焱丸水產

營業中

休息中

焱丸水產有好多美食！蟹味噌甲羅燒,甲羅的鮮甜彈牙,入口即化,蟹味噌的鹹香適度襯托甲羅的新鮮味,口感層次豐富。帶子磯燒與醬油木魚帆立燒,帶子的鮮甘彈性與木魚帆立的溫潤脆口形成強烈對比,醬油的香味悠悠蔓延,令人過目難忘。漁師2人前盛,裡面有新鮮的油甘魚、白身魚和赤身魚,還有拖羅甜蝦和北寄貝,鮮味十足。龍神號壽司,切片均勻,魚質鮮嫩細膩,食用後回甘料理的巧思與用料的新鮮,令人振奮。麻醬蕃茄豆腐,豆腐綿密 QQ,麻醬香而不膩,蕃茄的酸味剛好中和麻醬的香氣,味道萬分開胃。溫泉蛋天婦羅,冬菇青椒天婦羅,溫泉蛋的柔嫩與冬菇的爽脆交織,青椒的辛香提味,美味享受。 蠔鍋飯,飯粒飽滿鬆化,蠔的鹹鮮與飯的溫潤相得益彰。青蘋果颱風乳酸,冰菠蘿梳打,風味獨特,清爽可口。

雖然已經可以飛，不過工作關係真係未有時間去日本，今晚同男朋友偽日本遊大食一番！餐廳裝修充滿日本氣氛，店員服務態度非常有禮貌，仲主動幫我地影相！黑松露蟹肉甲羅燒$75好多朋友話好食，一直好想試呢個蟹肉甲羅燒！依家仲有黑松露味，估唔到黑松露同蟹肉都幾夾，蟹味噌甲羅燒仲好香濃、有強烈嘅味噌味。好地道！鮑魚殼燒$136新鮮鮑魚磯燒又係另一種感覺，鮑魚與醬油燒成，上桌時香氣四溢令人垂涎，質感十分爽脆，每一口散發淡淡海水鹹鮮同磯燒味大蝦殼磯燒 $130太好服務全程有服務員幫我們烤，如果唔係，所有海鮮都會比我地燒乾！大蝦燒得剛剛好，鮮甜唔乾！海蝦大隻又新鮮，肉質彈牙又爽口，蝦味濃郁。非常愉快的一個晚上！偽日本遊大滿足！

今日去咗一間焱丸水產 - 日式料理的餐廳，味道真係好到爆（好推介）！我地叫咗漁師2人前盛，裡面有油甘魚、白身魚、赤身、拖羅、甜蝦、鮮北寄貝，每樣海鮮都好新鮮，油甘魚肉質軟糯，令人回味無窮。麻醬蕃茄豆腐同蟹味噌甲羅燒真係好好味！麻醬同蕃茄嘅味道混合在一齊，令人感覺好開胃。甲羅燒嘅蟹味噌醬汁濃郁，燒得剛好，令人一試難忘。帶子磯燒同醬油木魚帆立殼燒都係一級棒！帶子磯燒上面加咗少少特調醬汁，令味道更加鮮美，帶子肉質鮮甜。醬油木魚帆立殼燒用嘅醬汁好正，唔會太鹹，好好嘅平衡度。龍神號壽司入口即化，內有鮮蟹柳、赤身、油甘魚、三文魚、白身魚，每一款都有自己獨特嘅味道，而且每一件壽司都好新鮮，絕對係壽司迷必試之選！溫泉蛋天婦羅+冬菇，青椒天婦羅兩款天婦羅都好香脆，而且味道好好，一啖即知嘅好味道！特別係溫泉蛋天婦羅，啖落去蛋汁流出，令味道更加豐富。蠔鍋飯好正，飯粒軟糯，蠔味濃郁，一啖就令你愛上呢道菜！最後，青蘋果颱風乳酸同冰菠蘿梳打係完美嘅結尾。青蘋果颱風乳酸酸酸甜甜，非常開胃，而冰菠蘿梳打清爽怡人，令人十分滿足。餐廳晚上超多人，真係值得一試！佢哋嘅食物味道十分鮮香，每一款都好好味，令人回味再三。

