烏蠅館 (九龍中心大廈)

營業中

休息中

一行到入烏蠅館就聞到d令人食指大動既火鍋味道！😋😋我同朋友叫左份烤魚，揀左未食過既三刀魚！果然魚上有三條刀痕！烤魚鍋內配以三個時令素菜，當晚既係黑木耳、白蘿蔔同雞肶菇。店員見到客人既烤魚熟左之後就會幫忙打開蓋，以確保魚已經熟透！三刀魚既肉幾鮮甜，多肉少骨，唔錯！另外，我地叫多左一個配菜-風琴豆腐串！放入湯之中滾，會吸收哂湯既味道！👍🏻👍🏻一個烤魚+一樣配菜，我地兩個人都已經覺得好飽🤣

有次路過此街，見到佢哋有麻辣麵，烤魚鍋供應，所以決定book張枱搵日去試吓。其實佢哋除左魚鍋外，原來仲可以打邊爐。當晚二人進店，被安排坐在一張枱，可足夠空間放下各款邊爐食材。Order左湯底，滋補菌湯底鍋，好香菇菌味！烤魚鍋及邊爐鍋湯底選擇，有辣有唔辣火鍋醬料，大大兜，有指天椒，蒜泥，蔥花，豉油，醬油費每位$10玫瑰蜂蜜，甜甜地，淡淡玫瑰花味靚海蝦，是晚只剩一份，夠生鮮，肉質鮮甜雪花肥牛片，完全不似坊間某些火鍋店，只見大量白色肥膏，紅肉只佔少量雲吞，原來呢度既雲吞廚房會先為你煮過下，等你自己淥既時候可以快D熟墨汁墨魚丸併牛丸，手打的，夠彈牙！越飲得多越平滷牛筋，賣相一般，但淥過下之後變得淋淋地易咬開

這夜和朋友路經尖沙咀亞士厘道，被一間名字特別的食店收引，名叫“烏蠅館”，難道是吃“烏蠅”嗎？決定入去試試，看看弄什麼玄虚。進去坐下後才知是一家吃烤魚和火煱的餐廳。和店員閒聊，他說這裡烤魚是比較出名，但最近推廣火煱，建議我們不妨一試，我看看餐牌選擇也頗多，而且有些都頗特別，故接受他的建議。我們叫了一個滋補菌湯作火煱湯底，侍應捧上來嚇了我一跳，一個超大銅鍋佈滿野菌。看見餐牌有一個叫滷牛筋，都未試過怎樣滷水牛筋打邊爐，叫一個來試試看。原來滷水汁煮過的牛筋再來火煱是這麼美味，有口感之餘還有濃香滷水味。侍應說海蝦賣剩最後一碟，當然不托手踭，把它點來，果然海蝦味鮮甜彈牙，沒介紹錯呢。打邊爐怎少得了牛肉？叫了一份雪花肥牛，單看外觀已一絕，雪花分佈平均，並沒太多肥脂肪，食進口牛味濃滑。當然配料也不少得，葱花、蒜頭和辣椒全是我的至愛，還要全部切好大大碗的奉上來。跟着我們也叫了一客雲吞，半熟的雲吞不需滚太久，輕輕一勺就已經可吃，皮簿料足，滿滿的豬肉和彈牙的鲜蝦，正!我們實在太貪吃了，最後還叫了牛丸、墨魚丸雙拼，兩丸都沒令人失望，發揮應有的水準。朋友還叫了一杯玫瑰蜂蜜，她說邊吃火煱邊喝這杯飲料就不會太“躁火

