炯記餐室

營業中

休息中

中午人氣都幾旺！因為性價比好高，🤩而且招牌嘅手撕雞好好食。.3012清湯牛魔王$88🐮🐮有牛腩同埋牛肚兩款，炆得好入味，😙每一嚿都好軟腍。.3009手撕雞$68🐤🐤有麻辣同鹽焗兩個版本選擇，😋我揀咗鹽焗，好香麻油味，更加埋白芝麻去撈，雞肉都好滑。.3007冬菇扒生菜 $38🥬🍄生菜爽脆，而且冬菇都好香，細細粒，容易食，冬菇汁🥰撈埋生菜都好正。.雞湯清甜，更有冬瓜同紅蘿蔔清熱。#香港美食 #香港燒味 #香港外賣 #長沙灣美食 #港式燒味 #香港必食餐廳

同朋友👩🏻‍🦳一齊喺長沙灣，佢話好肚餓，既想食麵又想食飯，又話要好味，叫我諗吓去邊度食，咁我即刻喺人肉電腦💻裏邊搜尋一下，搵到呢間，就決定帶好肚餓嘅朋友👩🏻‍🦳去開餐😆我哋叫咗幾樣嘢share🤩$56「炯記鹽焗手撕雞撈麵」，加 $10「郊外油菜」：「鵝油撈麵」有啲彈牙又有少少鵝油同醬油香味，好食😋$54「炯記麻辣手撕雞飯」，加 $10「郊外油菜」：「麻辣手撕雞」都真係幾辣，食得我哋好暢快😋$68「鹽焗手撕雞半隻」：呢餐全部都有「手撕雞」，因為朋友👩🏻‍🦳係超鍾意食雞🤩仲有兩碟油菜，顏色嫩綠，油菜係生菜🥬仲有例湯同熱奶茶☕️嚟一幅大合照🤩仲有呢度嘅員工姐姐同員工妹妹服務都真係好好👍

店子是很有愛的，每次去吃，都有店員推介飲湯，也真的不錯。 小店來說，店子也有很多分店，朋友知道有湯飲，也很快跟我來一個聚會，絕對是二人推介之地方 手撕雞是店子有名的，下飯的菜，一份湯飯，腸粉，是常見的香港菜，水準不錯的，比自己在家裡面做得要好。這個挺不錯喔。 蝦豆腐湯 鮮蝦豆腐煲一定要試試，適合減肥的人，味道清甜 手撕雞配腸粉 點了一款小吃，夜晚很多時會賣光，今天看到，也立即點了手撕雞了。手撕雞有沙薑味，雞肉嫩滑，雞帶有少少薑粉味道，肥瘦均勻，腸粉的米味香，加埋香料相當惹味，非常多人喜歡吃喔。 豬肚雞煲米線 豬肚入味，軟腍，慢慢骨膠原感覺，棒。湯亦多飲口喔，鮮味多汁，入口滑。 吃飽後，看看附近的地方，聊聊天，放鬆一日。

友人住長沙灣，我們久不久都會來這間餐室食早餐，貪佢光猛企理，又乾淨，而且有牛角包食。今日第一次午餐時間到訪，有幾款午餐供應，第一眼便被餐牌的叉燒蛋包飯吸引了，午餐好抵，連飲品$52 （即磨咖啡+$3）而友人要了四寶鵝油撈麵$70，都有飲品跟。另外加了碟冬菇生菜$38。兩個主菜上枱都好吸睛，個木餐盤好靚。我個叉燒蛋飯勁大碟。叉燒唔算特別多，不過飯同蛋都好多，叉燒半肥瘦，個豉油好好味。點知碟四寶撈麵仲大，嗰隻碟差唔多同個托盤一樣咁大，牛腩牛肚都好多，仲有一堆手撕雞，同一隻豬手 。我都有幫手食啲餸，因為真係好多。鵝油撈麵好香，呢碟麵一個女仔多數食唔晒，適合share 食。因為豬手好正，但得一隻，所以我地又叫多碟豬手試。真係好淋好入味，一咬離曬骨，覺得自己補充咗好多骨膠原😆。秘製醬皇豬手$78 ，必試總結：地方光猛企理又乾淨，食物水準唔錯，又唔算太貴，碟頭大。特別推介豬手，會繼續幫襯。喜歡我的食評請Like, share and comment

