焱丸水產

營業中

休息中

食生日飯，搵間日本餐廳，朋友話帶我去趟日本！都有特色的舖面裝修！日本地道店？！拖羅同海膽真係唔錯。大份又新鮮！wasabi 係正宗那種日本芥辣～一層層食上去係幾過癮～肥美的拖羅🤣🤣🤣🤣 入口即溶～色澤好靚，邊食邊嘩❤️❤️幸福！炸物很不錯，唔重炸粉，唔油膩，好食！燒物好juicy, 黎到呢度一定係食海產啦，鮑魚上枱仲旭緊，好新鮮！（相片過上限上傳唔到🤣）會全場播生日歌！如果怕老尷，記住事先講聲「我想低調D」😂😂😂碳酸有點苦，唔係好夠氣，可再改善～

作為生活壓力數一數二嘅城市之一，日本嘅居酒屋文化其實都幾適合香港。居酒屋為上班族提供一個放鬆嘅地方，等佢地可以係放工後同朋友同事小酌兩杯，訴訴心事。今次我就同朋友去左呢間位於尖沙咀嘅焱丸水產，餐廳嘅成個氛圍都令人有如置身日本一樣，當係短暫番左家鄉❤️✨壽司盛盒（$268）壽司盛盒入面有海膽、三文魚子、帶子等嘅壽司，整體黎講都算係新鮮，味道唔錯。✨刺身3盛（$160）三款刺身分別係三文魚、油甘魚同帶子，整體黎講焱丸水產嘅食材都算新鮮，所以都幾好味。✨黑松露蟹肉甲羅燒（$68）每次黎都必叫嘅蟹肉甲羅燒，蟹蓋入面加左蟹膏、蟹籽等配料，員工再係我地面前將佢燒熟，食落鮮味十足，帶陣陣嘅黑松露香。✨鮑魚殼燒（$72）燒飽魚非常生猛，燒嘅時候佢仲係識得郁，唔洗擔心唔新鮮。員工將飽魚燒至剛好熟，味道鮮甜之餘口感亦非常彈牙。✨北海道海鮮炒飯（$78）最後再叫多左個海鮮炒飯填填肚，入面加左香蔥、蛋花、蝦肉等材料炒成，非常惹味。

疫情關係，大家都冇得去旅行，唯有喺香港食餐好嘅日本菜補下數。今日就搵咗呢一間裝修同環境都和日本如出一轍嘅浜燒安撫一下思鄉嘅心靈。食浜燒當然需要酒精飲品配搭，叫咗坊間日菜不多見嘅柚子啤酒，調配得剛剛好冇過甜，味道清新，正好中和一下味蕾。左口魚刺身，魚肉味道細緻鮮甜，配上酸酸甜甜嘅醬汁非常開胃，必選！鮑魚殼燒，冇諗過上枱係鮮活程度咁高嘅鮑魚，原來店舖入邊係有魚缸養住佢哋！上到枱佢哋依然係咁郁，真係令人食指大動！待應隻放上烤爐上邊燒，然後會細心地去除內臟，剪開一半，成個過程唔需要我哋自己落手，服務一流。鮑魚燒烤程度準確，爽口彈牙鮮味無比！新鮮果然係唔同啲。北海道海鮮炒飯，配料非常多，炒飯粒粒分明，將蟹子撈勻一齊食，味道同口感都非常好。呢間餐廳無論環境同食物質素都好好，滿足晒自己想去日本食嘢嘅慾望！餐牌上面仲有好多嘢食都未試，下次一定要再嚟試多幾款先！

太耐冇去日本好想食浜燒！知道呢條街都有幾間就同男友去睇吓。其中呢一間除咗裝修同同日本嗰啲好似之外，menu 選擇又夠多！咁一於食呢間啦！收工食飯第一時間梗係飲杯生啤先，呢度價錢都幾底飲$58 杯suntory! 爽，結果叫咗三杯！叫個蕃茄豆腐沙律開吓胃，豆腐嫩滑，蕃茄鮮甜，蔬菜都幾新鮮，加埋日本芝麻醬好夾。刺身壽司方面就叫咗本鮪盛盒，吞拿魚刺身都有三款，仲有三款壽司，一次過滿足晒所有願望。吞拿魚他他加埋蛋黃醬油味道即時變得又滑又多層次，感覺好似牛肉加咗雞蛋咁樣！鮮味出晒嚟！吞拿魚面肉真係未試過，味道濃郁肥美。海膽吞拿魚壽司，海膽新鮮唔鯹，全件壽司入口即溶好滿足。之後當然到戲肉甲羅燒同埋燒魷魚啦。甲羅燒我哋叫咗原味同黑松露味。原味食到蟹膏嘅鮮味，黑松露味味道濃郁，各有所長兩者都鍾意。蟹膏味道濃重自己覺得如果配埋飯團一齊食就Perfect！燒魷魚方面又估唔到咁大隻！侍應加上醬油一齊燒，燒嘅時候已經聞到味道非常香。剪開一望真係不得了，入邊仲要好厚肉！食落口外邊香，入邊依然魷魚嘅彈牙口感，海鮮味喺口入邊爆發！必叫！重點係我覺得呢間餐廳服務非常好，全程都有侍應幫你燒晒所有嘢食，飲住啤酒傾吓計就食

