熊拉麵 (蘇杭街)

營業中

休息中

我媽有時對食材有份執著🤔上星期六命我落上環買溏心皮蛋，就是為了配酸薑😲😲不理三七二十一，順便找吃醫餓肚子！（因為拖兩拖已經是兩點多的下午茶時間了😅）買完皮蛋行前幾個舖位食拉麵，無他既，主要見多食，我又一個人易找到位置吧有點像日本拉麵風格，方框圍著是師傅準備湯拉麵的地方，手法很熟練呢😲餐牌上的拉麵主要有五款，我選擇了黑蒜油的黑熊拉麵。除款色外，拉麵上的配料可自選，連日式义燒都可以選擇角切或切片😲😲不止不止‼️麵質軟韌度、粗幼都由你發板作主，完全是一碗個人化拉麵軟韌適中、幼拉麵少油、切片瘦义燒的黑熊拉麵送上桌😋😋湯汁勁濃郁，未入口已經滿滿蒜香我選擇幼拉麵，筷子一夾起麵身已經知道彈牙，麵身掛滿黑蒜油湯，入口煙韌無鹼水味，跟港式拉麵簡直沒法比叫多份煎餃子，去日本例牌會去食架‼️不明白為何日本的食物質素那麼高，普通便利店買到的小吃都超好味一夾一餃子，一沾醬放入口，一啖美味湧上心頭

今日在上環上堂，左行右行間間鋪頭都滿座，又不想吃快餐薯條漢堡包，天氣漸涼想食碗麵，剛經過熊拉麵，見有少少人排隊，人流多不過出入快，所以都應該夠時間食！真的等不過5分鐘便可以入座，而選擇面類也非常簡單，我只是選擇招牌湯麵，雖然他的麵有粗幼分別，不過有圖文並茂好容易選擇。我和同事分別叫了招牌熊拉麵及白熊拉麵，有辣有唔辣，也可加錢加一些配菜，我們選擇一些香港少見的日本果汁雖然細細罐，但果汁濃度高，吃完拉麵飲少少涼浸浸，非常開心，吃一個麵簡單說20分鐘搞掂快靚正。

一人晚餐，又趕時間，粉麵是我的首選。隨意走進一間拉麵店。坐在Bar枱前，簡單一張點餐紙，選擇不多，很快決定好吃甚麼。坐在Bar枱除了能近距離欣賞師傅煮麵，重要是能親手從師傅手上捧過拉麵，以示尊重桌面放有三款漬物，客人可隨意食用。黑蒜口味是我的不二之選 黑熊拉麵$80 另外追加了一份角切叉燒粒 $29。湯底黑蒜味不算很濃，味道不過不失，勝在配料夠多，足夠我送麵吃有餘不過叉燒稍嫌過瘦，有點"鞋"口。總括來說性價比算不錯，服務員和老闆親切有禮，可以一試。

在天氣漸冷之際，晚上吃一碗拉麵就最好不過。第一次來的時候就點了白熊拉麵。湯底濃郁鮮甜。火炙肥叉燒挺大塊的，燒得挺香，而且肥瘦也均勻。雖然不是非常特別，但還是令人心滿意足的。下次要再加一隻流心蛋試試。

近排真真真係試得太多低水準拉麵，差d令我對拉麵厭惡，偶然都要對自己好d，一蘭同熊拉麵，我覺得係香港區高水準拉麵，而熊拉麵就比較容易等位，所以肚餓的話就唔好去一蘭喇。招牌熊拉麵 $85我今次又係叫返呢個招牌拉麵，因為湯底實在太濃郁太好味喇，真係無乜邊間拉麵鋪可以媲美，原味永遠係我首選，而肉方面，本來想揀角切叉燒粒，可惜賣晒，唯有叫返邪惡既火炙肥叉啦，呢個叉燒超超超好美，又肥又香又滑，有quota既人一定要試，而麵我就揀咗中幼麵普通硬度，口感好好，流心蛋依然好流，I like it！黑熊拉麵 $80好香蒜味，賣相雖然烏卒卒唔討好，但每一口麵都吸盡湯精華，好味到成碗湯比阿sir飲晒，配埋火炙肥叉，簡直無得輸，推介！熊自家製餃子 $38即叫即煎，上枱熱辣辣香噴噴，皮薄餡靚，醬一定要點，係靈魂所在二人共消費：$203 (無須加一)

如果你鐘意又濃又熱湯底嘅拉麵就一定唔好錯過《熊拉麵》喇！今次試左該店皇牌推介-豬骨叉燒湯，真係好滿意，配中度軟硬嘅拉麵就啱晒我胃口，會食到𠽌𠽌聲！最令我享受嘅係佢個湯真係好夠熱，我食到落底果陣仲見到個湯有微煙。大口大口飲晒啲湯之後都唔洗怕口渴，因為店內有冰水比你自己自行添水，好抵Lol。價錢方便都好適中，$85，有質素得黎又唔太貴。另外個自家製煎餃都好夠味！餃子上面嘅葱汁都好有味，同啲餃子係夾，而餃子本身就係外脆內juice果種。

