無極手工麵.燒烤.私房料理 (已結業)

今日係灣仔見至呢間好似咩都有得食既餐廳，就入左去試一試。一入到去見到老闆好熟口面，好似唔知邊到見過佢，再睇下一入門口啲相就記起佢係之前啲台灣劇成日出現-我仲記得佢拍過愛情魔髮師😂😂所以開店既時候都好多明星捧場㗎！好啦，入去叫餸啦！首先吸引我呢個養生一族就係佢地既東方美人湯同煲仔麵。佢地呢度既湯听講係出名足料同滋潤。所以我地都叫左個東方美人湯，再加五蚊有個麵食。之後就叫左個花膠米酒雞煲仔麵。麵泥到就知道真係真材實料。就係個米酒雞既雞已經就成個煲都係，加上一齊上既松草花同好多好多花膠，個麵真係好豐富，最重要係食落完全冇味精味！食完一啲都唔口渴。美人湯亦都係一樣，個湯好甜好滋潤，相信冬天喝仲正。叫完麵就梗係要試下佢林林總總既小食。唔少得既就梗係佢個美人餃。除左呢啲咁健康既選擇，我地都揀左啲惹味啲既宵野系列，有燒韭菜同bb蘆筍，燒日式芝士年糕，羊肉串。食物泥到既時候全部都熱辣辣，岩岩燒好，好正。羊肉串係十分推介，羊肉好有質感，加埋啲孜然粉，真係好惹味!我亦都推介大家試下個串燒菜，燒完既菜好有質感，食落好似食肉咁，好新鮮。最後我地都叫埋甜品～桂花釀小丸子(自家製），同冰冰粉。呢兩個甜品真係好特別

入到餐廳見到裝修得好古典風，原來係新開店，試一試先！打開餐牌見到野食名字好有武俠小說既影子，有創意，咁都諗到。環顧四周既食客都一人一盅燉盅，睇黎哩度既湯都好受歡迎。東方美人麵餐 $68見到美人兩字都想叫啦！用左蟲草花、竹絲雞、瘦肉等食材做個燉湯，標明冇落味精同鹽。見到好多湯料，唔係淨係湯水。啖湯非常清甜，我將d湯倒晒落碗麵度，清淡既一餐反而幾好，平時出面調味太濃，黎哩度食健康食物。鮑你撈起稻庭烏冬 $88個名改得好好 ，個個都想撈起！個烏冬好滑，落左最夾既胡麻醬好開胃，賣得$88係因為落左唔少鮑魚片，好快ko左成碗！燒墨魚腸 $25係台灣小食常見既，哩度燒得好香，唔錯！桂花釀小丸子 $32食左正餐食番個甜品就係完美，係一個養生糖水，杞子、桂花等消暑、明目、美顏，岩晒女士們，甜度岩岩好，都幾好味。

最近灣仔開咗間餐廳 頂咗以前間越南野今日同同事收工特登去試吓 入到去個老闆好熱情同我哋介紹有啲咩菜式好食間餐廳設計好特別 有個獅頭掛喺度個feel中式得黎又好似古代啲客棧咁 好特別餐牌好多野揀 啲名都改得好得意😆😆有手工麵，串燒，私房料理種類我哋叫咗黑豚肉醬撈擔仔麵 呢個菜係今晚最出色原本我都唔係好鍾意食肉醬嘅嘢 但佢呢個醬汁配搭係好好食 我同同事好快清晒仲有個叫雞同鴨講 佢係用雞肉包住黃椒紅椒同蘆筍 上面灑左啲芝麻 啲肉好嫰 辣辣地好開胃燒物叫咗多春魚 蜜糖燒粟米 燒冬菇同蜜糖一口蕃薯 同岩鹽燒千舌 全部都燒得好入味野飲我地叫咗青檸薏米冬瓜茶 同蜂蜜柚子茶 佢個杯好搞笑 內籠應該有冰鎮嘅作用最後不得不提 就係擺喺旁邊既辣菜脯同辣椒油佢既辣菜脯真係好好食忍唔住樣樣野食都要加埋落去一齊食下次收工可以叫埋成班同事一齊去食宵夜

