熊本牛鍋 (永勝商業中心)

營業中

休息中

最鍾意就係食任食火鍋，可以瘋狂咁食肉！呢間日式任食火鍋竟然仲可以任食和牛，我諗食三四碟都可以回到本！佢總共有四款套餐可以揀，如果你揀最貴果隻黑毛和牛套餐嘅話咁就和牛，牛小排，牛肩胛，雞肉同埋豚肉都任你食。換言之就係食貴啲果個套餐會包埋任食平啲嗰啲套餐嘅肉，感覺上都會多花款啲，唔係淨係食死一隻肉！佢而家仲有個優惠like facebook之後加$58就可以有海鮮同刺身食！抵食到爆！今次叫咗個鴛鴦鍋，一面係沙嗲另一面係昆布，昆布湯底比較清淡，啱啱好可以中和返沙嗲味！除咗肉類係任食之外，佢同其他嘅火鍋店差唔多，都有唔同嘅蔬菜同埋丸類。估唔到佢個咖喱係咁好味，好香濃，牛肉都好滑！另外佢呢度除咗汽水之外，佢哋仲會有自家製嘅五花茶同夏枯草，完全唔會有飲緊糖水嘅感覺，味道啱啱好，仲會有少少回甘！呢份黑毛和牛睇落就知道超好食，油脂分布平均，呈雪花狀。食落有啲入口即溶嘅感覺，好香肉味！呢個豚肉都好唔錯，肉質幾腍！無論牛肩胛定係牛小排味道都係一流！呢間野啲牛好掂！食完正餐咁梗係要食返d甜品啦！呢個價錢竟然仲有Häagen-Dazs嘅雪糕，超級抵！好可惜過去嗰陣竟然冇士多啤梨味！

山林道出名多嘢食，花多眼亂下，諗左好耐都唔知食咩好，發現好耐無打邊爐，就上黎呢間樓上店，十下十下！識叫一定係叫 日本直送極上a4黑毛和牛套餐，因平時去cow氣cow陣 要成400-500蚊先食到！呢度300蚊有找呀！湯底方面，就叫左出邊好少有嘅木魚昆布湯底同期間限定嘅先龍蝦濃湯！裝修都幾雅致！食物選擇款式多基本上想食嘅都有，例如芝心獅子狗，蝦滑我就最欣賞！仲有自家製嘅涼茶！打完邊爐都唔會覺得熱氣！美國頂級牛小排有肉味，脂肪分布得幾平均！日本直送和牛油脂分布比較多，食過返唔到轉頭！同美國牛比，真係高下立見！平時一田都賣好貴！呢度係任食！叫返4，5 round 回曬本啦！好正係甜品有哈根大師！平時叫兩球都50蚊！我食左4球！回曬本！下次會直接放棄x陣，x角，因為呢度性價比太高呢！

想和女友去打邊爐，看到尖沙咀近佐敦這間牛刷鍋，開店不算長時間，幾乎在OPEN RICE上一致好評，就一於去試下！餐廳設於舊式商業大廈之中，門外裝修並不顯眼，餐廳大廈的入囗實在不易發現；餐廳是樓上鋪，電梯門一開，就看到餐廳了，室內裝修新淨企理，坐位還算有空間感，感覺舒適。日本直送極尚A4黑毛和牛套餐 ($298)選最貴的套餐，就會有齊餐牌上所有的各款牛肉，另外還有多款配料放題任食，今次主要想講豚肉、美國牛肉和和牛。先選湯底，可以選擇兩款湯底。馬來沙嗲風味 番茄薯仔豚骨濃湯湯底本身沒有太多配料，不過很快豚肉就已經送到，可以一試湯底的味道。豚肉雞肉豚肉配合沙嗲湯底，湯底濃，惹味香口，其實不用醬油都夠味，番茄似茄膏味，比較淡味，但是還不錯。雞肉出邊任夾，肉質不俗，配合湯底味道都不錯，不過沒有太大驚喜。嚴選美國牛肩胛這款美國牛脂肪分佈相對較平均，脂肪不算太多，配上十分足料的湯底，牛肉和在火煱中稍稍融化的脂肪，滿布了湯底的精華，用筷子夾把牛肉挾出火煱，再沽上一口打邊爐必備的醬油， 既有牛肉的香味口感，又有濃烈(特別是沙嗲湯) 湯底的味道。美國頂級牛小扒這款美國牛脂肪比例較高，膏的紋理非常清晰，配上

