炯記餐室

營業中

休息中

一入餐廳 地方好闊落 座位都好闊落 一啲都唔擠迫兩條友 叫咗個手撕雞鵝油撈麵 銷魂腩叉 加多個酸菜魚手撕雞撈麵十級推介 唔好比個名同個樣呃到 好似黑蚊蚊油淋淋咁 但其實個面一啲都唔油又唔漏 麵質口感啱啱好 食完好有衝動叫多個淨麵 至於手撕雞味道亦唔會太鹹 啲肉都好實淨 一上枱已經好香麻油味 個賣相都好靚 另外要讚下杯檸茶 茶底够澀 唔似啲茶餐廳 只係飲緊有色嘅檸檬水至於個銷魂腩叉 有半碟係偏肥 入口即溶 啱晒肥叉愛好者 另外半碟係層次分明 有少少燶邊 又有少少脆骨 正宗半肥瘦叉燒 玫瑰露味道好重 食完個口仲有啲回甘 最後到個酸菜魚 味道都算辣 入面有泡椒嘅蹤影 咬佐一啖 辣到個人醒一醒 但有啲好奇個酸菜魚底竟然冇薯粉 開頭仲以為個朋友食曬另外見到間餐廳有牛角包夾叉燒/手撕雞 幾特別 個樣都幾吸引 有機會可以試吓

燒味舖通常俾人嘅感覺都係好污糟邋遢，要搵一間又乾淨又好味嘅真係好難，好彩俾我發現咗長沙灣炯記，外邊嘅裝修十足文青餐廳，驚喜嘅係入到去有牛腩撈粗食(*☻-☻*).炯記有好多間分店，我最推介一定係長沙灣嗰間，無論喺餐廳入邊打卡，同朋友嚟吹水食飯， 靜靜地享受港式美食，感覺都好好！除咗頭先講嘅潮州麵買系列，佢最出名嘅就係手撕雞，有可以配搭腸粉，有超新奇嘅配搭，竟然可以放入去牛角包，非常特別.一般嘅燒味叉燒等等都難佢唔到，滷味都有，今次就係因為食晚餐就食咗小菜，叫咗叉燒蝦仁炒蛋同埋雲吞雞半隻，兩個都好出色，平時食晚餐都可以叫.另外仲有豬扒芝士撈丁，相對就比較普通，想食麵嘅話都係推薦食返佢嘅粗麵(*¯︶¯*)

用openrice點咗個香茅雞翼蔥油撈一丁餐, 有7折, 折咗$32非常抵, 之前都叫過好多次, 唔知點解啲雞翼有時3隻有時4隻, 今日有4隻, 啲雞翼好入味, 不過啲麵底下就比較多油, 我用廚房子索一索至食, 總體嚟講係好味嘅！

超香手撕雞，好耐冇食！幫手拆埋骨，真係好正~🥳🥢炯記手撕雞 $68因為想份量大食好啲，所以叫咗佢哋嘅例牌😉雞肉質地嫩滑，而且仲有芝麻同埋濃郁麻油香氣🥰🐮清湯牛魔王 $88牛肚同牛腩雙拼~🥩各擁有不同的口感同滋味，高質牛腩軟嫩可口，令人齒頰留香。🥐腩叉牛角包 $36採用肥瘦相間五花肉，肥而不膩，🥬配上爽口生菜同鬆化牛角包，港式fusion好夾好特別💕@炯記 📍長沙灣 #cheungshawan

朋友仔成日同肥妹講炯記手撕雞同鵝油撈麵好好食，要肥妹一定要試於是肥妹帶埋媽媽一齊黎試試到長沙灣分店店內環境設計簡約舒適，以白色為主空間感大，寛躺闊落，光線光猛好似Cafe，有種小清新感覺 —-✄———-✄———-✄———-✄———-✄—-✾ 二人滿足套餐 $198♡ 鹽焗手撕雞（例牌）可以揀鹽焗或麻辣雞肉份量好多，無骨啖啖食肉質嫩滑唔乾，沙薑芝麻香氣撲鼻鹽焗鹹香滋味滿足🫶🏻♡ 秘製醬皇豬手（四隻）豬手炆得入味軟腍豬皮仲Q彈Q彈，滿滿骨膠原醬汁鹹鹹甜甜，香濃惹味👍🏻♡ 酸辣蒜香雲耳雲耳口感爽脆醬汁酸酸辣辣之餘，帶有淡淡蒜味相當開胃！♡ 麻辣雞腎可以揀鹽焗或麻辣雞腎爽口有嚼勁入口麻辣香口，十分惹味！！♡ 太子鵝油撈麵（兩碗）撈麵係用上粗麵，大大碗麵質爽彈，鹼水味唔重呢度用上甜豉油同鵝油撈麵醬汁份量好足夠，每條麵都沾上醬汁食既時候散發陣陣鵝油脂香令肥妹食唔停口🤭♡ 郊外油菜生菜爽脆香甜🥬♡ 例湯青紅蘿蔔豬肉湯，清甜順口♡ 凍檸茶♡ 熱檸水

