熊屋．刺身．料亭 (已結業)

同屋企人一共三個人食咗700幾係抵既。係屋企附近好似都出名，所以我地就冒名而來。一人前既份量大約120蚊，有13舊係抵食既。餐牌提供幾個set有分2/3/4人份量，價錢合理。我地叫咗個北海道唔知咩壽司set（第一張圖），有海膽壽司同蟹膏壽司我覺得好抵，不過質素普遍就唔可以驚艷我啦，只可以講性價比高，新鮮就爭啲，好味又爭啲。部分壽司係元氣咁既質素既。刺身都性價比高既，圖中好似係二百幾，唔係好記得。仲有個明太子手羽，可以唔洗叫，冇乜特別，但都唔差，釀咗明太子入去，建議份量可以多一至兩隻？隔離芝麻雞翼好似吸引啲...環境真係唔問人夜晚都搵唔到，個男仔樓面好細個，得佢一個做咁，都理解既，間嘢唔係好大，態度都好好，佢就辛苦啲。