熨烤達人 (已結業)

星期三晚O咗陣T去到dinner時已9點因為屋企住附近嘅緣故其實呢個商場十間我都食過八間咁滯但呢間就冇去過以前呢個位係food court唻環境好playful初頭以為食烤嘅嘢會好煙好焗啦但入去坐得好舒服之餘好清新環境都好乾淨餐牌都一樣咁playful我就揀咗Mr. Iron Man好冰凍好大杯 粒士多啤梨唔係得個樣靚咬落去都好juicy新鮮 偏甜少少 但食辣嘢飲佢就好解辣個麵叫自暴自棄喺我星期三心諗呢個禮拜咁長完得未呀嘅時候食 我覺得好治癒 lol個麵齋望冇咩特別但佢自暴自棄在佢真係好大pat好香嘅芝士仲有隻太陽蛋俾你拮爆佢撈蛋汁食芝士腸同個麵都辣辣地個麵有種好香嘅菇味個辣係啲你食一啖就好食哂成個麵嘅辣明太子 + 黑松露蛋餅相睇得唔清楚但個蛋餅係一層層嘅而且切落去會有蛋汁流出唻蛋呢啲嘢咁易熟都唔知點煮出唻之後就係大大份嘅牛助骨呢個係好微嘅辣 就算唔好辣嘅人都可以試吓食落有少少蜜糖味 上菜嘅時候仲係好熱餐廳成個氣氛都好輕鬆好playful喺一個星期嘅中間食 好cheer up自己

屋企人突然心血來潮話要食韓燒，平時叫極佢都唔肯陪我食，偏偏揀著我飽飽地果日先黎是日7點9黎到熨烤達人，唔洗等位就可以入座店員告知做緊promotion，二人套餐有9折，其餘食品85折，飲品7折可惜我個胃容量有限，黎之前飲左珍珠奶茶，食唔落太多野，所以就放棄左二人套餐否則二人套餐係好抵食，有好多款肉我地點左猩猩沙律，金仔炸雞飯，肩胛肉，調皮豬皮同埋柚子shake米酒先講猩猩沙律，佢係有酥皮加肉粒既餅，生菜，士多啤梨，香蕉藍莓粒，配士多啤梨加藍莓既汁，個汁既味道都幾特別，酸酸咸咸，但食唔到藍莓味再黎金仔炸雞飯個雞炸得幾香口，肉質嫩滑，配芝士汁，屋企人嫌個汁太少，加上有少少蕃茄配菜，帶少少酸味個飯幾好食，等耐少少仲會有飯蕉肩胛肉幾好食，用生菜包住食，生菜係任加既豬皮好正，每片都好厚身個豬皮係店員幫手燒，基本上我只係坐係度等食下面個熨斗係燒豬皮時用既柚子shake米酒味道唔錯，但如果再多d柚子會更好，飲到後面已經無咩柚子味我地既座位靠牆身有提供手機充電，好方便最後賣單連加一$487er...間唔中食一餐貴既都可以既

收加一都沒有問題，見你間餐廳坐得ok舒服，俾多十幾蚊完全冇問題，但係俾錢個時特登俾整數你地找張廿蚊俾我啫，望住你地上一枱收幾張廿蚊紙，你俾我成二十蚊既神沙，冇病呀？係咪收完加一仲想收多幾蚊貼士，食屎啦員工態度又差，個個好似冇糧出咁，唔係話要彬彬有禮，亦都唔係話要你地對住我好笑容，但俾碟泡菜泥唔洗好似派啤牌咁飛埋黎呀未做好食物質素都先要做好員工培訓呀，食你地68蚊連加一仲想收貼士既餐真係後悔死，希望你地反省下個問題

今早在樓上睇完早場之11:00am The Post之後要醫院,唔覺意見到依間嘅外貌裝修幾得意於是入內試吓,見到唔少年輕人(特別係女仔)隨便叫咗兩個餐A餐入口都有點兒辛辣,什錦菜嘅款式唔多;有點寡嘅感覺B餐嘅芝士飯就比較好啲,有拔絲嘅效果。但總體嚟講談唔上美味,依個價錢唔值囉

同韓文班嘅同學去食午餐，當然要食韓式烤肉啦。這家烤肉店嘅門面都幾得意，有個類似superman嘅公仔放係門口，果個就係captain kim｡食店的裝修都很韓風，亦播著韓國男團或女團嘅mv﹐像置身韓國。我地點咗$238的2人餐，包括濟洲豬頸肉、調味牛肋骨、厚切五花腩、翠綠田園❨即係菠蘿、秋葵、茄子各兩件，同埋一d菜❩﹐另有3款泡菜同埋爐邊蛋漿❨配芝士&粟米❩。賣相唔錯啊，與圖片差不多，豬頸肉整到成朵花咁，真係有d唔捨得食。牛肋骨係預先醃製，味道ok｡講到五花腩，係我嘅飛佛，因為烤過嘅肥膏真係特別香。而主角亦係送上五花腩不久後出場…主角就係…一個熨斗!! 鄰坐有一對韓國夫婦看到都O晒咀。話說呢個熨斗係用嚟壓住d肉，等佢烤得均勻d﹐不過，我就覺得係用嚟影相呃like多d｡總括呢間烤肉正常，服務唔錯，影相呃like都可以。其實個餐仲有甜品架，不過掛住影相、傾計，最後唔記得叫，好似話係雪條嚟嘅。

