為食火鍋公司

營業中

休息中

呢度啱晒朋友聚會，地方夠大，乾淨企理仲好可愛咁以柴犬做主題，早啲嚟嘅話，可以坐到分開一格格卡位，夠晒私隱度👍🏻套餐方便主要兩個價錢，當然貴啲嘅話用了就多啲同靚少少🤏首先上咗雞煲，需要自己炒一炒🤣雖然唔係好食得辣，但係都feel到佢嘅麻香惹味😝每人仲送一粒鮑魚添😆五色刺身，顏色鮮艷，會根據當日情況提供五款刺身🥳聖子到海鮮拼盤，都真係大大盤😍之後就會收走雞煲，然後可以選擇你想要嘅湯底，或者鴛鴦湯底～套餐入邊仲包括牛小排，西班牙黑豚肉五寶丸，紫菜響鈴，生根，即炸魚皮，三色餃，菜籃😍色澤都好靚㗎，又簿身我覺得牛肉會比起豬肉吸引，但係呢度嘅豬肉亦都唔係嗰啲普通豬肉，味道食得出有唔同最後仲有一碗燉奶作為甜品🍮

平時都好少黎觀塘，除左商廈之外都唔知有咩地方有好野食，近排天氣凍凍地想打邊爐，同朋友黎左呢間好有cafe感覺既地方打邊爐。餐廳以哥基做主題，裝修光猛企理，感覺幾舒服。餐廳只係提供2個套餐，238同318 見分別不大 我地就揀左238個餐。小食可以任食 忍吾住食左2round番薯條，豬大腸炸得香脆可口值得一讚前菜三色刺身 切到好厚身三文魚肥美甜蝦 鮮甜鷄煲 可以無限追加鷄件鷄肉嫩滑新鮮 醬汁夠入味重點豬皮魷魚爽口 煮耐小小索曬d汁 好好味！店員仲會提我地幾時煮好 久吾久過黎幫手翻下料 好細心番茄薯仔湯底平時d 鷄煲都係直接用個醬汁加湯打邊爐 呢度可以換埋湯底我地揀左番茄薯仔湯 清清地 幾清甜海鮮拼盤有蠔 峴 元貝 海鮮都夠新鮮 牛肉拼盤黃喉必食 爽口 口感一流其餘幾款 牛味濃郁 肥瘦分明丸類有驚喜 出色！芋泥豬肉丸好特別，仲會爆漿三色餃 皮薄餡多 overall 黎講 呢個價錢野食方面超級多 飽到捧住個肚走

為食火鍋公司超級超級抵食火鍋！💲💲💲268任食火鍋包六款前菜，魚生，酸菜魚或雞煲，同埋海鮮拼盤及牛肉拼盤！前菜可以任食，有花生雞腳，炸豬大腸，炸薯條，沙律，炸雞，甜酸薯條！🍟魚生拼盤好新鮮！特別係條希靈魚好好食！好想食多幾條🥺🐠之後我哋揀咗個酸菜魚（雞煲可以refill但係酸菜魚不可以）酸菜魚可以揀走辣，竟然走咗辣都好好味！啲魚好鮮甜，完全冇骨！酸菜魚湯都唔會太酸啱晒我口味！其實食完酸菜魚已經好飽🫕但係依個時候火鍋就要上了！火鍋包海鮮拼盤仲有牛肉拼盤🥩！一口牛肉最好味完全唔韌仲好有牛味添🤤 啲蝦🦐好大隻帶子好鮮甜！仲有任食菜！拎咗兩兜都已經好多唔好唔記得啲丸！濃汁牛肉丸最好味～一口韭菜餃好細細粒唔會覺得太漏🤤總括嚟講，服務都幾好嘢食就唔使講啦！真係超級抵食完全唔知佢點樣賺錢！仲有任飲添！地址：觀塘創業街15號萬泰利廣場地下C號舖味道：8/10