放工經過上環蘇杭街「熊拉麵 」門口高掛的紅燈籠很吸引目光，7pm 已坐滿人，我即刻入去坐底食拉面，見到 menu 只得一大張A3相，應該主打得5-6款拉麵。我寫了在紙上，先來招牌熊拉麵，個人口味我太懶，由廚師推介幫我決定口味，因放工有點累，都不想動腦了。天氣熱，最想飲波子汽水，解熱解渴好夠氣原來口味可選叉燒有3款： 梅頭瘦 /火炙肥/角切粒麵粗度可選1.25/1.5mm麵硬度：硬/普通/軟香味油或健康無油火炙肥叉燒入口真的香滑有豬鮮甜味，麵身剛好，爽口有口感，豬骨湯底香濃好味還有溏心蛋剛熟，打開賣相吸眼，豐富的滑蛋，一啖啖食落，真的很愛吃雞蛋，健康得黎可以吸收優質蛋白質，還有黑木耳，吸了湯的精華很入味，可口好吃，簡直無法形容的開心，食也是一種享受！自家製的餃子，餃子皮薄，入面菜肉料多，肉汁很香，很快便食完一客。

湯底濃郁幾好飲的熊拉麵去開呢頭，就俾間居酒屋外型的餐廳﹣﹣熊拉麵「吸」左入去。在約7點零去到，間舖唔算好大，但閒日都幾FULL，職員都OK有禮貌。我叫咗碗熊拉麵。有一塊梅頭叉燒為主。仲有溏心蛋 、木耳、蔥果類配菜。溏心蛋OK正常。木耳同蔥都幾多，岩晒我地中意食蔥的客人。我最LIKEY係塊梅頭叉燒。小小肥多多腍。。又唔韌。。油脂甘香，但肉質一D都唔會過老同過硬。如果有多塊就好喇XD個湯都香濃，令個麵加分。但覺得麵質麻麻，無驚喜。價錢唔算平，所以如果個麵質再靚D就PERFECT。

最近突然想食拉麵，經朋友介紹，話有一間係上環用熊做特色既拉麵店，由於我對熊情有獨鐘，所以即刻拉埋我好朋友去試下。呢間拉麵店的位置都幾近地鐵站，從地鐵站出嚟走幾分鐘就到，好方便。枱面上有大水壺，好似日本咁可以任倒水，另外，枱面亦都有芽菜等等配料俾食客，岩晒我呢D鍾意食咁濃味的人。點餐紙上面的指示都好清晰，食客可以一步一步跟住指示落單。我點左赤熊拉麵，入面唐心蛋，木耳，仲有大大塊的肥叉燒，叉燒肥而不膩，好似入口即溶的感覺，胃口即時大開。總括黎講，成個用餐感覺不錯，基本上有六種拉麵選擇，如果你好似我咁鐘意食辣既話，我十分推薦食赤熊拉麵，因為呢隻辣好令人上癮，好味到我連湯都唔放過，全部飲晒，最後飲晒D湯既時候會有好大滿足感。

離地鐵不遠的蘇杭街, 日間總是很繁忙, 但黃昏以後, 這街便變得很冷清!  蘇杭街有一間遊客常光顧的點心店,  對面就是熊拉麵, 這天見到點心店排了長長人龍, 便決定試試拉麵店, 麵店亦要排隊, 等了15分鐘便有位。這店的裝修及座椅很像日本的拉麵店, 像是預你吃完即走, 齊人才能入座, 必須留意的是只收現金。麵款亦如一般拉麵店, 值得讚是配菜的價錢很實惠, $10一款, 這次我們都配了蛋和紫菜, 只可惜沒有粟米!枱面放有冰水任飲, 有三款酸菜任食, 我最愛辣芽菜, 有點像韓式前菜, 另一款似雪菜, 也好味!點了魚湯拉麵, 原本已配蛋, 但我愛吃蛋, 加了一隻, 又配了紫菜。  上枱時覺得湯很油膩, 喝一口湯試試, 魚湯的清香味很出, 不似豬骨湯般濃, 很好味呀!朋友來一碗招牌熊拉麵, 眼見濃濃的豬骨白湯, 喝一口, 感覺與剛才的清香魚湯完全不一樣, 豬骨味極濃及有點黏口, 亦帶少許豬骨的腥味, 個人就不太喜歡這麼濃烈的味道。之後再來一客餃子, 比想像中大隻, 豬肉餡料鬆軟多汁, 出奇的好味呀!