尖沙咀區內一向林立有質素的食肆,包羅街邊小食,至優質中菜,更不用懷疑的來自世界各地一些有名氣的西餐廳,或是地方特色菜;在這各適其式的美食當中,山林道有好幾家以供應高級海鮮為火鍋食材的店子甚有名氣,以致帶動了整體街道湧現了一批不同風格的火鍋店!在此當中,有家叫熊本牛涮鍋的,以限時任食牛涮鍋為主打,好友與我在嚐過後,皆覺得性格比極高!食店採用西餐廳式的座位設計,而且座距之間亦較寬鬆,有柔亮的燈光,充足的冷氣與抽氣,給人的感覺甚舒適!90分鐘的限時火鍋,有多個套餐組合;和好友們商量之後,決定選取鮮龍蝦濃湯及木魚昆布湯底而成的鴛鴦鍋;先說那鮮龍蝦濃湯底,基本上是在西餐廳喝到的龍蝦餐湯的濃度,味既鮮且帶甜,無論用來涮牛肉之類還是海鮮之類都非常合適!而木魚昆布湯則十分清新鮮美,用之來涮食物可突顯其本味!美國牛肩胛,肉質較密集,脂肪相對少,所以肉味較濃,用龍蝦湯底來涮更突顯其本味!美國頂級牛小排的脂肪比例略高一些,用龍蝦湯底涮過後,入口時肉味與綿滑度都並重,相比牛肩胛更討喜一些!而日本A4黑毛和牛的脂肪比例更高,用木魚昆布湯來涮也能突顯其油潤甘美的口感,那種以油份包圍了味蕾的厚重感覺,被木魚昆布湯的

今日去接男朋友放工傻佬話想打邊鑪岩哂我啦，嘜都有得食呀嘛會合埋朋友先行到去山林道見到哩間火鍋店既招牌，寫住話二樓新開張😚😚😚我地就最鐘意試新野，一於走去幫襯先，哩嗰大厦好似新開裝修？lift口好新淨🥰🥰🥰上到二樓好得意，要按門鐘，然後職員會開門我地四個人岩哂啦，嗌哂四種肉類火鍋🍲「黑豚肉」「美國牛胛肩」「美國頂級牛小扒」「極上A4黑毛和牛」四嗰人嘜都可以試下牛同豬係放題形式我地嗌左兩種湯底，加左$20要龍蝦湯底同埋木魚昆布，一款濃味，一款清淡既。然後就可以去夾野食，有「咖哩牛肉」熱食既，仲有飯配埋飯。「牛丸」「墨魚丸」「貢丸」「鮮雞肉」「萵筍」我地試哂四款肉類，一致覺得「極上A4黑毛和牛」係最正，其實其他都好okay🥰因為我地鐘意牛味重啲既，而「極上A4黑毛和牛」真心好重牛味，而且雪花分佈平均現場有嗰職員負責切啲肥牛，好似凍肉舖咁，好新鮮呀加錢既龍蝦🦞湯底堅係重龍蝦味，好似真係有隻龍蝦係湯度最後仲哈根大雪糕🍦不過就無我最愛的士多啤梨

今日去左尖沙咀食打邊爐放題，小店有家的感覺，我們的揀左日本直送極上A4 黑毛和牛套餐 $298，可以任食和牛之外，仲可以食美國頂級牛小排、嚴選美國牛肩胛、豚肉同雞肉。湯底我揀左兩款，泰式冬蔭公湯同和風味噌湯，湯底濃郁，我同朋友各有喜好，可以選鴛鴦鍋就最好不過。另外可以自取蔬菜、丸類、選擇都多質素都好好。牛是新鮮即刨薄片，我最愛美國頂級牛小排，牛味濃而且肉嫰，值得encore 再encore！而和牛就入口即溶。除左任食仲有任飲，飲唔品有驚喜，自家製涼茶唔甜解渴又可清熱氣，推介。最後食杯Haagen Dazs 雪糕好滿足，最愛濃濃的比利時朱古力味同焦糖脆餅。

十萬間熊本野 有熊本放題 熊本燒肉唔知係咪同一個集團不過今次就決定試呢間新開既熊本牛涮鍋晚市90分鍾放題可選2個湯底叫左一個沙嗲 一個蕃茄薯仔豚骨濃湯最後叫左一個牛小排套餐所謂叫牛小排套餐 唔代表你只可以食牛小排仲可以食埋上面2款者係豬牛及牛肩胛而出面亦有飯菜及其他蔬菜類俾你任食仲有雪糕及飲品我覺得牛同豬都好爽口同行有個專做肉廠既都話係靚牛咁所以真心覺得好同埋因為都算小同新店我地一開始唔知個leaflet點order待應都講解得好詳細同埋環境乾淨寧靜下次同朋友幾個傾計 岩唒!

