煮打菜打冷小菜館 (已結業)

我食呢間多過5次以上，我一向都覺得大廚炒嘅小菜同肉餅都好好食，肉餅仲幾乎係我每次叫的其中一道菜。我大部分時間都係中午食，中午食一道菜+一碟飯（都大碟），再加湯或飲品，大概45蚊左右。晚市就差唔多9x幾蚊，識食當然食午餐😂小菜有鑊氣，肉餅就即叫即蒸，無論邊款肉餅都相當彈牙有口感。今次叫生炒骨好味，但略嫌洋蔥太生。但水吧方面，最近轉左位女士做水吧，出奇地飲品幾濃，呢次飲阿華田凍飲。之前水吧係淡而無味 ，所以我個人鍾意飲湯。湯每次都好足料味道唔錯，唔算味精湯。服務方面，每次等位其實都快，5至10分鐘，但如果一枱人就記得預約留位（應該有呢個服務）。衛生方面，一般未至太差，正常出面食肆咁，地下有少許污糟，但接受到。

身為一個潮州人，時不時都要去下食打令回味一下家鄉嘅感覺，今次就去到筲箕灣試吓依間傳統嘅潮州嘢煮打菜☺️先來一個滷水拼盤，個滷水汁做得好出色配埋落啲料到真係好好味，魷魚索晒滷水汁嘅精華在點埋啲酸辣汁食落就更開胃，講到滷水拼盤最鍾意就係食豆腐，豆腐多數擺喺底完全係吸晒成道菜嘅精華真係好好味呀，上網睇依度嘅銀魚爆牙肉餅好出名，所以叫左碟黎試下，滿滿的銀魚乾鋪左係肉餅嘅面頭，成道菜都充滿着魚嘅香味，真係超吸引，肉質超煙韌，攞黎送飯一流啊仲有依個密椒吊燒骨，食落去甜甜地，汁應該經過一段長時間煮製，所以排骨超級入味，排骨多肉小骨，食完真係好滿足架其他餸菜都超級好味架，值得一試

朋友介紹呢間好有家的味道既餐廳，今次同幾位好朋友聚會就黎左！魚湯海味浸菜心用奶白色既魚湯加上冬菇條、蝦米等，提升左成個菜既鮮甜味！另外，菜心好鮮嫩，而且煮到啱啱好，唔會好淋更加唔會流失咗菜心本身既清甜味。潮式拼盤是一道簡單的家常小菜，依個拼盤可以話一應俱全，入面包含唔同種類既小菜 ，有齊潮式打冷會出現既野，有大腸，紅腸，滷水鵝，墨魚片同滷水蛋等，分量十足，每款都滷得好入味，墨魚片好爽脆帶鮮味，鍾意食潮州打冷的你一定唔可以錯過!美極香蔥魚雲，魚雲好香脆，每件都包左一層薄薄既粉再炸，魚雲好滑，魚肉好嫩，好容易咬開，加上美極提高魚既鮮味，連啲蔥都好好食！銀魚爆牙肉餅，用點心蒸籠上，夠哂特式。但食既時候要小心，唔好食埋塊荷葉😹豉油同肉餅好夾，肉餅好入味，個豉油汁好正！唔會覺得好咸，送飯食一流！而且個肉餅夠彈力，唔會好淋，食落去啖啖肉，唔會唔知自己食緊咩肉👍🏽銀魚又炸到脆卜卜，兩樣一齊食夠哂口感！總括而言，佢地既菜色味道十分美味！絕值得一試！！！

