焱丸水產

營業中

休息中

焱丸水產主打磯燒海鮮、壽司刺身，充滿日本風情嘅居酒屋格局。夜晚七點鐘已經座無虛席，好熱鬧，及早訂位比較穩陣🙈🦀 蟹味噌甲羅燒🦀 芝士蟹肉甲羅燒幾乎每枱都會叫嘅菜式，店員會用小烤爐幫手燒，怕膩既話，可配上青瓜絲一齊食。個人比較鍾意原味，蟹味香氣更濃郁。而芝士蟹肉甲羅燒口味就多咗啲鹹香芝士味～🦀 帶子磯燒🦀 醬油木魚帆立殼燒帶子厚身，啖啖肉，生熟程度啱啱好，肉質唔會過分鞋口。🦀 溫泉蛋天婦羅一咬就爆哂流心蛋汁，天婦羅炸粉亦唔會有太厚重既感覺。🦀 本鮪(吞拿魚)盛合個人最鍾意吞拿魚他他，再沾上蛋汁食用，有效減低膩感，口感更順滑。另外吞拿魚刺身都幾新鮮，唔會過份油脂豐腴，啱我嘅口味。🦀 甜蝦刺身🦀 左口魚刺身鮮味十足，尤其係左口魚刺身會配搭酸汁，有淡淡魚肉再加清香感覺。🦀 冰菠蘿梳打🦀 青蘋果梳打店員好好，今日唔方便飲酒，可以特別要求走酒精🍷 清爽嘅梳打，再加埋靚靚水果，打卡得嚟又好飲！

焱丸採用日式居酒屋風格，牆壁貼滿日文poster及裝飾，又播散著日文歌，好有氣氛。中午時段來光顧，點了一杯可自由選擇酒精比例的冰菠蘿燒酎，燒酎味道突出，冰菠蘿置於杯中，賣相特別，微微酸味易入口。岩手縣生蠔嫩滑，加上一點青檸汁後更添清新。餐廳提供不少爐端燒食品，今天點了兩客蟹味噌甲羅燒。蟹殼盛著蟹肉、蟹膏、蟹籽、鵪鶉蛋和蔥粒。店員即席製作燒物，甲羅燒鹹鮮濃郁，伴青瓜絲同吃一流。大蝦鬼殼磯燒非常大隻，肉質扎實。日式甜醬牛肉鍋配烏冬是其中一款午市套餐，配送沙律和凍豆腐。餐廳用料大方，鍋中的野菜堆成一座小山，每件牛肉都好大件，而且肉味濃郁。烏冬質素不錯，煙韌可口。午市套餐平均百多元，非常抵食。

香港人幾耐無去過日本，有幾掛住日本新鮮海鮮？幾掛住日本居酒屋？朋友知道我好想好想食日本水產，帶路下去到位於尖沙咀棉燈徑浜燒地方，食材新鮮，完全有日本居酒屋店內濃厚日本居酒屋色彩，令我想起那年沖繩旅行，一邊飲酒一邊食浜燒梅乾燒酎 居酒屋一定會飲返兩杯，我order 最喜愛梅乾燒酎，有梅淡淡香氣，酸酸甜甜，好適開胃大蝦鬼殼磯燒大蝦鬼大概4寸長，燒大幾分鐘，大蝦入口鮮甜，蝦味濃而且非常厚肉芝士蟹肉甲羅燒松葉蟹加芝士、蟹膏、蟹籽、蛋燒幾分鐘，未食已經好香！入口粒粒蟹籽脆脆口感，蟹膏鮮味無比，仲有陣芝士香三文魚壽司拼盤三文魚壽司有唔同配搭，有三文魚子、黑松露、海膽海膽軍艦海膽都唔少！海膽鮮甜慢慢口中融化感覺，真係好正！甜蝦刺身刺身都幾新鮮，特別蝦頭膏入口甘香無比

都好一段時間冇黎，咁啱嗰日朋友生日，話想嚟呢間試，咁就同咗佢過嚟。但叫個燒貝類拼盤，燒出嚟味道比較鹹，亦冇以前咁鮮。之後，叫咗個刺身及壽司拼盤，我好少食生嘢，除非非常鮮，但呢間今次味道好一般，所以我都唔想多食。整體比之前差咗，希望之後黎會有改善。

