煮八 (已搬遷) 新店位置

一開店就食到而家，是老顧客了。煮八的秘制蔥油雞是必點的，記得第一次食的時候極驚喜，肉質非常嫩滑，又夠雞味，蔥油加上炸蒜的香完全滲透肉質裡，味道十分和諧。而飯方面配有肉燥，肉燥偏肥，撈飯超正。雖然可配麵，但我是絕對推薦跟飯！店舖還會準備一隻小碟給吐骨用，十分細心。下午茶才$40內，性價比十分高。難怪次次去都座無虛席。而我另一個最愛的是麻辣口水雞肉燥飯，肉質一樣有水準，口水汁雖然不太辣但調配得非常香。不過這個沒有下午茶特價優惠，只有正價。現在質素的確沒有以前高，不過就雞而言，煮八在天水圍絕對是其一其二了。

天水圍新北江最出名係食嘢，呢日我本身陪朋友嚟到新北江整手機，諗緊同朋友食咩好，然後手機鋪頭嘅店主就介紹我哋食依間！去到嘅時候都坐滿晒人，然後店員就同我地講所有雞都賣晒除咗醉雞。我平時都好鍾意食醉雞，所以我二話不說就揀咗佢依個套餐配米線🍜佢有得揀配肉操飯嘅，麗都之後我反而覺得肉操飯應該會夾啲😂佢咁岩切到雞髀比我，但係其實整體上雞嘅質素係好高，因為我從來都未食過咁醉嘅醉雞，洒味濃郁無溝水，雞肉亦都好嫩滑，份量亦頗多，而米線湯底亦無添加味精，食完都唔口渴！不過我下次都係會叫返肉燥飯😆最後埋單五十幾蚊，都ok啦我覺得，晚市嚟講幾抵食！

記得這間店剛開的時候 經常和朋友來吃午餐 覺得他們的雞肉肉燥飯很好吃 而且選擇多 除了幾款雞飯 還有咖哩飯 喇沙等等 不過我差不多每次都是吃肉燥飯 一段時間沒來 今天朋友問要不要一起吃飯 就來到新北江解決 新北江每間食肆都坐無虛席 一位難求 這間亦不例外 店員在走廊開了一張枱給我們坐 但突然又來了6個客人 所以我們要讓位 坐到出餐位前跟一個人搭枱 然後整個吃飯的過程 我不斷被店員撞到碰到 枱下亦有紙皮箱 令我坐得很辛苦 我和朋友都點了蒲燒鯛魚腩飯 肉燥飯比以前多水 亦沒以前那麼香 鯛魚腩就還是老樣子 我點了一杯茶走 一喝淡而無味 我跟店員說沒加到煉奶 店員拿回廚房 出來的是一杯加了更多奶 仍然沒甜味的奶茶 令人很失望 可能是因為太多人吃吧 感覺店家應付不了這個客流量 曾經我覺得是新北江最好的餐廳 已經此情不在

今晚特登過去食煮八😋😋😋天水圍新北江其實有好多隱世好味店，搵左一陣就搵到煮八🙊🙊🙊鋪面唔係好大，搵到又好多人等位😱😱😱外邊有摺檯都座滿晒等左15分鐘左右就有位置👉🏼👈🏼最後叫咗招牌蔥油雞肉燥飯，真心講，好好味👍👍👍.蔥油雞肉燥飯真係相當唔錯，肉燥汁夠熱帶香味。好香.........有味👍🏻雞仲好滑，肉燥飯似台南口味，比較濕 值得黎試一試👍👍👍有台味肉燥飯🤤四十幾蚊有得食

天水圍新北江商場一直都有好多小餐廳，多數都係做街訪生意。煮八係我幾鍾意食嘅一間，今次決定食湯飯，菜同餸都可以自選，我揀左粉腸、豬紅、豬潤做餸，一大碗湯配一碗白飯，食之前一定要小心，湯熱辣辣，一唔小心就會辣親舌頭。份量大，味道好，價錢平，良心經營！

這家小店位於天水圍新北江商場。下午茶認真抵食，下午茶餐有成十六款，有肉燥飯、撈米缐麵或肉類拼多士，只是$30至＄35。今日試下招牌蔥油雞肉燥飯$32這個肉燥飯差不多是枱枱都會點的食物。雖然是下午茶餐，感覺與正餐無異。雞件嘅份量唔少，而且每件都啖啖肉。雞皮軟滑透黃，皮下沒有太多的脂肪。雞肉十分嫩滑可口，帶蔥油香，不錯！肉燥飯的肉燥也不少。肉燥味道香甜惹味，帶有肉香，咸味唔多，飯粒香軟，整體味道實在不錯！凍奶茶夠冰涷，茶味十足，甜度適中，唔澀口。整體而言，性價比極高！可以一再encore!