長沙灣雖然係老區 但元州商場都愈黎愈多 新派小店 呢間炯記餐室 就係其中一間呢到主打鵝油撈麵同手撕雞 當然要叫黎試下手撕雞 （麻辣）拼豬手撈粗 跟餐已經包左飲同小食 （涼拌木耳）呢到即磨咖啡都可以揀 黎到份量超級多手撕雞啖啖肉 麻辣唔算好辣 豬手都有兩大舊 秘製醬醃得幾入味 但唔會咸手撕雞 （鹽焗）拼牛腩撈粗 牛腩係清湯腩 吾鞋口 朋友叫左特飲蕃石榴四季烏龍茶 飲落幾清新 銷魂腩叉 諗住叫多個小食試下 黎到原來個例牌都有咁多 最好既係 半肥瘦 同 邊位都有 半肥瘦肉質好嫩 邊位就會香d 同有口感d 最後食唔晒要打包添呀 下次想試埋佢既湯麵同牛角包

今次黎到長沙灣， 見到有炯記， 之前聽過手撕雞好出名， 而且見到有少少人龍， 所以就入去試吓， 裝修都幾簡潔， 係木色和白膠既配搭， 環境都幾舒服， 起碼五會迫！依家有小菜叫， 仲送湯！ 我叫左個炯記手撕雞飯， 哩個係招牌， 梗係試試佢， 而且也送老火湯， 是青紅蘿蔔粟米豬骨湯！ 然後我仲叫左晚市套餐， 叫左蝦仁什菌豆腐湯， 湯係馬上整的， 這個湯好清， 這個湯好滑！ 豆腐好滑好新鮮， 不錯！ 另外加配左$78 清蒸黃花魚， 係新鮮馬上蒸出黎的， 魚都好滑！

炯記長沙灣店全店裝潢好新穎，唔似傳統嘅燒味鋪，座位舒適，燈光通明，場地好適合同朋友或家人聚餐，而且食物款式多元，又有茶餐、牛角包或者酸菜魚，一定滿足到唔同口味人士🤗 炯記最出名一定要試撈麵，今次叫咗炯記四寶撈麵 $70，包醬皇豬手、鹽焗手撕雞、牛腩、牛肚，真係要大讚佢嘅豬手，用醬油醃得超入味，腍到完全唔洗用力咬開，含豐富骨膠原，好鬆軟；鹽焗手撕雞就帶點麻辣味，雞肉絲調味偏重，配埋撈粗一齊食好夾🍜🥳 加少少錢就有個鵝油生菜當然要叫，生菜淋上鵝油汁，夠爽脆，又唔會太油膩，好健康👍👍👍另外推介嘅係秘製腩叉皇 $88，份量亦對起個價格，半肥瘦嘅五花腩睇得出做法唔馬虎，肉脂分布平均，充滿肉香，偶爾放肆享受一下美食感覺真好🤩最估唔到嘅係重慶酸菜魚米線 $68，同場都有三、四枱客人有叫到，朋友見到都想一試。酸菜魚製作方法簡單但用材和味道好難調配，呢個菜式合格有餘，除咗主角好滑的鮮魚片同酸菜之外，仲有傳統調味料花椒、辣椒乾等，配埋米線係聰明之選。套餐連嘢飲都係 $68，價錢夠晒實惠👍👍👍🥢炯記四寶撈麵（醬皇豬手、鹽焗手撕雞、牛腩、牛肚）$70🥢鵝油生菜 $14🥢秘製腩叉皇 $88🥢重慶酸菜魚米線 $6