生日朋友請食飯，朋友食過覺得焱丸幾好就揀呢間啦。我重伸，唔係試食，我朋友有俾錢㗎。現場客唔多，上菜都快，侍應都好主動埋枱幫手燒。朋友揀咗鮑魚，蠔，壽司set,味噌蟹籽甲羅燒，一口芝士，豚肉鍋加烏冬，仲有一份沙律。燒物都有侍應過嚟處理唔洗自己落手，枱面有吉碟都好快收走，佢地效率都幾高。居酒屋嚟講，食得出佢哋嘅海鮮好新鮮，壽司就好一般，唔值呢個價錢。豚肉鍋加烏冬最搵笨😂35蚊加個烏冬，份量細到食完好似無食過咁。一口芝士同刺身沙律就出品穩定😂味噌蟹籽甲羅燒都好食❤️可惜以性價比嚟講，除咗海鮮之外，佢哋其他食物都係好唔扺，價錢偏貴，例如兩件好普通嘅芥末八爪魚壽司都要50蚊。綿登徑有咁多餐廳，好易將佢地比下去。

好耐無嚟呢間焱丸水產食了，餐廳環境仲係咁有喺日本居酒屋感覺，氣氛一流先叫兩杯青蘋果梳打及巨峰啤酒，前者清新香甜，後者冰凍啤酒帶著濃厚巨峰味飲啤酒先叫個唐揚八爪魚來送，外層炸到香口脆身，入面八爪魚爽口彈牙，搭啤酒就啱哂刺身係必須要點的，左口魚刺身口感新爽，而鯛魚刺身就比較肥美，入口充滿魚油脂香呢個卷飯係鹹香又大粒嘅三文魚子，面頭係香蔥吞拿魚蓉，一啖放入口相當滿足到浜燒活鮑魚了，侍應細心幫我哋燒，鮑魚非常生猛，燒到微微焦香，鮮甜又夠爽口彈牙而甲羅燒有兩隻味，蟹味噌及芝士蟹肉、前者鹹香帶有芝士味。後者就再鹹香一點帶膏香最後係和牛炒飯，呢個飯炒得好出色，每粒飯都粒粒分明，仲有好重和牛香味

店內濃厚日本色彩，日式居酒屋裝潢播輕快音樂，加杯燒酌，人生一大樂事
枱上有清酒、醬油、海鹽調味料，浜燒有專人幫手燒，唔識燒都唔怕蟹子蟹肉薯仔沙律沙律好足料！好多蟹肉、蟹子配上日式沙律味道，蟹肉入口都幾鮮味
黃金蟹膏甲羅燒 松葉蟹加黃金蟹蟹膏、蟹籽、蛋燒幾分鐘。入口鮮味無比，我個人認為有白飯伴就更perfect  日本鮑魚鮑魚好新鮮，燒時候鮑魚仲郁緊。店員會加入醬油再灑鹽，每邊燒5分鐘，食之前剪走內臟，鮑魚入口非常柔軟嫰滑 本鮪(吞拿魚)盛合五款吞拿魚款款新鮮，包括赤身、火炙吞拿魚壽司、京蔥吞拿魚、醬油吞拿魚、最特別吞拿魚面肉，點旁邊蛋黃鼓油，入口嫰滑鮮味無窮 海膽壽司海膽疊成小山丘，入口外層香，海膽慢慢口中融化感覺，十分鮮甜溫泉蛋天婦羅溫泉蛋用天婦羅炸醬炸得外層香脆，再點天婦羅醬油，外層脆內層溫泉蛋流心，真心正

居酒屋萬歲！每次去居酒屋，心情都大好！位於尖沙咀的《焱丸水產》是香港首間海鮮磯燒元祖店，超地道！.店內的木板牆身印有不同漁港裝飾，掛滿漁網、水泡、日式燈籠及漁旗等，現場播放著熱鬧的音樂，恍如置身日本居酒屋🏮.「先來一杯啤酒吧！」🧡蟹味噌甲羅燒（$68）味噌混合在蟹膏內，燒起來好香喔！放在烤爐上小火上加熱攪拌約三、四分鐘，蟹膏沸騰期間會傳出陣陣鮮蟹味，好幸福！🧡牡蠣殻燒（$68/1隻）🦪繼續興奮環節：連殻燒牡蠣！一咬下去，肥美飽滿，鮮甜間帶有淡淡海水味，入口嫩滑，令人齒頰留香。🧡蟹子蟹肉薯仔沙律$78沙律cp值有點低，不過因為吃完燒物類，想解一解油膩感，所以還是點了。🧡轟炸雞（$58）雞肉外脆內嫩, 肉汁豐富，好吃！*全自費

