炑八韓烤親子餐廳

營業中

休息中

成日喺荃灣遊蕩嘅我 呢日行荃新天地經過餐廳門口 就比烤肉嘅香味吸引左入去 一坐低唔洗幾秒已經成枱前菜 視覺上極為豐富 一碟麻醬沙律🥗 一籃生菜🥬 四小碟韓式泡菜 當然唔少得賣飛佛韓燒獨有爐邊泡菜蛋🍳&芝士粟米🌽 最開心係除左沙律之外 其他都可以不停refill😋˜”*°•釜山海之旅行套餐($698)⛴•°*”˜ 就咁睇menu以為唔係好多野食 但食完其實超級飽 套餐有釜山八爪魚🐙 鰻魚🐟 韓國辣椒🌶️ 韓牛前胸肉🐂 霜降牛小排🥩 和牛肩肉 牛舌👅 同蔥蒜牛五花🧄 仲有幾粒肥大雞脾菇🍄釜山八爪魚好大隻 醃得夠入味 帶少少辣🤏 夠晒鮮味彈牙 韓牛油脂甘香 肉質鬆化 雖然咬起上黎相對上比和牛費勁啲啲 但咀嚼嘅過程中更有牛味 推介蔥蒜牛五花同埋和牛肩肉 牛肉同脂肪比例平均 醃料甜甜地幾好食 仲有嗰隻青BB韓國辣椒 真係唔講得少🔥 辣到不得了 咬左一啖就舉白旗🙋🏻‍♀️🏳️˜”*°•期間限定蜜瓜沙冰($48)🍈🍹•°*”˜ 滿滿香甜清新蜜瓜味 仲食得到粒粒新鮮果肉 夠晒冰凍解渴 清爽涼快🍈🧊 食完隻韓國辣椒真係靠佢黎救命🆘

炑八韓烤親子餐廳 (觀塘)呢間係一間親子餐廳，餐廰內有兒童遊樂設施提供，而且除咗燒肉之外，仲有一啲兒童餐可以選擇。好啱一家人同小朋友一齊去。有幾款前菜、生菜、芝士同蛋都可以食完再refill。。🌟無法抗拒釜山海之物套餐🇰🇷🌊🐟🐙🐳 $588呢個好似係呢段時間既期間限定，有牛、豬、雞肉同釜山八爪魚🐙同鰻魚。🌟釜山八爪魚🐙厡隻好大隻，燒到差唔多會有店員幫手剪。八爪魚腳肉質爽口彈牙，就咁食都有味，唔好燒太耐，唔係會好難咬。🌟鰻魚🐟同樣都係好大條，鰻魚先成條燒再剪開燒一陣就得。本身冇味可以點啲調味。肉比起平時實，外皮燒香脆更香。。🌟醬油五花肉🐷、梨汁雞肉🐔、豬皮🐖、韓國辣椒🌶、霜降牛小排🥩五花肉唔算厚，但燒到少少脆可以包生菜一齊食，味道好夾。梨汁雞肉比想像中好食，已經有味，帶少少甜味，肉都幾滑。豬皮好肥但又好香，不過都幾膩。霜降牛小排係好食不過有少少筋，。🌟青肉蜜瓜沙冰🍹$48平時唔鐘意太甜，呢杯甜度啱啱好。而且沙冰入面都食到唔少果肉，幾好飲。。📍觀塘鴻圖道90號2樓

餐廳環境值得一讚，分開左兒童樂園遊玩區，同享用美食既區域，而且家長可以一路食野一路透過玻璃窗望到小朋友係兒童區情況。(本人沒有小朋友，只是同朋友們慶祝生日)食物種類繁多，飲品份量大杯，用手機scan we code下單反而有d load吾到既情況。職員們都好友善，禮貌好好，又願意幫忙影相📸️朋友生日，餐廳安排了海帶湯（可以分到4人飲，都好大碗），牛牛生日蛋糕（都有10件肥牛左右），生日卡連即影即有相片同一份沙灘墊做禮物。大家都好感謝餐廳安排，非常開心。值得一讚係職員真係好親切友禮，好少會有咁忙既餐廳，仲有呢d質素既職員🤗有機會都會再光顧架😬

