煮八 (已搬遷) 新店位置

其實天水圍確實無咩餐廳選擇。都是以連鎖店為主。 但位於新北江商場既餐廳總算為天水圍添一點色彩晚餐黎講$40-50 算係平民價。食物都有返甘上下質素。所以都吸引到一班住附近既居民黎食。食物種類有幾款。有湯飯、喇沙、肉燥飯。今次揀左肉燥飯系列口水雞肉燥飯口水雞個汁整得幾好。好香而且帶點麻辣雞都幾滑另外叫左黑胡椒豬手肉燥飯豬手充滿膠質個湯有小小辣。好相襯係天水圍黎講質素係很好既一間餐廳。抵食既

不看OpenRice不知道原來新北江開了這間驚喜小店 (面積不大，真的是小店)。位置比較不顯眼，位於近樂湖輕鐵站那邊新北江商場二樓，前「泛後甜品」後面。偷偷聽到餐廳職員和食客的對話，說這裡已經開了差不多兩年，我現在才知道，只怪我太少在這裡覓食了。來看看下午茶有什麼選擇：既然第一次來吃，就吃這裡的招牌飯 - 招牌蔥油雞肉燥飯啦！蔥油雞啖啖肉沒有很多骨，肉質嫩滑，精粹在於豉油，不太鹹，味道剛剛好。肉燥飯少不免有肥肉，但這碗肉燥飯吃了也不覺得太肥膩，對我來說份量剛好。值得一提就是這裡的熱飲大大杯，我點的是熱咖啡，喝了這麼大杯咖啡後現在非常醒神！剛剛坐進這間餐廳時，聽見食客不斷追單，本來還擔心會否要等很久才有飯吃，後來也只是等了5分鐘多少少就有了。而且店內職員有善，縱使忙碌也不會顯得不耐煩，也會向食客解釋自己是新員工所以有不熟悉的地方，請求食客見諒。這是在忙碌食店裡比較小見又值得一讚的景象。最後，聽說這裡喇沙也是招牌菜式，下次再來試一下！

好耐冇食過呢間餐廳，所以就來試吓啦，同埋加上之前又換咗老闆，換咗老闆之後都冇食過。叫咗個砂礓鹽焗雞肉操飯，個餐要成＄50，比起以前貴左好多。食落去已經冇之前咁好食，首先係佢肉燥飯，冇晒啲碎嘅冬菇係入邊，聞落去已經唔香濃，食落去好多水的感覺，林啤啤嘅。另外啲雞亦都唔係好似以前咁啖啖肉好少骨，依家係完全相反，得返啲骨。整體份量都少咗好多，但價錢就加左一半，都係以前好食好多。

新北江商場中只有少數既食店係有喇沙食既 ! 店舖細細約有24個座位 !套餐+$5 既一杯凍檸茶，味道剛好，有應要求少左冰，1，2，3，4....一共有7塊超薄既檸檬片呀，好欣賞佢切得咁薄既刀工同不吝嗇喔 喇沙既湯底唔辣，有椰香味，味道雖不錯，但仍未算最好 ; 雞件既份量多，而且如其名咁好肥，美中不足，有少少冰鮮味!肉燥飯既賣相幾靚且多汁，撈埋飯一齊食味道岩岩好，唔會太咸 ! 坐我隔離個小妹妹足足食曬成碗飯添呀!最有驚喜既係豬頸肉，熱辣辣咁，外脆內軟，好食到停唔到口呀 總之，份量充足，價格實惠，一定會再幫襯

蔥油雞肉碎飯佢個蔥油雞係我食過咁多雞來講係好好食，佢啲蔥油滲晒落去啲雞肉度，啲肉質係非常之滑，啲雞皮又唔會好厚，個厚度啱啱好，食落一啲都唔覺得肥。另外佢個肉碎飯都整得好好食，啖啖肉，搞到我食啲飯我都覺得唔夠食，不過其實份量已經好多，只不過你撈埋啲肉碎真係好好食。