我最近到尖沙咀的一家居酒屋 - 焱丸水產，品嚐了他們的新鮮海鮮料理，真是讓我驚艷不已！這家居酒屋的裝修風格非常簡潔明亮，一進門就能聞到海鮮的香氣，讓人胃口大開。這裡的菜單非常豐富，我們點了幾道招牌菜，其中最令人驚喜的是他們的羅甲燒。羅甲燒新鮮多汁，一口咬下去感覺就像是在海邊享用的一樣。另外，他們的鮑魚也非常棒，外皮酥脆，內裡鮮嫩多汁，非常好吃。此外，我也品嚐了他們的刺身拼盤，包括了各種鮮美的魚類，比如鮪魚、三文魚和八爪魚等等。每一件刺身都非常新鮮，口感也很棒。最後，我們也嚐了他們的炊飯，這裡的炊飯非常軟糯，加上鮮美的海鮮，真是讓人回味無窮。除了食物之外，這家居酒屋的服務也非常出色，服務員都非常友善熱情。整體上來說，我非常推薦這家居酒屋，如果你想品嚐新鮮的海鮮料理，這裡絕對是一個不錯的選擇。

是日外勤尖沙咀，放工和同事來到棉登徑的焱丸水產來個小休。餐廳令人有置身日本的感覺，裝修設計好地道日本居酒屋。餐牌選擇好多，左諗右諗點了好幾樣想食的。青蘋果梳打&巨峰啤酒坐低先來一杯解渴，香甜又醒神！仲有雪凍的蘋果肉，，又飲得又食得。啤酒冰凍解渴，好香提子味，用來配炸物最好。唐揚八爪魚為飲品而點，炸得香脆不乾身，有咬口又惹味，和啤酒真是絕配。左口魚刺身&鯛魚刺身没有火炙過的左口魚質感帶爽，食落多了份煙韌口感。鯛魚則肥美帶油香。香蔥吞拿魚蓉三文魚子卷吞拿魚蓉好多，和壽司飯量是1:1，一件一啖剛好，食落少少葱香，而三文魚子咸咸地，正好調味。蟹味噌甲羅燒&芝士蟹肉格羅燒不同口味各一，芝士味的甲羅燒味道較淡，但入口多了芝士香。原味的咸香較突出，兩者都好食，如果有餅乾或麵包伴食會更加正！鮑魚殼燒生猛識郁上枱，爽口又彈牙。溫泉蛋天婦羅貪得意點的，但有驚喜，温泉蛋外皮炸得香脆，入面保持流心，又creamy，又好食。三文魚壽司拼盤有炙燒有松露有海膽有三文魚子，每件有不同配搭，雖然不算厚切，但愛三文魚的你，算是止了癮。香蔥和牛炒飯好好食，炒得好香，飯粒粒分明沾有牛油香，配料沒有很多，但卻炒出了令人食唔停口

我同朋友都好鍾意食海鮮，呢日就專登去左尖沙咀呢間日式餐廳食dinner。餐廳入面好好氣氛。 三文魚生油果油酢漬清新爽口，三文魚肉質鮮嫩，讓人一試難忘。左口魚刺身口感鮮美，魚肉的質地柔嫩，搭配上醬汁，是一道非常經典既日本料理。岩手縣生蠔好肥美，鮮甜多汁，勁吸引。黑松露蟹肉甲羅燒帶有淡淡的黑松露香氣，烤得剛剛好。焱丸活貝大盛是必點都的，有生蠔、鮑魚等高級食材，鮑魚仲喺度郁，超級新鮮。最後，冷蒿麥是一道好refreshing 既菜，啱晒用嚟配搭燒烤。飲埋杯啤酒就Perfect。