一間可以不理既火鍋店，除咗啲牛肉算係好啲之外，其他一無事處，海鮮拼盤不太新鮮/不太鮮甜，三款下價魚刺身，什麽（我不是配角）強逼客人食，諸多掣肘，（又不可以這樣，又不可以那樣），最慘係啲員工服務態度（除咗一個姐姐好好），有幾個好似爭佢錢咁啲態度惡劣到還比大排檔更差....差....差，尤其是一個帶眼鏡比較瘦既一位哥哥仔，不知所謂。如此差既食店不再多講永冇再回頭既機會。

有留意頭像都知我喜歡哥基 收到風後即刻朝聖位於觀塘 #為食火鍋公司 以日式木系裝修 乾淨企理 好似cafe咁舒服而且係冇限時火鍋盛宴 真係「為食」都食唔哂共有兩個選擇：為食套餐$268 豪食套餐$318.為食套餐🐶like社交平台送椰汁鲜奶燉蛋白🔸小食估唔到火鍋店都有得任吃小食 款式多樣化分別有🍗炸雞 薯條 蟹籽沙律 炸大腸 鮑汁雞腳🔹三點刺身赤蝦好長大隻🦐肉質肥美爽滑 蝦身晶瑩剔透希靈魚附有黃色魚籽 口感爽脆 魚籽極為鮮甜三文魚細嫩鮮美 整體刺身質素不錯 解凍適中🔸寵寵雞煲雞件多肉大塊 小辣唔會好辣 建議由中辣開始炒至半熟就可以加入三寶🦑魷魚 豬皮 牛栢葉食材非常豐富 而且口感滑嫩 任食真係CP值高🔹湯底由於對象係觀塘上班族 所以火鍋底偏向健康例如櫻桃鮮茄薯仔 黃金皮蛋芫茜 高湯牛尾就算麻辣鍋底都不太辣/油膩🌶配嫩鴨血一流🔸海鮮拼盤全部都很新鮮高質 海蝦爽彈鮮甜 蜆乾淨冇沙蠔和半殼元貝好肥美大隻🦪煮完都唔會點縮水見到隔離枱叫豪食套餐 仲有巨型蟶子及鮑魚添🔹牛肉拼盤來到全晚最期待嘅拼盤 美國SRF和牛板腱肉熊本雪花一口牛勁好食🐮肉汁大爆開 滿口油香更有香港少見的潮汕吊龍伴 黃喉 手切牛

今晚本應好開心為朋友慶生日，一行5人，揀咗呢間我之前食過6次,之後不斷介紹比朋友火鍋店，因為一位朋友差不多9點先來到，她來到後想叫小食，但已經被拒，原因是因已上了雞煲，刺身還未上的喔，所以就不能再給予小食，朋友剛來，一樣小食都未試過，所以只想叫一隻雞腳，一碟沙律嘗試一下，這餐廳不是任食嗎？再order多一份小食都咁困難嗎？叫了經理過來，他本應説可以叫2款，唔夠2分鐘又行返嚟話唔得，公司規矩晤可以，我對呢間餐廳感到非常失望，規矩是死人是生，眼見一位新客人入座都唔可以通融下給予兩個小食，太過份了😤我會通知所有朋友不會再幫襯呢間咁小家咁孤寒火鍋店，提下餐廳老闆，上左雞煲不能再叫小食寫返係餐牌到，比食客清晰指示😠

任食雞煲+邊爐有2個價錢可以揀 我地揀左有海鮮貴啲果個價位。一開始會上熟食同剌身 都係食一次 鮑魚每人一粒 估唔到幾好食好入味～五色剌身唔錯～ 有鮮味雞煲我地加左3次😂 叫左bb辣 個人覺都夠 之後食食下會再辣啲 雞肉係有肉汁唔係乾曬果種👍🏻 真係幾好食 不過鍋底會越來越多油😂到食邊爐會再上埋海鮮盤 呢個都係得一次 其他配菜就任食～不過聖子有沙 減左啲分飲品都係任飲 出面有個雪櫃可以自己拎如果係大胃王去食一定夠曬飽！扣分位：佢個洗手間真係唔得 好污糟 地下成灘水無人清潔整體分數：7.8