成日食炯記，接朋友放工先知長沙灣炯記有牛角包🥐食，即刻入去食真d😋叫左大路野，火腿芝土包配番茄濃湯🍲$53，又幾好食😋同佢招牌既鵝油撈麵有得揮！銷魂腩叉撈麵$56黎炯記又點少得鵝油撈麵，實在係太香喇，加上半肥瘦腩肉叉燒，絕對係邪惡之選！😏菠蘿四季春烏龍茶$28叫左少甜，無阻菠蘿同茶味既配合，清清地幾解渴。蝦仁什菌豆腐湯$59好多料，蝦同菇類都落左好多，原材料鮮味夠，無需太多調味料👍🏻

「食乜好⋯」每次出外做野，每次都好苦惱呢個問題😫 今次好彩有同事帶路，黎左長沙灣既炯記餐室～環境好開揚舒服，如果唔係門面有大大個餐牌寫食咩，仲以為去左西式輕食餐廳，雖然的確有呢類野食提供⋯（燒味撈麵crossover全日早餐牛角包，仲要有得打邊爐係咩玩法😂）好啦，講返食左咩先。我地兩條友叫左兩個四寶麵一份小食，合理份量吧？結果餐點黎到就GG啦😱 係勁大份既四寶麵阿！超大份！一份兩個人食都得！單單計牛腩牛肚，我諗係出面食已經係個例牌小菜⋯點餐時我仲內心OS 70蚊好似貴左啲啲。對唔住，我錯了😂四寶麵有牛腩、牛肚、豬手、手撕雞。味道方面都係水準之作，牛腩軟稔，牛肚豬手入味，手撕雞正路野～麵撈得岩岩好，唔會太油膩，又夠味，正😋麵餐可以二選一，湯或野飲，紅蘿蔔湯好清甜😋 奶茶就不夠不失，奶味較濃。最後介紹埋個小食—麻辣爽魚皮，一點呢個小食，阿姐姐就話擇得好，佢都好鐘意食😂 大概係平時既小辣辣度，好爽口入味！同事之後都打包左份，話要拎返屋企煲劇送酒😂整體都好正！下次出開黎做野，就唔洗煩食咩啦😋

堂食優惠價$198，🥰兩個人已經可以食得非常之豐富！鹽焗手撕雞（例牌）🐤手撕雞加入白芝麻同麻油等調味，雞絲食起身。每一條都幾嫩滑，🥢非常之開胃。秘制醬皇豬手（4隻）🐷豬手都幾大塊，分量十足，🥰而且炆得夠淋身，食起身唔錯。酸辣蒜香雲耳（1碟）🔥同鹽焗雞腎（1碟），涼拌嘅小菜，🍚最啱飯前食。郊外油菜（1碟），🍜太子鵝油撈麵（2碗），冷熱飲品（2杯）。推薦店鋪招牌嘅鵝油撈麵，口感真係會上癮❤

一個難得在附近工作的日子，特地來到這間網上口碑不俗的新派港式冰室，吃一個特別的「醒晨早餐」。之所以會特地多行幾步到來，其實是被它那可在早餐時段便可以吃到的「鹽焗手撕雞配招牌撈麵」（$36）和「鹽焗手撕雞腸粉」（$34）吸引的，對我來說，其實兩款早餐都吸引，不過二選一之下，我就揀了「鹽焗手撕雞配招牌撈麵」做早餐。這撈麵的確是不錯的，以豉油皇撈過的粗麵爽口而無鹼水味，每條麵都均勻地沾上豉油皇的味道，爽甜可口。在面上撒上了白芝麻的鹽焗手撕雞入味而不過鹹，配以撈粗，已是非常合拍的配搭，加上少許青菜，更為這本已甚佳的早餐加分。「鹽焗手撕雞配招牌撈麵」固然甚好，需要另加三元轉配的「即磨咖啡」也沒有令我失望，香濃醇厚，物有所值。在一天工作前，可以吃到一個高質素的早餐，真好！

