熨烤達人 (已結業)

晚上和媽媽來鑽石山逛街，走到以前Food court位置，已經換成了幾間新店鋪。熨烤人就是其中一間了，媽媽吃韓國食物的癮又發作，便拉了我進去。在烤肉店不吃烤肉，看似很奇怪，但其實是因爲太晚的關係所以不想吃烤肉了。散點了些食物。燒牛肋骨 $88這個是我廷喜歡吃的！燒得剛好，醬汁亦夠，很惹味！本來上桌時幾大塊肉，店員會小心翼翼切成小塊，很甜心。肉質偏稔，薄薄一片，不會太厚韌。金仔炸雞飯 $98整體味道偏淡，要靠附碟的芝士汁來調味。炸雞肉質夠嫩，個人認為炸粉多了點。至於飯，粒粒分明，略為不夠醬汁。江南UFO $78看圖片樣子似乎不錯的芝士豬肉薄餅。嗯，相對上感覺偏乾而且不太夠味，如果有些醬汁沾一下會較好。下次再試一試烤肉，感覺上應該會較熟食好。

有朋自遠方來，當然要搵一間特別啲既餐廳喇~BOOK咗枱，喺電話度已經講明只有2個鐘，而一行6人安排咗置有2個烤爐既枱，餐廳有烤肉同熟食選擇~門口、場身同擺設都有好多佢既嘜頭，都幾得意嘅~醬烤的確惹味!6個人SHARE嚟食都OK~雪花牛~好嫩滑肉質非常唔錯，讚呀!牛肩肉~肉味夠，但相比起雪花牛，就無咁令人回味喇~烤盤圍住都有坑可以落蛋漿，當中可以加任何韓式前菜，如豆芽、芝士、粟米、青瓜......等等(重點係可以無限REFILL，高膽固醇既人士當然要留意返食量喇~)食烤肉當然要有生菜可以包住食喇~(都係無限REFILL的)一來可以無咁膩二來可以食返多啲纖維，心理上平衡返啲喇~其實佢有蒜片提供，不過要主動問先會比，有需要既就主動啲問喇~呢個拌飯真係好攪笑，佢有雪糕筒同紫菜比您盛住已拌均勻飯，佢有提供手套，唔需要擔心衛生問題，個飯拌完之後好似壽司飯咁既味，包紫菜當然夾喇~而用雪糕筒都意外地夾，好好笑，影相都影咗一大餐!一個個小波波成形喇~朋友點了飲品，睇樣都幾靚呀~由於第一次光顧，都要店員解釋一餐，但佢地都好NICE，呢個服務態度真令人感到舒適~

去左荷里活商場睇完戲，搵下食先，見到呢間幾特別，又好耐冇食韓燒就食下。呢間叫Mr. Iron，原來都有吾少分店，我都係第一次嚟食，點左吾少野食，有d都幾正，好似流心墨魚球，自暴自棄速食麵，外形上碟已經好型好特別，而且味道惹味，好吸引。另外黑毛豬都好好食，佢係濟州直送架，脂肪比例平均，入口肉質爽口，而且燒得岩岩好，一點都吾老，好食好食。飲品都幾多選擇，食左熱氣嘅燒肉，緊係飲返杯涼爽野先夠爽，我點了芒果橙乳酪，大大杯，入面好似沙冰咁，好涼爽，又吾會太甜，幾岩我口味。服務都一流，店員全程會幫我地燒，真係等食，而且價錢合理，氣氛又好，同朋友會再嚟。