鮑魚係好新鮮好生猛仲喐緊，但俾我見到有觸鬚？原來唔係觸鬚，係真係有隻蟲同鮑魚一樣色，好彩我都睇到，惟有叫店員幫我再洗乾淨D但之後食壽司都驚驚，金睛火眼望真D魚生，好彩冇事。。。

我每年會去三長兩短日本，而家冇得去就搵下有冇食肆似，呢間又OK喎，裝修似日本居酒屋，菜式質素又有返咁上下。𩸽同西京燒鱈魚都幾大件，鮨類飯底同握功又OK，仲有個燒爐可以燒蟹蓋之類不過我今次冇玩到。

一直都好想去食呢間磯燒水產😍今日lunch終於同朋友來左試。咩都想試既我地叫到成枱都係野食😂我揀左日式甜醬牛肉鍋配烏冬做主食，除左牛肉仲有雜菜、菇類、粉絲、豆腐、冬菇等等配菜。呢個鍋好豐富！之後除左主食我地仲叫左幾款磯燒食物，分別係芝士魚蛋、甲羅燒同鮑魚。芝士魚蛋燒到焦焦地，雖然芝士無拉絲效果，但魚蛋好煙韌，其實更加似係魚糕咁。鮑魚超新鮮，上到枱都不停郁，雖然咁樣燒法好似有少少殘忍，不過可能只係佢真係太新鮮😣最後仲加左個三文魚什菇牛油燒，呢餐價錢唔算貴，可能因為有lunch set, 所以都好滿意！最後想提一提嘅係呢度嘅服務好好，店員會主動幫手，又會準備好磯燒食物，好似鮑魚咁佢就幫手剪成一口size，食落方便左好多

磯燒水產絕對係其中一款必食既日本菜～一路燒一路聞住佢既香味真係好吸引！當日我地lunchtime去，揀左個lunch set再另加海鮮.♦ 蟹味噌甲羅燒⋆ $68 pc每次食磯燒都一定會叫甲羅燒🦀蟹膏、蟹肉、蟹籽拌埋一齊，最後再加上鵪鶉蛋。蟹膏味道香甜，但唔算好濃，所以作為lunch又唔算太邪惡😈.♦ 鮑魚殼燒⋆ $68 pc鮑魚好大隻而且超生猛，一上枱仲不停郁緊，好新鮮。燒完比較乾身，不過無影響佢既彈牙！.♦ 白蜆磯燒⋆ $45白蜆好鮮味，完全唔腥。而且店員好好咁剪埋蜆蓋比我地，食落好方便.♦ 鍋燒烏冬配迷你刺身⋆ $108Lunch set來講都算好大份！除左有小食前菜之外，仲有天婦羅、迷你刺身、雜菜烏冬。天婦羅炸得好香趣，除左平時常見既食材仲有洋蔥天婦羅蝦，好香甜呀！

店舖環境很有日本風味，食物超好食的，就是冷氣有點不夠！服務不錯！真係物有所值，為一一個不好就無冷氣機滴水，個下真係大殺風。鍾意食日本野同海鮮既朋友一定要去試下，保證會上引

黎到尖沙咀 想搵一間食正宗居酒屋 喺尖東個角落搵到呢間裝修真係同日本一模一樣嘅居酒屋 就決定試吓佢！入邊個款式好多 我哋都揀咗好耐最後揀咗以下幾款壽司刺身定食-賣相超級正 仲有蒸蛋 湯 沙律 好滿足海膽凡立貝燒-佢有一個Gas爐有專人負責幫你燒 燒到剛剛好真係好好味 估唔到海膽配凡立貝原來又係絕配松葉蟹膏凡立殼燒-松葉蟹絕對係矜貴貨 仲有專人幫你燒 食埋個感覺真係好幸福 真係好似置身係日本㗎蟹味噌甲羅燒-呢個唔會太鹹 淡淡蟹膏 食落啖啖都好爆滿黑松露蟹肉甲羅燒-從來冇諗過黑松露配蟹膏 估唔到食落又好好味喎海膽碎蔥吞拿魚井-二個字豐富 d 刺身舖滿成個面 份量絕對有兩三碗 食材勁新鮮野菜天婦羅-有茄子 冬菇等等 個炸粉唔厚 好好食鹽檸檬燒酌-呢個味勁特別 意外地好match 冰凍嘅燒酌食日本嘢係必須的青蘋果乳酸-呢個乳酸奶賣相超級靚 而且味道好清新

