熨烤達人 (已結業)

中學時期經常流連既荷里活廣場，近日有機會重回故地，原來美食廣場已經變成3間獨立食店。今次先食呢間韓燒，一落完單店員就上小菜，有泡菜，醃蘿蔔，醬油茄子，大豆芽，同埋爐邊蛋用既粟米同芝士，小菜味道很不錯，很開胃，全部可以無限添加，爐邊加入蛋漿之後就開爐!!! 叫左1客曾經在濟州島品嘗過的濟州島黑毛豬五花腩，$280，店員用熨斗壓住燒，令肉燒得平均，快速燒好4邊鎖住肉汁，再煎開細片慢烤，落秘制醬油汁燒過更香，肉質爽滑，油香十足，令人懷念濟州島既回憶。用生菜包住肉同泡菜，真係百吃不厭。再來1個自暴自棄拉面，用芝士辣粉撈韓式拉面，加太陽蛋同韓國腸仔，很滋味，係邪惡既代表作，不過叔不怕。烤牛仔骨，肉質爽嫩，用甜醬油醃過，餸生菜包的另一個好選擇。爐邊蛋燒好了，這裡的爐邊蛋糟比較深，所以燒的時間會比較耐，但效果卻是更加好，厚度令蛋不易過火，更加滑更似布丁狀，加芝士最合叔口味。芝士炸雞都要用爐燒，店員加入牛奶，令芝士慢慢溶化，每一塊都沾滿芝士，可以拉起長長既絲，脆脆炸雞加濃濃芝士，呢一餐真是非常邪惡。埋單每人大約250蚊，店員服務非常好，不過要吃的話要早1點，大約7點半開始有等位的人群，下次係呢區都可

男侍應態度一般，原本想叫水牛城雞翼，侍應拒絕幫我地落單，佢嘅原因係嗰個水牛城雞翼太細隻只有手指尾咁大姐，因為去想我哋叫一個更貴嘅雞翼，最後我哋冇叫到雞翼，我哋叫咗個蛋捲飯，個塊蛋膠過橡筋， 從未試過咁難食。我地仲叫左個燒牛肋骨， 唔熱既唔好食。此外 最期待的韓燒旁邊的蛋漿個半鐘頭都唔熟， 侍應跟我地說： 可以食了！ 但其實都未熟 仍然都係蛋漿！都埋單既時候， 我地問侍應， 點解蛋咁耐仲未熟？佢就話： 因為我地換左個韓燒板所以唔傳熱。 我心諗 你唔出年先講。去食碗魚蛋粉都無咁嬲！ 無下次！ 完！

最近做嘢都好忙，隔咗兩個星期先同男朋友仔可以去撐枱腳，咁就去鑽石山睇完場戲之後就去咗之前都見過Facebook 有宣傳過嘅，用熨斗燙肉，有得玩又有得食，真係急不及待‼️😎等位嘅時候喺門口又好大隻Iron Man嘅公仔可以同佢影吓相😂 Menu都用佢哋做主題，幾吸睛👀睇得出佢裝修都好細緻，而且抽風系統都做得好好，食完之後都唔會有太大嘅油煙味👍🏻一坐低嘅時候侍應已經俾咗一啲前菜我哋，其中茄子同埋醃蘿蔔係最好味，茄子醃得好淋同埋蘿蔔都酸酸甜甜好開胃🤤講下我叫咗d咩先😃首先叫咗個佢哋招牌嘅五花腩、芝士炸雞同一杯荔枝特飲落完菜之後個侍應會幫我地加蛋漿，佢提示我哋可以加粟米同埋芝士落去，食落去嘅口感會更加好同埋味道會更加豐富，但同時唔可以燒太耐，如果唔係蛋就會變得好老，咁我哋食嘅時候啲蛋燒到就嚟熟曬嘅時候食口感好滑😍😍好好味我哋食啲蛋嘅同時，店員都有幫我地去燒個件好肥美嘅五花腩，同事亦有話比我哋知點燒，因為怕我哋自己會燒唔熟，個熨斗可以拎來壓着啲肉鎖住啲肉汁，之後我仲用生菜包住啲肉加上泡菜同埋少少辣嘅汁，完全無咗嗰種油膩嘅感覺❤❤💕另外我哋order嘅芝士炸雞都係呢度嘅招牌菜，店員等啲芝士溶晒之後再

