炳記茶檔

營業中

休息中

今日天陰帶點風，最啱光顧大排檔！要了豬扒蛋麵和茶走。豬扒賣相十分吸引，冇骨又唔肥。加上有菜伴麵，健康。夾著豬扒吃，感覺清啲。食落豬扒鬆軟又夠入味。不過，稍為鹹左啲。而柸茶走(奶茶加煉奶)好香，茶味夠之餘又唔苦。奶和茶比例剛好，愈飲愈想飲。

下雨天食一頓早餐，不過排隊的人數卻沒有減退，慶幸等左數分鐘便可入座。雨點滴在鐵皮上，滴答滴答咁食早餐，別有一番風味呢！一貫的舊式茶檔風格，食物不外乎公仔麵，米粉，三文治等等，選擇唔叫得多，不過尚可以接受。同友人叫左兩款不同餸菜的公仔麵.....豬扒加太陽蛋公仔麵 - 雖然豬扒冇好似雞翼咁另外上，不過啲豬扒冇變稔而且好入味咬落好鬆化，太陽蛋同平時家中煎既分別唔大，附加幾條生菜對於一個食肉獸既我來說感覺上好似健康一點！友人的雞翼太陽蛋公仔麵 - 食左一只雞翼覺得肉質好嚡口，只可以說不是我喜歡的那種味道。奶茶我盡量都會飲熱，因為可以試出真味道。炳記的奶茶好滑身，茶味夠濃，我很滿意。本來好想試埋啲多士，不過肚子太飽的關係，唯有下次再嘗試吧！

睇左食評,特登入大坑黎試豬扒麵+奶茶豬扒麵，大碗足料。豬扒份量幾多，特色係無骨，啖啖肉，掩料有用黑椒，都掩得頗入味，真係要彈既就係肉質係煮完後唔夠嫩滑。麵呢，係中規中舉，無特別。原本有諗住叫奶醬多，因為食完碗豬扒麵已經好飽，冇叫奶醬多，坐係度都聽到好多人叫奶醬多，下次先試喇!凍奶茶，無其他食評講既苦澀味，係第一口覺得甜左D，但等D冰溶到咁上下又岩岩好呢間店既內位置近天后多D，由火龍徑入，直行，轉右就係。我搵唔到條街既路牌，但坐係度見到安庶仳街可能有員工見我係咁影，所以畀左張postcard 我五月中黎既天氣都ok ，有D風，環境乾淨，但閒日一朝早九點已經八九成滿，假日應該仲多人

早幾日下午放學要出街做PROJECT,之後大家黎到食炳記茶檔餐廳雖然無乜裝修,不過依D老牌食店係咁嫁啦咸牛肉蛋多士,我同D同學們既至愛,依度個多士幾脆,不過就薄左D,所以食落無咁爽個蛋同牛肉就錯,幾夠味,同埋夠曬熱最鍾意都係依度杯奶茶,好濃好夠味,放出黎已經好香,黎到都係特登飲奶茶嫁啦

頗有人氣的街邊茶檔, 正午時分都開始有人龍, 幸好人龍長但都散得快. 因為是怏餐, 點餐出餐都很爽手.帶點鐵皮屋感覺, 但又乾淨清爽, 當日落大雨, 但都坐得很舒服, 感覺不迫夾也不趕客人.餐牌大大張貼在牆上, 旁邊還有畫冊裝飾.食物選擇不算多, 麵類只有公仔麵或米粉. 但配料就幾百搭, 有人氣的豬排, 雞翼, 還可以單拼, 雙拼, 更有三拼.我同友人款款都想試, 但又怕太飽. 所以下次再試多士類, 今次先試麵類飲品. 我們點了太陽蛋雞翼麵配凍奶茶, 還有太陽蛋豬扒麵配熱奶茶. 然後交換豬扒及雞翼來試試.太陽蛋雞翼麵$25, 凍奶茶$16:這裡值得一讚的是有菜, 感覺健康點. 公仔麵沾上太陽蛋黃, 簡單滿足了. 雞翼只有兩隻, 都幾入味, 但肉質鞋點. 凍奶茶不會太多冰, 而且也不會沖淡茶味, 茶味仍然又香又濃, 少甜的甜度剛剛好.太陽蛋豬扒麵$25, 熱奶茶$15:豬扒夠入味, 肉質很鬆化, 又有咬口, 份量仲好多, 絕對超值. 配上太陽蛋味道更加滋味. 友人的熱奶茶更加順滑, 茶味香濃.總括, 茶檔的靈魂就是奶茶, 做得很好. 而且豬扒好味又抵食, 必食之選.

