熨烤達人 (已結業)

<熨烤達人 好有創意既韓國菜>😆😋熨烤達人 好多鍾意食韓國菜既朋友都知 尤其係烤肉 , 但除左烤肉外 食店求變 越黎越多創意菜式😱 好耐之前試過旺角店 今日就試下佢既鑽石山分店 .一如既往 韓式擺切 每一張枱上面都有抽煙系統。 不過今次試下佢d特色野 唔點燒烤😆😆🍴燒牛肋骨 88 蚊🍴roasted beef ribs用熱辣辣既鐵鏟放住牛肋骨 外表美觀🤓 牛肋滑原條燒 🐂食落juicy有口感 帶有少少辣味 同蜜糖🐝香味 調味出色 ! 值得推介！🍴流心墨魚球 98 蚊🍴🦑 (製作需時 ) Handmade cuttle ball將原個墨魚滑 蒸熟再攞去炸 入面放滿芝士 邪惡！成個墨魚球又大又炸到脆卜卜 一剪開 熱辣辣 墨魚滑好彈牙又新鮮😋 而入面既芝士流心流出黎 好味 ! 😆 最好切開4 件每人一件唔會太膩！<外表靚又邪惡速食麵> 🍴😈自暴自棄速食麵 78 蚊🍴Fried instant noodles w/cream cheese用左墨綠色既貨車🚛做裝飾， 好得意 上面放左韓國即食麵 即食麵撈滿密度勁高既芝士醬 有太陽蛋 🍳腸仔 肉碎等等 將全部

聽朋友介紹呢間非常之有特色於是就約左 一班好友一齊嚟食，呢間嘢最出名嘅就係佢既熨烤，姐係好似熨斗咁熨野食So amazing! 環境雖然呢間嘢係食燒烤，但係入到去完全唔會 烏煙瘴氣，冇乜油煙，非常之乾淨。鋪頭佈置得非常有心思， 每張枱都有一支煙通吸走油煙，而枝煙通都經過設計，完全唔會影響到餐廳既格調，與牆上掛有美式海報風格既畫match到。飲品水蜜桃真露呢杯嘢飲有酒精成分，非常之大杯，唔飲得既人唔建議叫，但佢用來送燒烤一流，夠fresh, 飲完感覺上降晒火。食物前菜前菜有泡菜，醃青瓜，豆芽，粟米粒，蘿蔔粒，叫套餐可以無限refill。 泡菜同埋蘿蔔都好岩我口味，蘿蔔仲可以降火添！菜類肥牛熨五花腩(外圍蛋漿）服務員會幫手睇火同幫你剪芝士薯角都好正

自從鑽石山food court無左，都無去過食野，既然今晚去睇戲，一於就順便去醫肚先。成日見旺角間熨烤達人排長龍，今晚一於試下鑽石山分店。門口有好大個人型公仔，勁有style，入到去裝修好型好特別，地方唔太大，但d枱放得一d都唔會逼，坐得好鬆動，每枱隔離仲有usb差電位，係個公仔頭，勁搞笑同貼心坐低一陣後，就有個疑似店長嘅男職員埋黎介紹個餐牌，佢介紹得非常仔細同盡心，首先問你有咩唔食，之後又推介邊d佢覺得正，邊d係多人叫，唔同種類嘅食物都有介紹下，唔係淨推最貴戈d, 而且佢把聲仲有d磁性得黎態度又誠懇, 令我對衣間餐廳已經有個良好印象。由於食物種類豐富，我地都主要跟佢嘅推介去order先黎嘅係今時今日韓燒必有嘅爐邊蛋同泡菜，粟米同芝士按個人喜好自己落，鐘意嘅話加埋泡菜落d蛋度都得，各款泡菜味道都好好，店員話係韓國直送，而且任食，讚跟住到主角上場，係濟州直送嘅黑毛豬腩肉！order前店員已講明話係比較肥，但香港好少地方有得食，仲要連皮就更少，所以我地都無慮即決。上到枱，果然好肥跟住店員就幫我地燒舊豬腩肉，燒得好專業，訓練有數，如果要我地自己燒可能嘥左舊靚肉。最後仲幫我地剪開細細塊方便食，