媽媽原本想吃餃子的，但她實在太肚餓，所以她問我不如改吃飯，她沒飯下肚會餓昏的，我沒所謂，都隨媽媽的。自從我帶過媽媽吃煮八後，她就很欣賞這裡的無味精小菜，夠便宜，故我們又來吃晚飯。煮八果然太受街坊歡迎，晚上八時小菜賣得七七八八，只剩下醉雞，倉魚一條跟肉餅，其他雞類，豬手已售罄，我們最後選了蒸倉魚和鹹魚蒸肉餅，兩款都是蒸的菜式，都要等一等，我們先喝著熱好立克和吃著菜等待。當鹹魚蒸肉餅跟蒸倉魚上桌時，媽媽雙眼瞬即發光，她可正式開動，擺脫這饑餓狀態。媽媽大讚鹹魚蒸肉餅蒸得不會鬆散，扎實度剛好，肥瘦比例恰到好處，鹹魚的鹹香滋味非常下飯，媽媽很快吃了半碗飯。倉魚蒸的控制火喉完全到位，沒有過火，而且魚肉軟嫩鮮甜，丁點老韌的嚼感也沒有，加上豉油，豆豉，蔥花簡單的調味，令倉魚生息不少之餘，也能發揮它本身的美味，難怪這裡蒸魚賣得一條也不剩，深受食客喜愛。

呢間之前食無問題，但今日我真係火都黎。首先，我同同事一行7人去食lunch, 坐低後，我A同事伸手想叫野食，半分鐘都無人應，然後B同事就再舉手叫人，個八婆侍應叫已經鬧：我聽到啦，等等得唔得呀？我地聽到已經呆左，不過果下算數。之後食緊野既時候，佢地問我地個餐具盒要唔要？我地話要（因為有同事個飯未到），但果個侍應照樣叫左個盒！？跟住我地咪話，我地要呀唔好意思！佢之後拎返個盒大大力膨一聲咁掉落張枱，佢話：我聽到啦，我幫你fill唔得呀，叫咩jack? 聽到呢句，我即刻燥左，我話你無講我點知呀？你而家咩態度呀？我地都無鬧你，你對住我地發乜野脾氣呀？條八婆竟然話，我係咁樣態度架啦，唔好食囉！！最後俾錢時仲喺度係咁鬧我地，鬧到全鋪都聽到，找錢仲一野大大咁打落我同事度。仲兇我同事.....我第一次見到咁樣態度既侍應，呢間野都唔駛再食！！

媽媽又不煮飯，所以我和她直接去新北江吃晚飯，她說新北江開了新店，問我試不試吃，我一看是雲桂軒就說不，因為雲桂軒真的很難吃，人生只吃兩次以足夠，不要再吃第三遍。反而隔離小店煮八我挺推介媽媽吃，雖然只是跟朋友吃過一次，但味道，價錢都屬不錯之選，媽媽最後也採納我的提議去煮八吃晚餐。媽媽想品嚐小菜的同時，也想嚐嚐這裡的麵食，故點了沙薑鹽焗雞及喇沙海鮮米粉。媽媽看到隔壁點的蒸魚超大尾，又夠新鮮肥嫩，覺得煮八只賣68元超級便宜抵食，下次她也要點。沙薑鹽焗雞既可配肉燥飯，又送田園時菜一碟，整個飯餐都非常豐富，而且沙薑鹽焗雞有雞胸肉之餘，亦有雞翼，部位十分平均，媽媽頗欣賞這方面的分配。鹽焗雞雞肉肉質滑嫩，雞皮不會油油膩膩的，雞肉嚼起來有絲絲肉香，再沾點惹味卻不死鹹的沙薑醬汁，讓鹽焗雞更為滋味。另外店員細心地為我們提供飯碗盛放吃完的雞骨，值得一讚。至於喇沙海鮮米粉用料十足，帆立貝，青口，大蝦，蟹棒，豆卜亦具份量，大蝦均是新鮮蝦隻，蝦肉彈牙鮮美，青口肥嫩鮮甜，帆立貝軟中帶彈的口感也很讚，豆卜與米粉完全吸收喇沙湯底的香辣，甚具風味，豆卜比上次吃的佳，沒有重鹹的味道，有進步。飲品方面，沙薑鹽焗雞飯餐不論冷熱飲

呢間小店既下午茶時段，十個有九個人入到黎未坐低就叫蔥油雞肉燥飯食，睇黎真係好受歡迎喎😏 蔥油雞既份量，呢個價錢黎講算係好多架啦。雞肉肉質非常嫩滑，一d都唔韌。雞味雖然唔算好濃，但勝在蔥油夠香。點少少底部既醬油，夾埋蔥粒同香脆既炸蔥絲食，好惹味呀😍 肉燥份量夠撈成碗白飯，亦都唔會有太肥膩太鹹既感覺，食落好和諧，好滿足😋呢間小店我通常都係下午茶時段先去幫襯，每樣都只係30幾蚊包埋野飲，價錢好平民，質素唔錯，CP值極高，一定要試~

係天水圍出沒既都知道新北江係食野既集中地要搵食的確唔難，但要有質素既就真係要搵下呢間煮八唔係新北江既中心地帶只係最邊邊既一個唔起眼既角落但都好多人黎排隊食試過佢好多唔同既餐我最欣賞既反而係佢既自選餐三十幾蚊可以任選三個送仲加一個菜可以再選飯或面份量多到我一個女仔真係會食唔哂而啲男同事都話好飽可想而知係幾多！仲有佢既胡椒豬腳都係讚既絕對係驚喜之作不過係服務上就唔好有咁高期望啦我啲同事都因為佢地既態度唔好而唔幫襯既