This trendy looking restaurant caught my eye and I was surprised that it actually sell Chinese traditional noodles. I went inside and it was very bright and welcoming. I sat down and instantly got attracted by the menu. I ordered the recommended noodles as it contains 4 types of food plus my favourite egg noodles. When it arrived, it smelled so good. There were beef tripe, beef brisket, pork knuckle and shredded chicken. I chose the spicy shredded chicken, it was spicy but flavourful. The textur

今日用openrice點咗個芝士豬扒撈一丁, 之前食過一次個麵係有撈豉油, 今次啲面係白色, 只有少少好杰嘅芝士喺豬扒上面, 完全唔夠撈啲麵, 啲面係乾蒸蒸, 乜豉油好貴咩, 下次都係食返香茅雞翼蔥油撈一丁好好多！

今日到附近吃晚餐，這間餐室裝修簡約，環境舒適，點咗2人晚餐，食物質素都唔錯，份量充夠2人食量，餐飲改了特飲，兩杯特飲味道OK，老火湯，手撕鹽焗雞，涼拌鷄腎和雲耳都好味道，豬腳比較稔身，入口即溶。至於撈麵的味道就一般。

冷鋒突然殺到，倆口子想食番餐烚下烚下暖肚，行行下見到有間白色走簡約風既餐室，居然有打邊爐二人套餐，條街咁鬼凍，諗都唔駛諗就衝入去了。估唔到餐室既打邊爐既湯底選擇都咁有heart，唔只係普通嘅清湯或者沙嗲之類。三款都係有晒材料，完全可以就咁當成一個菜式揀好左濃湯雲吞雞鍋後，火鍋拼盤都隨後上枱。雲吞夠晒大粒又多蝦，平時打邊爐都要另叫既材料，而家係湯底一部分，好抵食！雞都十分嫩滑，趁仲係未加好多材料時，要飲多啖雞湯，實在清甜到不得了。拼盤都好豐富，有肥瘦均勻既牛肉、三款丸、蟹棒、生菜同米線，樣樣都好新鮮。兩杯特飲都係解渴之選：菠蘿四季春烏龍茶、柚子氣泡檸檬茶，唔太甜又解油膩。食完咁full嘅邊爐，一場黎到都想試埋餐室嘅招牌叉燒，食埋佢個銷魂腩叉撈麵都唔過份丫！鵝油撈麵市面好少見，有股獨特嘅香氣，同麵條好夾，半肥瘦腩肉叉燒都恰到好處，食落唔會好罪惡感。😂

呢日同屋企人去長沙灣搵朋友 經過元州商場嘅時候時見到呢間炯記 同屋企人講上次食過呢間其他分店 啲雞唔錯仲大大碟 於是佢又想試下😂呢間分店環境靚啲 純白設計加上部分高腳枱櫈吊燈 彷如去咗cafe🤭而且menu好似有啲唔同 有all day breakfast 牛角包 腸粉等小食😋🌯麻辣手撕雞腸粉 💰40本身以為會唔會腸粉捲住啲雞肉 點知諗多咗😂雞同腸粉係分開嘅 腸粉彈牙 口水手撕雞辣辣哋幾好味😋🥐手撕雞牛角包 配南瓜忌廉濃湯 💰53牛角包估唔到咁酥脆😍一落刀切就feel到 食落好香牛油味 配手撕雞食都好match 但有舊雞翼尖係入面要吐骨就怪咗啲🤣南瓜湯好creamy味道濃郁 唔錯👍🏻🍜秘製醬皇豬手撈麵 💰56豬手夠腍同入味 撈麵偏乾身 食落好香☺️🥡麻辣爽口魚皮 💰58炸魚皮就食得多 原來仲可以整成爽口涼拌小食 酸酸辣辣好過癮 睇落細細碟 食落都幾多🤭🥤凍檸茶 💰+3

晚飯時間同朋友一齊喺長沙灣，佢係大胃王，加上呢日佢仲話好肚餓😅，咁就一定要搵間大件夾抵食嘅餐廳🍴同佢開餐，我即刻喺人肉電腦💻裏邊搜尋，搵到呢間，唔使再考慮咯，就決定帶大胃王朋友去開餐😆叫咗呢啲share 嚟食😆- $56 嘅「炯記鹽焗手撕雞撈麵」：「鵝油撈麵🍜」彈牙好食😋，有鵝油同埋醬油嘅香味，份量重好多😆，手撕雞就有鹹香🤩；另加 $14 要咗「鵝油生菜🥬」，顏色翠綠，口感爽脆，新鮮簡單好食😋；再加 $10 要 特飲「柚子氣泡🫧檸檬茶🍋🍹」，清新柚子味🍊加埋檸檬味🍋，即係好味😆- $69 嘅「腩叉🐷蝦仁🍤炒蛋」，加 $8 有「白飯🍚一碗同埋 例湯」：「腩叉🐷」接近半肥瘦好甘香😆，蝦仁🍤肉質結實，雞蛋炒得幾滑😋- $38 嘅「芫荽手撕雞🐓腸粉」：腸粉幾滑，仲落咗甜醬同辣醬😆，簡單得來好惹味😋；「手撕雞🐓」又係啖啖肉，加埋芫荽🍀就更加好食😋

