烏蠅館 (九龍中心大廈)

營業中

休息中

放工同朋友去左尖沙咀食飯，我地去左九龍中心大廈附近覓食，我地揀左去食烤魚，因為實在太耐無食喇，我諗對上一次已經係同中學同學北上食，而家見到突然心引起又想食~.共有六款口味可以選擇，三辣三唔辣，因為我唔係好食得辣，所以我就揀左個唔辣嘅蒜香烤魚同加左幾款配菜放落烤魚中當打邊爐。仲有叫到三杯飲品~.黑糖桃膠鮮奶黑糖珍珠鮮奶就聽得多，黑糖鮮奶配桃膠唔知點架呢? 鮮奶好醇厚，好好香奶香味，黑糖味道唔會好甜，而至於桃膠方面，估唔到同黑糖鮮奶都幾夾，軟軟地又易咬，毫無違和感，整體黎講都幾夾。菊花普洱入口有陣陣菊花清香，普洱可以消滯解膩，冰冰涼涼好消暑。碧螺春茶香味十足，有少少冷泡茶嘅感覺，都幾岩打邊爐果時飲。蒜香烤魚(多寶魚)我地揀左蒜香口味，成盤魚都有海量蒜蓉，魚類有三款揀，分前係龍躉魚、三刀魚同多寶魚，我地就揀左多寶魚，每份烤魚鍋裡面三個時令素菜，當日有雲耳、蘿蔔同雞脾菇三樣材料同條魚都煮得非常入味，有好濃郁蒜香。多寶魚啖啖肉，魚肉都好入味，肉質都幾嫩滑，一啲魚腥味都無，魚骨有但又唔係好多，幾好食!食到咁上下，我地就叫職員加湯準備加料打邊爐。海帶結一碟都幾多，煮煮下拎起黐滿哂蒜蓉，食起上黎好入味

在朋友推薦下，來到尖沙咀九龍中心大厦地下嘅<烏蠅館>吃火鍋，是夜人客雖然比較多，不過好快便可以安排入坐。餐廳除左有火鍋，仲有烤魚鍋同多款餸菜嘅湯麵供應，而我地就比好幾十款火鍋材料吸引，來個火鍋之夜。<滋補菌湯火鍋 $108>呢個什菌鍋一上枱真心驚喜，完全無諗過可以甘大鍋，鍋入面有好多好多乾菌，材料十足，菌湯味道亦相當清甜，感覺滋潤養生。<風琴豆腐 $36>風琴豆腐好似一大堆疊埋一齊嘅豆卜，非常特別，打邊爐時，佢會吸收曬濃郁嘅湯底，入口非常美味。<墨汁墨魚丸 $48>墨魚丸粒粒都脹卜卜勁大粒，入口非常彈牙好食。<自家白菜餃 $68>因已預先半煮熟，建議不要滾太耐，白菜餃十分足料，粒粒都好大隻，入口啖啖肉。足料白菜餃，大隻又滋味。<四川土豆粉 $28>出面嘅餐廳比較少有土豆粉，呢到竟然有，土豆粉煮腍後可以吸收曬濃郁嘅菌湯，入口彈牙煙韌又惹味。成個鍋都充滿住野菌清香。<黑糖珍珠鮮奶 $28>最後來一杯黑糖珍珠鮮奶，入口有香濃奶味及黑糖味，珍珠亦夠彈牙，好飲吖!!~ 餐牌都有好幾十款

同事推介，專登去食午餐試下，冒菜好似車仔麵咁揀配菜 再揀湯底，$50 可以揀6 個配料，加$5 再加麵底我揀左麻辣湯底小辣加土豆粉，湯底有得再揀要唔要蔥，蒜，芫茜之類，好貼心。個人認為小辣辣度對我黎講岩岩好，蜂巢豆腐卜吸曬湯汁好好味😋不過麵條份量就比較偏少。飲品蜂蜜茉莉花茶，飲品唔甜有啲花香。整體食品同飲品都好出色，一定會再去

搬咗嚟新鋪之後第一次幫襯，因為每一次經過都好多人，所以今日專登12點左右就黎到，咁就唔使排隊。今次都係叫單人A餐，包左六個餸，另外加咗火鍋寬粉。今次叫咗淮山、蓮藕片，蘿蔔、芋絲、午餐肉、雞肉。雞肉我就覺得一般般，唔係好多用，而且連埋啲皮，食落去都比較肥。相反鮮淮山、蓮藕片、蘿蔔就份量比較多啲，每一樣都有三至四片，食埋芋絲同埋午餐肉其實都好夠飽。不過個人真係好鍾意佢嘅火鍋寬粉，好滑，好林，配埋個充滿蒜蓉嘅湯，連埋啲辣，真係一流！順帶一提，如果平時喺譚仔食開二小辣嘅話，喺呢度叫小/中辣都冇問題！

