無極手工麵.燒烤.私房料理 (已結業)

入到餐廳見到裝修得好古典風，原來係新開店，試一試先！打開餐牌見到野食名字好有武俠小說既影子，有創意，咁都諗到。環顧四周既食客都一人一盅燉盅，睇黎哩度既湯都好受歡迎。東方美人麵餐 $68見到美人兩字都想叫啦！用左蟲草花、竹絲雞、瘦肉等食材做個燉湯，標明冇落味精同鹽。見到好多湯料，唔係淨係湯水。啖湯非常清甜，我將d湯倒晒落碗麵度，清淡既一餐反而幾好，平時出面調味太濃，黎哩度食健康食物。鮑你撈起稻庭烏冬 $88個名改得好好 ，個個都想撈起！個烏冬好滑，落左最夾既胡麻醬好開胃，賣得$88係因為落左唔少鮑魚片，好快ko左成碗！燒墨魚腸 $25係台灣小食常見既，哩度燒得好香，唔錯！桂花釀小丸子 $32食左正餐食番個甜品就係完美，係一個養生糖水，杞子、桂花等消暑、明目、美顏，岩晒女士們，甜度岩岩好，都幾好味。