之前見過食店comment 不錯，就約家人一齊試下。好彩有得book 位，5大2小不用呆等。星期日晚 book 檯有2個時段 : 6pm or 8pm。我book 6pm，限時2小時要交檯。當晚我地5點9到達，得好少人。但到6點半就 full house。檯與檯距離ok，油煙比想像中少 (我好怕韓燒後全身勁大味)。之前睇過食評知道有咩推介，所以我都好快落柯打，然後食前菜。前菜、蛋漿、包肉生菜全部可以 refill。員工勤快又有禮，真抵讚!!!!我 order 咗。。。。(1) 1份2人set 肉盤 : 有牛有豬。牛有3款，係雪花牛、牛胛肉、小牛粒。豬有1嚿黑毛豚肉、2塊豬皮(2) 1份雪花牛(3) 1份牛胛肉(4) 1份燒牛肋骨 : 係熟食，幾大塊，味道幾好(5) 1份流心芝士墨魚球 : 我覺得似巨型蟹籽包心丸豚肉同豬皮要用熨斗壓燒，員工會出手幫忙。味道呢。。。當然係韓國好味d，我覺得佢既豚肉有少少實及5夠 juicy。豬皮我要脆d，所以就會有d 燒焦，咁膠質就無乜了。。。。。牛肉就自己動手燒，雪花牛真係正!!!! 小牛粒就一般。牛胛肉還可以~~個個都食到捧住肚子走，埋單都係1

夏日炎炎 好想燒嘢食但又怕熱最好就係去商場行下 歎下冷氣個人對荷里活廣場有情意結除咗係長大流連嘅地方 亦因為佢有長達三小時嘅泊車優惠時代變遷 Food Court已經唔見咗取而代之嘅就係呢間咁有特色嘅韓國燒烤店【 熨烤達人】依家熨烤達人玩味十足用咗貌似呀Bob嘅captain Kim 做代言人店舖裏面貼有大量「金生」嘅Poster可以睇出其自戀嘅個性餐廳裏面用咗鐵欄作為枱與枱之間的間隔 相當搞鬼而且抽風系統尚算不俗 唔會出現煙霧瀰漫嘅感覺講下呢度嘅食物侍應首先會將蛋漿放入火爐側邊嘅槽再隨個人喜好加入芝士同粟米火嘅熱力慢慢將蛋煎熟雞蛋配拉絲嘅芝士 簡單又美味食韓燒又點少得前菜呢今次就可以試到四款前菜《泡菜》夠曬爽脆 酸酸辣辣 零舍開胃《涼拌大豆芽》 麻油味香濃 既無草青味 清新爽甜《漬白蘿蔔 》 味道酸中帶甜 用嚟夾肉類一齊食 最適合不過《 涼拌茄子》 茄子吸收咗醬油嘅香甜 令人百吃不厭 一再encore喺未燒之前叫咗一客《燒牛肋骨》$88醫一醫肚呢碟燒牛肋骨簡直係身為牛魔皇嘅我大愛之選牛肋骨大大塊 而且肥瘦適中用咗韓國嘅辣椒膏同醬油去醃製食落辣得過癮 亦食得出韓國牛肋骨嘅嗰種果香而且仲

一坐低嗌完嘢食之後，就會好似入咗 pit 咁樣有幾個人一齊招呼你。一個同你倒蛋漿。一個拎嚟兩碟蛋嘅配料，係粟米同埋芝士。一個拎嚟四碟嘅前菜，分別係矮瓜，酸蘿蔔，大豆芽同埋韓國泡菜，其中矮瓜真係做得十分之出色，煮得夠哂腍得嚟又夠入味，而白色嘅酸蘿蔔就係我嘅第二最愛，用嚟作為啲肉肉之間嘅間場就最正嘞。仲有一個就拎住呢一籃新鮮嘅生菜過嚟，每一塊生菜嘅邊皮都搵唔到歲月嘅痕跡，用嚟夾住啲肉一齊食，個口感就會清新好多，無咁油膩架。Golden dreaming 呢個特飲係芒果加橙加乳酪嘅混合體， 清甜得嚟帶有少少乳酪嘅味道，用嚟配襯熨烤啱哂。靚仔嘅餐廳經理向我哋推介嘅呢一個燒牛肋骨熟食，佢果然無介紹錯到，啲牛肋骨燒得香濃得嚟仲帶有少少韓式餐廳一貫嘅甜味，店員仲會即席幫你剪開一舊舊，果然係美味不求人。調味雞翼，餐廳細心咁樣將雞翼剪成兩邊，掄骨嘅時候就方便咗好多，雞翼亦都醃得非常之入味，件頭亦都比起出面食到嘅更加大隻。流心墨魚球，落單嘅時候店員已經提醒咗呢個墨魚球係即叫即整，要等30分鐘，千呼萬喚卒之等到佢嚟啦，攞個較剪剪開佢嘅時候，耳仔邊經已傳來鬆脆嘅咯咯聲，跟住裏面大量嘅芝士流心就會流出嚟，多到幾