今晚同男朋友去荷李活廣場睇戲，時間尚早，先食晚餐。行左一圈，決定試下熨烤達人門口望入去，已經覺得佢既裝修好靚，雖然食韓燒，但抽煙做得幾好，無乜油煙味。兩個人安排坐一張大圓枱，好闊落。枱隔離仲有個神秘USB插位，夠細心。一坐低，店長會主動講解有乜食，乜嘢係主打，最多客人叫邊樣等等，貴到平都會介紹下，唔會hardsell淨係叫你試貴嘢同一時間，送上一碟碟前菜。全部任食，抵。泡菜好食，微辣，蘿蔔爽口。蛋漿佢地會幫手倒落去，之後自己按個人喜好，加粟米，芝士。芝士係一碗滿晒，好正。兩個人先叫左一份濟州黑毛豬五花腩，店長介紹正宗既黑毛豬係會喺皮上面見到黑色毛髮和毛囊，咁先叫正貨。所以佢地會留番啲皮比客人睇，學到嘢。店員之後會全程幫我地烤，翻，剪。一大嚿五花腩先兩邊烤，再剪開一塊塊，最後每塊剪成三小件，再點佢特製既醬汁食。怕油既，可以夾住生菜食。貴嘢姐係貴嘢。一路烤，一路聞到佢既肉香味。一入口，個種肉味真係齒頰留香，好另外，再叫左份燒牛肋骨。廚房已經燒好，店員攞出黎，剪好就食得。雖然無五花腩咁香，但肉嫩且滑，都推介，$88抵食最後，仲叫左個勁勁勁邪惡既芝士炸雞。佢地會先收走個烤盤，再成盤芝士炸雞放上

話說荷里活廣場之前成個大食代無左，裝修完就開左幾間餐廳，終於有機會上試下喇🙌🏽等左大半個鐘頭，就入到去。我地兩個人食，一坐低個staff就好好幫我地落單，只不過有好多野飲都無晒，試唔到！不過就叫左好多野食！個玉子好好食 牛都係 係個pizza個個唔太吸引！下次再黎再試其他野先😍價錢唔叫太貴 最正係可以燒埋蛋又可以加芝士同泡菜 食韓燒最重要既野都有！環境唔叫好大 但至在佢個個爐都有得吸走d油煙唔會太大陣味！所以坐得好舒服

今晚同個仔去咗荷里活廣場行街，見到三樓開咗間食烤肉嘅熨烤達人店，剛好又有啲肚仔餓，就入去一試！入到店內服務人員好仔細推介店內有咩好食，因個仔唔食牛，我哋叫咗個濟州黑毛豬豬頸肉，芝士炸雞，浪漫薯角！叫好食品之後，店內就提供餐前小食，係可以食完再叫，免費的！個泡菜係韓國直接入囗，果然零舍不同！好味！個蘿蔔條好爽口，正上完小食，服務員就幫我哋加蛋將係爐邊，我就再加芝士同粟米啦，個豬頸肉好薄身，咬落口好爽，夾埋生菜一起食，係爽爽爽！主角上場啦，芝士炸雞，好多芝士呀，加埋個忌廉醬，炸雞底還有蕃茄蓉，中和番，食落冇咁漏！一路等啲芝士溶解時，個浪漫薯角都上枱啦，好脆口，啖啖薯仔肉，正！芝士溶解好啦，服務員會講解點食法，我哋急不及待自己動手，件雞比芝士包圍，起司呀，要用剪刀剪開先可以分離到，食落口好有芝士味，好好味，而且件雞又不油膩，十個正呀！叫咗一杯蜜瓜梳打，一杯蘋果蜂蜜綠茶，中和番食咗咁多煎炸食物，剛好！

