為食火鍋公司

營業中

休息中

呢度有兩種價錢選擇。雞煲任食，飲品任飲。雞煲質素真係麻麻，勝左係無限refill。食完雞煲轉煲，湯底有兩款，分別係麻辣湯底或者蕃茄薯仔湯底。我地要蕃茄薯仔湯底，但個湯底似清湯，無咩蕃茄同埋薯仔。只得幾樣食物可refill, 追求飽肚嘅話可以黎食，但要食質素嘅話就唔好黎了。牛肉係無得refill. 而且食完之後好口渴，味精多。埋單接近每人$300，性價比低。我就唔會再黎。仲有，只收現金，無其他付款方式。

觀塘有一間好出名嘅火鍋店，之前上網都見到有推介，我哋去到就叫咗一個貴少少嘅餐，可以食到更加正嘅海鮮。坐低之後就揀雞煲，雞煲我哋揀咗小辣，裏面有好多配料包括芫荽，炒四次就食得，味道好香，特別係啲雞好嫩滑而個醬汁都唔錯。食嘅時候仲會加上豬皮、魷魚、牛柏葉，朔晒啲汁嘅香味。食食吓仲會奉上鮑魚，口感彈牙唔腥。另外刺身方面就有三文魚、希靈魚、北寄貝、甜蝦、帶子，本身都冇咩期望，但係有少少喜出望外係款款刺身都好新鮮好似去咗日本菜餐廳咁。都打邊爐嘅時候我哋就揀咗蕃茄薯仔湯，味道比較清甜，第一輪嚟嘅海鮮已經好豐富，包括聖子、蠔、兩款不同的魚、帶子等等，聖子同埋魚就特別新鮮。其他黎嘅嘢食都好多，包括鴨血、各式各樣嘅丸同埋餃子，仲有一次性嘅手切牛，脂肪分布一流。我哋仲另外加咗款熱氣野：炸魚皮、紫菜響鈴、生根，估唔到又幾特別個紫菜響鈴好香！出面有超過10款不同的飲品可以自選，仲有好多蔬菜籃，食飽飽仲有牛乳布甸味道香甜非常滿足呢！

朋友生日，揀咗為食公司打邊爐！第一次去，牛頭角站行5分鐘左右就到，又幾方便喎！門口見到非常光猛，見到擺放食物都好整齊，飲品種類勁多，好似去咗七仔咁，仲可以任攞，感覺好爽🤪🤪坐低就先黎一人一隻鮑魚，入味有咬口！我個人好鍾意。跟住上雞煲，味道唔錯，微辣，雞肉好滑，唔知係咪任食喎，不過，我哋都想留肚打邊爐，所以冇encore。嘩！跟住黎個刺身拼盤，超新鮮，爽甜！這個有得任點就正喇😂😂😂到打邊爐啦, 有個聖子到海鮮拼盤，好豪呀~有帶子，聖子，海蝦，生蠔，斑片，龍躉片，簡直係包羅萬有😋😋😋, 尤其是聖子, 大大隻, 食一隻已經滿足到不得了😍😍不得不提個手切牛肩頸，堅正、肥瘦均勻, 食落好嫩滑！五寶丸都好得！好味，不過係冇得任叫。依個餐$318，食物種類多，雖然話有限時，但我哋一路傾計，佢哋都冇趕我哋走，真係一個不錯嘅選擇👍🏻👍🏻

好耐冇食雞煲就晚上約左朋友食依度係先食雞煲再打邊爐食完雞煲可以再Refill上雞煲前會先嚟左小量刺身有三文魚、赤蝦、希靈魚，幾新鮮雞煲就揀咗BB辣大約炒四次，等十二分鐘就食得店員話D雞生炒先會滑炒到最後仲會落魷魚、豬皮、牛栢葉職員有時行過都會幫手炒一炒，幾細心雞肉份量適中，肉質滑身醬汁都落左幾多香料食完雞煲就揀咗蕃茄薯仔湯底打邊爐跟餐會有一個海鮮拼盤有蝦、蜆肉、魚、蠔，幾新鮮自助區有蔬菜同飲品選擇值得一讚係豬肉幾滑，唔會鞋口食完仲會有一碗奶凍，幾滑溜整體食物質素唔錯，座位同環境都幾闊落