今日難得同爸爸媽媽一齊行山，行完大家都好攰！唔想媽咪咁辛苦，所以都係請佢地去煮打食飯，順便偷下師。一早訂定位，但到咗都要等一陣。門口處張貼左店家嘅威水史同食物推介，好吸引！10多分鐘後有位，老爸肚餓關係，入座後馬上入單，食物都好快上嚟。第一樣就係啫啫芥蘭煲熱辣辣上檯，主角芥蘭翠綠新鮮😍芥蘭飛咗水，炒完好爽口，唔會韌👍🏻仲有好多肉碎、蝦乾、紅椒碎，用煲仔上特別香濃惹味！嚟到又點可以唔叫爆牙肉餅～我地叫咗銀魚籠仔上，肉餅上鋪滿左銀魚仔，芫茜加添左清香味！每一啖都好爽口彈牙！阿媽話好難得係保留咗肉汁嘅香味！叫咗個楊州炒飯😍配料有蝦仁、叉燒、蛋同芥蘭梗切粒。整個炒飯乾爽夠鑊氣，鮮蝦嘅爽，蛋、叉燒嘅香，令到個飯好好味！最後仲有粟米班塊，其實食到最後都有啲飽～仲要好大碟😂！份量超足😂！外皮炸到嫩黃色，外皮香脆魚肉嫩滑。粟米茨汁甜甜地，又唔會太稀👍🏻最後食唔晒仲打包咗返屋企食，食過返尋味😛

聽就聽得多，但次次都無叫過嚟食，因為都幾大舊。今次終於一試呢個肉餅，口感好軟。。食落口有溶化既感覺，但肉入面又有d粒粒既野，咬落好似軟骨甘，好細粒、脆脆地甘，幾得意既。肉餅上面放左隻咸蛋黃，都幾咸下。肉餅本身都有夠味，其實都夠咸度，但如果想再惹味d就可以連埋小小咸蛋黃食。因為呢個餸都算重口味，所以叫碗飯嚟送都幾好。肉餅加咸蛋黃拌飯味道中和左無甘咸都幾好味。有點渴叫幾支酒飲，同個朋友吹下水又一晚。。

表哥話筲箕灣有間不錯的打冷今日專誠約表哥表妹黎煮打嚐一嚐叫了我最愛的蝦仁炒蛋蛋好滑，蝦又大隻又鮮甜蝦同蛋的比例啱啱好我好少見餐廳用咁大隻蝦，好驚喜仲要整體不太油 唔錯啊魷魚肉餅係我表哥話必試菜式魷魚的鮮味和爽口小無諗過同肉餅咁夾肉餅肉質鮮嫩，仲有d肉汁，唔錯唔錯我地叫了個白飯配黎食，好滿足啊！滷水拼盤係我表妹話想試墨魚極爽口好味道鴨腎唔會太硬，都幾正我自己幾鍾意個蛋，好入味！表哥果然介紹得無錯，好正！已鐵定下次聚會再黎

This is my second time to have dinner in this local restaurant. Tonight there was a queue out there, we had waited for half an hour though we had booking. I think this restaurant is popular in this residential area. Tonight I was in the mood of having salty egg with veget so I ordered this dish.

星期六晚家不煮飯，和老婆大大出外找吃，漫無目的行至筲箕灣南康街，見街角竟有一間門口有人等位的食店，行望個究竟，原來是一潮州打冷小店，於是我倆也決定排隊等候，不消一會輪到我們了，坐下看餐牌有什麼好吃的。侍應也隨即介紹其食店必吃的主打小菜，鮮魷爆牙肉餅($88)，再另外叫了魚湯野菌什菜煲($78)，瑶柱蛋白海鮮炒飯($68)及打冷必吃的韮菜豬紅($48)。十分鐘左右，小菜相繼上桌了，那招牌的肉餅蒸得相當惹味，軟硬適中，不愧主打，那個魚湯什菜煲雖然普通也令人留下好印象，至於海鮮炒飯也可口得叫人多吃兩碗，最平凡的韮菜豬紅原來可以得令我食回舊時的味道，總個來說，此店在平凡的地區發出不平凡的味道，價錢也相對的街坊，值得约埋好友去多一次。

見門口等位時，門口貼住個肉餅點威、有幾勁，見佢又多人排隊，甘去食飯就梗係要點嚟食啦！好大個咸蛋黃，望落幾惹味，但我未食個黃，只係食個肉餅都已經覺得好咸。個肉餅係好有味道，但食唔到d咩肉味，口感食落好稔身，口感怪怪。肉餅入面有類似軟骨既粒粒令人食落有咬口，但唔知點解愈食愈口渴。。茶都即刻飲左兩杯先可以繼續食落去。開始懷疑點解呢知肉餅會攞獎，不過佢個獎都已經係2015件既事。。算吧啦。試過就算。。。。