鑽石山嗰度睇戲，所以順便食埋野，依間熨烤達人一到食飯時間就好多人，出面啲人都係咁排隊。好彩我哋等咗大概20分鐘就到我哋間鋪頭入邊係幾整齊，空間都好似幾夠睇到呢個公仔覺得好搞笑黑松露明太子蛋捲$78呢個蛋卷係好吸引，裏面有好多芝士，我個人呢就比較鍾意食明太子，黑松露呢始終唔係太食得慣。猩星沙律$78呢個沙律係幾得意嘅，嗰啲係焗酥皮, 有啲士多啤梨香蕉，加埋啲沙拉汁，食得多其他沙律可以試吓呢個嘅，不過不失啦！金仔炸雞飯$78呢個飯啊影相一流，食落去嘅感覺都唔差，如果可以多一啲汁就好啦，因為呢就太少汁識落有少少乾。申利：個人比較喜歡食多汁燒牛肋骨$88呢個係超級推介架，因為真係燒得好好食，果然係人哋燒係好食啲。

韓風呢幾年都好hit，食得炸雞多，今次食韓式燒肉，呢間熨烤達人幾吾錯。一坐底，好快俾前菜你食住先，係任加架，有泡菜，芽菜，仲有粟米，芝士俾你加落爐邊蛋食又得，點了吾少肉類，食肉獸嘅我滿心期待，上左碟仲吾洗自己燒，好正坐係度等食，點左有燒牛肋骨，特級雪花牛，黑毛豬等等，平時喜歡食牛嘅我，覺得今次黑毛豬先係最正，佢切得較厚，連左豬皮，不過一點都不覺得肥，而且仲非常爽口彈牙，仲吾會乾燒得岩岩好好好味丫，順帶一提，佢上碟嘅造型好搞笑，隻碟成條龍咁，隻眼又突出嚟，好搞笑。飲品點了cider special藍莓，係倒插汽水沙冰嚟，好正，大大杯，好涼爽，又幾型，影相呃like一流丫，吾錯嘅一間餐廳。

今日去左鑽石山，見到有Mr iron.原來呢度都開左分店，太開心啦，拉埋朋友去食。可能算早，吾洗等好耐就有得入去食啦，環境一樣好型格嘅，韓味十足，坐底點左吾少正野，傾住計準備等食。好正有專人幫我地燒埋，真正等食丫，要推介黑毛豬，好正丫，濟洲直送嚟架，肉質好岩用燒，好爽口，又有保留肉質，吾會太乾，當然可能人地燒比較尊業，燒得好好食。另外仲點了調味豬皮，先75元大大碟，份量都好多，燒得好彈牙丫，好有咬口，幾好味。另外流心墨魚球都好特別，入面加左芝士，芝士控實喜歡，外脆肉流心，多重口感，味道吾錯。前菜同鍋邊蛋係任食架，食左幾round蛋，店員都好nice 咁又會主動嚟問我地仲要吾要蛋，所以食左幾round蛋都吾覺得吾好意思，哈哈，可以架芝士落去整，仲好食，正丫。服務同食物都好正，環境氣氛吸引，搞幾個朋友一齊食下燒下幾過引，推介。