要食到好食同埋有質素嘅牛涮鍋並唔容易，依間位於山林道的熊本牛刷鍋就可以話大件夾抵食，同埋呢度有唔同款式嘅牛肉套餐可以選擇，包括嚴選美國牛肩胛套餐、美國頂級牛小排套餐同日本直送極上A4黑毛和牛套餐。諗起都流晒口水，食到靚野而且價格上面完全唔算貴！尤其是黑毛和牛，入口即溶嘅感覺令我非常難忘。入到你覺得地方好寬敞，四個人亦都唔會坐得好迫夾，佢樓底夠高，食火鍋唔會覺得好焗又熱。出邊有唔同嘅嘢食可以自由選擇，我數過大大話話有大約40款嘅配菜。最令我難忘竟然有日式咖喱炸雞配埋白飯！等緊火鍋滾嘅時候，不妨可以先食一碗飯打底。湯底方面可以自由配搭，每加一款湯底就加$15，我同朋友叫咗蘿蔔豚骨濃湯同埋木魚昆布兩個湯清清地，可以試到牛肉本身嘅味道。醬料喺出面可以自由配搭，我主要都係揀返芫荽蔥同埋辣椒。當然唔少得加埋呢度嘅雞蛋，打埋落啲牛肉，倍感滑溜。

呢間新開嘅牛涮鍋有驚喜！冇諗過喺呢度可以食到咁高質素嘅和牛，同朋友訂左8:00枱，準時到達，準備開動！呢度嘅飲品都係自由可以拿取，令我最有印象嘅係佢哋有自家製嘅涼茶，包括五花茶同埋夏枯草，店員同我地講呢啲係佢哋自己即日煲，唔會有人造色素，同埋好入屋。呢度嘅配料一蘿蘿，最開心可以食到日式滑豆腐，擺喺湯底度加埋昆布一齊食，就係我喺日本食嘅味道！另外有隻沙律芥末丸，食落去嘅時候好有口感，啲餡湧出來，仲有啲蟹籽脆卜卜。烏冬同埋出前一丁出奇地好食，加埋湯底可以食多幾碗。啲牛肉亦都好靚，老闆經營餐廳已有好多年經驗，旗下仲有間西餐廳，所以攞貨係嚴選過，必定有保證。

難得尖沙咀有任食和牛火鍋，即刻約埋朋友試試！湯底分別叫咗龍蝦湯同味噌湯。龍蝦湯鮮味重啲，而味增湯亦唔會太咸。餐廳環境整齊企理有飲品可以任攞亦都有蝦滑、丸類、蔬菜、麵類等任拎，最緊要材料新鮮！特別推介：蝦滑，彈牙新鮮！美國頂級小牛排，肉味香濃，厚度適中，而且口感彈牙，非常美味！日本A4黑毛和牛，肉味最為濃郁，脂肪分布比例均勻，冇得彈！最後甜品，自助任食雪糕，味似haagen dazs最愛綠茶同拖肥雪糕！

這小店剛剛開業數月位置處於尖沙咀山林道因新開關係店名未太顯眼這是一間放題式的火鍋店有四種價錢給客人選擇最貴的日本和牛只要二九八湯底選擇多亦可㨂鴛鴦鍋是次點了和牛放題火鍋湯底則是冬蔭公及木魚昆布昆布湯底很清可吃到材料的原味肉類選擇有牛肩牛小排豚肉等牛肩肉很腍滑牛小排有肉味其餘的火鍋配料可在吧枱自助選取有各種肉丸餃子及蔬菜等我特別喜歡蝦滑彈牙口感甜品是高級哈根大師雪糕值得一提是加五十八元就可加魚生及海鮮今次吃得很滿足開心。以實惠價錢可吃到有質素的食物下次一定再來別要錯過的魚生及海鮮