約左人仲有兩個鐘先到晚飯時間， 呢間無極手工拉麵店之前行過都唔覺眼 ，應該新開冇幾耐， 見佢哋嘅裝修都幾特別，晚飯前先來個養生燉湯補下身兼kill 吓time 都唔錯。門前醒獅一隻食店闊落 ， 皮梳化坐得舒服， 五點幾時間尚早 ，人流不多， 可以慢慢歎個燉湯。免費供應拌麵良品~ 辣菜脯3款養生燉湯供選， 全部原汁原味燉制，不加任何調味料， 連鹽都不加， 很吸引!  更吸引的是套餐包手工麵都系$58-$68，  可以當一餐飯食， 取價合理。除咗燉湯, 仲有不同種類的食物及多款燒海鮮。養生燉湯 ~ 東方美人 ($63/單湯)我叫咗呢款東方美人燉湯， 材料有竹絲雞、蟲草花、瘦肉及桃膠等， 以燉盅獨立燉製，竹絲雞向來補而不燥， 蟲草花可以提高免疫能力及改善睡眠質素， 桃膠就梗係養顏啦， 呢款燉湯啱晒女士夏天補身， 飲左都唔會變燥底湯頭清澈， 呈淺啡色， 有竹絲雞及豬肉的肉香，亦有蟲草花的菌香， 因為沒有落調味的緣故， 湯頭味道會比較清淡， 若然你食慣重口味可能會覺得淡而無味 ， 建議你加少許鹽提升味道 ，我就忠於原著, 飲完覺得味道似淡口版嘅白蘭X雞精。夠火喉, 竹絲雞燉到骨都化了, 一咬即粉

聽朋友講灣仔開左間以武俠為主題既餐廳，好適合最鍾意飲湯嘅我，黎開灣仔就入去試下啦！一入到，發現裝修真係有貼近武俠主題，同相像中既茶餐廳樣子好唔一樣東方美人嚟到呢間餐廳最期待嘅就係試佢嘅養生燉湯，我叫左碗滋補美顏既東方美人。裏面有蟲草花、烏雞、杞子等，真心覺得性價比好高，呢度既湯不含味精，原汁原味，同一般味精湯相比味道較淡，未必個個飲得慣，窩心既店員亦有提供鹽比我地，但我地無加，因為個人覺得湯本身既料都夠鮮味～男人當自強朋友既男人當自強一樣足料，湯中有大量桂圓，清甜好飲。忽必烈大王手抓羊上年去西藏旅行差唔多日日都食手抓羊，個時食到厭，翻到香港又有d懷念，估唔到呢度都有咁高質素既手抓羊食！呢度既羊肥瘦適中，肉質軟嫩，調味岩岩好，配上孜然粉，完全毫無羊騷味。食得多肉會有些少微膩，但呢度用生菜包住，配上青瓜同大蔥，無咁膩之餘，味覺又更有層次感。伴隨既四碟調味料分別係淮鹽與辣粉、孜然粉、辣椒油、海鮮醬，各有風味，呢度手抓羊既配料調味真係千變萬化，點食都唔怕悶！蒜蓉燒海島生蠔濃郁既蒜蓉配上飽滿既海島生蠔，燒至八九成熟，肥美嫩滑， 咬下軟滑多汁，蠔肉伴住重重蒜味，永遠唔會令人失望。呢間舖頭營業至凌晨