Went early for breakfast to avoid the queues. Very glad as it really is not worth any wait. Milk tea was average... nothing special which is sad as it's what the place is known for. Eggs and toast were both served uncooked. When we complained we were told you need to say you want your eggs cooked. Unusal response... i thought when you eat at a restaurant or cafe its the cooking that you pay for.

很久沒有打遊記和食評了, 因為除了工作, 也要讀書考試, 有點分身不暇.上星期日也是因為早上要到天后上堂, 所以來到了位於大坑的炳記茶檔食早餐.星期日早上應該不會有好多人外出食早餐吧?! 你這樣想就錯了.我早上9:00來到炳記茶檔, 沒想過我前面已有4至5個人在排隊了.有些應該是剛跑完步的, 有些應該是住在附近的居民, 亦有些應該是慕名而來的, 因為他們像我一樣, 不停的拍門面和食物.茶檔的枱櫈並不多, 但員工懂得控制人流, 所以就算要排隊, 都好快有位坐, 不過就要搭枱坐, 這是來茶檔食好西的正常事吧. 枱上面是沒有餐牌的, 店裏的餐牌都貼了在牆上. 其實大多數來這裡食東西的人都不會看餐牌, 因為來這裡的時候已經知道自己想食什麼了 - 豬扒麵/多士加奶茶. 在排隊的時候, 我已經留意到每張枱的客人都是點這個配搭, 當然我不是例外了. 先來的是熱奶茶 HK$15.奶茶味道香濃, 沒有苦澀味, 而且入口順滑.豬扒米粉 HK$25豬扒雖然是厚切的, 但很軟滑和Juicy, 重點是沒有骨的, 而且醃得很入味. 這個米粉都煮得剛好, 不會煮得太軟, 也不會太散. 食完美味的豬扒米粉和香滑的熱奶

冇食過就等於冇嚟過大坑？逢星期一仲要休息？每日只開到15:30個個都話好好食，咁就去試下啦。豬扒米粉。連菜 {$25}um......味道上係幾好，d汁好香，略帶點油，至於肉質就好韌，食完痴牙個種不過港島區$25蚊搞掂個Lunch，不應要求咁多吧

昨天上午和屋企人去了大坑蓮花宮觀音廟，參與一年一度的觀音開庫活動，期望能向觀音娘娘借庫，保佑來年一切順利。儀式完畢後，已接近午飯時間，大家決定在附近揾食，途經安庶庇街，見到路邊的一個舊式鐵皮大牌檔，枱枱爆滿，還有人在排隊等位，心想這裡咁受歡迎，一定有其過人之處，而且據聞這裡的豬扒很有水準，奶茶亦做得唔錯，遂排隊一試。雖然説是街邊茶檔，而且部份座位還設於後巷之中，但完全不會予人髒亂的感覺，店面亦整齊光鲜，員工有禮，周圍放了一些不會在一般鐵皮檔出現的插畫裝飾，為大排檔注入了新元素。另外這店的入座安排確是值得一讚，它有明確指示在那裡開始排隊，讓你一行人一個跟一個輪侯，而員工亦會根據先後次序安排入座，十分有秩序，免卻了人氣大排檔的通病--枱邊身邊永遠有人在望住你食嘢，等你快點食完讓位。我們入座後，原來還有更特色的--這裡枱面是沒有餐牌的，只有一個大餐牌貼在茶檔牆上，相信是因大部份人坐低已懂得叫招牌豬扒麵，加上這裡選擇不多，大部份都是大路嘢如雞翼，餐肉，煎蛋等配公仔麵，或雙拼治，混醬多士等招牌茶檔食品，當然唔少得茶檔嘅靈魂，咖啡同奶茶啦。入鄉隨俗，大家沒有細想，都點了自己的心頭好，我叫了豬扒煎蛋