今日冇煮飯所以一齊去元州邨嗰邊食lunch，之前都試過幾次，今次想試吓唔同嘅嘢食牛魔王撈麵，我阿媽話個麵好食，唔會有鹼水味，牛筋有少少硬，但係個牛肚好入味，雲耳辣辣地好開胃叉燒蛋包飯，個叉燒係腩差，肥瘦剛剛好，咬落去好林，唔會太乾，個蛋送飯一流第一次試佢嘅撈丁系列，試咗咖喱雞扒撈丁，如果再多啲汁，個麵會更加入味，雞扒煎得好香手撕雞腸粉，我阿媽都讚個腸粉好滑，食咁多次都保持到個水準，手撕雞都好入味值得一讚嘅係個老火湯，完全冇味精，南瓜紅蘿蔔雞湯好甜，而且好夠味道

環境都幾簡潔，位置安排上唔算好逼。 餐牌有不少選擇，除左手撕雞飯外， 仲有小菜同all day breakfast, 總有一種啱口味晚餐一於食手撕雞飯，夜晚要有飯氣到肚😂手撕雞面頭灑左芝麻好香口，飯嘅份量大，女仔嘅胃口嚟講食唔晒。另外叫左個豆腐湯，清清地，天氣乾燥，感覺要飲湯滋潤一下。除此之外，仲叫左一條清蒸黃花魚，落單後先蒸，所以魚喺最後先上。亦叫左木耳做小食，味道清爽，口感爽脆。整體來講，價錢合理，如果想簡簡單單，又唔想食快餐，係一個唔錯選擇

同屋企人行開長沙灣，於是順便嚟到炯記餐室食野。餐廳主要以白色同大地色配襯，感覺幾舒服。食物嘅款式都幾多選擇鹽焗手撕雞腸粉手撕雞份量都幾多，雞肉嫩滑，味道鹹鮮，腸粉滑溜，配手撕雞好夾。厚蛋火腿三文治麵包鬆軟，+$2烘底都烘得幾脆，蛋好厚，重蛋香味，而且好滑，配埋火腿口感更豐富五香肉丁蔥油撈丁好邪惡既撈丁，麵質爽彈，軟硬適中，肉丁香辣鹹香，撈埋蔥油一齊食，好惹味。招牌腩叉賣相好靚，半肥瘦，肉質軟腍，脂肪位爽口，食落幾香口。飲品方面，分別都加左$10配肉桂咖啡同柚子氣泡檸檬茶。咖啡一上枱就聞到好大陣玉桂味，估唔到肉桂同咖啡都幾夾，咖啡香濃，口感順滑。柚子氣泡檸檬茶酸酸甜甜，甜度適中，檸檬同柚子味道都幾夾，幾開胃。

一開始朋友話帶我去食炯記，本身以為係食燒味。去到先知原來係去佢出名食手撕雞嘅舖頭。朋友話呢度嘅鵝油撈麵同手撕雞係必食既然係咁，就直接叫個2人套餐，又抵又唔洗煩食乜2人套餐唔洗$200，但相當豐富，而且有得揀，我地揀左招牌手撕雞: 麻辣味，撕得夠幼，而且佢嘅麻辣唔會太辣太刺激豬手: 呢個係意料之外嘅好食，肉夠淋又嫩，仲好入味雲耳: 份量唔少，都好惹味，做前菜一流雞腎: 麻辣味，爽口好食油菜: 大大碟，味道唔錯鵝油撈麵: 好重鵝香，但又唔油。而且超級大碗，食極都好似食唔完凍飲: 我叫咗凍檸蜜，居然唔使加錢。朋友就叫咗凍鴛鴦最後我哋兩個梗係食唔晒，咁好食梗係要打包啦所以真係好抵食