影片
營業時間
今日營業
18:00 - 00:00
星期一至日
18:00 - 00:00
*截單時間: 23:00
以上資料只供參考, 請與餐廳確認詳情
估唔到荃灣有咁正嘅串燒店。餐廳幾大，七點幾去到已經坐無虛席，食到九點幾依然人流不絕。食串燒點可以無啤酒，先黎兩杯 🔸️Sapporo，有買一送一優惠，只需 $48 超抵飲～ 🔸️鹽漬A4宮崎和牛 $58和牛入口即化，牛脂香濃厚用鹽做簡單調味，已經好好食。🔸️鹽燒豚肉豆苗卷 $28豚肉軟嫩，卷住爽脆嘅豆苗，味道好清新。🔸️和牛棒 (配松露一口飯) $58推介～ 呢個和牛棒必點～ 和牛勁多汁，牛味濃郁，蛋汁再配黑松露，白飯令口腔充斥住黑松露香同蛋香，好有驚喜。 🔸️焦糖青蘋果鵝肝多士 $108見都幾多客人有點鵝肝多士，所以試下。鵝肝香滑，蘋果帶微甜微酸，配多士食層次豐富。 🔸️蒜香牛油酒煮蜆 $68蜆肉鮮甜彈牙，有牛油芳香，但略嫌湯底偏咸。 🔸️汁燒免治雞肉軟骨棒 $36雞軟骨彈牙，加上蛋黃蘸汁，濃郁而不膩。 🔸️牛油果豚肉卷 $28豚肉燒得香口，又食到牛油果 creamy 滑溜。 🔸️麻辣墨魚鬚 $22墨魚鬚爽彈，麻辣味道都幾勁，令人一食上癮。🔸️黑糖燒菠蘿 $20🔸️糖不甩燒湯圓 $22菠蘿加上黑糖燒，酸甜多汁，令餐飯好解膩。
繼續閱讀
朋友介紹燒烤堂嘅性價比好高，一直冇機會試，今日去開荃灣就去試下係咪真係咁正先，一入到去，個感覺已經好好，環境好舒服，野食都未叫就即刻有個爐放喺度，啲嘢食可以keep住熱辣辣，仲有檸檬角同埋夾，真係好細心👍好啦，唔講咁多，即刻入正題，睇下我今次食咗啲咩好嘢！⭐️Sapporo生啤買一送一，咁抵嘅嘢，梗係要嗌返杯嚟chill下啦！配串燒真係一流😍⭐️ 鹽燒雞中翼(兩隻)食串燒點可以冇雞翼？雞翼香脆，一隻食鹽燒，另一隻加埋檸檬汁，兩款口味都咁好食😋⭐鹽燒原塊雞皮大大塊夠晒脆卜卜，送酒一流！👍⭐和牛棒（配松露一口飯）一坐低就介紹係新產品，就嗌左。呢個真係必食！落到枱會即場加芝士，之後仲會教你點食，將啲蛋同飯撈埋，和牛分三份，一口和牛一口飯咁食，個飯勁香蛋味同松露味，和牛入口即溶，正呀🤤⭐️鹽燒牛舌芯牛舌係我每次食串燒必食嘅，li個牛舌好嫩，讚！👍⭐秘制燒羊架好香羊味，但又唔會好騷，大大件，啖啖肉，正😋⭐牛油果豚肉卷牛油果夠晒熟，豚肉加埋沙律醬，面頭仲有紫菜，外脆內軟，牛油果幾乎入口即溶，好正😋⭐黑糖鰻魚芝士玉子燒呢個真係有驚喜！玉子上面加左焦糖，焦糖面食落脆卜卜，玉子入面包住鰻魚同芝士，食落外脆內軟，甜甜地，好香鰻魚味，大愛😍⭐️柑桔咸蛋黃卷見佢咁特別，諗住試下，點知又有驚喜！咸蛋包住粒柑桔，之後仲要炸嘅，食落外面好酥脆，入面食落甜甜地，好特別，好好食😋⭐鹽燒准山⭐鹽燒萵筍厚切，有口感，食完咁多肉，要食返啲菜平衡下！
繼續閱讀
每次約朋友食飯，我都會推介去燒烤堂🤗荃灣果間真係好方便又近我地💓最正係SAPPORO生啤買一送一🍻但湊小朋友就唔飲嚕～燒烤堂既串燒款式真係好多選擇，仲有個火爐熱住啲野食🔥呢度既店員都好友善，上菜速度夠快，基本上唔洗等好耐就上齊野食🥢厚切鹽燒牛舌拖羅我係牛舌迷😍每次必叫🫶🏻鹽分岩岩好唔會好鹹，牛舌肉質彈牙，之前有食過牛舌芯，都值得叫黎食💓香氣十足🥢蒜蓉燒生蠔又係每次都會叫黎食🤣大大隻生蠔燒完都唔會縮水，滿滿既蒜蓉，入口嫩滑無腥味，愛蒜之人會好鍾意🥢鹽燒A4宮崎和牛脂肪油花分佈平均，肉質細嫩爽滑，原汁原味既口感🥢手切牛胸爽口感十足，越嚼越香，有d油脂滲出更香！