出品有驚喜，價錢ok，味道一流，吃得出的精品味道，值得一試，生煏老虎班，味道鲜味一絕蜜椒骨皮脆多汁，肉瓶多汁好爆，估佢唔到鮑魚大細剛剛好，好林又脆口，豆苗好好味，堯柱好多正到爆，值得一試

天氣咁好周末當然要去行山而筲箕灣係龍脊行山嘅出發點所以好多行山發燒友都會喺度出沒我同朋友一行三人行完山之後好肚餓知道筲箕灣其實有一個大廈好出名食小食不過因為我哋已經行左三四個鐘所以我哋一定要搵個地方坐低我用open vice嘅搜尋方法，搵筲箕灣嘅食店第二間就係而家呢一間去到門口其實都冇特別期待反正好肚餓點知門口有個叔叔喺度食煙，然後又好殷勤咁問我地有幾多位， 我哋就好順勢咁俾佢帶咗入去入到去問職員食乜好佢就話餐牌上或者牆上面有相嘅就係多人點最後我地點左蠔餅、 蒸肉餅、黑色排骨（唔記得咩名）、仲有個湯浸菜。牒牒都好好食絕對建議食如果有機會，我都會再去試！

雖然 筲箕灣有很多食店，但打冷小菜沒有幾間，呢間行過好多次， 終於今晚試咗。想不到閒日都要等位。首先叫了一個 鹵水拼盤，味道可以、份量ok 墨魚鮮味而且生腸夠爽口，紅腸亦入味。另外再叫咗一個生炒糯米飯 ，雖然價錢貴了一點； 但的確好味…… 值得推介！ 但最令我驚喜的就是價錢最平的韭菜豬紅 ，非常入味，而且豬紅夠爽口 。想不到最令人失望就是打冷招牌小菜煎蠔餅， 竟然 一點也不好食，可以用難食來形容 。除了打冷意外，其實眼見周圍客人所點的小菜是非常吸引，所以會再來一次。

今朝突然心血來潮想食肉餅，即刻打黎book位，點知要walk in, 好彩都唔洗等位 要數全港最好食既肉餅，第一時間就諗起呢個爆牙肉餅，我最鐘意就係加土魷，送飯一流！仲叫左芝士蝦丸，蜜椒吊燒骨都好味不過就唔suggest大家食支竹班腩，太多粉，唔好味！減左一分！食呢啲最緊要配啤酒，仲有冰杯保持冰凍，非常貼心 最後4個人total $440, 算係咁！

今日特登去左港島東區探屋企人，順便同佢地食埋夜晚飯，一大班人就梗係炒返幾味啦！呢度首創既「爆牙肉餅」係攞過奬，而且仲攞左專利添！名副其實既只此一家。黎到呢度點可以唔試下個籠仔荷香蒸爆牙肉餅呀。仲有好多款材料比你揀，例如土魷、咸蛋同梅菜等等，我地就揀左銀魚。用竹籠同荷葉墊底整已經夠晒特別啦！食落去肉質好彈牙，肉餅仲帶有淡淡既荷葉香，面頭鋪滿晒鹹香既銀魚，真係可以送到唔止一碗飯呀！呢度仲有三款唔同既雞煲食。為左迎合大部份人既口味，就叫左款半隻奇味雞煲。唔辣一樣都好惹味嫁！雞肉煮既時間唔制得好，好嫩滑。個雞煲仲會跟碟唐生菜，可以淥黎食，吸收晒成個雞煲既精華。在場有其他食客會當係打邊爐咁，食完再叫其他配料烚下烚下。西蘭花炒蝦仁帶子個賣相好吸引，唔似得坊間其他中菜館咁求其。火候同味道都啱啱好，一個咁簡單既餸都食得出師傅既功架，就知呢度絕對有下次光顧既機會啦！

蜜汁🐷仔脾肉質夠嫩，火候剛剛好😋啫啫介蘭煲做到家，味道無得頂下次唔會再叫 煎蠔餅 粉太多趕人走埋單手法一流，只此一家(每枱限食一小時十五分鐘，不計多少人頭&💰)