今日突備節目！有號召力的友人說尖沙咀山林道新開了《熊本牛涮鍋》！日本牛是數一數二，饞咀不能錯過！ 地點位於佐敦E出口地鐵站步行4分鍾! 見到高琉灣轉入令行位就是了 射燈及柔和燈光反射牆上玻璃又幾靚～首次來未知，原來先預訂、分享及讚好了Facebook，加HKD 58 有各4款刺身、海鮮添啊（限量40份）牛肉從雪櫃取出，仍感到有冰粒與肉之間，而且是即叫即刨！ 蕃茄薯仔豚骨加HKD 15 、鮮濃蝦 加 HKD 20 味道香濃，我們也渴了幾口，味覺不錯。 美國牛肩胛套餐 HKD 178 肉質紅色鮮豔脂肪比例少但有重牛肉味又有咬口。 即使最平價錢也沒交行貨！ 👍🏻美國頂級牛小排 HKD 208 另外，還有點了美國牛小排，還要一「住住」放進口內才為滋味。有入口即溶感。 黑毛和牛 HKD 298 這個由日本直送到港，用上盛A4 高級黑毛和牛也不稀場。 高級鹿兒島貨又多雪花。 好滑不鞋口。 除外還有其他配料 - 丸、蔬菜、金菇等等。 而男仕未夠還可以添加 咖哩飯！岩哂食到飽人仕喇！

$298就有A4黑毛和牛任食😎 餐廳出面有好多不同配菜可供選擇，有丸類、有菜類、有飲品等等仲可以食豚肉、牛肩胛、牛小扒 🐮唔同肉類，全部都係任食😬我就覺得牛小扒最好食🤗黑毛和牛咬落去好肥美，勁多油脂分佈，啖啖油香，不過食得唔多，哈哈😄 好快會飽，大胃王就岩喇配菜方面質素普普通通，但還可以接受，呢個價錢可接受😃出面仲有好多唔配菜可供選擇，最好係雪糕有haagen Dazs🍦😛食多幾杯就抵返哂

收工同同事去左山林道主打食牛牛既熊本牛涮鍋任食打邊爐一係唔食 一食當然食到盡啦 我地揀左$298既日本極上A4黑毛和牛套餐 呢個餐除左有A4黑毛和牛 仲可以食齊其他level既牛牛 豚肉同雞肉都可以任點先揀湯底 我地要左日式麵豉湯底同特別d既冬蔭公湯底配料 蔬菜都係自己自助任拎任食對吃貨小妹而言 行多2 round=幫助消化=又可以再食多d飲品方面都有唔少韓國果汁同汽水 另外仲有夏枯草同五花茶飲 打邊爐都唔駛怕熱氣首先試既係牛肩胛肉質比較嫩滑,軟身 同個麵豉湯底好夾牛小排肉味就最濃 亦最有咬口最後當然唔少得主角之中既主角 日本A4和牛和牛片切得比較薄身 但的確係特別滑 雪花均勻 基乎入口即溶叫得牛涮鍋當然主打食牛牛 但唔係最愛食牛既你都唔緊要 豚肉都一樣不俗 有肉味之餘 口感都唔錯另外仲有得任食Haagendazs雪糕 仲要有4隻味揀對於小妹黎講 要食多幾杯回本一d難道都無最後要讚讚服務員姐姐態度殷勤 收碟速度極快同環境都幾舒適

今日同朋友聚餐，佢地book咗呢間日式火鍋，交通都好方便，坐得舒服，果然係同朋友聚餐嘅好地方。佢地有4種價錢嘅牛肉可以選擇，原來叫$298個餐，就可以試晒$298以下嘅牛肉，我覺得非常抵食，所以我地就選擇咗呢個餐。而湯底方面我地就選擇咗龍蝦湯，未打邊爐之前飲咗1啖試試個湯，出奇地鮮味，仲有好濃嘅龍蝦味，唔錯唔錯首先去攞野飲，睇一睇雪櫃有驚喜，除咗有汽水同韓國飲品之外，仲有佢地自家煲嘅涼茶，汽水飲得多，緊係要試吓涼茶啦，飲落就知足料煲，有甘甘地嘅味唔會太甜，好好飲。出面都有好多火鍋配料可以任攞任食，有幾十款，有佢地自家包嘅餃類同墨魚滑，餃類都好新鮮，好爽口，粒粒都好飽滿，出面仲有咖哩飯，都幾別出心裁。另一個驚喜就係佢地全部牛都係即刨，新鮮程度真係一絕，因為我地係叫$298呢個餐，所以4款牛都可以試晒。日本直送極上A4黑毛和牛-好重牛味，入口即溶，以呢個價錢食咁優質嘅牛，性價比非常高美國頂級小牛排-脂肪比均勻，完全唔油膩，呢款都係入口即溶美國牛肩胛-有咬口，唔鞋，喜歡有咬口嘅朋友，一定鍾意豚肉-食落好滑，油花好均勻，完全唔油膩最後緊係食甜品啦，有4款haagen dazs雪糕任食，分別有朱