🥢牛油蜜糖粟米大約半條粟米既大小🌽牛油味好香，但如果再多少少牛油蜜糖就好喇🍯🥢孜然燒蒜蓉茄子原條茄子燒得軟熟又香，大大條再加上滿滿既蒜蓉，提升川燒辛辣既味道🥢焦糖鰻魚玉子燒每次都會必點🫶🏻玉子燒表面沾上焦糖，燒完好脆香～鰻魚肉質夠鮮嫩🥢焦糖青蘋果鵝肝多士大大件既鵝肝非常豐腴，多士夠香脆，夾住青蘋果可以解膩🤩勁好食！🥢秘制燒羊架羊架無羊羶味🌟經過醃製後非常惹味，羊肉保留與嫩度，建議唔好燒太耐，免得overcooked🤗🥢鹽燒三黃雞腿肉三黃雞既雞腿肉好鮮嫩，一咬有微微油脂，燒得岩岩好👍🏻🥢鰻魚炒飯色香味俱全😝除左飯既表面有一塊鰻魚之外，飯裡面仲有鰻魚粒，細細碗但性價比都算高！飯粒分明，值得推薦比所有鰻魚愛好者💓🥢豚肉日本蘋果卷薄薄既豚肉包住蘋果肉，可以解膩👍🏻🥢牛油蒜蓉焗金菇大人小朋友都智喜歡😆香濃既牛油配搭金菇，絕對係食串燒既必點之選🥢芒果乳酸smoothie既口感，一邊食一邊飲就啱晒😙另外再叫左大大個椰青比小朋友，食串燒飲椰青可以降低熱氣，椰青新鮮又清甜，小朋友好喜歡😌
繼續閱讀
⭐️椒鹽鮮雞腿根 $18 ➜口感比雞軟骨更爽脆。⭐️雞皮墨魚滑 $38雞皮薄而香脆，墨魚滑厚肉，食得到墨魚味，口感幾彈牙。⭐️鹽燒白鱔 $48➜魚皮燒至脆口，魚肉幾滑。⭐️鹽燒鮮三黃雞腿肉 $28外層雞皮香脆，雞肉厚肉嫩滑，少少鹽調味已經好食。⭐️蜜糖燒菠蘿 $18菠蘿夠大粒，成舊放入口食爆晒汁同甜，唔駛蜜糖都夠好味。⭐️孜然燒蒜蓉茄子 $38孜然味惹味，加埋蒜蓉一齊食正。⭐️和牛棒(配松露一口飯) $58和牛棒肉質非常軟腍，帶微微油脂感，直接連埋生雞蛋撈飯食就大滿足。⭐️椒鹽多春魚 $32多春魚外層燒至微焦香，肉質幾嫩滑，加埋椒鹽更惹味。⭐️欖角蒜蓉粉絲燒蟶子 $52蟶子都算幾大隻，燒得岩岩好，用筷子輕輕一下就離殼，蟶子口感爽脆，用上欖角蒜蓉粉絲一定係惹味好味。⭐️秘制燒羊架 $48 羊架肉質幾嫩腍，有陣陣羊味但唔羶。⭐️麻辣雞軟骨 $18 ➜口感脆脆地，辣得過癮。⭐️汁燒赤雞心 $22 ➜大粒爽嫩唔腥。⭐️中切鹽燒牛舌芯👅 $28肉質比一般牛舌軟嫩，有嚼勁但會較柔和。⭐️惹味爽口雞腎 $23 ➜大粒濃味爽彈。⭐️福岡味噌松板豬 $28松板豬即係豬頸肉，口感彈牙，帶油脂感。⭐️鹽燒原塊雞皮 $22 🔥推介🔥原塊雞皮燒至乾身，唔會油淋淋，入口酥脆，雞皮控絕對唔可以錯過!⭐️即打芒果乳酸 $28質感係冰沙，完全冇碎冰，淡淡芒果味，乳酸味幾濃，飲落唔會好甜。⭐️Highball $48落足料，威士忌味幾濃，岩晒酒鬼。💬串燒即叫即燒，每串送到黎都熱辣辣。💬整體串燒高質，價錢唔算貴，性價比高。
繼續閱讀
cheat day的快樂🎊只有一班朋友出街食飯 嗰日就可以怒吃一波🥰打完波 成班人一定係食宵夜啤啤佢先夠爽🍻NO.1 必嗌❤️🔥 鹽燒原塊雞皮塊雞皮燒到晶瑩剔透 薄到透光🌟咬落去脆卜卜 加埋椒鹽同雞油既咸香咸香 最尾encore 左5塊😭🦴免治和牛棒見到佢係新品 要試試佢👅驚喜位 係有配溫泉蛋同松露一口飯♨️一啖和牛 一啖蛋漿飯 好滿足😌🐥雞皮墨魚滑雞皮完美地包住 墨魚滑🦑外脆內彈牙 🦪蒜蓉燒日本廣島蠔一啖大滿足 口感豐富 🐿️🍃每次食燒烤堂就火力全開 成日都唔小心叫多咗嘢食🫢所有串燒都好高質 仲有加熱爐俾你 keep 住warm住啲串燒 確保每一啖都係新鮮滾熱辣！住啲串燒確保每一啖都係新鮮滾熱辣
繼續閱讀