每逢假期都排長龍嘅茶檔，星期日起碼排十幾人至食到。見到條龍有十幾人，作為街坊嘅我可以話你知，其實都唔會等好耐，等咗 10 分鐘倒就有位坐。望落平平無奇嘅街邊茶檔，而家已經買少見少。 呢啲天氣黎最好，因為夏黎天會爆汗... 唔好以為大排檔會好污糟，其實算幾企理，食咗咁多年都未見過污糟嘢。必試佢杯奶茶，聽講攞過奬！屋企人去完旅行返香港都會好掛著佢杯奶茶。 茶味濃得黎唔苦澀，奶味唔重，唔會蓋過茶香！ 重點係夠熱，連杯都辣手！（呢度啲伙計好似個個都練過鐵砂掌，個杯勁熱都攞到！）因為有時啲茶餐廳奶茶唔夠熱，飲落就會好唔爽！呢度豬扒同雞翼好出名，但我鐘意佢餐蛋麵，餐肉煎得焦香，荷包蛋係糖心流黃，即使係普通餐蛋麵，係唔知點解係好食啲。推介食埋蛋牛治烘底！有人忍唔住食咗，相機嚟唔切食先。

🖼街坊茶檔, 枱櫈沿著後巷攞放, 環境尚可, 未見有小動作出沒🐭😆🍴食物方面💬去茶檔一定試下佢杯茶, 識飲一定飲茶走☕️(有茶味有奶味, 香滑順口, 不錯)通常黎到一定整件多士同食碗麵🍜 奶油多多醬又夠脆👍🏻 呢度招牌係豬扒🐷豬扒肉質厚有嚼勁, 醃得好入味, 不會乾爭爭, 有肉汁, 可以試試👍🏻 👛價錢方面👥兩杯茶, 一件多士, 兩碗雙拼麵都係$90, 合理呀🤔

大坑這個地方，你總會找到各式各樣的西式cafe，甜品等等，炳記這個車仔檔卻一直是我的最愛。這兒除了奶茶，仲有秘製豬扒麵都好正！和妹妹兩個人點了以上的。凍奶茶茶香奶滑，而且茶味不會過份苦，甜度也掌握得很好，這個真的是十分讚！而食物方面，點了雞翼紅腸麵及秘製豬扒麵，前者沒有太多特別，也是煎香了就可以。反而要講下豬扒，食落去好有在家媽媽煎豬扒的感覺，食落仍有豬扒肉汁，不太油。另外要讚的是每碗麵有大量生菜，感覺也健康。惟獨是麵煮得有點淋，這個有點美中不足。不過絕對會因為豬扒麵而再來一次！

我今日試咗佢嘅奶茶但係非常失望! 唔滑不特止仲好似溝咗水咁嘅味。仲有非常甜。 話比佢聽佢做過都係太甜! 而且最好準備埋要受氣因為佢哋態度好差! 其實附近有好多好嘢食又好禮貌嘅鋪頭。服務又差衛生又差真係唔得!

大坑的美食選擇很多，平常多吃All Day Breakfast 或拉麵，但朋友常說炳記才最具大坑情懷，便來試一試。炳記吃的都是一般茶餐廳常餐的東西。而我看到大多數人都要點豬排和奶茶，於是便點了秘製豬排出前一丁和熱奶茶。豬排腌得非常入味，很重胡椒的味道，於我來說有點鹹，好在有生菜中和一下。而出前一丁煮的時間剛好，麵不會太軟或太硬。凍奶茶的奶味和茶味都很濃厚，是高水準的凍奶茶。整體味道是好的，卻不致於要特意來吃，大概是那本地的味道吸引著駱驛不絕的人潮吧。

店名:炳記茶檔地址：大坑施弼街5號側好味指數:8/10價錢：$25豬扒雞翼米豬扒雞翼都是用醬汁醃過的，夠入味！米粉湯底比較消淡，不過加上麻油和辣油令整碗米粉味道提升了不少。值得一讚，碗內除了米粉外，還附送了幾塊生菜，夠曬健康之餘又夠入味，正！ 店名：炳記茶檔地址：大坑施弼街5號側好味指數:8.2/10價錢：$8奶醬多香脆可口的多士均匀塗滿奶和花生醬，絕不兒戲，滋味極了。這樣好味及真材實料的多士只需$8，實在非常難得，支持！