炭燒五花肉飯🥘 $68五花肉烤得唔錯😍夠厚身唔會韌 仲有啲咬口😁個份量都幾大下 五花肉都有五六舊 食完都好飽😋個飯就稍為少左啲汁 不過五花肉已經用辣醬黎烤 所以都幾入味 個人就認為辣左啲😅一個lunch set加$10 有杯野飲同紅豆雪條🍦😝另外餐廳佈置好特別 又有ironman captain america😂下次有機會去試下夜晚黎韓燒 真係用熨斗架😂

近日韓風盛行，一於放工同朋友食烤肉，把酒談天説地一樂也。位於鑽石山地鐵站上面荷里活廣場有一間食韓國烤肉。一入去就比個熨斗型鐵板所吸引，原來要食厚嘅牛扒或豬皮兩面受熱之用。未order 已經有四款前菜，仲有爐邊蛋，有芝士及粟米可以落爐邊蛋。爐邊蛋剛熟，入面有芝士粟米有拉絲效果，好美味，食完再refill,朋友仔話酸蘿蔔非常美味，爽中有酸甜，仲有可以解油脂功效。佢地泡菜係韓國直送，比較正中特級雪花牛（$180）油脂平均分佈全塊牛肉，色凙分明，見到知道靚牛肉。佢用網燒烤，牛肉不會燒濃曬，牛肉油脂燒到剛好，七成熟，好美味,本来有雜菜夾肉一齊食，因為牛肉好靚，我覺得每件燒熱食更好。燒牛肋骨（$88）佢用鐵鑊鏟上碟，幾有趣呀，牛肋骨燒汁醬料嘢味，好快就KO全碟，真的好不錯呀。😍流心墨魚球($98)這個值得推介，愛食炸野不能錯過。人手鮮打墨魚，非常爽口，仲有粒粒墨魚粒。佢吸精位置剪開入面車打芝士蟹子，點住食非常happy,不過自己食曬好邪惡，要開心share。🤗朋友驚不夠飽，叫了紫菜卷。好有童年媽媽包比我食的風味，好足料。題外話，我同朋友好怕甜甜飲品，但食燒烤冇理由唔飲。我們問侍應邊個不太甜？他們介

見鑽石山新開咗間熨烤達人放左工落去試下環境唔錯 可以同朋友傾吓計濟州黑毛豬五花腩⭕啲肉好新鮮 見得到係黑色豬⭕有職員幫手燒 唔怕唔識燒⭕五花腩脂肪分佈好均勻 有油脂 唔會太乾❌有多啲調味料更好 淡味得濟肩胛肉⭕切得薄 一燒好快熟 唔洗等⭕好juicy 點少少汁食加埋生菜 正❌份量有啲少👉👈 同個女朋友兩人食都ok 但如果同兄弟食 唔夠金仔炸雞飯 ⭕雞肉炸得好 炸粉唔會太厚⭕雞肉嫩口 外脆內軟 正⭕個石頭鍋唔會overheat 所以啲飯蕉剛剛好 抵讚 食緊燒肉 放低咗個飯冇食 10分鐘後食飯啲飯熱度到啱啱好Cider special 藍莓⭕大杯❌太甜整體嚟講都唔錯 環境坐得幾舒服價錢同食物環境成正比 推介兩三知己相聚嘅時候食 服務態度好                        

滑完水出嚟等睇戲。。。當然要食啲飽肚嘅嘢啦! 朋友推介喺這個商場的韓烤，平日是非常之多人等的。所以我們就即管去碰一碰運氣，我們只等了十分鐘就能入座，因已過晚市時間。 好吸引人注意的Mr. Iron!Menu可選擇的食物種類也非常之多，有基本的牛肉、豬肉、雞肉、海鮮等等，還有不同的小吃、頭盤和主菜隨便挑也有七、八樣食物想點望到都流口水而店員的服務也非常貼心，告訴我們三人要吃掉七、八樣食物於一小時內係唔夠時間，也不能享受食物，推介我們先食一些，其他就下次再試，所以我會再去下次。這個外似燙斗的東西有什麼用？原來係咁用，把日本黑豚肉的皮壓住，把油份迫出來令外皮更香脆非常邪惡的芝士脆雞(HKD 168)溶咗又軟綿綿嘅芝士，包住香滑嘅脆雞；內脆外軟，真是非常美味店員推介，用鐵鏟代碟，有創意。牛仔骨也非常入味，不用加調味。當晚店員還告訴我們憑當日戲票，可免費 贈送韓國啤酒或芒果乳酪冰沙。為 熱辣辣的韓烤帶來涼快的感覺有好多款特飲，下次再試