經到見裝修唔錯，都有心思的中國風，睇菜單的名字，有滿滿的武俠感覺，而且見到主打老火燉湯，加埋個麵都係幾十數，其實都幾抵食東方美人麵（竹絲雞、蟲草花、桃膠）男人當自強麵（土雞、馬卡）話哂都係全港首創，當然要試試，試左兩款老火燉湯，未飲前望下都已經十分足料，就咁飲都已經感覺到個種火氣，而且重要是無味精，加多幾蚊就可以有埋手工麵，而手工麵另上，可以按個人鍾意加菜脯或辣椒油調味，又唔算好貴，有齊咁多野，真係唔錯。武林聖火令個名就夠哂勁，問一問先知係炸蝦膠，當然要試試，黎到擺盤都已經有心思，真係整個令出黎，我仲以為只係普通炸蝦，中間的醬汁係麻辣油+麻醬，估唔到又幾夾。秘製燒封門柳燒物方面都好多選擇，牛類都有很多款 最後選擇封門柳，即是牛橫隔膜肌肉，通常這部分，口感都較爽口，已經肉味濃，再加上用孜然燒香，十分好食蒜蓉燒海道生蠔其實估唔到都有海鮮食，仲有龍蝦，不過既有叫左幾樣野就唔食咁多，簡簡單單的燒生蠔，蒜蓉的選擇的唔錯，就咁食都可以，生蠔鮮味都足蜂蜜菊花露雖然好多飲品選擇，但試試佢比較推薦的，簡單的甜甜地，幾好飲，另外見到原來啤酒、清酒各類都幾齊，係灣仔區果然都需要飲下野，開到凌晨兩點，都唔錯的

在開飯網尋找新餐廳，發現一家在灣仔新開-主打燉湯和手工麵的餐廳。餐廳是中型大小，裝修古色古香，座位都幾寬敞，唔會太逼，帶一點現代中式風格。茶樹茹姬茸茹豬展湯$53（跟餐）這豬展湯湯汁淸澈，帶有淡淡的茶樹茹和姬茸茹香，味道清雅。東方美人$63（跟餐）（竹絲雞、蟲草花、桃膠）這東方美人湯味道鮮美，唔會太油膩。既有竹絲雞的鮮味，又有蟲草花的甜味，感覺滋養行氣。既然這兒出名手工煲仔麵，我和honey也不約而同點了同一款煲仔麵。家鄉花膠咪走雞煲仔麵$58這煲仔麵質地比較油潤，表面泛著雞黃油，真材實料，湯汁幾鮮。麵餸有雞件和花膠。雖然花膠細細件，但口感滑溜。雞件是帶骨部分，肉質爽身帶嚼勁。手工麵份量唔少，口感軟滑。若果雞件去骨的話，可更理想。火焰山岩鹽燒一口雪花牛小排$58這雪花牛小排燒得幾香，肉味濃厚帶鹽燒風味。由於平曰比較忙，難得有湯飲。是夜以燉湯麵餐作晚餐都幾輕怡。可能平曰燥底，飲完燉湯脾胃比較滋養，感覺舒服一點。希望屋企附近多一些燉湯專賣店就好了。

開完會跟同事行過灣仔，發現新開的麵店，店名有點像武俠片，主打手工麵及燉湯。由於仍未食午餐，所以試試新東西。店內佈置真的有點武俠片客棧的感覺，紅磚牆、南獅頭、面譜、龍雕壁，蠻有玩味。一看餐牌更創意十足，食物有豬八戒、牛魔王、洪七公、聖火令等。點了東方美人及男人當自強，胡椒豬肚雞煲仔麵，冰粉及柚子茶。東方美人是由蟲草花、烏雞、杞子及紅棗燉湯，用紫砂燉盅上檯。這款燉湯很有營養, 可以增強人體免疫功能，提高抗病能力。由於沒有加味精及鹽，湯味淡口清甜。男人當自強是瑪卡雞燉湯，有秘魯人蔘之稱的瑪卡，有增加體力、增強耐力以及抵抗疲勞的保健食品。由於沒有太多的調味，只有單純的雞味和瑪卡的香氣，湯味清甜回甘。蟲草花胡椒豬肚雞煲仔麵，胡椒豬肚湯底比較辣，麵條口感有彈性，也很爽滑。可惜雞肉多骨及比較瘦。冰粉真加了入冰粒，口感很有趣。柚子茶側不過不失。

