例剛好👍🏼-海膽新鮮鮮甜，三文魚子帶點咸香，配埋碎拖羅既魚油香，好夾同滿足！磯煮鮑魚-鮑魚好入味，一啲都唔韌，煮得剛好👍🏻白桃梳打&巨峰提子梳打-甜度適中，果汁味都突出，飲落清新。配搭壽司和小食都可以🙆🏻‍♀️

收工同朋友來到荃灣新開的餐廳，簡約日式木系裝修，環境明亮整潔，座位寬敞，設有bar枱位和普通座位，開放式設計可以欣賞師傅處理食材，氣氛安靜舒服，適合朋友或情侶輕鬆聚餐。食物方便選擇都非常多，有兩款Omakase，壽司套餐定食，單點壽司和刺身，手卷和卷物，少量小食，熟食和沙律。磯煮鮑魚 口感彈牙，滲出淡淡海水味，配搭返用鮑魚肝製成的醬汁壽司套餐的定食都包括茶碗蒸，沙律和麵豉湯。茶碗蒸十分嫩滑，材料豐富，加入多款海鮮，鮮味十足🍵豐盛壽司10貫包括油甘魚、真鯛、大拖羅、甜蝦、珍寶帆立貝，三文魚子、海膽。時令3件分別有烏賊、鱈魚和平貝。油甘魚上面加咗柚子製成的啫喱，令到鮮味更加突出，海膽非常鮮甜帶少少海水味，鱈魚火炙過油香更加突出，平貝肉質比較厚實，手握壽司飯軟硬適中，不會好容易散開🍣牛油果軟殼蟹卷這個套餐可以選擇的其中一樣，軟殼蟹非常香脆，中間加上少少蛋黃醬，配搭上面的牛油果，減低油膩感🥑甲羅燒配燒米餅 燒香氣十足，加上蟹肉、蟹膏和雞蛋的混合十分香濃，燒米餅香脆

落雨天最鍾意去荃灣逛下，今次隨便走到海之戀商場，竟然發現咗間高質的壽司店，真係意外驚喜！選擇咗吧台位，因為我同朋友都鍾意同師傅傾計，仲可以近距離睇佢哋嘅刀工。正好有壽司套餐折扣，就點咗“大滿足壽司定食” 裡面有我最愛的大拖羅、中拖羅、深海池魚同金目鯛等等，光係睇到呢啲食材就已經好開心🍣大拖羅肉質軟到入口即化，真係讚唔絕口!中拖羅口感緊實，但魚味更加鮮明。深海池魚雖然味道清淡，但師傅調味得宜。金目鯛肉質鮮甜，配上醋飯嘅酸味，絕配跟餐嘅海膽三文魚子碎拖羅飯真係好食到爆，甚至追加多一份！色彩鮮艷得令人垂涎，視覺效果超好。海膽同三文魚子嘅咸香融合得啱啱好，海膽滑到入口即化，濃郁海味無法抵抗！碎拖羅加上飯粒分明嘅醋飯，層次感十足。仲有，蝦嘅兩種食法都好特別！蝦膏搭配少量辣椒，不單止提升鮮味，仲有微妙嘅香辣感，值得一！鮑魚搭配簡單嘅調味同肝醬，肉質鮮嫩，風味獨特，讓整個用餐體驗更加升級。總之，呢次嘅壽司之旅真係好滿意，會再嚟！

最近同朋友收工聚聚黎到佢工作附近海之戀商場，發現有間高級日料餐廳，環境以日式清新風格，餐吧枱設計可以邊食邊近距離欣賞壽司師傅親手握壽司手藝同聊天交流，飲住清酒品嘗美食相當Chill食物方面豐盛壽司定食 $43810貫壽司配細盛角切魚生飯甜蝦，大拖羅，海膽，油甘魚，珍寶帆立貝，時令3件，真鯛，三文魚子魚生飯每款刺身都好新鮮，壽司個人最為喜歡係海膽同大拖羅海膽鮮甜濃郁，大拖羅入口即化油脂味滿滿大滿足壽司定食 $59811貫壽司＋細盛海膽三文魚子碎拖羅飯深海池魚，火炙松葉蟹腳，中拖羅，金目鯛，大拖羅2食，時令5件每款都高質新鮮，其中較為喜歡三文魚腩，炙燒後油脂十分豐富口感一流，金目鯛油脂適中肉質細膩，海膽三文魚子碎拖羅飯既拖羅蓉配搭三文魚籽口感十足，甘甜海膽放滿飯上相當豐富，味道新鮮，所有壽司定食均包括茶碗蒸，沙律，麵豉湯磯煮鮑魚鮑魚口感鮮嫩彈牙，帶有濃郁的醬汁風味吉列蠔吉列蠔大大隻肉質鮮甜，酥脆感飽滿炸軟殼蟹軟殼蟹炸至金黃酥脆，外脆肉嫩香口十足作穗乃智300ml入口順滑，帶有自然甜味和適中酸度，純米酒散發出清新而柔和米香