天氣 轉冷打邊爐係最好嘅時機朋友搵咗間任食兩小時嘅火鍋LOGO係隻狗狗 好可愛有兩款套餐我地選擇左每人$238嘅晚餐包括前菜三色刺身(甜蝦，希靈魚，三文魚) 海鮮盤(蠔肉，鮮蝦，蜆，魚肉) 牛小排享有無限添加的有：雞煲西班牙黑豚肉三寶丸紫菜響鈴生根即炸魚皮三色餃菜籃雞煲好惹味雞肉嫩滑 辛辣度可自由選擇食飽先轉做火鍋丸類都唔錯豬肉丸內有芋頭牛肉丸彈牙$238套餐已經好夠食整體黎講環境 光猛企理食物有質素 性價比高任食任飲 服務良好

$318套餐包羅萬有，貴價食材，即使係放題但係貴精不貴多，感覺沒有粗製濫造，新餐廳格局舒適，卡位多多適合三五知己傾談，不錯不錯！五色刺身：三文魚厚切，新鮮啖啖肉，牡丹蝦大隻新鮮、帶子脹卜卜，肥美又甜。整體賣相吸引，作為頭盤令人食指大動。海鮮拼盤：包括有大蟶子、大蜆、廣島號、龍躉魚片、大蝦、原隻扇貝，大盤海鮮放上枱，立即打卡指定動作，特別推介聖子王，離殻食得，爽甜鮮！雞煲：雞肉嫩滑，醬汁濃郁，建議選擇中辣更加惹味，加入雜菜區拿的金菇和秀珍菇吸收雞煲醬汁，最佳食法！必食牛頸脊、紫菜響鈴、鴨血、西班牙黑豚肉，全部都好食，但需留意部份可以追加，一定要追加值回票價！最後有燉鮮奶滋潤一下，奶味香濃而且又滑，滿足地散Band！

為食火鍋雞煲 冬天搵食第一炮雞煲係香港開到成行成市，朋友上網見到依間想黎試吓，原來佢地係以『任食』雞煲做主打，算係比較少有，咁為食嘅我梗係要食返夠本啦。高達模型列陣歡迎 座位環境舒適依間位於創業街嘅餐廳相當就腳，穿過牛頭角地鐡油站嘅行人隧道第一個街口左轉就到，遠處望過去燈光通明好容易就見到，大約10 分鐘路程；
係門口會見到左邊一列廚窗放左好多高達模型做義賣；可能係平日時間，唔算多人排隊等左一陣就有位；餐廳燈光好充足，而且位同位之間有返一定距離，所以感覺好舒適。套餐食物豐富 雞煲有驚喜今次我地揀左 $318晚市火鍋雞煲任食套餐，餐牌上面黑色字既食物只有一份，飲品同醬料都係自助；前菜、鮑魚、五色刺身同聖子拼盤以一間雞煲為主既餐廳味道都唔錯，足夠我地食雞煲之前開開胃；無幾耐就聞到雞煲嘅香味，食得！由於朋友唔太食得辣所以嗌咗小辣，不過辣度足夠而且有麻味好過癮，配料充足有原粒蒜頭、洋蔥等等，由於Keep有油份係個煲度令啲雞無咁易痴底，依方面我幾欣賞，當然都要時時不時攪拌佢既；以2個人黎講，食完個雞煲就到打邊爐啦，湯底有麻辣同蕃茄2款，基本上食到依度已經有5成飽，所以火鍋配料我地全部各嗌左一份，