同朋友慶祝生日，大約一星期前book已經得返6點前或9點後，所以我就book咗晚上6點去到見到都幾乎full house!!!雖然環境有啲多人，但因為每張枱都有自己一個燒爐放旁邊，所以張枱都大，變相唔同普通餐廳咁逼第一印象好好，好貼心我買咗蛋糕去，朋友坐門口旁邊，我怕我就咁入去會比朋友發現蛋糕，所以企係門外揮手叫職員幫我拎咗個蛋糕先一位男職員拎咗個蛋糕之後，我就入餐廳，個職員竟然等咗10秒左右先再入嚟！已經令我覺得佢好細心，因為如果佢尾隨我入餐廳，朋友幫向我時就會見到佢同蛋糕一開始叫咗燒魷魚同甲羅燒呢三款燒野上菜都快，而且係職員幫你燒不過因為爐比較細，所以要逐樣逐樣燒建議大家同時叫啲燒野食同其他，咁就可以唔洗等啦同時我地叫咗三文魚雜菇、吞拿魚飯、黑啤同梅子梳打食哂我先記得影相 sor之後覺得未夠喉，再叫！有啲燶，雖然係難免嘅，但始終影響到，有少少燒焦嘅味不過蟹肉依然好鮮好juicy呢個係佢地唯一嘅set, 唔啱食就要散叫可以見到食材新鮮 但我嫌飯嘅醋味不足而且如果係手握，我都係prefer佢問客人意願，然後放wasabi 係壽司中食到咁上下，我朋友出咗去聽電話嗰位男職員嚟幫我地燒蟹嘅同

：） 去咗焱丸水產慶祝生日！ 個裝飾好似日本水產店，現場氣氛好日本！職員仲會熄燈一齊唱生日歌⋯⋯ 有一刻都真係似日本feel , 啲嘢都好食，薯仔沙律推介！小朋友好鍾意食佢嘅飯團😅 好似好好食！仲有招牌壽司都好抵食，仲有蟹蓋都好味！另外啤酒都好多味擇！爐端燒好新鮮，隻鮑魚好生猛！仲要有人燒定， 最啱懶人！：）非常之正！會再去試吓唔同嘢！ 同介紹比朋友！記得要早啲book 枱，因為真係好多人！早咗一星期book 先有位！

有愛吃魚生刺身的朋友仔嗎？這次介紹的日本餐廳是一間水產燒海鮮的居酒屋。但我推薦的不是燒燒海鮮，雖然燒燒海鮮都好新鮮好好味，反而想介紹這個特別的大雜燴魚生壽司💕💕這個壽司很大舊！表面混合了五種魚生刺身！⭐️很抵吃！✨✨✨《焱丸号》$158 🌈🌈表面有海膽、帶子、吞拿魚、蟹肉、魚籽。魚生共分了四行舖滿整個表面，還要多到瀉！👍🏻👍🏻看到都流口水🤤帶子是撈了沙律醬的，配起壽司飯時很不錯呢！💛💛而下面是有壽司飯的！所以這個是《手握壽司》系列。🤍🤍真的不錯！值得！✨✨✨✨

想試呢間好耐，今日放假終於有機會嚟食lunch入到去見到啲佈置都幾靚，好似去咗日本咁～但係有啲焗，唔係幾夠冷氣三文魚中卷：味道正正常常烏賊磯燒：侍應幫我地燒咗呢樣先，燒到有少少燶不過幾好食，唔難咬焱丸蟹噌甲羅燒：呢個燒得耐啲，去到最後先有得食，好濃蟹膏味！清酒煮白蛤鍋：好多蜆！都幾大粒肉，飲湯都幾正梅酒煮海老：呢個真係伏到爆，成兜得兩隻蝦，而且蝦肉有啲霉，洋蔥嘅味道都唔好食，怪怪地，所以成兜嘢都冇咩可以食整體嚟講呢間都ok嘅，係有少少失望，同埋越坐得耐越覺得焗同熱

約了友人去食生日飯，想了我倆一直找特別的餐廳好幾次，今晚回歸港人熱愛的日式料理。簡了這間是看到好多好評，負評比例上無得揮，就選了這間一試。點了魚生、壽司、炸蠔、魚鮮炒飯和燒烏賊。材料是新鮮的，沒有造假。又有專人燒賣烏賊，不用自己辛苦，正！唯獨飲料以燒酒或zake為主。沒酒精的不多，對有些不酒的情侶可能有點失望。