海之戀開咗一間新嘅日本料理，見到門口有寫新張期內壽司套餐仲有八折優惠👍🏻一於試吓先！🥢豐盛壽司定食$43810貫壽司＋細盛角切魚生飯（甜蝦、大拖羅、海膽、壽司好新鮮、油甘魚、珍寶帆立貝、真鯛三文魚子、時令3件）每件都好新鮮😍我特別喜歡大拖羅入口即化；海膽鮮甜味道濃郁；珍寶帆立貝肉質札實爽脆✨魚生飯樣子已經好吸引！刺身厚切，有幾款唔同種類口感好豐富😌🥢大滿足壽司定食$59811貫壽司＋細盛海膽三文魚子碎拖羅飯（　深海池魚、火炙松葉蟹腳、中拖羅、大拖羅2食、金目鯛、時令5件）火炙松葉蟹腳帶出微微焦香與刺身是另一番風味！肉質細緻，鮮甜✨大拖羅2食，一款是刺身另一款用火炙輕燒，入口有香氣油脂溶化於口中😋仲有我最愛3種材料三文魚、三文魚子、碎拖羅；每款份量唔孤寒，撈勻一齊食鮮甜無比，真係大滿足😌🧡壽司定食均包括茶碗蒸，沙律，麵豉湯我地另外Order小食吉列蠔$68炸軟殼蟹$88磯煮鮑魚$68配清酒「作穗乃智」🍶真係好適合，好易入口帶少少甜味，女仔飲冇問題👍🏻環境真係好舒服，慢慢傾偈望住師傅整嘢食都特別食得開心🥳

今晚約了好友相聚～朋友一早已預訂了這間高質日式壽司店～一入餐廳，環境很光猛，而且分為了Bar檯及卡座的。我比較喜歡坐bar檯，可以看到壽司師傅炮製食材，又吸睛又令人食指大動！睇睇餐牌，有好多款唔同美食，有主食、小食、沙律、壽司等等，十分多選擇！我們點了一人一份的壽司套餐，再加了一些主食和小食一同享用。一邊坐著看師傅用心製作，一邊聊天，體驗非常不錯！不用一回兒，壽司師傅已為我們製作了一整桌的美食了。這裡是製作手握壽司，壽司飯帶有微微醋香，非常地道！魚生都相當新鮮及鮮甜的！首先我們點了一杯巨峰提子梳打及白桃梳打！非常美味，冰冰涼涼！沙律菜又新鮮又爽脆，酸酸的非常之開胃！仲有一客茶碗蒸，蛋蒸的又嫩又滑，入面仲有很多海鮮食材，又鮮甜又美味！前菜都已經非常吸引了！炸軟殼蟹，金黃色的外皮，中間脆卜卜的軟殼蟹，口感相當香口美味，沾上了沙律醬來吃更為惹味！啖啖脆卜卜，又鮮甜又美味！正！汁燒銀鱈魚，銀鱈魚又香又滑，啖啖肉超美味，沾上了沙律醬來食更為滋味，有質感！大大片銀鱈魚，美味極了！豐盛壽司十貫～仲配有一客牛油果軟殼蟹卷物呢！牛油果軟殼蟹卷非常美味，牛油果又多，吃起來很香很有質感！軟殼蟹相當之香脆，又