約左好耐冇見既朋友食，大家都好想食磯燒、去左棉登徑炎丸居酒屋、木系裝潢好像置身日本居酒屋。餐牌選擇幾多、除了單點，平日中午仲有lunch set 都幾抵。蟹味噌甲羅燒 有滿滿蟹膏、燒完後鹹香味跟脆卜卜魚子口感好正。燒蠔燒得啱啱好大蝦磯燒好大隻爽口lunch set 叫左12件壽司盛，有珍寶赤海蝦、海膽、吞拿魚蓉、鮪魚等好豐富、白身魚同拖羅亦肥美。西冷牛肉好大塊～套餐包括味噌湯、沙律、蒸蛋等、茶碗蒸好滑冰菠蘿梳打有大大塊菠蘿 酸酸甜甜清爽消署、食完串燒飲番杯啱啱好🤩

每次我想食甲羅燒，焱丸水產必定係我首選，不但位置方便，而且店鋪好有日式居酒屋🏮feel，另自己彷如係日本開餐咁😆。打開餐牌，刺身、手握壽司、浜燒、貝燒、沙律、野菜、揚物，餐前小吃、天婦羅、鍋物、丼飯樣樣都有，選擇非常之多，價錢黎講係尖沙咀區算中游，但食物質素每次都keep 得好好👍🏻。🍹坐低先來一杯解暑飲品，呢度最新推介，冰菠蘿🍍梳打，梳打水唔洗另外放冰粒，成杯飲品唔洗驚越飲越稀😆；中央放左一條雪到冰左嘅菠蘿，又睇得又食得，菠蘿又香又甜。🥢刺身五盛，所有刺身厚切，口感一流👍🏻，非常新鮮，三文魚油脂豐富；吞拿魚肉質較為堅實，味道清淡，含豐富魚油，魚的鮮味濃郁；最正一定係海膽，色澤金黃，入口creamy甘香鮮甜😋。🥢鹽燒三文魚鮫，必點之選，鮫位好大，油脂極之豐腴，周邊魚肉軟嫩。🥢什錦天婦羅，炸粉好薄身脆口，食材好新鮮，最驚喜係紫菜天婦羅，咁薄身都可以做天婦羅，而且炸得咁脆，好驚喜。🥢蟹味噌甲羅燒，每次黎最期待，由服務員代勞，幫我地將蟹蓋放上燒爐，將鵪鶉蛋、蔥花、蟹子、蟹膏一併拌勻燒烤，哇，等左一陣，香味隨即慢慢飄出，知道係可以上枱時候啦😋😋，入口萬分甘香，蟹子係口腔迫迫卜卜，好有口感，拌埋

近排鬼咁多日本旅遊節目,心引起想去食日本嘢,就約朋友去呢間喺棉登徑盡頭嘅居酒屋,諗住星期一小人D,點知都係好多人,好在醒目一早訂在位,否則有排等,入到去真係幾日本居酒屋"feel "天時暑熱坐低梗係整番杯"神泡"先啦,朋友就叫咗杯菠蘿橙梳打……先order個5點盛魚生,有海胆、帶子、三文魚、赤身、油金魚,魚生種類唔算特別,但勝在新鮮……跟住嚟個"炎丸號壽司"入面有海胆、蟹肉、魚子、吞拿魚蓉、粒貝,賣相精美,餡料豐富呢個清酒煮白蛤鍋,好濃嘅清酒味道,湯汁雖然比較淡,但完全食到白蛤嘅鮮味,蛤肉肥美、軟滑餐牌有個"温泉蛋天婦羅"好似幾特別,就叫嚟試試…..伴菜有青椒、冬菇、蕎麥麵都冇乜特別,重點係嗰兩隻温泉蛋,真係做到流心,好味……重頭戲當然係"浜燒"order咗蟹味噌甲羅燒、鲍魚、大蝦甲羅燒蟹味濃郁,蟹控必食新鮮鮑魚,係真新鮮鮑魚,燒嗰陣仲"郁"呀,雖然好似有D殘忍但真係幾好味,肉質爽脆鮮甜大蝦夠大隻,新鮮肉厚、爽身最後叫多個北海道海鮮炒飯,內有蟹籽、魷魚、帶子粒,炒飯乾身,餡料豐富…