荷里活商場好似改頭換面咁 😂多咗好多新餐廳之前都有聽過熨烤達人估唔到會開分店嚟鑽石山餐廳都有吉祥物 😂 好cute有個小朋友以為係美國隊長前菜可以 refill呢度嘅泡菜辣得嚟帶點甜係我鍾意嘅口味 😍醃蘿蔔好爽口清甜～茄子比較少有，都好好食可以自助加配料落爐邊蛋度另一邊加咗泡菜～芝士～連爐邊蛋都有得拉絲，哈哈呢一邊我哋就加咗栗米，自制咗好足料嘅爐邊蛋 😋 除咗韓牛，濟洲嘅黑毛豬都好出名主角（😂？）熨斗登場喇下面係濟洲黑毛豬五花腩 🐷先講講個熨斗啦，原本我以為係 gimmick 用嚟港女打卡啦 😂點知用嚟烤肉真係好用㗎喎放個熨斗上去輕輕責住啲肉可以燒得均勻啲，仲可以快啲有得食 🤤呢度嘅黑毛豬係成嚿咁上㗎，貨真價實燒到咁上下先自己再剪開佢～好怕有啲地方切好哂比你，唔知點樣砌碟肉比你咁（隔一陣店員會將專點黑毛豬嘅醬汁放喺爐中間話等個汁可以暖暖地，仲體貼過我男朋友 😂）一嚿黑毛豬有齊豬皮、少少脂肪同腩肉肉味比起普通豬肉濃郁好多每一啖都充滿骨膠原，超級無敵正 👍🏻👍🏻👍🏻我之前試過韓燒燒豬皮，會燒到捲起哂好似食膠咁 😂呢度有個熨斗易燒好多，原來真係有用㗎 😂自暴自棄公仔麵個名同個 present

同朋友睇完話劇之後, 過黎荷里活廣場覓食喇。荷里活都幾多餐廳選擇, 朋友同我都睇中左熨烤達人, 佢喺旺角開嘅時候已經心思思想試架喇。估唔到今日有緣千里能相聚, 甘都可以喺鑽石山見到, 點可以唔食呀!!!! 唔食對唔住自己呀。門口就有大大隻嘅金隊長喇!! 一路食飯一路都見金隊長吸引好多小朋友要同佢影相, 相當受歡迎呀。隊長手拎嘅係呢度秘密武器, 陣時先講呀。周圍都佈滿金隊長嘅畫像, 幾得意。裝修少少工業風, 枱設計得唔錯同甜心, 有一層可以放手機同紙巾, 甘就唔會燒烤時彈油整污糟電話。有呢個濟洲豬套餐可以叫, 餐廳仲提供好多唔同嘢食, 例如石鍋伴飯, 麵同沙律等...熨烤達人都有爐邊蛋可以食, 問左可以免費refill架, 而且可以加芝士, 粟米同泡菜落啲蛋度。味道都唔錯架。前菜有茄子, 泡菜, 醃蘿蔔同豆芽, 每樣都唔錯, 泡菜係甜辣甜辣嗰款。前菜都係免費refill。自暴自棄麵, 個名真係盞鬼。其實係韓國公仔麵, 點解叫自暴自棄, 我諗應該係想減肥嘅人食左會停唔到口。個麵真係唔錯, 煮到啱啱好, 芝士味勁濃, 仲有少少辣味, 仲有膠仔仲配料添。上菜時有架車裝住, 好型! 期待以久嘅濟