好耐無過荃灣，呢日去探朋友，仲帶我去食間新開嘅日本菜，喺海之戀入面，有sushi set又有丼飯同定食揀，選擇都幾豐富~我點咗關東壽喜燒，先講湯汁，香濃而不膩，醎中滲出甜甜嘅香，很對味😋尤其是大蔥、菇菌、芋絲等索湯材料，吸晒湯汁之後，好正，可以送多兩碗飯都得😆而主角牛肉質地都唔錯，嫩得嚟帶有彈性，仲可以點蛋汁一齊食，零質感更加滑。朋友就食壽司定食，10件壽司加手卷🍣甜蝦、油甘魚、真鯛、大拖羅、珍寶帆立貝、三文魚子、海膽、赤貝、魷魚、銀鱈魚、天婦羅蝦手卷，我都好唔客氣咁分咗幾件😌魷魚好爽脆，甜蝦係少有咁大件，大拖羅入口即溶，而朋友特別大讚海膽好鮮甜~另外單點咗兩款小食，磯煮鮑魚同燒銀鱈魚，鮑魚切成薄片，配以特調海鮮醬汁，令鮮味再提升。銀鱈魚永遠令人滿足，滑嘟嘟嘅質地，油脂豐富，滿滿嘅魚油香味~整體都十分滿足滿意，主要係呢度嘅食材夠新鮮，已經好加分，而且各樣調味都啱啱好~午市仲有七五折！

趁住放假去荃灣行街，順便食嗰dinner,好耐冇食日本菜，所以就揀咗呢間日本餐廳試吓汁燒鮮鰻魚定食 $298鰻魚控必試！鰻魚飯份量十足，鰻魚厚身又多肉，燒到外皮微脆，肉質好嫩滑！醬汁甜度剛好，唔會太鹹，撈飯食一流～
定食跟嘅茶碗蒸好滑溜，入面有蟹柳同冬菇，仲有淡淡高湯香。沙律新鮮爽脆，柚子汁好開胃！刺身盛 $258新鮮到不得了！刺身拼盤有齊三文魚、油甘魚、真鯛同甜蝦，全部都好新鮮～
特別要讚個真鯛薄切，師傅刀工了得，切到透光咁薄，口感好特別！
甜蝦仲連住蝦頭，蝦肉鮮甜，蝦膏濃郁，正！江湖開城純米吟釀 $328清酒愛好者必飲！朋友叫咗支清酒，聞落有淡淡果香，入口順滑，同壽司好夾～如果大家喺荃灣想食高質壽司，呢間「燐壽司」真係唔錯嘅選擇～特別係想慶祝紀念日或者對自己好啲嘅時候，呢度嘅食物質素絕對對得住個價錢！

最近同朋友喺荃灣行街經過燐壽司，見到佢哋個「大滿足壽司定食」好吸引，決定試吓～大滿足壽司定食 $59811貫壽司+海膽丼一上枱就俾個陣容嚇親！11貫壽司加個迷你海膽三文魚子拖羅飯，擺盤精緻到唔捨得食～深海池魚：魚肉爽口鮮甜，師傅輕輕用岩鹽調味，帶出魚嘅鮮味，正！
火炙松葉蟹腳：蟹肉燒到微微焦香，上面淋咗蟹黃醬，味道濃郁得嚟又唔會蓋過蟹肉嘅甜味。
中拖羅：油脂分布均勻，入口即溶，魚味好濃！
大拖羅2食：一款原味，一款輕輕火炙過，火炙過嘅大拖羅油脂香更加突出，食完個口仲留返陣香味～
金目鯛：魚皮燒到脆脆地，魚肉嫩滑，師傅話係時令魚，果然新鮮！最驚喜係個細盛海膽三文魚子碎拖羅飯，海膽鮮甜冇腥味，三文魚子爆漿嘅感覺好正，撈埋碎拖羅一齊食，三重口感超滿足！今次試咗幾款食物，樣樣都高水準，特別係個大滿足壽司定食，$598有咁多款高質壽司，真係好抵食！師傅手藝了得，食材又新鮮，絕對會再encore！