香港人打邊爐食雞煲是常識吧！呢間寵物主題風既火鍋任食店幾得意，連雞煲都叫做寵寵雞煲😆有高質嘅單次性食物加其他火鍋配料任食，好抵！呢間火鍋店好有特式，分左小食、前菜、頭盤、火鍋。小食有薯條、炸雞、沙律、炸大腸、雞腳，係無限添加，炸大腸、雞腳無得輸！前菜係非常新鮮既五點刺身盛合，好鮮甜👍🏻係火鍋店食到呢個質素幾好！到雞煲喇！要自己炒，店員會講炒幾多分鐘～叫左中辣，雞煲醬汁好惹味👍🏻好夠味，推介終於可以打邊爐喇！叫左黃金皮蛋芫茜湯，清清地，有大量既芫茜，好香～再黎個豪食海鮮拼盤，入面有蟶子、元貝、龍躉、蠔、蜆、蝦，係全部都洗得好乾淨，好新鮮，全部都好鮮甜，正！仲有呢個豪食牛肉拼盤！潮汕五花趾、吊龍伴、手切牛頸脊、熊本雪花一口牛、美國SRF和牛三角肉、美國SRF和牛板腱肉、澳洲和牛肩胛肉、澳洲封門柳。嘩！全部都係貴野，咁樣得唔得架😆真係食到回晒本！全部都好滿意，特別推介潮汕五花趾、吊龍伴，比較少食到，太滿足了！！！仲有其他好多既配料任點，珍寶蟹柳幾得意，好很條，啖啖肉😍最後已經飽到傻左，大家如果去食，記得要留肚食後面d正野呀！

任何既季節都無阻香港人打邊爐食雞煲今次黎到呢間寵物主題風既火鍋任食店🤩入面有好多貓貓狗狗既裝飾，幾得意！呢間火鍋店最特別之處係佢有分開小食、前菜、頭盤、先到火鍋小食有薯條、炸雞、沙律、炸大腸、雞腳等等可以無限添加！小食表現不錯，大家記得留肚食其他野呀前菜係刺身刺身係非常新鮮個心覺得係比放題新鮮好多好鮮甜👍🏻味道: 🥄🥄🥄🥄然後就到雞煲喇黎到要自己炒，店員有講要炒幾多分鐘雞煲醬汁味道調得好好好夠味，叫左少辣仲更加惹味，推介👍🏻味道: 🥄🥄🥄🥄終於進入打邊爐既環節！叫左黃金皮蛋芫茜湯幾濃郁，反而清少少會仲好d～然後就上左海鮮拼盤喇好足料，有蟶子、元貝、龍躉、蠔、蜆、蝦抵讚既係全部都洗得好乾淨係新鮮既海鮮唔係急凍全部都好鮮甜，正！味道: 🥄🥄🥄🥄🥄再黎一個牛肉拼盤！潮汕五花趾吊龍伴手切牛頸脊熊本雪花一口牛美國SRF和牛三角肉美國SRF和牛板腱肉澳洲和牛肩胛肉澳洲封門柳真係好多呀，全部都係比較高價既部位呢個價錢真係回晒本！個人最鍾意既係美國SRF和牛板腱肉同埋澳洲封門柳大家一定要黎試下！味道: 🥄🥄🥄🥄🥄仲有大量既配料可以任點但其實已經好飽😆推介紫菜響鈐同珍寶蟹柳！味道: 🥄🥄🥄🥄呢間真係性價

冬天就係要同朋友們去打邊爐🍲$338/位包小食5款（任叫）、刺身5點、燉湯、雞煲/酸菜魚、海鮮拼盤、牛肉併盤、鹿兒島豚肉、仲有蔬菜同丸類無限添加🤩🤩 小食今晚有5款，另外每人仲送一碗燉雞湯🍲我地瘋狂encore個鮑汁雞腳，因為真係好淋好入味😋五款刺身分別有三文魚、帶子、牡丹蝦、北寄貝、希靈魚。帶子同蝦鮮甜，其他三款都不過不失👍🏻任食雞煲夠晒野味，配埋水魷、豬皮、栢葉一流🤤 不過我地淨係食左一輪，要留肚食之後既野海鮮併盤有6-8款時令海鮮：蟶子、生蠔、元貝、鮑魚、海蝦、蜆、龍躉片等等海鮮每款都好新鮮好足料，食完都5成飽🤤豪食牛肉併盤，有成8款靚牛。啲牛肉好高質，有平時單點牛肉既質素，份量亦好足夠👍🏻配料絕對不是配角，必試牛丸！牛味濃郁仲好juicy，我地都忍唔住encore左兩次😋 蝦滑都係重點推介，啖啖蝦肉又爽滑彈牙蔬菜飲品都係自助區任拎，有得揀淨菜同蔬菜籃，唔洗自己夾👍🏻我地飽到甜品都食唔落，雖然牛同海鮮唔係任食，但份量都好夠，完全唔洗膽心唔夠候。