個日去到新北江食lunch, 見到間新開既叫煮八。先唔理佢個名點解先，我一入到去就叫左我既favor台式肉澡飯！！ 加個配菜就實叫埋我另一個favor豬頸肉！！今次煮八既台式肉澡飯就比想像中一般。首先，肉澡雖然都幾多，但係個汁過咸，食完後要係甘飲水先冇甘難受。。。不過，個豬頸肉就彌補番肉澡飯，炭燒豬頸肉個邊十分香脆，肉汁鎖緊係肉入面，送飯真係一流。美中不足就係個肉澡飯lol, 希望下次食煮八會比到個驚喜我啦！

放假同個朋友去左新北江行街買平嘢，咁順其自然就係新北江搵嘢食啦一樓好多間都食過，望到都唔會特別想食行到轉角位見到間新新地既餐廳有肉燥飯食又有我鐘意食既豬手，唔係唔入去試呀，咁個fd都ok就入去我叫左個豬手肉燥飯，個fd就食口水雞肉燥飯，一落完order好快就上到菜，我個豬手肉燥飯係好味到停唔到口，本身都鐘意食肉燥飯，佢比台灣果啲仲好味，份量又多，豬手都好入味，比我想像中好食好多，個fd個份我冇試到，因為食自己果份已經太飽喇，但佢都話好正，下次要再返黎，估唔到一間隠閉既餐廳仔會咁好味下次一定會返去再叫豬手肉燥飯，雖然其他都想試，不過都仲係想食多次呢個嘢飲就ok,掛住食都冇留意好唔好飲，但就都正正常常咁既，PS 我飲熱0水老闆都好nice,仲問我地夠唔夠食

同好友行完北江諗住食晚餐，本身想食果間福田料理嘅但行到去發覺汁左粒了，但隔離竟然後見到新開左間叫煮八嘅餐廳仔所以同好友就試吓，最多唔好食就唔再去，抱住一試心態。我地都叫左佢地嘅肉燥飯，只係朋友叫嘅係配豬頸肉，而我叫嘅係配煎雞扒，然後我地都叫左凍飲，我叫嘅係凍奶茶，佢嘅係凍檸茶。等左約五至十分鐘左右，好快吓就遞到食物去我地面前。食前覺得佢嘅飯望落好平凡只係夠大兜而已，點知一食第一口先知原來好好味！之後就食唔停，掛住食兜飯忘記左d雞扒咁，我朋友好咀刁的但連佢都話好食，仲話正過台灣嘅肉燥飯多多聲。而d雞扒都煎得夠脆夠晒味道，但唯一不滿意嘅係煎得有少少lon左，所以望落會見到lon左嘅位，不過無損味道，中意食偏濃味嘅人一定會啱食佢地嘅野，如果平時食得好清淡嘅就唔適合啦。我朋友一樣有試左半塊我個餐d雞扒，一樣話覺得好好味!! 但我冇試返佢嘅豬頸肉，所以唔知味道如何，不過佢話都幾好味。佢地d凍飲一樣唔差，我杯奶茶味好夠，而且又唔會好似依家好多地方咁加超多冰呃錢，的確好讚^^! 服務態度幾好，有笑容又有禮，令人覺得好舒服，總括來講好滿意，以後會繼續幫襯。

今日心血來潮和老婆同新北江食飯, 我們一直行,看見周圍的餐廳都試過,而且味道一般,沒有什麼特式, 走到一樓盡頭有一間新開的特式餐廳名叫"煮八", 我們二話不說盡管一試, 一試之下,不得之了, 味道冠絕整個天水圍, 幾十年來首間能令我回味的美食店, 你地是否不相信??真的是美味到Unbelievable。黑白胡椒豬手肉燥飯豬手非常入味又夠軟, 胡椒湯底非常夠味夠濃郁, 肉燥飯跟我在台灣吃的一模一樣的好吃!馬來喇沙小寶喇沙湯底味道香濃, 辣味適中, 用料新鮮, 米線爽口彈牙價錢方面經濟實惠, 餸菜份量超乎想像, 味道更是出乎意料!!!老闆說巴基斯坦咖哩及醉雞都是此店招牌菜!!我下次必定要試!!!