香港終於有正宗烤魚食，就係呢間位於尖沙咀亞士厘道既烏蠅館。平日夜晚食都好full，門口已嗅到陣陣好香麻辣味，今晚主打食烤魚，好耐冇食過了。佢有三種魚選擇，分別係多寶魚、三刀魚同龍躉魚。每款烤魚都包三款素菜，有木耳、雞髀茹同蘆筍。由於朋友唔食辣，所以要左蒜香烤魚。烤魚新鮮準備，所以制作需時，店員服務都好好，耐心解釋食法。條魚好大條，上面佈上滿滿蒜蓉，好香好濃烈，岩哂蒜頭控，仲辟哂魚既腥味，魚肉新鮮好嫩滑，最緊要係條魚無咩骨，岩哂我。幾款素菜份量都唔少，配上蒜茸好惹味！唔夠可再加配不同配菜，自由配搭。野飲方面，叫左黑糖鮮奶特飲，估唔到咁有驚喜，甜度適中，鮮奶解辣一流，仲有桃膠或雪燕做配料，夠哂養顏！仲叫左杯啤酒啤啤佢，好滿足，烤魚價錢夠經濟實惠！

一直都好鍾意食烏蠅館既冒菜💛 類似港式車仔麵，但配料既選擇多，又少見，特別係素菜類☺️，覺得勁岩veggie去！我每次都會叫准山、海帶結、豆皮結等等⋯⋯前幾日約左個好鍾意打邊爐既朋友聚聚，我就醒起烏蠅館都有邊爐打，所以就決定要帶佢試下💁🏽‍♀️我估我應該都有成年冇黎過，對上一次去仲係去舊鋪，新鋪闊落左好多好多，又有劃分食冒菜同邊爐/烤魚既範圍，打邊爐/烤魚會安排坐係最入d既範圍，個鋪位真係大左好多👏🏼😲雖然朋友鍾意打邊爐，但佢努力減緊肥，所以我地揀左店員推介既烏蠅館原創菌湯湯底👍🏽➿ 滋補菌湯火鍋 ($108)店員果然冇介紹錯，湯底既菌味超級濃郁😋 仲有海量蟲草花同姬松茸，兩樣材料我本身都勁鍾意食，個份量真係多到滿足到我☺️醬料唔洗慳住慳住落，要勁落先岩，因為收費($10)架🤭➿ 黑豚肉($88)黑豚肉肥瘦適中，肉質唔un😌➿ 蜂巢豆腐 ($38)蜂巢豆腐無庸置疑係打邊爐必吃的😆 同平時係街市/ 打邊爐食到既蜂巢豆腐好唔同，呢度既蜂巢豆腐軟身，咬落有千層既感覺😲➿ 萵筍 ($28)唔知點解萵筍都可以排得咁靚～ 萵筍切得比較薄，所以烚一陣就食得喇😌➿ 炸芋頭 ($38)芋頭切成同粗薯條差唔多既

店舖很多座位，坐得挺舒服😌晚市除了有粉麵套餐，更有火鍋🍲烤魚🐟招牌香辣烤魚🐟-三刀魚三刀魚魚較滑較多肉，冇多寶魚咁多骨，比較容易食😋魚在上菜時已熟，鍋底配料，再一次用爐煮熟便可以食用魚煎香了少少😍食味道更香本身朋友驚小辣都好辣🌶但細心的店員強烈推介這個味道更惹味，佢建議驚辣可以早少少加水😌平時連十小辣都食唔到嘅朋友話有少少辣，但真係辣得好正🤤🌶帶少少蒜香味🧄偏重口味之選🤩肉質較實較滑烤魚配三個時令素菜 (每次應唔同)今次係萵苣、雲耳、芋絲食完烤魚後，可叫店員加水，變成打邊爐🍲三個素菜最後食時已吸盡湯底精華，很好吃😆怕辣叫了杯黑糖冰粉鮮奶🧋冰粉似啫喱🤣幾有口感土豆粉🥔放入湯底後好正🤤口感彈牙

門口見到有蒜香味烤魚，就即刻入左去。無諗過係咁多蒜，好香好濃，時間越耐，啲蒜味更加煮曬出嚟，令條魚更好味。我本身不食得辣，如果喜歡食辣，可以點特色泡椒、傳統麻辣、招牌香辣湯底，必定令你食到爆汗！第一次食三刀魚，見到條魚真係剁上三刀！我覺得背鰭邊的位置最美味，甘香嫩滑，魚味濃郁！魚身好厚肉，啖啖肉~本身仲送3種配料:蘿蔔、金菇、木耳！超豐富加左土豆粉，形狀口感跟烏冬一樣，但比較爽口少少~另外，海鮮類叫左墨魚滑，真材實料，有墨魚粒粒，增添口感～飲品方面，我好喜歡桂花蜂蜜和茉莉蜂蜜！因為好清涼，飲落好潤喉，而且對比汽水感覺比較健康，好想叫多幾杯。