星期六放假 約左一個差唔多成年冇見嘅朋友食晏佢就推介左呢間烏蠅咁岩我又未食過 就就一於try try佢入到去見到個menu一頭霧水朋友就解釋番有四種主食分別係冒菜+湯（可配粉麵）、撈麵、水餃 同埋 碟頭飯然後 所有野飲另計我地兩個都叫左冒菜配火鍋麵同埋加杯桂花峰蜜 一熱一凍足料 甜度適中野食就等左大約5分鐘到睇上圖都知道我叫左咩餸 所以詳細唔講了有一點要提醒番大家嘅係 間唔中會有漏餸 所以記得檢查下碗麵好似我朋友咁 就漏左娃娃菜畀佢D餸好足料 味道都好正 尤其個墨丸好夠味BB辣有譚仔三小辣度 懷疑廚房落重手左Overall 埋單每人65蚊 食物野飲都對得住呢個價錢

因為見到上網有推介所以膽粗粗去咗試。叫咗個麻辣燙，拼豬腸腩肉萵筍鴨血生菜冬菇雞翼，揀咗BB辣，一上嚟個味道幾香，有啲麻但唔夠鹹，總體覺得呢個可以唔食。叫咗個糍粑，好好味，好趣好甜，四個女仔應該可以食兩碟。下次再試吓其他嘢食啦。

行街經過，望落好似幾正宗，就入去叫個麻辣火窩，湯底$108定唔知$118，上爐時望落好似好正，點知得個樣，除左勁大陣牛油味，沒有咩辣味、亦不夠麻。配料質素極普通，蝦膠墨魚膠雙拼，$98但得兩小粒，切開先得四粒（可惜沒影相但可參考其他食評相片）。雪花肥火$128得果十片，質素普通極度overpriced埋單三大人要成$800，已經係食平價配料好似魚皮餃果d，貴都唔緊要，真係難食..... 一定無下次。反而佢d辣麵又好似幾抵食$50六個餸大大碗。唯一讚既係佢個黑糖珍珠鮮奶幾好飲。

幾個嗜辣朋友一齊嚟叫左三刀魚+麻辣小辣上咗菜等佢滾嘅時候已經聞到勁香🤣因為有一個朋友未到本身諗住邊食邊等點知佢未到我哋已經食哂條魚🤣佢嚟到，我哋就再加左條多寶個人就鐘意食多寶嘅肉質多啲不過佢就冇咁多肉食三刀嘅魚味係濃啲同埋多肉啲我哋仲加咗好多配料超推薦寬粉同芋絲👍🏻索哂啲湯真係食唔停口🤣另外肥牛都幾有驚喜😍辣個方面🌶個人認為麻辣小辣=譚仔7小辣左右我本身食開3小，就覺得唔係幾夠喉😝

係附近番工，之前一直lunch 都見到好多人排隊想試下呢間麻辣店，今次終於比我試到😋🥘可能Lunch 時間比較多人，要排隊，不過地方算大，等左一陣就入到去餐廳午市茶單好似車仔麵咁，有6款同8款配菜比大家揀，不過我就覺得唔算好大食嘅人6個餸已經好夠😋佢仲有唔同嘅湯底比大家揀份量好足夠，d 麵都多，今次叫左雞肉，牛肉，豆卜，蘿蔔，豬大腸同魚腐，麻辣小辣❗️佢d 辣都幾勁，建議唔食得辣嘅量力而為🤣員工服務態度好好，知我覺得太辣，特登比醋我中和番，如果比清湯個味唔同左餐廳仲有唔同嘅特色飲品，今次叫左檸檬碟豆花，味道唔錯，都係加10蚊，不過就細杯左d😍但都值得飲

從亞士里道舊鋪食到呢道，真係好鐘意佢果種麻香，辣而不油，我每次去必叫腩片，豬红，大腸，佢就係可以加蒜，重口味，好好食，會再濃口D，有時會配下飯，當然鐵膽係寬粉下次試下蕃茄底

有點特別的餐廳名字: 烏蠅館🪰其實人地就好乾淨，一隻烏蠅都冇😂.平時聽到烏蠅都唔開胃，然而烏蠅館就係一間食開胃野的食店。其實佢主打野食有烤魚同麻辣火鍋，不過我就多數食佢午餐的粉麵。.五十幾蚊就有6餸或者8餸麵，車仔麵形式叫餸，每款餸都有2-4件，湯底的辣度都有得揀，而小辣都已經夠辣，今次食的是麻辣，火鍋麵，麵質比較粗，好有口感.加了錢飲黑糖雪燕鮮奶，係無期望情況下居然食到好夠燕窩😂😂，有點意外。