平時假日都好鐘意渣車去荷里活食野睇埋戲，因為成日有好多泊車優惠好方便，韓風又勁，當然要食下韓燒啦。勁細心，原來有得幫手機充電。頭盤，芽菜好爽口，泡菜辣度岩岩好，夾埋肉一齊食，岩岩好。食燒肉最岩飲咁大杯野飲。薯角，即炸，芝士又夠濃味，超級岩我呢d鐘意食煎炸野既人。拉到超長。牛肉味又夠濃，又夠牛味，最緊要夾埋生菜一齊食。絕配。五花腩，韓燒必食，賣相好好成朵花咁。食落都好好味，肥瘦岩岩好，油花味好重。食左咁多肉都食番d鮮甜海鮮同又香又滑既蛋做番個結尾。

今日同2個朋友去咗食熨烤達人，之前一直想試呢間嘅烤肉，以為今日終於食到，點知朋友們都太懶，唔想自己燒。所以就隨便叫咗個金仔炸雞飯，燒牛肋骨同埋黑松露明太子蛋卷，3個人share。首先講個飯，佢會配送d佢個汁係溝稀咗嘅千島醬，然後嗰個店員建議我地如果想d雞脆d，可以先取出雞再淋汁，然後我地就試試個雞，但個雞非常普通，完全唔似韓式炸雞嘅口感，而且個粉比較厚，不是特別值得推介但係個燒牛肋骨就唔同喇，都幾好食，好重牛味，食落仲有少少辣，就算唔食得辣嘅人都可以接收到，同埋口感唔會太硬。黑松露明太子蛋卷不錯，一切開有蛋漿流出，入面都幾多芝士，要趁熱食，如果唔係會凝固，表面好多明太子同黑松露，幾好食。叫咗草莓梳打同埋荔枝梳打 超大杯 可以2 人share 一杯都得 佢應該係草莓同荔枝味嘅沙冰+雪碧下次都係想試試呢度嘅烤肉，好似比較正宗。

lunch time ，諗住行入去試下平時都成日食韓燒，所以想叫下d新野食調味豬皮，見特別就叫下，但有d失望唔覺有咩味道，店員一開始幫我地燒，但燒到燶燶地 ，d苦味出晒黎特選雪花牛 （$180）擺碟求其，本身肉已經唔多，下面個層肉仲只係突少少出黎，銀盤有勁多空位，顯得有d小氣。咁多塊入面，第一塊明顯係瘀血色，仲要放喺面，唔知話佢老實好 定求其好燒完，一入口，就覺得後悔，又鞋又韌，呢個價錢完全唔值，建議大家叫返普通牛，畢竟無期望，就唔會有失望。另外叫埋個沙律，for影相唔錯，但味道就好一般 叫咗杯cider,好大杯， 2個人可以share一齊飲另外爐邊煎蛋，比其他韓燒餐廳淡泡菜好快食晒，想問店員有無得fill, 佢話要叫三款或以上既燒肉，講真我已經覺得自己中咗2次伏，妄想用泡菜誘我中多次! 不過都依然覺得間餐廳小氣，畢竟泡菜值幾錢， total 一個lunch 兩個人食咗四百幾蚊，但連一碟泡菜都唔肯比多總括而言， 絕對唔會再去食。

Made an account just to post this review. We decided to try this place out as it is the only restaurant within the mall that offers Korean food. Seeing as the price on the menu was a bit pricey for the portion sizes, we decided to only order one item to test it out. The Korean fried chicken with cheese was dreadful, the cheese surrounding the chicken consisted of mainly heavy cream with a tiny portion of shredded cheese. The fried chicken was bland and not crispy at all. In between the chicken a

兩公婆行街行到肚仔餓，見e間有位就入去試試，一人揀一款，就揀左左兩個set lunch「金仔雞飯」同「炆牛肋肉」，個炸雞外脆內軟，十分入味，d飯仲有d飯焦，真係好香噴噴同野味，至於個炆牛肋肉不得不提，坊間都試過唔小，十間九間都偏甜嘅，惟獨這間沒有偏甜，味道恰到好處，配菜d紅、白蘿蔔也入味非常美中不足係個泡菜不太好味，甜品有杧果、咖啡雪條兩款，咖啡雪條十分香濃，一定要試！飲品方便餐廳係免費任飲的。整體而言，我哋十分滿意e餐午飯侍應們也十分有禮，有問必答細心講解及推介！