又一個無飯的晚上～ 父母親大人話前兩日經過荷里活 有一間韓燒好想食 老人家開到聲 做女既一定奉陪的。老人家印象中只有漢陽苑個類型既任食韓燒 覺得熨烤達人好新潮。爐邊既烤蛋 佢地已經驚奇左好一陣子。蛋的配料有芝士 粟米 蛋漿頗香。配菜有泡菜 我們仲試下加左d落去 又幾夾喎。無限添食的前菜 有酸蘿蔔 青瓜 泡菜 大豆芽。媽媽話酸蘿蔔好正 爽脆又夠味～ 我就最鐘意泡菜 微辣 又脆口。爸爸一見到隔離枱食五花腩 已經二話不說落單。爸爸話要親自操刀試燒 在店員的指導下都有模有樣 五花肉質不錯 冇醃過更好 唔怕太咸～ 肥的部分不會太多 女生如我都覺得可以喔～ 豬皮要燒得夠香脆 然後有薄薄肥膏 配埋泡菜一齊食 都幾惹味～媽媽好懶 主張叫多點已燒食物 哈哈～ 燒牛肋骨我覺得必試。好香口 牛肋骨肉質幾軟熟 醬汁係靈魂 甜甜辣辣 好開胃！水牛城雞翼～ 另類煮法。有點像烤焗雞翼 幾juicy 唔會太熱氣。雞翼幾入味 都不錯！一人部隊鍋 頗豐富。靈魂我絕對覺得係公仔麵 呢個公仔麵好彈牙 唔會過熟。湯底的辣度適中 配料不少得有腸仔 午餐肉 年糕 腐皮 大蔥等等。一人食實在太飽 好彩我們三個人share~捧住個大肚

荷里活近來大翻新 開多了好幾間食店。睇完戲就當然順路搵食。被門口的大公仔吸引 見到有韓燒 而且唔係任食 岩曬我呢d夜晚食唔多既女生 一於試下～ 好彩6點仲未多人 食食下出面已經排長龍。前菜有4款 脆青瓜 酸蘿蔔 泡菜 大豆芽。最鐘意酸蘿蔔 脆口開胃 和烤肉一齊食 perfect!熨斗扭紋五花肉 必試～ 有兩種 貴d既係濟州黑毛豬。我揀左經濟版 已經覺得水準不錯。店員服務好好 幫我們燒五花肉 女生至愛動口不動手。五花肉好大舊 兩個人食 實在太多。 燒得好有投巧 先燒皮 皮變得香脆再燒肉 工序幾繁複。但好好味 皮好香脆 然後薄薄一層肥膏 再有一層肉。肉質幾香 唔會太硬。配上秘製醬汁 酸酸地 唔會膩。另外再點了蔬菜拼盤～ 菠蘿超甜又多汁 必吃! 雞脾菇 鮮冬菇 翠玉瓜 茄子 都係好新鮮 可惜我掌握得一般 燒得有點乾 特別是茄子。菇類都OK 燒得幾juicy~服務不錯 環境又幾好 順帶一提有個窩心位 就是只要有USB線 就可以义電～