繼續食勻新北江系列，上次試完韓國菜，今次想食飯，行完一個圈決定黎到煮八。餐廳位於新北江商場一樓，位置係正角落，有點難搵，舖位雖然細，但因為已經係午飯尾聲，所以唔駛等位。餐牌上有多種選擇，其中三款雞都好吸引，考慮左一陣，最後都係決定食口水雞。口水雞肉燥飯 :肉燥飯都幾大碗，肉燥份量夠多，唔會食到一半就剩返白飯，口水雞雞肉嫩滑，味道夠香麻但唔會太辣，配埋微甜既肉燥飯食真係相當開胃。下次有機會真係要試埋蔥油雞同醉雞。

又一次即時約食飯才約到😂話說今天我懶洋洋在家，然後朋友打電話來問我今天在家嗎，她在我家附近考試，我又真的剛好在家，於是成功約到吃午餐，我們是這種即興磁場?朋友問我有甚麼好介紹，我隨意選了煮八，我沒吃過嘛，因為我也想試試看。煮八的餐牌一目了然，飯與麵，明顯我是想吃麵，始終不太愛飯，至於朋友要考試，所以她想吃飽一點，故選了湯飯。我在喇沙海鮮和叻沙大寶中掙扎了一會，最後都是吃海鮮，我是鐵海鮮控，哈哈。然後我看見自家麵這麵食深感興趣，所以立即問店員，原來是店鋪自家製類似刀削麵的麵，不過較幼身，我即選這。自家麵比刀削麵幼身，卻比其他麵粗，我蠻喜歡它的口感，頗有嚼勁，而且當麵吸收湯汁後也不會軟掉，依然爽口美味，值得推薦大家試試看。至於配料方面份量一般，不多也不少，豆卜個人略嫌稍鹹，可能它比較容易吸索湯汁的關係。其他配料味道剛好，蝦肉具彈性，吃到點點的鮮美，可不是雪藏蝦呢。墨魚仔雖小小的，卻意外地彈牙，加上喇沙湯汁一起吃，頗過癮啊。帆立貝煮得恰到好處，不會過老，肉質依然鮮嫩。朋友的湯飯皇全大碗，可謂真材實料，我試喝了數口湯，真的很清甜，沒有味精，而且亳不膩味，可能是朋友選配蘿蔔和蕃茄的關係，所以豬骨

邊個話天水圍無野食？美食沙漠 😲 偽文青朋友仔極力推介呢間 煮八 話湯飯超好食😀 一定要試🤔 晚上8點去到 坐無虛席 有一家大細叫三五個小菜 亦有夫婦簡單湯飯粉麵 簡單一餐 有平有大碟 最重要唔洗洗碗🙊 有街坊話佢地兩公婆一星期有三晚係度開餐 如同飯堂 湯飯更強調是必點！醉雞 蒸魚 就要睇下你有無運氣 夠唔夠早到 可以食到啦😎.麻辣口水雞套餐$52 可選白飯/肉燥飯 貴為三個90後飯桶 梗係揀肉燥飯啦 *重點：肉燥飯係唔洗加錢，有滿滿的肉燥 你唔係唔試啊😂 .麻辣口水雞 紅油抄手 沒有指定什麼辣🙈 結果來的應該是中辣 麻麻辣辣 花椒味都幾重 食完個咀仔都好麻👍🏻出面好小口水雞 抄手 做得好 依間做得幾好 岩我口味 大胃D好鐘意啊！❤❤.無味精湯飯 係炎炎夏日 無乜胃口 又唔想煮飯 依間真係無得輸啊！餸同飯係分開上既 貼心位👍🏻每個湯飯可以揀三款餸 加一款菜 我揀左雞件 鯇魚腩 蕃茄 菜呢 就冬瓜消暑啊💦一上枱 wooo 勁大碗 冬瓜有八 九件左右 原個蕃茄 切件 雞同魚三 四件左右 飲啖湯先 幾清新 舒服既 應該用豬骨同雞骨 我估☝🏻湯面無油 飲哂都唔口渴 真無味精🤘🏻🤘🏻🤘🏻===

今日番天水圍探媽咪，去左嘉湖新北江商場食下午茶。食市十分多，最後選擇左意間煮八食下午茶。下午茶餐價錢大約只是$38-45左右。有飯有麵有西多士等食物。平民價錢街坊生意。^_^蔥油雞下午茶餐份量算很多，讚^_^雞味濃有肉汁肉質超嫩滑，雞皮爽口，絕對要試！^_^加$5還可轉雞脾部位^_^啖啖肉仲有最特別的是有自家麵，原來是老闆揾麵廠專登訂製，所以每日都有限額。要食既要早少少黎啦^_^整體感覺^_^天水圍嘉湖新北江商場，竟然都如此有水準的食物，真的不錯。^_^