工作與九龍灣附近所以平時會到牛頭角見客，而最近來到牛頭角創紀二期後街發現到這間火鍋餐廳，今天晚上正正約好同事見客後來晚膳！在門口看見很多模型及卡通狗的海報，可想而知這家店的老闆對玩具模型的寵愛和寵物的寵愛！入到餐廳先點菜，不過這是任食雞煲火鍋基本上只有兩個選擇，我兩個麻甩佬基本上對食的要求不是很高便點了最平的餐！$238 / $318 的分別基本上只是多了一點海鮮和肉類，如果吃得不是很多的朋友其實 238 足夠已！由於我們是收工後馬上到餐廳所以還未滿座，但可見裝潢清新，餐桌寬敞及乾淨！飲品也是任喝，可惜啤酒是需要收費，慳錢的我們還是沒有點上啤酒！拿了飲品後雞煲及刺身也剛剛送到，在煮雞煲的過程時我們便先吃刺身，刺身相對新鮮顏色十分鮮豔！雞煲我們點了小辣，但後來因為不夠辣而要多加辣椒，所以如果能吃辣的地便直接點上中辣吧！在雞煲得到教訓後我們便在火鍋同樣點上中辣，剛好這個鐘內很不錯所以吃的辣的朋友不要點小辣！在開始火鍋煲滾的同時，在餐牌上所寫的火鍋配料馬上送到，基本上不用自己去點他們會自動波將全部食物送上第一 round!整個火鍋配料最值得一提的食物居然不是海鮮不是肉，而是丸類！他們的丸類和

幾個同事來聚會，一入到來，地方大，比人一種乾淨既感覺👍🏻安排左坐卡座，幾岩朋友傾計，坐得舒服☺️呢度主要係兩個套餐，分別$238同$318 ，主要係海鮮同埋牛肉質素嘅分別，$318亦都會多啲嘢食～我哋就叫咗後者😝首先會上咗一個雞煲，需要自己炒一下，自己選擇辣度🌶🌶雞煲都好惹味菜膽扣鮮鮑魚 都唔細隻㗎🤩另外仲有五色刺身🐡有厚切三文魚🍣，帶子，甜蝦等等，食落口感都爽口，色澤都唔錯🐠之後餐廳會幫我哋換做火鍋，亦都有幾款湯底俾你揀，加左$30要鴛鴦鍋😆呢度因為地方大，調味料區都有兩個，方便客人👍🏻之後再上一碟聖子到海鮮拼盤，睇得出誠意十足，樣樣嘢都大大份🤪手切牛肩頸，牛香味重五寶丸同西班牙黑豚肉五寶丸各有特色，啱晒鍾意食丸類嘅朋友，另外仲有餃子🥟其中有一啲可以追加～但係其實食晒套餐都已經飽飽地🤣最後仲有一人一碗燉奶，作為甜品☺️留意到餐廳亦都好也是善心，埋單嘅時候就會見到呢啲捐款箱，幫助小動物🥰

上星期放工同屋企人嚟到呢度食雞煲火鍋放題，我哋揀咗$238/位嘅套餐雞煲可選擇bb辣、小辣、中辣同大辣，一上枱已經聞到好大浸香味，雞肉幾滑，味道濃郁，好重花椒八角等香料味道，幾惹味。雞煲更配有三寶包括 ：豬皮、魷魚同牛柏葉，三樣都爽口彈牙，而且好索雞煲嘅醬汁，幾夾。雞煲可以任食，不過我哋食完一round已經好夠，之後我哋就轉打邊爐，有麻辣湯底同蕃茄湯底選擇，我哋就揀咗蕃茄湯底，酸酸甜甜幾開胃，而且味道清清地能夠突顯火鍋食材既原味。套餐包左一次性嘅三色刺身、海鮮拼盤、牛小排同甜品。刺身有希靈魚、三文魚同蝦，味道幾鮮甜。海鮮拼盤有蜆、蝦、蠔同埋鯇魚片，份量都幾足夠，而且新鮮。西班牙黑豚肉，大大塊，厚薄適中，唔會好韌，肉味新鮮。牛小排肥瘦適中，牛味幾重，食落有牛脂香丸類同餃子類質素都唔錯，丸類都爽口彈牙，餃子類皮薄餡靚，全部質素都幾唔錯，都幾新鮮。仲有打邊爐必食嘅炸魚皮、紫菜響鈴同埋珍珠山根，魚皮同紫菜響鈴脆卜卜，索左火鍋湯底仲正。最後仲送埋甜品，每人一碗牛乳燉蛋白，口感好滑，而且牛奶味道濃郁，甜度啱啱好