今日下午要和同事2個去牛池灣開會, 原本打算係彩虹站附近搵地方食個Lunch, 不過同事話果邊食店唔多, 最後我地決定搭多一個站去鑽石山食。😁我地12點到荷里活廣場, 好多食店都係剛剛開, 我地係3樓見到呢間韓式燒肉店熨烤達人, 見佢午市Lunch Set價錢唔貴, $40至$100左右, 裝修又幾特別, 就入去試下。熨烤達人裝修以美國隊長打扮嘅金先生為主題, 餐廳無間斷播放K Pop嘅Mtv, 座位寬闊, 環境唔錯。Luncb Set分2款, 精選同商務, 我地揀左2款商務午市套餐, 雖然價錢比精選貴d, 不過可以無限添飲同任食乳酪雪條。😋同事加左$12點左1枝韓國Cider, 佢話味道好普通, 不過我覺得個樽幾靚。😆我就飲凍檸茶, 味道正常, 唔太甜, 飲完都添飲左1杯。我揀嘅燒牛肋骨份量都幾多, 肉質都幾軟腍, 調味微甜同微辣, 味道都唔錯。👍同事揀嘅石鍋韓牛粒飯, 牛肉都唔錯, 肉質鬆軟多汁, 肉味濃, 可惜個飯底太腍而且醬汁高多, 所以就算石鍋上都唔香口。😔乳酪雪條任食, 有3款口味, 我地只係每人食左1款已經飽到食唔落, 埋單每人$110, 性價比都唔錯。

成日行荷里活廣場見到哩間野都好想試試，但每次都因為食飽左先去行街，所以一直冇機會，今次終於可以完成我個心願啦😂😂當我滿心歡喜行入餐廳，坐低睇menu 既時候我就開始後悔了😑😑因為睇完成本menu 都睇唔到有咩好食既，所以穩穩陣陣叫左個紫菜包飯，不過味道都係一般，我食左一舊就停手啦😑😑哩杯....我已經唔記得佢叫咩啦，不過味道還好芝士燉飯（辣），佢係咁寫既～但係既有芝士味又冇辣味，我淨係食到好「淋」既飯，我傷心......野食已經一般般，服務更加一般般，坐左幾個字，都冇人俾樽水我地，舉手叫人都冇人理，淨係掛住執檯，重點係佢執檯都識得放支水俾果張冇人坐既檯，有人坐果張就不聞不問，好野😤😤

有一次經過見到有這間店, 被佢既大公仔吸引覺得好得意...原來係韓國燒烤仲有個好似熨斗既野壓住D肉去燒...所以上二星期就忍不住來試下...這個商場食店好多, 但真係間間都要等位, 所以我地都提早食個晚飯免得排隊之苦, 估唔到我地6:15PM 到達都已經滿座..用餐時間無記錯係得90分鐘.如果唔想食燒烤, 佢地都有好多熟食選擇.佢地既熟食都好似好吸引咁.不過我一心一意就係想燒烤, 所以2個人就叫左個五花腩, 雪花牛同一盤什菜.點完野就有個小姐來倒D蛋汁係個爐, 跟住就話粟米同芝士可以放落蛋汁內...另外仲有4款配菜同一份生菜供應再來就送上大大份既五花腩, 小姐就會幫我地用個熨斗壓住塊肉去烤啦...跟住再反轉再燒D肉時, 小姐就連個熨斗都收埋...我基本上都無得自己去玩個熨斗..@@講番D食物先...我同友人最喜歡都係五花腩. 肥瘦分明再包埋生菜同D配菜一起食真係好滋味呀...反之雪花牛就較遜色, 雪花唔算多啦有D仲有筋位麻麻地,不過2份肉份量十足, 我地都係好吃力先可以清晒D食物.我地覺得最唔好食就係個烤蛋呀..味道好怪.另外這裡服務都唔錯, 仲會主動問要唔要加配菜都唔錯...整體上食

特色熨斗烤肉！多款前菜提供同爐邊蛋--加粟米芝士，嫩蛋好味！試了肩胛肉--厚切，香濃牛味，鮮嫩，唔會韌！流沙特大墨魚球-- 富口感，超級彈口，本人覺得太鹹太濃味～

係苛李活睇9點戲，6點黎到搵野食，行左陣最後決定食韓烤。坐位幾闊，而且無油煙味好耐無食韓烤韓牛，食過幾間，呢到質素都唔錯！嘿嘿爐邊蛋正啊，有芝屎，有栗米，好鍾意食，因為可以自己睇住幾成熟就即刻食。另外，仲有幾款韓小菜，芽菜，青瓜，泡菜，嘿嘿叫左個雪花牛，因為有油脂，口感極正，肉汁豐富又小小溶化，牛味重！嘿嘿呢個極大既帆立貝好新鮮！落埋牛油真係無敵！調味豬頸肉，黎到是一小碟，但卷成咁攤返開都算多，調製味道不錯，鍾意燒豬頸肉，因為夠爽彈！嘿嘿呢到好多食物都有芝士，岩哂我口味，呢個薯角佈滿雙重芝士，外脆內軟，味道很不錯，拉芝，嘿嘿呢個搞怪公仔既咀巴竟然是ＵＳＢ叉電，哈哈哈