竟然搵金仔扮佢對家隊長都諗得出，睇黎呢度都好希望天下太平，所以我都黎支持世界和平😝一行二人黎到呢度，因為新開既問係，入面都幾新淨，好快有得入座。個熨斗好搞笑，之前食開既韓燒都無呢樣野，如果係好大肉上熨，係咪會有呢個樣呢？韓燒一開始當然有多種唔同配菜俾你開胃，可按口味放唔同配菜落蛋漿一齊食，而我比較喜歡用泡菜同粟米。😃呢個茄子都幾好味，凍凍地，唔太咸食韓燒點可以無凍飲？而係呢杯Golden Dreaming係最深印象，賣相都好吸引！有芒果、橙加乳酪，原來三者可以甘夾咁好味。三款酸味既材料加埋一齊一的都唔覺酸，喜歡乳酪既朋友記得要試下。近期都試過好多韓式炸雞，所以都想試下呢度既炸雞飯，雞肉份量都唔少，而佢外皮炸到好脆口兼且有雞肉味，唯一個醬汁有的唔同，味道比較適中，如果有得選擇酸辣個款會更加喜歡。😁如果唔怕食生肉，可試下半熟牛，建議連洋蔥一齊食增加爽口，而肉質比起熟左既肉口感都唔同，肉汁都多的。👍呢度裝潢同食物都有別於傳統韓燒，但話明烤肉達人點可以唔試烤肉呢，我地點左豬頸肉，“葉”左，好爽口。建議食烤肉方法:為減少成口都有烤肉本身油脂太多既感覺可放上生菜面包起一齊放入口。仲叫左其他燒肉，唔

餐廳嘅前菜好豐富，而且仲係無限refill燒爐嘅旁邊可以注入蛋漿，而配菜就有泡菜、青瓜、矮瓜、芝士、豆芽同埋粟米當中粟米同埋芝士可以加入蛋漿到 當中最好食嘅前菜，我就覺得係豆芽同埋青瓜，兩樣都卜卜脆味道唔會過咸，係醒胃嘅小菜 另外佢仲會有生菜畀你包燒肉，同前菜一樣都係無限refill 黎食韓燒，又有咩可能會唔食牛㗎特級雪花牛 價錢都算中上，講真有D肉痛架不過一睇脂肪同牛肉嘅比例， 真係好似雪花咁均勻，果然一分錢一分貨牛肉燒好後，唔會見到脂肪，但就食出油脂嘅香味配上生菜同醬汁，油膩感已經完全減退燒牛肋骨 燒牛肋骨係另一超級推介嘅菜式!!!燒得非常之香，醬汁非常之惹味上枱時係一大塊，比較難進食但店員會再幫你剪開佢，而且仲提醒我哋小心熱牛肋骨近骨位既肉，永遠都係最好食嘅 一開頭已經畀人搶先攻陷，成碟都清得勁快

新年既時候，成日都要陪屋企人見親戚，有老有嫩，食咩有時真係一大困難。今次就同咗親戚同佢既小朋友食韓餐。小朋友未入到餐廳就已經俾門口既iron man 公仔吸引，要我幫佢影相~餐廳同其他韓式餐廳一樣會提供唔同種類既前菜，有白菜泡菜、芽菜、蘿蔔、粟米、青瓜、茄子，種類比較多，食完仲可以添！泡菜、粟米同芝士仲可以加落啲蛋漿度，一齊食！泡菜唔會好辣，但都好夠味上燒牛肋骨既時候，店員會好貼心咁幫我地用剪細塊啲，方便進食。牛肋骨好入味，醬汁偏甜，表面燒到岩岩好，唔會有𤓓味，肉質結實。特級雪花牛可以配合生菜同各種泡菜包住泥食，雪花牛脂肪比例分佈平均。燒牛既時候，店員仲特意幫我地換上，網狀既燒烤網，相當體貼。飲品方面，我就叫咗一杯蜜瓜梳打，飲之前記得要搞均杯底既糖漿先好飲呀。綠色既顏色比人一種小清新既感覺，略為偏甜。