嚟到12月，又係生日食飯週嘅開始，頭炮約咗舊同事去觀塘食雞煲，本身對雞煲印象一般，覺得都係食骨多同好油膩。第一次嚟呢度，印象幾好，起碼光猛，乾淨企理。有兩款套餐可以揀，我揀咗貴啲$318。呢頭放低餐牌，嗰頭就有頭盤。好豪嘅鮑魚，一人有一隻，好稔好好味😋之後有刺身拼盤，好新鮮，刺身好厚呀。飲品任飲，菜籃任食，好多選擇。唔使5分鐘，已經見到個雞煲，連帶好多食物，多到張檯都放唔哂。雞煲有（大/中/小/BB辣），我就揀咗BB辣，已經好濃味，雞件好滑同厚肉，重點完全冇油膩感，正💯 姐姐仲幫我落埋牛柏葉、豬皮、魷魚🦑，煮多幾分鐘索埋啲汁，超級好味😋食完成隻雞，都飽咗7成，準備叫姐姐換打邊爐湯底啦，佢竟然問我要唔要加雞，我好驚訝🙀因為冇諗過可以加雞，成件事超抵食！（我冇加，實在食唔落，要留肚打邊爐）。有樣嘢要加分，出邊雞煲多數都係直接加湯落雞煲汁度，變到成煲肥淋淋，但呢度會換煲全新湯，正好多。（湯底有清湯/麻辣）勁足料嘅海鮮拼盤，當然唔少得滑滑牛、爽口豚肉、丸類、餃類、鴨血等等本身仲有響鈴、生根、魚皮、甜品㗎，但我實在好飽食唔落，唔想浪費食物所以冇叫到🥲總結，兩個餐嘅份量係足夠三個大男人食，可以en

近幾年行山見得最多嘅狗，除咗柴犬之外，就可以話係哥基。之前睇雜誌同埋網上都介紹過話老闆係愛狗之人，所以見到佢舖頭入邊嘅裝修都用咗哥基犬為主題，好可愛。星期三嘅晚上餐廳入邊都坐到座無虛席，好熱鬧呢！不過呢個係可以理解嘅，$300幾左右，滿足你三個願望，可以雞煲、刺身同埋火鍋。雞煲落單之前，店員會想問你要咩辣，我哋叫咗小辣。見到佢個雞煲有好多芫荽、芹菜、辣椒、蒜頭、薑塊等，望見都覺得佢好惹味。上台之後店員亦都介紹咗點樣煮，因為啲雞件係生嘅，所以係要慢慢咁樣煮熟，每次炒後焗2分鐘，總共焗四次，8分鐘之後就可以享用。煮熟咗後嘅雞件亦都保持非常嫩滑，而且好入味。而且仲會跟埋豬皮，魷魚，牛柏葉，三樽食物都好襯呢一個雞煲，因為醬汁濃味杰身，可以掛喺呢一啲肉類上邊。日式刺身拼盤簡簡單單嘅刺身拼盤都有五款選擇就包括三文魚、希靈魚、帶子、鯛魚、牡丹蝦。款款都新鮮甜美，而且厚切，令到口感滿足。海鮮方面亦都有扇貝、蜆、龍躉、生蠔、蟶子，非常豐富。真係樣樣都新鮮！最鍾意係龍躉肉喺湯底入邊滾兩滾就食得，肉質結實甜美。蟶子都非常出色，煙un，愈咬愈釋放其甜嘅味。本地手切牛肉呢一個牛肉亦都肥瘦適中，食起嚟帶有牛香及油