入到去餐廳發現真係好多人，不過都唔係等好耐位～款式都算多野揀～我哋就揀咗個三刀魚，配傳統麻辣烤魚，另外仲附送三種配菜，不過就係餐廳安排嘅～ 叫完送上來之後焗咗5分鐘到我哋就開嚟食啦！魚肉好嫩滑，又唔多骨～ 味道就比較重口味，個人覺得唔算好辣，比較偏鹹不過仲有蒜頭同埋香蔥等等嘅配料，令到成個烤魚好香～ 不過相對就會比較油啦，啲配菜都會吸晒湯底嘅精華，好惹味我哋另外重點左寬粉同埋皇帝菜，分量比想像中多正！另外仲叫咗個醉雞，雞件比較細，如果再入味啲就好啦～

幾近排天氣好潮濕，成日都想食辣野。麻辣火鍋，雞煲成日食啦，今次搵間酸菜魚黎食下。約左两個friends 去尖沙咀食烤魚，間嘢個名好特別，叫”烏蠅館”.行到好攰，六点就去到開餐，見倒巳經坐滿左七八成。間鋪算幾大，唔迫夾。烤魚有三款魚六款湯底選擇，我地揀左龍躉魚配特色泡椒湯底。個煲黎倒巳經好香，好想即刻食，但店員教我地要冚蓋煲5分鐘就最正，食完魚先再加湯食火煱配料。湯好鮮甜唔辣帶酸，好開胃。魚肉夠嫩唔腥，五分鐘真係啱啱好。湯底配菜都好正，雲耳入晒味超好食。我八掛見倒好多人都揀三刀，下次再試。火煱配料我地叫左肥牛，炸魚皮，海膽丸，貢丸同番薯粉。 全部都好新鮮好食，肥牛肥瘦均勻，炸魚皮都唔係一般貨色，但最正係個薯粉，入囇味，簡直係主角。杯冰凍桂花蜂蜜都要提下，夠清甜，配烤魚啱囇。當心癮一起，就一定會再黎食。

有次行將軍澳經過見到烏蠅館，女朋友話未試過烤魚好想試下，但見到排唒長龍所以無等。事後見尖沙咀都有分店，今日襯準時收工就黎試下🤩去到門口就見到好搶眼霓虹燈招牌寫住”烏蠅館”，個招牌好靚好有香港既特色。餐廳入面個size比將軍澳分店大好多，就算今日係平日都坐滿，人流黎講有信心既保證餐廳入面既裝修同佈置都睇得出花左唔少心思。一邊牆上放左一個類似百子櫃既櫃，入面放左唔同款式嘅茶壺，碗同杯，櫃頂仲有幾棵仙人掌。呢個櫃真係好吸睛👀，令人一入到餐廳就注意到。另一邊牆上放左d有趣既標語用黎表達餐廳既經營方式係著重味道。而櫃檯嘅佈置都好有特色，仲放左d餐廳自家製既查驗同調味料可供食客購買食物方面有幾種食法，分別係烤魚，火鍋，酸辣粉麵。而我地今次當然係試女朋友想食既烤魚啦我地一坐低，店員好主動走埋黎問我地食咩，之後好有心機咁同我哋介紹三種魚有咩分別，分別有多寶魚，三刀魚，龍躉。我哋最後叫咗招牌香辣烤魚(多寶魚)，每一份烤魚仲送三款時令素菜，今日送既係雞髀菇，萵筍，雲耳。我地另外仲叫左一份四川寬粉同一杯黑糖冰粉鮮奶坐左一陣，盆烤魚終於嚟啦，店員放低之後話要烤6-8分鐘就可以食。盆烤魚視覺上好震撼，三款時令蔬