秋冬季節我最喜愛就係去郊外燒烤，燒海鮮成為我嘅最愛，而夏天🥵最好不過一定係嘆住冷氣食燒海鮮啦😆，尖沙咀焱丸水產係我同朋友最愛，燒海鮮部份有店員為我地效勞，咁就可以舒舒服服嘆番餐啦。餐廳天花上掛上魚網、浮波、水泡、日式燈籠及日本漁旗等嘅裝飾物，布置恍如置身於日本的浜燒店。菠蘿梳打冰菠蘿梳打係今期推介，梳打水嘅冰凍位來自中央插上一支新鮮雪到結冰嘅菠蘿，菠蘿嘅冰慢慢溶化之後，梳打水增添左菠蘿嘅香甜。黑松露蟹肉甲羅燒由店員代勞將蟹殼放上燒烤爐上，將黑松露、蟹籽、鵪鶉蛋同大量蔥花一併攪勻，大約燒至5分鐘之後，收乾水後便可以用小湯匙直接舀黎食，拌以鵪鶉蛋漿的蟹膏甘香幼滑，蟹子卜卜脆脆增加口感，黑松露亦發揮芬香撲鼻嘅效果。焱丸活貝大盛（扇貝、鮑魚、生蠔🦪，白蛤）最有睇頭一定係活鮑魚，上枱仍然不停蠕動、非常新鮮，熟後嘅鮑魚入口軟嫩；燒熟後嘅生蠔🦪，仍然非常肥厚，中間脹卜卜，入口爆漿，蠔味濃郁；扇貝肉質鮮甜，裙邊煙韌有口感；白蛤，肉身爽脆，肉細味鮮。鹽燒三文魚鮫魚鮫外皮燒至金黃，夾什魚鮫位嘅油脂，入口甘香香脆，魚肉位置燒得剛剛好，保持肉質鮮嫩juicy，呢個非常推介。刺身五盛刺身部份色澤光亮，非常新鮮，

預早訂左位同朋友傾偈飲酒食海鮮🍻 好盡興嘅一晚！食燒海鮮點可以冇甲羅燒！我地叫左芝士同原味既甲羅燒，店員會將鵪鶉蛋、蟹膏同蟹肉混合，過一陣就有香噴噴嘅甲羅燒登場😛 味道十分香濃，我自己鍾意食原味，最後加少少青瓜絲一齊食。本鮪盛合就係各款嘅吞拿魚組合，有拖羅刺身，仲有吞拿魚他他。味道新鮮，他他切成一粒粒，加蛋汁一齊食，更加順滑嘅口感。另外再叫咗一份三文魚壽司拼盤，每一件三文魚壽司都加咗唔同風味嘅醬汁，增加咗味道層次。落去平平無奇嘅香葱和牛炒飯，味道幾出色，食到好香蔥味。估唔到居酒屋嘅炒飯，都可以咁有鑊氣！叫咗壽司，當然唔少得刺身。甜蝦鮮甜，左口魚都幾新鮮，作為前菜好適合。好多款酒類可以選擇，我揀咗冰菠蘿梳打✨估唔到竟然有菠蘿果肉🤯