呢間打邊爐新開左冇幾耐，座位間隔都幾有空間感，一班朋友嚟傾偈食嘢都係一個唔錯嘅選擇。今次我哋嗌咗$318雞煲火鍋任食套餐，包左鮑魚，刺身同火鍋配料。菜膽扣鮮鮑魚，肉質彈牙，醬汁香濃入味。五色刺身，有齊三文魚，希靈魚，吞拿魚，蝦同帶子，超厚切鮮味。為食竉竉雞煲配三寶雞煲我哋叫咗BB辣，店員同我哋講雞煲要炒三次，每2分鐘炒一次，第三次落豬皮，魷魚同牛柏葉，8分鐘食得。所以我哋好乖咁跟住，又真係啱啱好雞肉鮮嫩，配料爽脆彈牙。之後轉打邊爐仲有埋湯底揀，我哋揀咗蕃茄薯仔湯，超濃郁。手切牛肩頸，肉味香濃，入口嫩滑。聖子到海鮮拼盤，款款海鮮都超新鮮勁高質，特別隻蝦真係超大隻晶凝通透，聖子超爽口，啖啖鮮味。五寶丸，不同款式每款兩粒，啱晒我哋呢啲細食嘅人。鴨血都好滑！食晒佢套餐包嘅嘢其實都已經好飽，佢仲有啲配料可以追加但係我哋已經好飽了。

餐廳距巴士/地鐵站只須5分鐘步程，非常方便。晚市既任食火鍋雞煲套餐有兩款, 分別是$238/位及$318/位。另外只要Like 餐廳 社交平台即刻送特飲，今天便送了我們椰青特飲。我們食$238/位已經有三色刺身，三文魚色澤鮮明又肥美，有頭大蝦大隻又鮮甜，希靈魚魚籽口感爽脆，質感突出。食物種類好豐富，想食豪啲既可以揀$318/位, 會有埋鮑魚、聖子、牛肩頸、鴨血等。 前菜有毛豆和酸薑，食完刺身好快便上雞煲，雞件又滑又厚實，是上枱即製的，秘製醬汁爆香蒜粒及芫荽惹味香濃，雞肉，雞皮也特別美味。三寶既豬皮索汁有膠質，與煙韌魷魚和爽脆牛柏葉是絶配。雞煲食完可以再叫，而且還可以重新選撰辣度。火鍋湯底要辣選麻辣，唔要辣選蕃茄薯仔，整體火鍋料都好新鮮，牛小排和黑豚肉都肉味上乘，脆魚鯇清爽脆口，蠔肥美蝦蜆鮮，再食埋三色餃和三寶丸已經好飽好滿足。😃各種火鍋配料也可以任叫，牛小排除外，蔬菜、飲料和醬汁都各設有專區自取。

觀塘亞太中心、apm 及創紀之城都是購物的好地點，今日購物完後就到附近搵嘢食，揀了附近萬泰利廣場食火鍋放題的為食火鍋公司。火鍋任食套餐放題有兩款選擇，有$238及$318套餐放題，入到餐廳見到已經很多人。我們揀了個$318套餐放題。放題套餐有前菜、菜膽扣鮮鮑魚、五色刺身、蟶子到海鮮拼盤、廣島蠔、手切牛肩頸、五寶丸、精選甜品等，無限追加有:為食寵寵雞煲(配三寶)、西班牙黑豚肉、紫菜響鈴、鮮鴨血、 即炸魚皮……等放題任食，飲品任飲。先上的是西蘭花扣鮑魚，鮑魚有咬口又好軟腍，今晚的放題正式開始啦~~一邊食鮑魚，雞煲正式上枱，雞煲要先炒兩次，再放配料三寶，有豬皮、水魷及牛栢葉。雞肉嫩滑又入味，三寶也是吸足雞汁的味道，很惹味！五色刺身有鮮帶子、甜蝦、三文魚、希靈魚、北寄貝，當中最為美味的是鮮帶子、甜蝦及三文魚。海鮮拼盤有 扇貝、游水蝦、脆肉鯇、龍躉片、蜆、蟶子及廣島蠔等，每樣海鮮都非常新鮮，當中以聖子、龍躉片、扇貝最為鮮甜美味。手切牛肩頸，切得都比較薄，顏色鮮艷，有牛味。西班牙黑豚肉肉質帶爽緊緻不會鞋，比平時食的豬肉特別好味。其它還有五寶丸、 韭菜餃、雲吞、魚皮餃……等，食得非常滋味 。最後就是