食得豪，新年新氣象M5肉眼扒特別京貴，成塊大大塊牛扒，未焼已見到脂肪和肉分佈十分均秦，一看就知道好牛！燒的過程有趣，食肉眼我喜歡放在生菜內一起吃，吸一吸油份，食得比較健康。外生菜清翠，內牛味十足，入口林身，易咬易食，好味！成塊切開比食一片片牛肉片更有牛味更有口感！叫在同餐廳名一樣的飲品Mr Iron Man， 這個又有芒果又有乳酪味，好鮮好清！又叫左芒果沙冰，幾好飲，好大杯，清甜芒果和橙味令舌頭降溫，再戰其他美食！五花肉就好靚，五層肉和脂肪分佈，入囗又有回甘又有豬肉香，好惹味。四周蛋就整老左少少，好似蛋塊，咬到其他配料更豐富，芝士令味道更濃！撈起撈起，原來韓式料理亦有類似，呢個大園手攪飯，撈起撈起好意頭，撈埋不同食物，口味好多層次，咬落有d脆脆口的，好特別！新年豪食，大飽口福！

年初四 約了一班朋友去吃飯聚舊🍚由於新正頭難有位，所以預先book定。📞餐廳職員係約定時間前20分鐘打電話☎️給我們告知現有位子，說可以安排入座。可惜有朋友未到達，所以我們說只能安已預約的時間準時到達。殊不知按時間到達餐廳時，職員告知我們的枱已給了另一位客人，然後說我們需要多等20分鐘。我們很不滿意安排，職員便告知我們應預約多幾間不同的餐廳，選擇而不是只預約他們的餐廳，預約了也不是一定按時有位子，態度甚為差劣。但當時我們也沒有選擇，到處也是食客滿盈，最終只能繼續等。入坐後叫了2人燒肉、芝士飯、sushi! 前菜的茄子味道最好！其他食物未見突出。燒肉（食物）時有一個熨斗放在食物上，突顯餐廳特色。完成燒食物時，但沒有器皿放該熨斗，感覺很狼狽。總括而然，不會再次幫襯，食物不突出！多個職員態度很差！劣劣劣

今日同朋友去荷里活廣場一間新開嘅韓國餐廳食lunch...系叫第二輪野食嘅時候，我地指住個餐牌，點左相上面嘅"燒"牛肋骨同其餘兩樣野食，個後生侍應無用紙同筆落單，又唔覆單...好，咁三樣野你應該記得...ok過左陣個經理攞左鍋"炆"牛肋骨，我地話，無落過呢樣，我地系要"燒"牛肋骨，根住個經理就不斷搵究竟邊個落單....最後個後生侍應出左黎，已經feel到佢態度麻麻地，出黎唔系同我地講唔好意思，仲要話我地叫哂兩樣，要"炆"牛肋骨，又要"燒"牛肋骨，個下佢嘅態度真系差到我忍唔住爆佢！我：我地落單嘅時候已經指個幅"燒"牛肋骨嘅相，你自己唔寫紙落單，仲要走出黎話我叫左兩樣？你無野呀？唔好意思都唔講，七個人一致口供話無叫過......之後其實個經理都唔系好好嘅態度，話：得啦，得啦(厭煩嘅態度)我地都系想知邊個落錯單啫!幫你取消返個order....其實我真系好少爆waiter，因為我覺得大家都系打份工啫，但系個位店員，咁樣走出黎，唔講唔好意思都算啦，仲要用不忿嘅態度去話我地落左double order，我真心嬲！呢間餐廳🙅🏻唔使諗🙅🏻罷去🙅🏻罷食

新年團拜，今年去左食韓燒，大人小朋友也十分喜愛先來的五花肉，好大舊肥豬肉，燒左唔知點呢？成舊肥豬肉，用鐵壓板壓力住燒，好特別，原來咁會焼得平衡d，再剪細食，意外地好味，食不到太多油，也不太油膩，入口甘香肉軟，實在不錯再燒的豬頸肉又是另一味道，薄薄的豬頸肉燒得外脆肉汁十足，不會太乾也不會不夠火喉，肉咬入林而軟軟的燒燒海鮮係第一次，成隻八瓜魚冰住，再放在鐵板下燒，八爪魚切開，八爪魚的爪燒得好脆身，咬落刃刃的，不會太硬，八爪魚身就食落林好多，又另一種口感，整體好有鮮味，也好juicy, 八爪魚又是我另一個favorite 了芒果乳酪好冰涼，沙冰入口好濃郁的芒果味，帶有淡淡的乳酪香，清甜降火，食韓燒好夾呀

