燒烤堂

呢棟商廈冇乜人流，唯獨是呢間餐廳一到晚市就排隊，趁啲人未開餐，6點一開門好入去食嚕燒嘢食就唔一定要食雞翼嘅，呢間燒鳥都有好多選擇，雞皮都係好正嘅opening，咁大塊都係第一次見，仲要燒得好脆薄連雞氣管都有得食，啱晒獵嘅大胃，質感好爽滑，醬汁好match。明太子雞髀肉啖啖肉，仲好有鹹香超正嚟得串燒，牛都不能錯過，A4宮崎和牛牛味濃郁，油香肉香爆滿。和牛牛小排經鹽燒一燒，肉質肉香更升一格。牛舌都有拖羅，咬落肥美又極具質感，放上保溫爐，再唧檸檬汁，真係有拖羅感紅肉嘅代表唔只牛，羊架都係值得一食，羊架size都算巨，啖啖香口但唔羶。豚肉蘋果卷都好特別，用豚肉包住大大粒蘋果肉，既爽口又解膩冇諗過煮蜆都好大煲，啲蜆幾大隻，唔係細細粒嗰啲，蒜蓉好多，蜆肉煮得嫩，仲有蒜蓉包都好好食鰻魚炒飯都係必食澱粉，飯底炒到好有鑊氣，鰻魚激肥厚有啲創意菜式都要食吓，用節瓜同豚屋相疊捲成一塊波板糖，再點蛋汁食用，又爽又嫩嘅口感，仲正過食糖用蟹肉同芝士做最中餅嘅餡料，又真係得喎，香口到再三回味，好怕太快食晒！和牛棒係店員是日推介，果然冇介紹錯，牛味好香濃，蛋撈飯好香松露味食咗咁多肉，點都要食吓蔬菜嘅，川燒茄子仍然好有蒜香，只係多啲辣味，鍾意食辣嘅胃弟就停唔到口燒雜菇都令人流晒口水，用芝士、牛油同蒜蓉燒製，拉晒絲咁勁誘人最後就食吓生果，嚟碟黑糖燒菠蘿，勁大嚿切成四份，好爆甜好香脆，有呢份生果真係好完滿…查看更多

🧨《燒烤堂》近期爆紅，各間分店都人頭湧湧，今日熊妹去荃灣揾阿妹，順便就去荃灣分店探店一下！📌燒烤店專做晚巿，晚上六點開門，好彩六點去到，即刻有位！跟住就不斷入人，7點已經爆大半場，果然非常火紅！🔥📌科技日新月異，好多餐廳都會用QR code落單，但《燒烤堂》繼續源用燒烤店自己手寫剔剔紙方法📝，熊妹比較喜歡呢種模式，因為可以一張紙一目了然，一眼望哂全店的食品，有個概覽👀。蟹肉芝士最中餅，$48 熊妹近排愛上了最中餅，鹹食嘅最中餅入邊包裹着撈了芝士嘅蟹肉碎，仲有一片牛油🧈，非常邪惡但又招惡不住，係一款非常前衛嘅前菜小食！焦糖鰻魚芝士玉子燒，$28 好驚喜嘅一款玉子燒！金黃通透嘅一件玉子入面包裹着醬汁鰻魚，主要在面頭灑了砂糖燒成嘅焦糖帶點甜味，提升咗成個玉子燒嘅味道👅！係必試之選！味醂魚干，$48助酒小菜嘅味醂魚干塗滿味醂醬汁，魚干好乾身充滿醬汁味道，必定係送酒之選。紅蔥油蒜蓉粉絲燒元貝，$58原隻元貝燒烤，燒出鮮味，有海水味，一大堆蒜蓉燒到乾身好似食炸蒜咁。汁燒免治雞肉軟骨棒（付月見），$38月見免治雞肉棒可以話係熊妹最愛嘅串燒，喺串燒店又點會唔叫呢？將雞肉同埋雞軟骨打成碎再搓成一支雞肉棒，點上日本生蛋黃醬油汁，雞蛋雞肉雙重嘅味道交合，真係滋味無窮👅。