無論是的什麼菜式的麵食，我都一樣著迷，更何況是辦公室附近有新店，一定要來幫襯下。這裏的裝修都帶點中國式的玩味，用的碗碟都很特別，我們點了一個麵和炒飯，再加一條燒魷魚。這個麵的上法很特別，我們要的是東方美人湯，入邊會有雞肉和蟲草花，由於是燉雞湯，所以是原盅奉上，而旁邊就是麵底，所以你想沾面還是湯麵的方式去吃全屬個人喜好。湯底十分濃厚的雞香，麵質爽夾滑。想不到這裏的炒飯非常之咁好味，蝦肉炒得好，和帶微焦的飯一齊食，是美味無比的享受。而燒魷魚更是視覺和味覺的享受，燒魷魚的醬汁很香，搽上去燒令到魷魚份外美味。

中環收工同朋友去咗灣仔搵食，行到謝斐道轉彎位發現一間裝修幾特別嘅茶餐廳？覺得幾得意就入咗去食嘢啦， 餐廳嘅裝修同佢個名，一樣無極～ 大有中國咁風格餐廳樓底算係適中，有空間感，枱同枱中間都有少少距離。兩個人想食飯又想食麵，就叫咗一個飯套餐，同埋一個煲仔麵飯嘅套餐就好是一個便當牛腩同埋油菜就另外碟上唔會話啲汁撈埋一齊， 牛腩係有少少辣不過 易入口，連唔係食辣嘅朋友都話ok佢話炆得好淋，同埋好入味煲仔麵佢係花膠燉雞湯再煮麵食，啱啱上菜嘅時候熱辣辣，飲雞湯超好超生鮮有鮮甜味， 真係有兩大嚿花膠架啲雞肉有雞味， 而且啖啖肉仲幫你切細件俾你一啖一嚿肉。養生湯呢個 看真係落足火喉， 佢嘅味道比較健康,我覺得可以再濃味啲 , 而且佢呢一煲湯真係落足料有桂圓，有茹。 又有豬展, 可以畀你食到唔同食物嘅感覺總括嚟講呢一餐廳主打私房菜畀你有一種屋企嘅餸感覺，試一無妨

這間是新開的餐廳，別以為他只是一個麵店，在晚上都有很多小菜小食供應，今晚兩個人就試了不同的小品。燒雞腎和鴨舌燒得香口，最重要是調味和別家的很不同，不會只是一股孜然粉的味道，而且帶有很多不同的香味。乳鴨是今晚的亮點，雖然不是用油炸的，但是慢慢的煎烤，肉質很鮮嫩，而且乳鴿皮亦很香，這個是必點的菜式！之後再點了擔仔麵和東方美人餃，擔仔麵雖然有少許辣，但肉醬裏有一股甜香，所以平衡了不少，而且麵質軟硬適中。餃子味道其實有點像尼泊爾momo ，配上兩款醬汁一齊食別有一番風味。看到這裏還有午市套餐，下次一定要來試試。

皇后養生湯稻庭烏冬*$88一睇個名好適合自己，個餐牌仲列明入面有幾樣高級滋補的材料，例如：鮑魚、蟲草花、幫補骨膠原的花膠等，相當吸引，個烏冬吸晒湯既精華同味道，一個人食晒一碗好正，性價比非常高。配1杯自選特飲： 青檸薏米冬瓜茶呢排天氣都相當悶熱，最好飲啲清熱解暑同材料天然既飲品，不過呢杯飲品偏甜，可以考慮無糖或者低糖喔。香辣滷豬大腸呢度既大腸都算大份同長，如果切短少少會好啲，一來慢慢食，二來唔洗咬咁耐，大腸既香辣且麻，食到少少辣的人都接受到，幾好食同味道濃，當飯前小菜也不錯。餐廳用的都是木筷子，木枱俾人一種古色古香嘅味道，但同時又不停播着流行歌曲的MV，真係好特別嘅感覺