見到M5肉眼扒，口水流流估不到係鑽石山可以食到M5牛扒，實在令人太興奮了肉眼好大份，厚厚的，用冰保持溫度放在鉄板上，嘩，炸炸炸，好多油香炸出來用Mr Iron man個熨板，壓一壓令火力更平均一片片牛扒肉質又林又軟，不用太熟，不然過火了燒出來的肉眼不但不乾身，仲好juicy,牛味十足，好好味呀食返個大園手攪飯，大碗飯撈撈撈，愈撈愈有，好有新年氣氛飯撈左沙律醬，加埋脆米，其他材料，吞拿魚、蛋，蟹子、青瓜，十分色彩，十分豐富可以包紫菜，又可以用cone 食，好得意呀飲左杯Mr Iron Man，降溫解渴，好香芒果，草莓味，又不會太甜，好冰涼清新

朋友坐完月放監 話要食韓燒 佢唔食牛 韓燒仲有咩好食啫～ 但佢咁內冇放肆過 點都要捨命陪君子吧～ 佢住星河明居 好彩搵到荷里活廣場新開左間韓燒 唔洗佢去到咁遠。7:00去到 等左15分鐘左右就有枱 環境唔算大油煙 又唔會太迫 岩曬新任媽媽暢所欲言 哈哈。望住餐牌既牛肉 我流曬口水 可惜我們只可以點雞翼 韓國午餐肉 扭紋五花肉 嗚～～～無期望的情況下 先來熨斗五花肉呢個驚喜！好大舊 我都嚇一嚇 兩個人點食得曬～一大舊𠝹左花紋 放上去 用個熨斗壓住黎燒 中途店員會不停過黎觀察住狀況 燒完真是好香口 皮脆 肉又幾彈牙 無論視覺效果 味道或者份量都不俗呢～韓式午餐肉 食到火腿肉粒 厚厚地 燒到金黃色 脆脆地～ 包生菜食正呀。調味雞翼～ 原來辣辣地 好入味 韓風feel! 單骨 方便燒又易熟。好鐘意前菜既酸蘿蔔 醬油茄子 好開胃 而且不停refill~圍住烤爐既焗蛋 有芝士 粟米 可以加落去 慢熱完食落口 脆脆地 又香蛋味 好食。兩個人 真是夠曬飽 見到隔離食芝士炸雞 流曬口水 下次叫多點人黎試下😬

今日同朋友行完街見時間仲早，就去左呢間新開嘅韓燒店試下。一入去就見到有個大大嘅figure，應該係呢間店嘅吉祥物。餐廳周圍都有呢個吉祥物嘅poster, 再加上紅藍配色，整體風格一致。雖然店面唔係太大，但枱同枱之間都有足夠空間，坐得幾舒服。👍🏻叫左野食之後，侍應就送上前菜同埋幫我地落蛋漿。同其他韓燒店唔同，呢到唔再係由侍應幫你落泡菜同芝士粟米。而係可以根據自己個人口味自己落。因為呢間嘅泡菜對唔係好食得辣嘅我黎講都算係辣，所以我地就選擇落少啲。如果唔係，我諗我就食唔到泡菜蛋啦。順帶一提，前菜可以無限refill但係蛋漿係冇架。我地豬，牛同海鮮都有叫。侍應會提醒我地要燒左豬同海鮮先，原來係因為燒牛會換網板。由於我地唔係好識處理隻八爪魚，於是叫左侍應黎幫手。佢擺左隻八爪魚落板之後，就用一個熨斗形狀嘅鐵板壓住，令佢受熱平均啲，細心得黎玩味十足。😂到我最期待嘅牛肉，好新鮮同埋雪花分佈均勻，食落唔會好難咬開。而且均得較為厚身，大小適中，有咬口得黎仲可以一啖食曬。除左就咁食之外，仲可以用生菜包住黎食，又係另一番風味。飲品方面，我就叫左芒果橙沙冰。雖然唔係好大杯，但質素的確唔錯。唔會太甜，又有淡淡嘅果