焱丸水產主打磯燒海鮮、壽司刺身，充滿日本風情嘅居酒屋格局。夜晚七點鐘已經座無虛席，好熱鬧，及早訂位比較穩陣🙈🦀 蟹味噌甲羅燒🦀 芝士蟹肉甲羅燒幾乎每枱都會叫嘅菜式，店員會用小烤爐幫手燒，怕膩既話，可配上青瓜絲一齊食。個人比較鍾意原味，蟹味香氣更濃郁。而芝士蟹肉甲羅燒口味就多咗啲鹹香芝士味～🦀 帶子磯燒🦀 醬油木魚帆立殼燒帶子厚身，啖啖肉，生熟程度啱啱好，肉質唔會過分鞋口。🦀 溫泉蛋天婦羅一咬就爆哂流心蛋汁，天婦羅炸粉亦唔會有太厚重既感覺。🦀 本鮪(吞拿魚)盛合個人最鍾意吞拿魚他他，再沾上蛋汁食用，有效減低膩感，口感更順滑。另外吞拿魚刺身都幾新鮮，唔會過份油脂豐腴，啱我嘅口味。🦀 甜蝦刺身🦀 左口魚刺身鮮味十足，尤其係左口魚刺身會配搭酸汁，有淡淡魚肉再加清香感覺。🦀 冰菠蘿梳打🦀 青蘋果梳打店員好好，今日唔方便飲酒，可以特別要求走酒精🍷 清爽嘅梳打，再加埋靚靚水果，打卡得嚟又好飲！

焱丸採用日式居酒屋風格，牆壁貼滿日文poster及裝飾，又播散著日文歌，好有氣氛。中午時段來光顧，點了一杯可自由選擇酒精比例的冰菠蘿燒酎，燒酎味道突出，冰菠蘿置於杯中，賣相特別，微微酸味易入口。岩手縣生蠔嫩滑，加上一點青檸汁後更添清新。餐廳提供不少爐端燒食品，今天點了兩客蟹味噌甲羅燒。蟹殼盛著蟹肉、蟹膏、蟹籽、鵪鶉蛋和蔥粒。店員即席製作燒物，甲羅燒鹹鮮濃郁，伴青瓜絲同吃一流。大蝦鬼殼磯燒非常大隻，肉質扎實。日式甜醬牛肉鍋配烏冬是其中一款午市套餐，配送沙律和凍豆腐。餐廳用料大方，鍋中的野菜堆成一座小山，每件牛肉都好大件，而且肉味濃郁。烏冬質素不錯，煙韌可口。午市套餐平均百多元，非常抵食。

香港人幾耐無去過日本，有幾掛住日本新鮮海鮮？幾掛住日本居酒屋？朋友知道我好想好想食日本水產，帶路下去到位於尖沙咀棉燈徑浜燒地方，食材新鮮，完全有日本居酒屋店內濃厚日本居酒屋色彩，令我想起那年沖繩旅行，一邊飲酒一邊食浜燒梅乾燒酎 居酒屋一定會飲返兩杯，我order 最喜愛梅乾燒酎，有梅淡淡香氣，酸酸甜甜，好適開胃大蝦鬼殼磯燒大蝦鬼大概4寸長，燒大幾分鐘，大蝦入口鮮甜，蝦味濃而且非常厚肉芝士蟹肉甲羅燒松葉蟹加芝士、蟹膏、蟹籽、蛋燒幾分鐘，未食已經好香！入口粒粒蟹籽脆脆口感，蟹膏鮮味無比，仲有陣芝士香三文魚壽司拼盤三文魚壽司有唔同配搭，有三文魚子、黑松露、海膽海膽軍艦海膽都唔少！海膽鮮甜慢慢口中融化感覺，真係好正！甜蝦刺身刺身都幾新鮮，特別蝦頭膏入口甘香無比