另1半有時去鑽石山返工，試過呢間幾好味嘅韓國嘢，於是搵咗呢晚嚟試一試佢！一睇餐牌，原本都諗住當韓燒食，不過侍應哥哥好服務，一埋嚟就推薦有咩好食，佢話肉呢當然要試啦！不過更加要試個炸雞！OK~咁就嚟一個炸雞、一個牛肩肉，同埋一個燒牛肋啦！(變咗食肉獸XD) 炸雞上之前，侍應哥哥先幫我哋整咗個蛋先~蛋漿加入芝士、粟米，都OK呀味道~煮到咁上下，炸雞就出現！呢到嘅炸雞都係要放上個爐到燒架，因為啲炸雞瞓哂喺粒粒芝士上面，要燒燒佢、溶咗撈上雞件上面再食！無錯，又係侍應哥哥出場，佢示範咗一次點整先！用夾將啲雞喺溶咗嘅芝士上面轉幾圈，沾夠芝士之後就用較剪剪走啲拉絲，咁就一舊完成！雞肉好嫩，一啲都無炸過龍，而且都幾脆口！熱辣辣好好味！佢啲炸粉唔厚，所以咬落感覺都幾清爽。果然無介紹錯！呢到食嘢都有次序，放心，侍應哥哥係會幫手嘅！我哋食完雞就到牛肩肉出場，不過侍應哥哥話就咁用個爐燒唔夠好，幫我哋加咗個鐵架上爐先！牛味幾濃，而且係用鹽調味，應該無用其他調味料喇，所以感覺好raw好鮮味，可能唔啱啲食開重度醃製牛肉嘅人，不過我個人就好喜歡呢種原本食材風味！如果真係唔喜歡咁raw點算好？個燒牛肋幫到你！佢嘅韓式燒

荷里活廣場終於開左間韓國烤肉餐廳喇!! 當晚係平日晚8點左右, 經過見到入面已經坐滿哂人, 門口仲有唔少人等位, 似乎呢間餐廳幾受歡迎, 所以我地唔執輸拎籌等位都要一試!呢度除左有主打既烤肉外, 仲有多款免烤韓國熟食提供。雖然入面既九成九食客都係點烤肉, 但朋友話熱氣, 所以最後決定點熟食罷。店內抽煙算係幾好, 唔會煙霧離漫, 而且有好香既燒肉味~ 唔食烤肉, 其實熟食都幾多選擇, order左幾款試試...【自暴自棄速食麵】 HK$78以一架玩具車造型送上速食麵, 造型很受小朋友歡迎。入面放左好邪惡既芝士速食麵、脆皮腸、太陽蛋。呢個為芝士撈麵, 芝士醬幾杰身, 麵質軟硬岩岩好, 芝士味唔算好濃, 但入口好creamy【芝士炸雞】 HK$168當晚最終極邪惡既芝士炸雞終於出場, 店員先開爐, 以鐵剷裝住大量既芝士同埋炸雞, 放上爐面, 之後店員再淋上忌廉, 待鐵剷上既芝士熱溶後, 就將芝士卷起包住炸雞, 拉絲效果極為明顯!!!每件炸雞上更有脆皮沾上, 所以炸雞既脆口度更加高, 厚厚既芝士包住炸雞, 入口先感覺到芝士既軟棉口感, 再食到皮脆內嫩既juicy雞肉, 炸雞被芝士包住, 依然食

今天和女兒去荷里活廣場shopping,買了不少靚衫和日用品，不想回家煑飯了，決定食埋晚餐至返屋企，走上三樓，有多間食店，其中一間門口有多人等位，名叫熨烤達人，望入去應該是食韓國菜，有燒烤設備，其實廣場好多食店都食過，尼間未試過，女兒説入去試一下，看看如何？芝士炸雞：一望就睇到勁多芝士，加熱後，拉絲程度勁勁勁強👍味道當然美味，炸雞外脆內嫩，加上勁多芝士，非常濃郁又惹味！自暴自棄速食麵：用大車載住上枱，小朋友一定喜歡，睇落普通，有腸仔旦和即食麵，原來底部有芝士，撈一撈之後食，又是另一番風味！流心墨魚球：用純正墨魚滑包住芝士炸至金黃色，外層酥脆，剪開墨魚球，香濃的芝士流了出來,彈牙的墨魚球加上濃濃的芝士，令人食不停口😋Golden Dreaming 芒果十橙十乳酪：甜度適中，味道吾錯的解渇飲品！因為早日才食過韓燒放題，所以今天放棄燒烤，改食其他，由女兒點菜，估不到食了邪惡的芝士餐，但味道真的好味！芝士配任何食物都是非常美味可口！