去開長沙灣有野做，順便同朋友食個晚飯，見炯記冰室個手撕雞好出名，就黎試下～環境乾淨企理，仲有高枱，別有一番風格✅睇餐牌有個二人套餐，$198有以下嘅野食：招牌鹽焗手撕雞（例）：份量足，嫩滑可口👍🏻牛魔王十牛魔王（例）：有金錢肚同牛腩，牛肉唔會靱，夠腍，金錢肚夠爽口👍🏻酸辣雲耳：酸酸辣辣，爽脆開胃麻辣雞臀：切到細細件，易入口👍🏻鵝油梯麵：好香鵝油味👍🏻白灼生菜：加左腩汁，夠滋味👍🏻凍飲唔使加錢，又免加一，抵食二人套餐，仲有兩碗老火湯，真係好抵食👍🏻

長沙灣分店同其他分店唔同😲走日系風格🌿, 以⚪️白色同🪵木色裝修為主十分似cafe, 地方乾淨企理, 空間寬敞舒服☺️👍🏻🔸炯記四寶撈麵 $70 7/10手撕雞｜豬手｜牛腩｜牛肚(配小菜：涼拌雲耳 &例湯)🤭嚟到炯記當然要試試🌟皇牌菜：手撕雞基乎每枱都會叫👉🏻撈粗/ 手撕雞🐔手撕雞帶少許鹹香,肉質滑溜,充滿麻油香味~豬手及牛肚炆到入味😋牛腩肥瘦適中撈面份量十分多🤯✅採用頂級茘枝柴燒鵝油, 鵝油味濃郁, 食落唔油膩👍🏻🔸銷魂腩叉炒蛋飯 $58 6/10🌟另一招牌：肥腩叉可惜今次食嘅叉燒有點失望☹️唔係半肥瘦, 肉質偏乾嚡😢🍚白飯偏乾硬 炒蛋尚算嫩滑🙈🫣唔知係咪冷氣關係, 嘢食整體唔夠熱🤧

炯記出咗新嘢！不嬲食佢多數都係食鵝油撈麵或者手撕雞粉，今次就試吓新嘢！重慶酸菜魚米線都好好食，裏面嘅酸菜魚好香滑，米線相對比較幼細，整體相當開胃。口水雞撈丁估唔到咁好食，佢嗰款口水雞有秘製醬汁，好好食，少少香辣，好入味。撈丁質感都比較彈牙。鴛鴦手撕雞腸粉可以一次過食到辣味同埋原味，最緊要D雞好滑，腸粉都相當彈牙，要求加咗好多甜醬，正！白灼生菜健康！菠蘿春烏龍茶 ＋少甜阿華田五穀特飲兩款我都覺得唔錯，前者比較清新少少，後者我就覺得如果本身肚餓嘅話就相當合適，仲好有口感添！環境

終於有機會過嚟長沙灣食佢哋嘅叉燒！之前已經聽講好出名 所以一坐低就即刻叫咗秘製醬叉燒腩。佢哋例牌嘅份量都幾多，夠食兩個人。重點係真係肥瘦一半一半，而且叉燒邊整得入味，真係食到靚過街嘅貨色，係出色嘅靚叉燒嚟！另外嗌咗兩碟手撕雞腸粉，一個鹽焗雞味，一個口水雞味。手撕雞係凍上，腸粉係熱上。建議大家可以嗌口水雞味，辣辣地鹹鹹地幾好食。份量都幾多，本身諗住當小食，點知都食到飽晒唔使食咁多主菜。然後就係蔥油香茅雞翼炒公仔麵，雞翼整得出色。啱啱炸完就上碟，所以仲feel到好熱好脆口。而公仔麵冇咁熱嘅，伴蔥油係側邊俾你自己撈。食到好飽額外再加要多杯嘢飲，係阿華田燕麥凍飲。上面有啲燕麥粉，撈埋杯阿華田飲得幾開心。整體嚟講份量好足，完全唔慳皮，而且有啲嘢食係即叫即做即上，熱辣辣仲係脆口嘅加咗好多分。另外環境都好舒服好靚，新裝修嘅，比起普通茶餐廳靚好多，值得大家入去坐吓食吓。