影片
更多
2021-10-24
67 瀏覽
疫情關係，大家都冇得去旅行，唯有喺香港食餐好嘅日本菜補下數。今日就搵咗呢一間裝修同環境都和日本如出一轍嘅浜燒安撫一下思鄉嘅心靈。食浜燒當然需要酒精飲品配搭，叫咗坊間日菜不多見嘅柚子啤酒，調配得剛剛好冇過甜，味道清新，正好中和一下味蕾。左口魚刺身，魚肉味道細緻鮮甜，配上酸酸甜甜嘅醬汁非常開胃，必選！鮑魚殼燒，冇諗過上枱係鮮活程度咁高嘅鮑魚，原來店舖入邊係有魚缸養住佢哋！上到枱佢哋依然係咁郁，真係令人食指大動！待應隻放上烤爐上邊燒，然後會細心地去除內臟，剪開一半，成個過程唔需要我哋自己落手，服務一流。鮑魚燒烤程度準確，爽口彈牙鮮味無比！新鮮果然係唔同啲。北海道海鮮炒飯，配料非常多，炒飯粒粒分明，將蟹子撈勻一齊食，味道同口感都非常好。呢間餐廳無論環境同食物質素都好好，滿足晒自己想去日本食嘢嘅慾望！餐牌上面仲有好多嘢食都未試，下次一定要再嚟試多幾款先！
今日就搵咗呢一間裝修同環境都和日本如出一轍嘅浜燒安撫一下思鄉嘅心靈。
食浜燒當然需要酒精飲品配搭，叫咗坊間日菜不多見嘅柚子啤酒，調配得剛剛好冇過甜，味道清新，正好中和一下味蕾。
2 瀏覽
0 讚好
0 留言
左口魚刺身，魚肉味道細緻鮮甜，配上酸酸甜甜嘅醬汁非常開胃，必選！
3 瀏覽
0 讚好
0 留言
鮑魚殼燒，冇諗過上枱係鮮活程度咁高嘅鮑魚，原來店舖入邊係有魚缸養住佢哋！上到枱佢哋依然係咁郁，真係令人食指大動！
2 瀏覽
0 讚好
0 留言
5 瀏覽
0 讚好
0 留言
7 瀏覽
0 讚好
0 留言
北海道海鮮炒飯，配料非常多，炒飯粒粒分明，將蟹子撈勻一齊食，味道同口感都非常好。
呢間餐廳無論環境同食物質素都好好，滿足晒自己想去日本食嘢嘅慾望！餐牌上面仲有好多嘢食都未試，下次一定要再嚟試多幾款先！
張貼
