煮八 (已搬遷) 新店位置

天水圍新北江最出名係食嘢，呢日我本身陪朋友嚟到新北江整手機，諗緊同朋友食咩好，然後手機鋪頭嘅店主就介紹我哋食依間！去到嘅時候都坐滿晒人，然後店員就同我地講所有雞都賣晒除咗醉雞。我平時都好鍾意食醉雞，所以我二話不說就揀咗佢依個套餐配米線🍜佢有得揀配肉操飯嘅，麗都之後我反而覺得肉操飯應該會夾啲😂佢咁岩切到雞髀比我，但係其實整體上雞嘅質素係好高，因為我從來都未食過咁醉嘅醉雞，洒味濃郁無溝水，雞肉亦都好嫩滑，份量亦頗多，而米線湯底亦無添加味精，食完都唔口渴！不過我下次都係會叫返肉燥飯😆最後埋單五十幾蚊，都ok啦我覺得，晚市嚟講幾抵食！