友人去觀塘跳舞，話約埋我，之後再食埋晚飯，仲話今年都未開爐，是時候啦!唔……跳舞就……唔好預我，去打邊爐就好樂意，真係成日掛住食。她揀了一個新店，門面光鮮，大型的玻璃窗，可清楚看到內裏的環境。內裏光猛新淨，長方形格局，地方都幾大，靠牆設有一排排舒適的沙發座，還有幾張闊落的卡座和多張二至四人枱，可容納不少客人，亦坐得挺舒適。最吸引我是牆上的竉物牆紙，好可愛呀! 仲提醒大家要好好愛惜和愛護牠們，難道店主是愛竉物之人? 看看貼在門口的餐牌，冇限時火鍋!! 正!! 咁就唔駛擔心究竟食嘢好?還是傾計好? 有兩個套餐供應，分別是為食套餐(成人$268)和豪食套餐(成人$338)，如果再想追加牛肉或刺身，就可以特惠添加。既然難得一聚，一於食好啲，就揀後者。豪食套餐(成人$338+10%)非常豐富，有任點小食六款、前菜五點刺身盛合、時令燉湯、二選一頭盤、火鍋盛宴、是日6-8款豪食海鮮拼盤、8款豪食牛肉拼盤、我不是配角、田園自助吧和任飲非酒精飲品。有一個小規則，就是要按次序點菜，唔可以點返轉頭呀!在未下單前， 先走去大雪櫃取飲品， 有各式汽水、韓式飲品、凍茶、涼茶等等，取了一支酸酸甜甜的山楂蘋果美顏茶，

為食火鍋公司 好適合我們幾個朋友刷餐飽，一個價錢包了多重優惠💰💎💎$338/位，先有任點小食：🔹炸瘋薯條、唐揚炸雞、酸甜炸豬腸、蟹籽沙律、鮑汁雞腳😀特別推薦鮑汁雞腳，炆到極淋又入味😀😀😀🔹時令燉湯一碗，當日是雞肉燉湯，濃香雞湯味😊😊🔹五款刺身，帶子、牡丹蝦、北寄貝、希靈魚、三文魚, 牡丹蝦極正🦐🦐🔹任食寵寵雞煲，呢個雞煲味道好香又夠晒味，再加入水魷、豬皮、栢葉，最正係豬皮，吸收晒雞汁精華，個個搶食😝😝🙌🏻🙌🏻🔹食完雞煲仲有任食火鍋等緊你，先來一盤海鮮併盤，有6-8款：有鮮蠔、原隻扇貝、大號蟶子、海蝦、蜆、深海魚片等等😍😍😍🔹再來一盤超級牛肉併盤，見到都豐盛，有8款特式牛肉：潮汕五花趾、吊龍伴、手切牛頸脊、熊本雪花一口牛、美國STF和牛三角肉、和牛板腱肉、澳洲M5和牛肩胛肉、澳洲封門柳👏🏻👏🏻完全是靚牛，不是普通的任食牛,好超值😍😍😍🔹鹿兒島豚肉，這個也不錯😊😊🔹任食火鍋料相當多款和極有質素，所以餐廳寫明這不是配角，必食啊！牛丸好味到顛，一食就知係貴價牛丸，爽彈牛味濃又帶肉汁🤗🤗還有一口韮菜餃，都係必食🥳🥳🥳🔹蔬菜盤和飲品是到自助區取，任取🙌🏻🙌🏻🙌🏻為食火鍋公司 地址：觀塘創業街15號