今晚好姊妹生日預約了一間新店慶祝，店內日式簡約風格極為吸引，木質桌椅配上暖黃燈光，牆上一整片由碟型瓷磚砌成的裝飾牆特別搶眼，像是藝術品般為小店增添一抹雅致。前菜沙律清新開胃，柚子酸甜配上脆嫩菜葉，瞬間喚醒味蕾。茶碗蒸是亮點，滑溜蒸蛋帶著蟹肉和三文魚子的鮮香，溫暖又細膩。汁燒鮮鰻魚定食烤得外皮微脆，內裡軟嫩，肉質爽彈，白燒最能食出鰻魚的鮮甜味。汁燒銀鱈魚肥美多汁，炭香撲鼻，魚肉嫩滑，醬汁入味，每口都是享受。磯煮鮑魚切片鋪在壽司飯上，鮑魚軟糯入味，壽司飯醋味恰到好處，層次分明。白桃梳打清爽解膩，桃香濃郁，氣泡在舌尖輕輕跳動。整體而言，環境舒適，食物用心，碟型瓷磚牆更添特色。

這天來到荃灣海之戀新開業的的燐壽司，品嚐了幾款令人驚喜的料理。點了海膽三文魚子碎拖羅丼($388)分量十足，新鮮的海膽甘甜濃郁，搭配爆漿的三文魚子和入口即化的碎拖羅，層次豐富。定食附送的茶碗蒸滑嫩，沙律和麵豉湯也不錯。 單點的磯煮鮑魚($68)絕對是亮點，鮑魚煮得超能滑柔軟，鮮味十足。壽司方面，油甘魚司($32)肥美鮮甜，左口魚裙邊壽司($38)油脂豐腴，炙燒後更顯香氣。海膽壽司($78)用料新鮮，味道濃郁回甘。火灸珍寶帆立貝壽司($58)貝肉厚實，微微炙燒帶出甜味，令人滿足。 整體來說，燐壽司的食材新鮮，價錢合理，尤其是海膽和鮑魚的表現出色，值得一試。環境舒適，服務也周到，是荃灣區不錯的壽司選擇。

荃灣海之戀憐壽司環境充滿日式格調，提供多款日料，選擇非常多，今日我哋就試吓佢個和風定食-汁燒銀鱈魚，同關東壽喜燒。頭盤嘅沙律菜新鮮到"索索"聲，秘製芝麻醬酸度啱啱好，仲有陣陣芝麻香照燒三文魚定食嘅三文魚厚切到差啲夾唔起，面頭焦糖脆皮好香口，魚油多到好juicy。關東壽喜燒定食湯底清甜得嚟唔會口渴,美國肥牛雪花紋靚到無得彈。豆腐，芋絲，冬菇索晒壽喜燒湯底，非常鮮甜。茶碗蒸勁嫩滑口感，有蟹肉同蟹料，非常鮮香。汁燒銀鱈魚，賣相唔錯，魚肉細膩有口感，燒得入味，照燒汁風味好夾。梳打特飲都非常唔錯，好有水果味，有氣梳打透心涼。

食嘢系可以減壓嘅，如果你都有壓力嘅話，冇諗咁多，食咗先講…海之戀開咗間新餐廳「燐壽司」，冇可能唔去試吓啦…和風定食岩晒我胃口，前菜沙律夠爽口，芝麻醬落得夠重手，酸酸地勁醒胃。汁燒銀鱈魚，賣相出色，魚皮燒到金黃脆身，肉質嫩滑，蛋白質洶湧澎湃咁營養滿分，面頭掃咗層薄薄燒汁，多重口感超好味。茶碗蒸必食，蒸蛋滑撂撂，高湯鮮甜，底層有小柱同冬菇，仲有三文魚籽咬落去爆汁，食完濃味嘢啱晒中和味蕾～照燒三文魚定食，三文魚肥美厚切，師傅火候拿捏超準，面頭層焦糖脆皮，飆晒魚油夠juicy,照燒汁甜得嚟帶焦香，撈飯食一流！關東壽喜燒定食個湯底好清甜，一d都唔死鹹，肥牛紋理靚到雪花咁，煮耐啲都唔韌！勁足料，日本豆腐脹卜卜、金菇脆口、娃娃菜好入味，仲有流心溫泉蛋撈飯，暖笠笠好好味！ 跟埋嘢飲，巨峰提子梳打+白桃梳打，岩晒夏天，清新爽口。