今日與朋友到尖沙咀棉登徑的炎丸水產享用午餐，這家日式居酒屋的裝修設計深受我們喜愛。餐廳以木材和石材為主要材料，營造出舒適溫馨的環境。墻上掛著傳統的日本繪畫和刀劍，令人感受到深厚的日本文化底蘊。整體而言，這是一個非常舒適和放鬆的用餐環境。今次點了多款美食，包括甲羅燒、原隻燒生蠔、燒帆立貝、燒大蜆、炭燒鮑魚、刺身拼盤、和牛壽喜燒和海膽紫菜卷。其中最令人驚艷的是甲羅燒，蟹膏濃郁的味道和豐富的口感，也沒有像外面一樣味道調得太鹹，令人回味無窮。生蠔烤得恰到好處，口感Creamy 美味。燒帆立貝質地鮮嫩，香氣四溢，燒大蜆則帶有清新的海洋風味。炭燒鮑魚口感鮮美，肉質軟嫩，燒得剛剛好。所有燒物都是餐廳職員即席烤熟，非常有看頭。刺身拼盤上的吞拿魚拖羅、鯛魚和三文魚等等都非常新鮮，口感也非常好。和牛壽喜燒用蔬菜和豆腐做湯底，我們動手自己煮熟，每一塊和牛牛肉都非常嫩，肉汁也非常豐富。最後是海膽紫菜卷，海膽很新鮮，份量也不少，紫菜的香氣和海膽的鮮美味道完美融合在一起，讓人齒頰留香。整體而言，這次的用餐經驗非常愉快，炎丸水產的食物服務和環境都非常令人滿意。每一道菜都色、香、味俱全。

最正嘅係活海鮮！每日仲有唔同的時令刺身係日本運過來😋而且氣氛熱鬧。－定要試吓黑白啤酒，三文魚腩😋時令刺身魚兩食，魚骨可煮湯，但我要求炸魚骨👍🏻果然炸左更好吃，飛常脆口。龍蝦刺身都係可以兩食，我加40元粥底煮粥！始終食飽喝醉來個粥比較養胃不過記得一定要訂位啊！

一入舖頭以為自己去咗日本，每個位完全同去東京水產居酒屋一模一樣睇食評必食磯燒/刺身/壽司等，其次當然水產必食蟹腳/ 甲羅燒!我哋食咗雪場蟹磯燒同大蝦鬼殼磯燒，先講大蝦，店員連殼燒，望住佢由綠色變到金黃色層層的香味飄來真係好心急，燒好後店員仲會剝好蝦殼上枱，食落都幾鮮甜，大大隻啖啖肉唔錯! 而雪場蟹腳令我想起了北海道，冰燒上爐，呢個真係啖啖肉，而家燒好店員都係會剪開蟹腳上枱，一夾就食得，鐘意食蟹怎能抗拒，真係好好味啊！烏賊磯燒都係推介，大大隻烏賊放上爐即燒，由新鮮到熟透店員都一手包辦，燒到差不多熟就會掃上醬汁，熟咗仲會剪埋一舊舊方便進食，讚！入口口感彈牙，加埋獎汁好惹味又爽口，好容易就食到停唔到口！我地本身唔飲酒，就點了2杯梳打，大大杯甜甜地微酸，配食海鮮一流!再食埋壽司拼盤，飽飽了！下次多啲人再試吓其他食物。

心心念念日本美食，奈何公司已無假唯有走轉尖沙咀一解單思美食之苦! 早早BOOK定枱去出哂名難BOOK的焱丸水產食好西!我就最鐘意食和牛，先嚟2碟火炙和牛壽司，輕輕火炙，入口即熔，牛味極重，好正! 絕對能以回味無窮來形容! 然後就開爐即燒 – 蟹味噌甲羅燒，每次去居酒屋必點美食，店員專人幫忙燒，蟹子蟹膏蟹肉加埋蛋一路燒一路撈，上枱陣陣蟹味，未食已經流哂口水，真心正! 店員話連埋D蔥一齊食，又別有一番風味啊，一人一隻剛剛好!赤貝刺身 – 好新鮮，口感爽脆，清清地好好味!特上壽司盛合 – 多款壽司齊集，啱哂我最鐘意食壽司又三心兩意的人，壽司飯同刺身比例完美，用料好新鮮，推介海膽壽司，唔會腥，清甜好味，仲有蟹蟹三寶，蟹羔蟹肉蟹籽都有，我真係好滿足啊!!! 大家都想試記得記得要早D訂位，焱丸真係好快就Full House，要早 D安排啦!