煮八 (已搬遷) 新店位置

繼續食勻新北江系列，上次試完韓國菜，今次想食飯，行完一個圈決定黎到煮八。餐廳位於新北江商場一樓，位置係正角落，有點難搵，舖位雖然細，但因為已經係午飯尾聲，所以唔駛等位。餐牌上有多種選擇，其中三款雞都好吸引，考慮左一陣，最後都係決定食口水雞。口水雞肉燥飯 :肉燥飯都幾大碗，肉燥份量夠多，唔會食到一半就剩返白飯，口水雞雞肉嫩滑，味道夠香麻但唔會太辣，配埋微甜既肉燥飯食真係相當開胃。下次有機會真係要試埋蔥油雞同醉雞。