🙈今日同朋友去灣仔行街，經過呢間餐廳冇乜人，就入去坐低食飯吹水耐啲都唔驚左阻到人，店員同我地講鋪頭新開既，所以仲係試業少啲人。個菜單有好多唔同特色嘅菜，好多選擇朋友鍾意食麻辣，就特別揀咗兩款小食😈香辣滷大腸有少少麻少少辣，加埋大腸本來的味道，更加重口味，都幾岀色架😈香辣拌一口蓮藕粒呢個好好食，食落幾爽口，但仲保留蓮藕絲，一粒一粒接住食，好快就食晒我再另外揀左一款小食 一款湯桂花黑椒單骨雞翼我好鐘意桂花味架，平時可能淨係食到桂花糕，呢款雞翼配桂花，好特別呀，又香又甜既雞翼，食多隻都唔過份養身炖湯：東方美人 （配手工麵 $68）近排出街食飯都會叫中式炖湯，一嚟屋企比較少炖，二嚟有多啲選擇，我地食左幾樣重口味啲既，都想中和下「東方美人」入面有滋補美顏嘅蟲草花、雞、杞子，但係滋陰補腎的，個湯應該無嘜味精，較淡，店員比左樽鹽我地，但我地無加，就係想原汁原味～店入面有大大個紅色醒獅頭在當外處，店外的人都會見到同拍照，相當特別🦁

下午茶時間，係灣仔行過見到呢間新開餐廳，主打無味精菜式，見又吾算太餓，就叫左個燉湯同雞翼，比想像中好，所以決定打番個食評。一開始預佢茶餐廳質素，點知又幾得wo,d野食名幾特別下，老闆話因爲餐廳係武俠主題，所以改名都花左d心思，最後叫左個叫東方美人既燉湯，店員話夠滋補，落足料煲左幾個鐘，岩灑呢d天氣，我本身就好中意飲湯，所以二話不說就叫左，但就無跟麵，因為吾係特別餓！個湯一黎到，店員話無落任何味精同調味料，所以比左鹽我，按自己需要落，我覺得吾洗落已經好夠味，入面好足料，有烏雞/蟲草花/龍眼干/杞子，所以飲灑其實都幾飽，重點係吾油，好清甜，另外要讚個盎好保溫，飲到尾都keep到溫度。一開始唔知個湯咁足料，仲叫左個桂花黑椒單骨雞翼，出去食飯其實好怕叫雞翼，因為覺得食相會好核突，但單骨雞翼就好方便,桂花味幾出，好特別，又唔會比黑椒搶左味，甜甜地桂花蜜幾開胃，所以又一個人KO灑，總括黎講個人好滿意呀！

昨晚放工與朋友去左一間新開既餐廳位於灣仔謝斐道，由門外望入去裝修企理又闊廣，店內更播放緊一啲流行歌曲，於是入去試下。翻看餐牌當中有好多吾同野食比大家揀，我地兩個人就點左小食，主食，飲品。先黎一碟開胃小食-香辣拌一口蓮藕粒，辣辣地但可以接受，師傅將蓮藕切細粒好方便我地啲少女進食，係食前先混合一下蓮藕及辣醬，非常爽口吾會好淋，又開胃。接住就係- 桂花黑椒單骨雞翼，依款小食就比較甜甜地，桂花汁配上炸好既雞翼，實在太好食了，味道非常夾。主食我地點左- 香香公主羊肉湯稻庭烏冬，賣相十分吸引選用蘿蔔，羊肉，豆卜一啲簡單食材，就可以做到一碗清味既湯烏冬，師傅將羊肉煮到好淋，入口就可以輕輕咀嚼，而羊肉嘅膻味膻以不利，推介！另一主食就係- 皇后養生湯稻庭烏冬裏面有花膠，鮑魚，雲耳，美人餃，雞翼，蟲草花同蘆筍，成碗烏冬比較重味，喜歡重味既你不容錯過。係飲品方面點左-青檸薏米冬瓜茶，依款飲品同我想像既吾太一樣較為甜。若喜歡飲甜野朋友依杯茶會比較合適。總結,依間新餐廳好有驚喜，經過既朋友可入進品嚐喔。