Hot Pot Foodie in Kwun Tong🍲🐥🥢💫..觀塘工廠區一間為食火鍋店，估唔到夜上都咁多人食。裝修以狗狗🐶 為主題，甚至連餐牌 & 爐頭上都同樣有狗狗既圖案，感覺別有一番風味既火鍋店。下午主打港式冰室餐牌，而晚上則供應火鍋雞煲任食套餐，食材算新鮮呢。l火鍋雞煲 任食套餐]l $318一個價錢已經可以任食生炒雞煲🐥，雞件嫩滑入味亦惹味，辣度可以自己選擇，無限添加。一坐底更有前菜 (八爪魚、薑片)，refresh 一下。而 頭盤 (菜膽扣鮮鮑魚 & 五色刺身)，中日式都可以吃勻。吃過雞煲就開始打邊爐🥢。先送上一盤海鮮 (蟶子到海鮮拼盤)，款款新鮮即灼即食。而牛類 (手切牛肩肉、五寶丸)，套餐更附送精選甜品 (蛋白燉椰汁鮮奶），超香滑有椰汁奶香🖤岩晒我。一個套餐既為食寵寵雞煲 (配三寶) 魷魚、牛柏葉、豬皮，任添任食，食到夠就吃火鍋。其中，其他火鍋配料飲料亦無限點：西班牙黑豚肉、紫菜響鈴、鮮鴨血、生根、即炸魚皮、三色餃、菜籃，真係食得好滿足。不過若然一開始服務態度好一點，整體感覺一定能更愉快。..×××火鍋公司 -Hotpot Foodie]××ש觀塘創業街15號萬泰

我為食係人都知，為食到去觀塘，再為食到去打正旗號既「為食火鍋公司」係咩玩法🤣以哥基為主題的餐廳「為食火鍋公司」餐廳內空間感十足，好寬敞，卡位多，for 傾傾係唔錯！今晚同3位朋友點左個《豪食套餐》，套餐係包括不少矜貴食材：🥢小食：有脆薯條、炸大腸、鮑汁雞腳、沙律、炸雞等… 樣樣新鮮即叫即炸。🥢時令燉湯：又足料又豐富既燉湯，甜到漏，一飲就知不含味精！🥢五點剌身盛盒：大蝦、三文魚腩、希靈魚、北寄貝 同 大大粒帶子！全部勁鮮甜！🥢竉竉雞煲：出哂名既雞煲，店員教埋點煮、點因時間，再落埋豬皮魷魚等水盤，一打開蓋香到嘩嘩聲，食完一round 唔夠仲可以無限添加！🥢海鮮拼盤：扇貝、鮮魚片、鮮蝦、鮮蠔、蟶子、蜆… 生猛海鮮極甜極鮮😍🥢牛肉拼盤：潮汕五花趾、吊龍伴、手切牛頸脊、雪花一口牛、美國SRF和牛、美國SRF牛板腱、澳洲M5和牛、澳洲封門柳！🥢另外還有鹿兒島茶美豚濃汁牛丸、自家製餃子款、自家製墨魚滑蝦滑、各款蔬菜… 同埋各款嘢飲，都係任食任飲🤩

之前喺開銅鑼灣食雞煲，任食最少都要$3-400 ，同事介紹原來公司附近有一間雞煲任食，放工即刻同同事試下，睇吓二百幾蚊任食係咪真係咁抵。每人仲有一碟刺身餸，三文魚新鮮，着黑仲要大大隻。雞煲一上已經聞到好香，自己再炒下，炒幾次即食得，雞肉好滑，好香，味道濃郁食牛栢葉食到晒啲汁，兩個人其實食完個雞煲都已經開始飽飽地，但原來連雞煲都可以添食⋯不過我哋想試吓打邊爐，都係唔好咁貪心同浪費食物，打邊爐有好多唔同選擇，牛肉豬肉就必須㗎啦，但一啲遠手打丸同餃子都好出色。最後每人仲有個甜品，嫩蛋白唔係太甜，好滑好香，二百幾蚊有咁多嘢食，今時今日真係好抵，食到抱住個肚行出門口，正·