鹽燒雞中翼（兩隻），$20 燒雞翼正常發揮。秘製燒羊架，$48 羊架大大隻，連羊架骨位都燒到好入味，燒到大概八成熟，沒有血水，一啲臊味都冇，大大塊羊架扯嚟食，真係大快朵頤。汁燒煙靭年糕卷（左），$26 塗上醬汁燒起嘅年糕，令醬汁緊緊鎖喺年糕入邊，軟糯年糕非常有咬口，係會令人愛不釋手。鹽燒和牛牛小排（中），$48 牛小排肉質俾想像中厚實有嚼勁，灑上調味燒出牛味。燃燒A4宮崎和牛（右），$58 粒粒和牛串起，肉質雖然全熟但都好軟腍，喺熱鍋上面熱著防止凍了變老。韓式燒惹味牛肋肉，$28牛肋肉肉質好軟腍，好重牛肉味，一串有三大舊可以一試！鹽燒豚肉荔枝卷，$22 肥美嘅豚肉包著清新的荔枝，變成一啲都唔油膩。孜然豚肉韭菜花卷，$24豚肉包住一大紮非常清爽的韭菜花，主要灑上孜然粉，就夠晒惹味。明太子燒飯團，$38 三角形嘅飯團表面燒到焦焦的，鋪滿一大堆明太子醬再包裹埋脆紫菜片一齊食，絕對值得推介！明太子雞腿肉，$28 雞腿肉燒得好乾身，面頭滿微辣嘅明太子醬，放入口滿滿嘅明太子醬，真係好幸福☺️！中切鹽燒牛舌芯，$28 牛舌心係爽口款，面頭灑滿鹽粒調味料，已經好出牛舌味。尖椒皮蛋燒豆皮，$22 非常特別嘅一款串燒，豆皮口感好似蛋皮，包起尖椒皮蛋蓉，食落又幾夾。川燒蒜蓉茄子，$36 原條茄子切開在爐上燒，面頭鋪滿蔥粒蒜蓉，最主要係帶點辣嘅菜甫，食落超級惹味超濃味，連埋燒熱咗嘅茄子蓉一齊食，真係無得頂！孜然燒西蘭花苗，$22食咗咁多肉類都要食啲菜西蘭花菜苗燒到仲係好爽口，加上孜然粉，食落充滿醬汁夠濕潤。即打菠蘿乳酸，$28 好充料的一杯乳酸smoothie，口感綿綿好解渴。新鮮百香果桔仔梳打，$32百香果酸酸甜甜，加入帶酸的桔仔再吊味，好清新的一杯有氣梳打，食咁飽，gur一gur，舒服哂😌。📌🐷🐮🐩🐔🐟咩都試勻，完🈵結束😋。📌《燒烤堂》近期大熱到今晚係星期二都全場坐滿仲要等位，咪話唔誇張！荃灣分店環境超大，分成幾個區域，以啡色木系為主調，好有宵夜氣氛。📌各款串燒做得咁出色，係今時今日租金昂貴的香港地相信都仲站得住腳🦿。…查看更多

燒烤堂真係香港串燒嘅天堂🤩回訪左幾次，每次都好滿意，款式夠多又好食，今次去近我嘅荃灣店，放工約埋三五知己一齊夜消磨▪️日本生啤$48生啤有買一送一優惠，飲品最抵係佢，食串燒必備🍻▪️鹽燒赤雞頸肉$22鹽燒不錯，雞頸肉部位較有口感▪️鹽燒日本雞胸軟骨$22呢個每次都點，骨脆，唔會太細粒之餘又食到少少肉👍🏻▪️汁燒免治雞肉軟骨棒 $38雞軟骨棒食串燒多數都有佢份，蘸蛋漿啖啖肉又滑溜▪️明太子雞腿肉$28 佢地嘅明太子系列都好好食，個醬調味剛剛好，雞腿啖啖肉▪️鹽燒原塊雞皮$22 