都好一段時間冇黎，咁啱嗰日朋友生日，話想嚟呢間試，咁就同咗佢過嚟。但叫個燒貝類拼盤，燒出嚟味道比較鹹，亦冇以前咁鮮。之後，叫咗個刺身及壽司拼盤，我好少食生嘢，除非非常鮮，但呢間今次味道好一般，所以我都唔想多食。整體比之前差咗，希望之後黎會有改善。

生日朋友請食飯，朋友食過覺得焱丸幾好就揀呢間啦。我重伸，唔係試食，我朋友有俾錢㗎。現場客唔多，上菜都快，侍應都好主動埋枱幫手燒。朋友揀咗鮑魚，蠔，壽司set,味噌蟹籽甲羅燒，一口芝士，豚肉鍋加烏冬，仲有一份沙律。燒物都有侍應過嚟處理唔洗自己落手，枱面有吉碟都好快收走，佢地效率都幾高。居酒屋嚟講，食得出佢哋嘅海鮮好新鮮，壽司就好一般，唔值呢個價錢。豚肉鍋加烏冬最搵笨😂35蚊加個烏冬，份量細到食完好似無食過咁。一口芝士同刺身沙律就出品穩定😂味噌蟹籽甲羅燒都好食❤️可惜以性價比嚟講，除咗海鮮之外，佢哋其他食物都係好唔扺，價錢偏貴，例如兩件好普通嘅芥末八爪魚壽司都要50蚊。綿登徑有咁多餐廳，好易將佢地比下去。

好耐無嚟呢間焱丸水產食了，餐廳環境仲係咁有喺日本居酒屋感覺，氣氛一流先叫兩杯青蘋果梳打及巨峰啤酒，前者清新香甜，後者冰凍啤酒帶著濃厚巨峰味飲啤酒先叫個唐揚八爪魚來送，外層炸到香口脆身，入面八爪魚爽口彈牙，搭啤酒就啱哂刺身係必須要點的，左口魚刺身口感新爽，而鯛魚刺身就比較肥美，入口充滿魚油脂香呢個卷飯係鹹香又大粒嘅三文魚子，面頭係香蔥吞拿魚蓉，一啖放入口相當滿足到浜燒活鮑魚了，侍應細心幫我哋燒，鮑魚非常生猛，燒到微微焦香，鮮甜又夠爽口彈牙而甲羅燒有兩隻味，蟹味噌及芝士蟹肉、前者鹹香帶有芝士味。後者就再鹹香一點帶膏香最後係和牛炒飯，呢個飯炒得好出色，每粒飯都粒粒分明，仲有好重和牛香味

店內濃厚日本色彩，日式居酒屋裝潢播輕快音樂，加杯燒酌，人生一大樂事
枱上有清酒、醬油、海鹽調味料，浜燒有專人幫手燒，唔識燒都唔怕蟹子蟹肉薯仔沙律沙律好足料！好多蟹肉、蟹子配上日式沙律味道，蟹肉入口都幾鮮味
黃金蟹膏甲羅燒 松葉蟹加黃金蟹蟹膏、蟹籽、蛋燒幾分鐘。入口鮮味無比，我個人認為有白飯伴就更perfect  日本鮑魚鮑魚好新鮮，燒時候鮑魚仲郁緊。店員會加入醬油再灑鹽，每邊燒5分鐘，食之前剪走內臟，鮑魚入口非常柔軟嫰滑 本鮪(吞拿魚)盛合五款吞拿魚款款新鮮，包括赤身、火炙吞拿魚壽司、京蔥吞拿魚、醬油吞拿魚、最特別吞拿魚面肉，點旁邊蛋黃鼓油，入口嫰滑鮮味無窮 海膽壽司海膽疊成小山丘，入口外層香，海膽慢慢口中融化感覺，十分鮮甜溫泉蛋天婦羅溫泉蛋用天婦羅炸醬炸得外層香脆，再點天婦羅醬油，外層脆內層溫泉蛋流心，真心正