同朋友到鑽石山睇戲，一直久聞呢間韓燒的大名，今日終於可以一試啦！結果果然沒有令我失望呢～首先，當然要試下烤肉啦！今次選了「肩胛肉」（$120）和「特級雪花牛」（$180），份量十分足料，前者口感煙韌，後者肉質十分鮮嫰多汁，啖啖肉都像在口中融化似的，真的吃得非常滿足！另外，還叫了一個「巨卵鰻魚飯」（$188），一來到就讓我們十分驚喜！因為好大份！鰻魚非常大條，而且味道鮮甜，配上嫰滑的滑蛋，真的十分美味！我們甚至多加了一碗飯，把整個鰻魚吃光光呀～菜品方面，我們叫了「燒牛肋骨」（$88），味道濃郁，甜甜的好開胃，軟硬適中，難怪店員大力推薦啦！飲品上，我叫了杯「蜜瓜蘇打」（$43），清爽香甜，蜜瓜味道甜度適中，蘇打的氣泡十分爽口，配上韓燒一流！整體而言，不論是店員或是店主都十分好人，好仔細為我們講解如何烤出好味道的肉，而且食物有質素，環境幾舒適，下次來鑽石山行街睇戲，一定會再黎食！

今日同朋友到鑽石山睇戲，所以在荷里活廣場揾食，見熨烤達人好似幾吸引，就毫不猶豫入左去。店員安排我地坐梳化位，好闊落，張檯好大，同朋友嘅距離遠到我幾乎聽唔到佢講乜，哈哈！例牌有前菜同爐邊蛋。爐邊蛋可加粟米和芝士，非常滋味！平時食韓燒會食淨好多蛋漿，但今次我地係食晒所有蛋漿架！肩胛肉$120切得略為厚身，牛味香濃，牛癡不能錯過啊！店家仲好親切地教我地烤肉的技巧，提醒我地不要在爐面上反來反去，否則牛肉會變韌。特級雪花牛$180一碟十片，件件佈滿雪花油脂，口感軟綿綿，油脂豐盈，充滿肉香，果然一分錢 一分貨！燒牛肋骨＄88熱食方面最欣賞呢個燒牛肋骨，非常軟腍、香口，味道偏甜，好夠味，份量也不少，店員仲會幫我地cut開，方便我地享用。巨卵鰻魚飯＄188店家推薦的，真係冇介紹錯。鰻魚大條到令人譁然嘅程度，肥美可口。下面仲有雞蛋同白飯，飽肚又美味之選呢。Banana Chocolate Smoothie $58朱古力味重，唔係好覺有香蕉味，非常冰凍，唔錯。朋友的Golden Dreaming $48賣相很美，是芒果+ 橙+ 乳酪。韓式燒烤試過很多，熨烤達人都算係用心的一家，不但食物有質素，而且服務態度

今日鑽石山荷里活廣場探朋友取東西順便食飯，友人想食韓國菜選擇了熨烤達人，漫畫風裝修，門口有個超人肥佬的物體幾搞笑，入去發現好有心思，抽風非常細心，唔怕沾染燒烤味道，店員非常親切有禮送上前菜之餘，同時講解怎樣使用燙版以及食物介紹，不久更將蛋漿淋係燒烤爐外圍，然後可再按個人喜好加上粟米粒，芝士粒，泡菜等等，估唔到連side dish 都好食。其實我係一啲肥肉都唔食，人生第一次食扭紋五花肉，首先多謝我嘅朋友仔，心驚膽戰夾了第一塊，豬肉同脂肪黃金比例恰當，肉質香且爽口，肥胖部位經過熨燒有咬口幾彈牙不覺得肥膩。經過今次之後對肥肉有所改觀🤣朋友真識食👉🏻調味豬皮又是我的第一次，豬皮燒到金黃微脆，一咬肉汁四射，意想不到的口感及味道，真的很香口！豬皮啲油爆聲聲好嚇人，店員看到便好細心幫我地剪開豬皮同熨壓，真係值得一讚👍🏻👍🏻👍🏻調味雞翼雞翼開邊相對快熟，雞翼少辣預先㛪制非常入味，不需加任何醬汁，肉質好嫩滑，好容易就撕開，推介之一。strawberry Calpis soda顏色吸引，草莓味清新，一啖燒肉一啖汽水，有助消除油膩感。萬分驚喜燒肉入味唔錯，食物新鮮，店鋪環境裝飾充滿活力韓風，店員服務態度一流