香港🇭🇰地最近愈開愈多四川菜館，大多數都係食酸菜魚、水煮野，傳統既四川冒菜就少之又少，最幾日意外地搵到呢間尖沙咀區既店，就黎試吓👍🏻👍🏻環境清靜，坐位又闊落，幾好坐，入座前會問你食烤魚定冒菜今次就試下佢個冒菜😋😋要左個四川酸湯，酸酸地好開胃，係唔算太辣，但整體來說好惹味，好食👍🏻👍🏻另外仲有大量蒜頭，好味😋配左寬粉，夠彈牙同好QQ，唔錯❗️❗️配菜方面要左金菇、豬大腸、肥牛、魚皮餃，其中豬大腸同肥牛出奇地好出色，推薦大家食下😋😋整體來講好好食，黎開尖沙咀一定要食❗️

一開始睇餐牌 個頭有勁多問號 到底咩係冒菜呢⁉️原來冒菜係成都小食嘅一種 將預備好嘅材料煮熟後放入辣味湯底中食用🔖 冒菜單人A餐(六款配菜) 麻辣味足夠 配料都多 岩晒平時選擇困難嘅你而小編揀咗生根 豆腐 薯仔片 鴨血 魚皮餃 娃娃菜呢個價錢 每款有2-3舊 超足料 真係超值! 麵底方面揀咗坊間少見嘅火鍋寬粉煮得剛剛好 唔會太淋 仍然保持到煙韌口感☺️🔖 川式韮菜豬肉紅油水餃餃子嘅餡肉都算多 夠飽滿 但餃子皮略嫌厚咗啲🔖 桂花蜂蜜冰粉感覺好清新 可以舒緩一下辣到㷫烚烚嘅嘴巴👅但小編都係比較鍾情原味 配翻紅糖好食啲

﹊﹊﹊﹊﹊﹊﹊﹊﹊﹊﹊﹊☞單人A餐 任選6款 50$黑豚肉+腩肉+鴨血+唐生菜+風琴豆腐串+竹笙 寬粉滋補菌湯Fat9認為食寬粉配辣既湯底會比較適合 酸辣又好麻辣又好點都會適合過唔辣既湯 寛粉都係襯辣先係perfect match🥲而佢既黑豚肉好鞋口 唔係好推介☹️至於鴨血 唔知係咪Fat9叫左唔辣既湯底 舊鴨血食落去會有陣腥味🤢但辣湯底既鴨血就冇呢個問題🧐﹊﹊﹊﹊﹊﹊﹊﹊﹊﹊﹊﹊✎ 單人B餐 任選8款 58$豆卜+豆皮+風琴豆腐串+雞髀菇蓮藕片+鴨胸+豬大腸+鴨血 寛粉麻辣bb辣竟然車仔麵有得揀寛粉Fat9表示好高興🤩加埋麻辣簡直絕配😋但Fat9叫左bb辣佢都幾辣下食到Fat9灌野飲🥵寛粉口感極抵讚 煙韌彈牙去到寛粉必叫📣!!!同埋佢餸既份量都多 唔會樣樣夾埋得幾舊👍🏻豬腸唔錯 唔會話太肥又唔會話得腸皮 幾好👍🏻但皮就同我想像出有出入 佢話係豆皮但佢上到檯係比腐皮🧐跟住其他餸都比較索汁 所以Fat9食到係咁灌野飲🤣﹊﹊﹊﹊﹊﹊﹊﹊﹊﹊﹊﹊☞豪華單人A餐 任選6款 內含鵝腸墨魚仔豬黃喉 78$肥牛+牛筋+豬腸+風琴豆腐串+鴨血+韮菜 寛粉麻辣小辣豬黃喉顧名思義就係豬既喉嚨管 佢食落去就冇

烏蠅館, 尖沙咀🍜呢到既#酸辣 湯底非常出色，湯底好濃郁，好似叫左個#酸菜魚 但佢直接放埋麵落去，完全唔係就咁溝水開。呢個價錢食到呢個質素真係物超所價，味道仲好食過好多好貴既川菜餐廳。高峰時期我每星期都食一次，有時LUNCHTIME會特登過尖沙咀食。其實我周不時都有係STORY同大家分享過呢間餐廳。湯底出色不在話下，餸方面都有好多選擇比你揀，份量仲要一D都唔少！我通常叫六個餸都已經食得好飽♥️麵方面我個人最鐘意土豆粉或薯粉，配酸辣湯底或者#麻辣 湯底都係一絕！最後，鐘意食#芫茜 既朋友，強烈推介你加多$1，多好多芫茜咖。😍.📍Shop G29, G/F, Kowloon Centre, 29-39 Ashley Road, Tsim Sha Tsui 🌟#HappiMuffin Rating: 9/10💰Price: $60-80 pp