雞皮成隻手掌咁大塊，唔油，脆卜卜好似薯片咁薄▪️鹽燒和牛牛小排$48鹽燒和牛上面灑滿黑椒，油脂分布均勻，牛小排有口感，加少少檸檬汁更好食▪️中切鹽燒牛舌芯$28之前試過厚切，今次見到中切所以試吓，感覺中切更加香口，厚度剛好，肉質爽口▪️牛油果豚肉卷$28串燒出現牛油果幾新奇，口感軟滑，可以一試▪️海苔黑豚肉鵪鶉蛋$28有肉有蛋，一啖有幾種唔同嘅材料，係咁多款豚肉款式入面幾好食▪️紫蘇雞皮蝦$48蝦肉大大隻，配搭幾有心思，雞皮夠脆，味道多層次▪️香蒜鹹蛋黃燒墨魚滑$38食過佢地嘅墨魚滑就知正，爽口彈牙，鹹蛋黃醬味道濃淡適宜▪️明太子燒厚揚豆腐$28之前食過都好like呢款，燒得偏乾身，滿滿明太子醬😋▪️鰻魚炒飯$58之前嚟都係食佢嘅飯團多，未試過炒飯，估唔到呢個咁大碟，整體帶甜味，和風感重▪️明太子燒飯團$38推薦必叫！一嚟到就要食紫菜就會淋，飯團外層微微焦脆，入面飯粒軟身，加埋明太子，所以大受歡迎▪️川燒蒜蓉茄子$36呢款茄子帶點辣度，建議食得辣先叫😆佢上面嘅辣椒粉都偏多，加上炸蒜同大蔥，勁惹味▪️糖不甩燒芝麻湯丸$22之前都未食過呢款，外皮微脆，加上花生同糖，偏甜▪️泰式豬頸肉$28▪️鹽燒豚肉露筍卷$32▪️鹽燒豚肉豆苗卷$28▪️鹽燒雞中翼$20▪️鹽燒秋葵$16▪️鹽燒芥蘭頭$16新店環境唔錯，冷氣超強😂店員幾好服務，就算叫咁多野食上菜都好快手…查看更多

燒烤堂係唔少人聚腳嘅餐廳，當中串燒款式種類繁多，有日式、新疆式、要麻辣嘅川式都有。今次一共叫正18款串燒及兩杯無酒精飲品，包括有汁燒免治雞肉軟骨棒、明太子雞腿肉、黑松露烤雞、秘制燒羊架、蜜糖燒雞中翼、鹽燒A4宮崎和牛、香蒜咸蛋黄燒墨魚滑、海吉黑豚肉鵪鶉蛋、牛油果豚肉卷、福岡味增松板豬、麻辣豬大腸、味醂魚干、鹽燒日本青椒仔等等。最後埋單$704好滿足😌💕以下係重點推介：豚肉節瓜波板糖（$38）-店舖打卡名物，豬肉同節瓜片捲埋一齊，記得點埋醬油蛋漿牛油蜜糖日本番薯條（$38）-哩個我會好推，番薯條炸好脆，薯肉好多，加埋蜂蜜同牛油，超正👍🏻鹽燒原塊雞皮（$22）-大大塊原塊燒，上面仲落左少少孜然粉，價錢唔貴，值得一試。鹽燒豚肉荳苗卷（$28）-荳苗爽脆、卷埋一齊食無咁油膩川燒蒜蓉茄子（$36）-茄子大碟加上麻辣蒜蓉醬…查看更多

一路都聽朋友講呢間串燒好高質😍估唔到而家仲愈開愈多分店，連荃灣都有啱哂我🤣Menu上嘅串燒種類都幾多，仲分成日、韓、泰、港、川、西、新疆，同埋自家製嘅系列🤩雖然餐廳係樓上鋪，但幫襯嘅人都幾多😲Weekend更係座無虛席，相信係因為串燒嘅質素整體都幾高，同難得可以一次過享受咁多種唔同嘅風味😌🍍蜜糖燒菠蘿 ($18)最愛燒菠蘿😛朋友話必食，香甜好味😋不過後尾發現原來出名嘅應該係凍食嘅黑糖燒菠蘿，見到隔籬枱係咁用隻匙羹敲碎佢，幾特別，下次再試吓😂🌽牛油蜜糖粟米($20)🐏秘制燒羊架($48)🦑雞皮墨魚滑 ($38)雞皮又薄燒得又脆，再包住爽滑彈牙嘅墨魚滑，幾特別幾有驚喜😋🐟味淋魚干($48)味醂醃製再烘乾魚干，油脂清香，係居酒屋必食嘅前菜😋😋香甜嘅魚干，食到停唔到口😂😂🍭豚肉節瓜波棒糖($38)見到個名好似幾得意就試下🤭心機菜，薄薄嘅豚肉片包住薄薄嘅節瓜片，燒得香脆再加埋醬汁，好味😋🍏焦糖青蘋果鵝肝多士($108)呢個必點👍🏻鵝肝燒到入口即溶，蘋果酸酸甜甜清爽減膩，多士吸收哂啲油分🤭🐔鹽燒原塊雞皮($22)同平時喺日本食開嘅雞皮串有啲唔同，呢個係薄薄燒一塊完整嘅大雞皮😍比較乾身同薄脆，少有油脂感😋🍆川燒蒜蓉茄子($36)每次食串燒都必點嘅item😌燒茄子鋪滿蒜蓉，又香又惹味，但又好邪惡🫣🍖汁燒免治雞肉軟骨棒(付月見)($38)🦪蒜蓉燒廣島蠔(兩隻) ($44)🧈蒜蓉燒蟶子($52)🍎豚肉日本蘋果卷($24)👅厚切鹽燒生舌拖羅($48)🐮鹽燒A4宮崎和牛($58)🐤鹽燒開邊雞中翼(兩隻) ($20)🐣鹽燒赤雞頸肉($22)🍓即打士多啤梨乳酸($28)🍍青檸菠蘿梳打($32)…查看更多

呢間串燒店好多朋友食過都大讚😳見佢近排喺荃灣開左分店 就緊係要去試下分店以日式風格裝修 環境闊落舒適燒烤堂有好多款串燒可以選擇串燒除左以日、泰、港、川、西、新疆等唔同風格製作之外 仲有唔少自家製產品🙂‍↕️🍢焦糖青蘋果鵝肝多士 ($108)份量比我想像中更大 鵝肝入口即融 酸甜嘅青蘋果同鵝肝簡直係絕配🤤多士亦好夠脆👍🏻🍢焦糖鰻魚芝士玉子燒 ($28)玉子燒外有焦糖脆皮 內有鰻魚同芝士 邪惡又好味☺️🍢桂花蜜糖本地冷蕃茄 ($28)桂花蜜糖好香 蕃茄鮮甜 絕對係食串燒時嘅解膩之選🙂‍↕️🍢海苔黑豚肉鵪鶉蛋 ($28)鵪鶉蛋以黑豚肉包裹 再加上海苔同蛋黃醬 好味🫰🏻🍢豚肉節瓜波棒糖 ($38)大推！！😍本身諗住係gimmick野 點知好有驚喜！豚肉同節瓜相互交替捲成波棒糖嘅模樣 絕對係心機之作帶有油香嘅豚肉同爽甜嘅節瓜好夾 好好味❤️沾上蛋汁食 味道會更甜 口感亦會更滑☺️🍢鹽燒豚肉荔枝卷 ($22)豚肉燒得好香 清甜嘅荔枝一咬就爆汁 可以平衡番豚肉嘅油膩感 推薦！👏🏻🍢七味燒墨魚紫蘇卷 ($28)紫蘇好香 但係份量太少 唔太推🥹🍢鹽燒原塊雞皮 ($22)🍢雞皮墨魚滑 ($38)🍢蒜蓉燒廣島蠔 ($44)🍢川燒蒜蓉茄子 ($36)🍢鹽燒白鱔 ($48)🍢鹽燒A4宮崎和牛 ($58)🥤即打士多啤梨乳酸 ($28)🥤冷泡白桃烏龍茶 ($18)兩款飲品都唔錯！尤其白桃烏龍茶 茶味濃桃味又香當晚好多串燒都好好味 性價比都唔錯呢度上菜速度都幾快 服務都幾好誠意推介呢間串燒店畀大家😆…查看更多