回味無窮的日式叉燒突然拉面心癮起，隨意就衝進了一間拉面店。店舖不算大，但應該是新裝的？環境幾新淨。店舖不算大，但應該是新裝，幾乾淨～～～～～～～我點了招牌熊拉面和熊自家製餃子。招牌熊拉面有木耳，日式叉燒，溫泉蛋，等配菜。木耳和蔥都幾多，正。最回味是日式叉燒。半肥瘦的日式叉燒，入口即溶，令我回味無窮。。。湯底幾濃郁，我足足飲了3分份碗湯＝＿＿＝拉麵的面質普通,不過今次塊叉燒補了不少分數。熊自家製餃子幾香幾惹味～～

因為朋友係附近返工，咁啱嗰日想食拉麵，結果佢就提議去呢間食。朋友話多人等，所以我早啲去到拎位。點知12點去到冇人等，正！自己鐘意食黑蒜油，咁我就點黑熊拉麵，另外叫咗個波子汽水。呢度嘅蒜油一般啦，冇咁香，唔難食，不過食一次就夠。塊叉燒都幾好食，不過大塊咗少少，食完有種超級飽嘅感覺。食完麵再整支波子汽水，不知幾正。

熊拉麵很多拉麵老店只會推出經典味道，而這間拉麵小店會經常推出期間限定的拉麵，如果喜歡試新拉麵，記得要留意這間餐廳。餐廳配料有紅薑、辣芽菜和蔥。每款拉麵都有對應圖示第一頁是新出的期間限定麵，而反轉就是一些經典口味的拉麵～特濃芝士蕃茄拉麵🍜🍅 　$92是次只叫了一碗拉麵和一隻秘制溏心蛋。之前從來未吃過蕃茄的拉麵，而本人超愛蕃茄，所以是次放棄了選擇赤熊拉麵，而選擇了這個蕃茄拉麵。湯有很濃郁的蕃茄味道，而且還有些蕃茄肉在內。芝士的份量恰到好處，吃的時候有淡淡的芝味。這個拉麵只可以選擇梅頭瘦叉燒，這肉大大的，咬下去沒有韌的感覺，不過厚多一點會較好吃。溏心蛋吃下去真的很治癒！！(*´∇｀*)

難得一日同女朋友同一日放假，我地緊係周圍搵好野食啦，今日我地嘅晚餐就揀左食拉麵，而呢一間拉麵就位於上環，環境都幾整潔，服務員嘅質素高，有禮貌令到我地食得好滿足！今次我就揀左店長推薦嘅招牌熊拉麵。我嗰碗招牌熊拉麵材料好豐富。湯底非常濃郁，麵上面大大塊薄切嘅叉燒，加埋上面嘅配料木耳芽菜同埋糖心蛋，簡直係超正。叉燒嫩唔韌，我揀咗中幼麵，唔會好粗身。環境方面，整體上都非常之整潔，入嚟之前佢哋已經擺好晒位，有晒餐具係枱面，枱上面有紙巾，枱底仲有攬比客人擺袋，好貼心。餐廳空間感都好大， 有兩張大枱同吧枱，都坐到20個人嫁！佢哋嘅落單方式係客人喺張紙圈出想食嘅野，自己服務員嘅態度都非常好，招呼周到之餘，我哋食完坐喺度傾左好耐計，佢哋都冇黑面。餐廳仲會定期推出限定口味嘅拉麵，我去嗰時就推出左特濃蕃茄芝士拉麵，可惜我唔太鍾意芝士，所以就冇試到。好期待佢下次推出嘅限定口味！

​ 剛好在上環附近見客戶，工作完已黃昏時段， 肚子有點餓，走著走著瞬間被大大的紅色日本燈籠吸引了， 一試之下就發現了這間值得推介的「熊」拉麵！ 店內裝修跟日本的拉麵店風格相同，令我很掛念在日本的日子。 開放式廚房連著吧枱，可以欣賞整個煮拉麵的過程，一目了然， 吧枱下有儲物籃，讓女士們放手袋，十分細心。 廚房乾淨企理，傳出陣陣香味，令我的飢餓感大增百倍 餐廳是自助式，枱上放有玻璃杯和一大壺冰水，自己招呼自己； 枱上亦放有三種醃菜，紅薑酸中帶辣，十分開胃，作為前菜就最好不過😝 點餐紙設計細心，可以選擇麵的軟硬度，叉燒都有三種選擇😍😍 ，可選擇梅頭瘦叉燒、火炙肥叉燒或角切叉燒粒， 健康主義的我就選擇了梅頭瘦叉燒 既然是招牌菜當然要試一下，就點了一個招牌熊拉麵！ 先嚐一口濃厚奶白色豬骨湯底，湯底是用了大量豬骨淆製多個小時而成， 濃郁而不油膩，跟坊間只有咸味的湯底截然不同； 麵底選了普通軟硬度中幼麵，麵質爽口彈牙，口感十足， 配上濃濃的湯底簡直是絕配🤤🤤 梅頭瘦叉燒，又大又厚身， 雖然是用了叉燒最瘦的部分，但梅頭是豬肉最嫩的部位， 肉質鮮嫩而不肥膩，想起又份外回味😋😋 拉麵還配有