今日同朋友去左尖沙嘴，佢話想食烏繩館好耐，我之前係佢未搬之前食過一次，覺得佢d烤魚幾出色，所以就同朋友黎一次再回味下！我地叫左個三刀魚，因為佢比較少骨，跟住再叫d麵同火鍋料一齊share！個三刀魚果然唔多骨，食落去好方便，而且佢仲有d金菇木耳配菜，配埋入面d蒜食一流！配料方面，我地叫左個四川寬粉，佢呢個粉有d似薯粉，食落去好彈牙而且佢咁闊咬落去好有口感！雪花肥牛都唔錯，佢d雪花分佈好均勻，食落去有肥美幸福既感覺。而響鈴就係打binlo必叫，浸係d辣汁到食好正！呢個自家西洋菜餃既西洋菜都幾多而且佢皮薄，我食左好多件！我地兩杯野飲都幾出色，我杯黑糖桃膠鮮奶好多cream又好多桃膠，杯奶好濃郁！朋友玫瑰蜂蜜都幾鐘玫瑰花味，感覺養生！！

次次出尖沙咀都想食呢間冒菜，以前開喺對面座大廈要上樓，而家開咗地舖座位更闊落更方便。食開佢個六餸/八餸麵，好食又抵食！主食每次都揀土豆粉，質感似煙韌嘅烏冬，香港好少地方有呢隻麵食。配菜方面，推介風琴豆腐串、竹笙、金菇菜，吸晒啲湯好正！另外，鐘意爽口嘅可以試吓海白菜同萵筍，姬松茸同蟲草花就比較養生同少見。鐘意食辣嘅，湯底一定係揀麻辣湯，小辣已經好夠辣，配埋杯熱嘅茉莉/桂花蜂蜜，perfect💛💛💛

我叫過幾次外賣自取，但有2次拎到番去先發現執少左野食俾我，一次係執少左2款餸，一次直頭係冇左成個薯粉，唔單止唔飽，俾錢又覺得俾得好唔抵，唔該改善下執漏野食問題，外賣好難check齊唔齊野食

經過見到咁多人排隊，我咁鐘意試新野所以我都排埋一份我見到裡面嘅人都多都叫火鍋，但火鍋只有魚，而我同行的不吃魚，所以唯有試佢碗麵呢度好似車仔麵咁，寫紙圈返自己鐘意食嘅 冒菜，呢度幾款唔同嘅湯，有唔同嘅辣度，我地叫左個豪華A餐 $78，本身已跟( 鵝腸, 豬皇黃喉，墨魚仔) 跟住可以另叫多6款冒菜，要咗麻辣中辣個麻辣湯底味道唔錯, 嘢食嘅份量唔多, 但係都樣樣都平均係好食嘅另外叫左個B餐 $58，可以選8款冒菜，叫咗藤椒做湯底，我好鍾意食豬紅鴨血嘅. 因為試咗個麻辣湯先，所以顯得藤椒湯冇咁濃味，又唔辣。所以我mix左d麻辣湯，mix完覺得唔錯🤣最後我地覺得係好食嘅，會再想返黎試下其他野，如撈面或者火鍋啦

由細到大，我都好鐘意食魚，特別係一d 有特色既烤魚。聽聞烏蠅館d 烤魚唔錯，今日黎試下啦.....我地三個人叫左特色泡椒烤魚( 龍躉魚),食落魚比較嫩滑，配有酸菜既火鍋湯底，感覺唔錯。餐牌上有各式各樣食品，我地當然叫左必食既四川蕃薯粉，貢丸，芝士丸，安格斯牛肉.....烤魚夠嫩滑，火鍋湯底也不錯！不得不吃既安格斯肥牛，食落有質感，易入口⋯⋯呢個魚皮真係脆卜卜⋯⋯每咬一口都有卜卜聲.....貢魚同芝士丸颜色唔錯⋯⋯打卡係一流既配撘我地三人食左甘多野食，埋單共$774⋯⋯價錢都算合理，而店舖位於尖沙咀，方便大家聚會既落腳點⋯⋯環境唔錯，地方闊落，坐得舒服！同朋友傾下計既，食下野，係唔錯既地方！