今次係我第一次嚟到呢間鋪頭度食韓燒，我之前一直都聽過係用熨斗咁嘅樣嘅工具來壓着夠豬肉，今次終於來試吓啦！不過唔好彩嘅係因為今日係星期六，我哋七點鐘嚟到，拎飛到等位入去居然用咗差唔多兩個鐘頭有多而且佢叫d號碼忽然會叫好快，一跳就會跳幾個號碼走，所以如果一過咗號碼嘅話呢，就要等多一張，咁樣一等就等多三個字⋯今日第一次來食總共等左兩個半鐘，差唔多九點鐘先入到去， 10點半佢就關店啦～但係我覺得荷里活廣場韓國野冇咩選擇，所以呢一間呢都值得試吓嘅。太肚餓啦，第一時間呢就點咗個餐。一邊嘅料有下面呢幾款價錢好似就係四百幾蚊左右啦，實際已經唔記得咗啦！個人覺得個豬腩肉呢個份量係多嘅～燒左起身嘅時候呢，已經睇到好多舊㗎啦！另外左下角嗰兩舊呢就係燒豬皮不過大家要記住豬皮要最後先燒，因為佢啲油呢會彈到周圍都係！我覺得套餐啦一定係抵過單點～所以呢如果我想一次食晒好多種類嘅話呢，可以試吓呢一個套餐，就可以一次過食晒所有差唔多到佢鋪頭有嘅肉。而且套餐嘅五花肉呢， 佢同單點嗰個扭紋嘅五花肉呢係有啲唔同嘅，一黎冇咁厚身（感覺上）第一次燒，先燒個五花肉，呢度好嘅呢就係佢嘅職員會幫你燒嘅，咁你就可以唔使自己笑呢舊咁大舊嘅

都市人生活繁忙，離不開行街，睇戲，食飯。集三個願望於一齊的最佳地點莫過於各式大型商場。荷里活廣場就是我其中一個熱門地點。貪其交通方便，正正是地鐡上蓋，地牢有多層停車場，而且有消費免費泊車。不論乘搭公共交通還是自駕前往，都非常方便。商場各層都有不同美食，中國、日本、越南、法國……世界各國的餐廳都名列在此，最後還是被Mr.IRON吸引過來，餐廳門口就見金先生拿住熨斗，威武地站立，成為餐廳的立體標誌，相信吸引不少食客的目光，今晚我就是其中之一，與Mr.IRON合照後，入到餐廳，只見餐廳內裝潢簡單明潔，燈光明亮，坐位非常整齊清潔，感覺舒服。餐廳提供燒烤或熟食兩種，翻查一下餐牌發現熟食也選擇多多，於是決定今餐以熟食為主。很快，第一道餸就隆重的登場，震撼的畫面，成駕大貨車咁開上枱，食物就裝在車後，還未開始食，剛是場面已經贏晒。貨車盛載的正是韓國拉麵為主，還加上芝士、芝士腸、煎蛋、和沙律菜等，芝士麵的芝士味道適中，麵有少許辣味，兩種味道混合非常好味。聽餐廳負責人推介說這是「招牌菜」，當然不可不試試，燒好的牛肋骨，外表很juicing，晶瑩透亮，侍應細心地將牛肋骨剪成各小塊，令其變得容易入口，燈光下的

牛肉同豬皮唔錯，舖頭gimmick個燙斗壓住豬皮係易燒好多個炸雞serve既時候係換左你個烤盤擺系爐上面 本身以為係得芝士系底但係有d謎之番茄碎(?) 唔多夾 然後雞肉裡面感覺仲有少少粉嫩想食炸雞都係去翻各大炸雞店喇下次⋯⋯