可以親子玩樂放電既韓國菜親子型餐廳 餐廳設有遊玩區，適合一家大小共享天倫裝修傳統韓屋 沒有低消, 只要用餐就ok了 大人食飯,細路自己玩!有夢幻波波池遊戲區不大，但足夠小孩玩耍午餐又得,燒肉又得,總之選擇豐富!兒童用品齊全，除了餐具、嬰兒椅，還有剪刀、濕紙巾提供 都係食返平時見慣見熟既柚子炸雞 炸脆既無骨雞肉淋柚子醬汁 酸酸地岩大人細路食韓式炒公仔麵配溫泉蛋 拌勻麵條食香辣惹味原隻大雞脾配沙律 用醬油浸滷,好入味,香甜肉多仲有溫泉蛋牛肉飯,呢d唔辣既菜式都會好岩小朋友開飯食 牛肉份量又多,好多菜式都無骨唔怕小朋友唔識食平均消費$300評分8/10觀塘鴻圖道90號2樓

進入炑八韓烤，環境雅緻舒適，佈置和擺設美觀，入去見到遊樂區，小朋友最喜歡，同時，提供免費體驗韓國服飾.最近因為快要放暑假了, 餐廳都相應地推出了一些暑假套餐, 我們今天就叫了一個暑假遊學團的套餐, 裹面有月見和牛肩肉扒, 南瓜車, 五花肉, 紅蝦, 護心肉, 雞翼和韓牛. 食物的種類都是不常叫的那些, 所以我覺得值得一試. 當中還有包括一個主食就是炸雞翼和薯條.食物的份量加上韓式的配菜基本上都夠飽的, 我們還另外叫了兩杯新出的Peach SODA, 內有新鮮的蜜桃, 都好吸引!！

一直都有幫襯炑八其他分店，第一次來到炑八觀塘店，當然為了參觀兒童遊戲區，感覺較適合細個d嘅小朋友。但環境整潔，食物方面唔洗多講，價錢合理食物亦保持水準，今次主要想表揚店員的服務，上菜有效率，細心不用你order亦主動加爐邊蛋和粟米芝士、前菜，因今次是慶祝生日，店員送蛋糕來時亦主動唱生日歌，很窩心。額外驚喜，原來店舖有為壽星預備小禮物，整個晚餐很完滿。小禮物：海帶湯，牛肉蛋糕，即影即有相，餐具一套🎁

最近同朋友去咗炑八食飯試咗佢呢個新嘅$1388 夏日繽紛樂團套餐 覺得好正🤣🤣🤣……….首先一嚟佢會有個沙律沙律清新好開胃份量都好足之後就有個燒肉拼盤特別鍾意佢嘅豬肉好juicy多汁 調味又做得好好加埋生菜一齊食好有韓式風味😍……….之後就到一個摩天輪🤣🤣入面有唔同嘅炸物有薯條餃子年糕串等等又睇得又食得😍😍好正！仲有個南瓜蔬菜拼盤同埋便當超級可愛🤣🤣小朋友應該會超級鍾意！整體而言食物份量好夠好滿足食物質素高 亦都非常適合一家大細去食❤️炑八韓烤親子餐廳MeokBang BBQ Kidzone地址：觀塘鴻圖道90號2樓#炑八 #炑八韓烤 #Meokbangbbq #먹방 #韓國菜 #韓國餐廳 #韓國燒烤 #韓牛 #kid #kidzone #playground #韓烤 #playground #遊玩區 #親子 #親子餐廳

呢度韓式燒烤同埋兒童室係分開嘅有專人會睇住D小朋友進場我都由得佢哋玩我地大人就韓燒佢係用QR code 點餐我地點左個厚切正花腩（正）特級牛肋骨（好嫩）韓牛肉前肉（必點朋友都話我冇介紹錯）仁川曼魚（超級好食）特級牛舌韓牛肉蓋飯（醬汁多到另加白飯）最後再點醬油蟹（不過不失，重點食完冇肚屙）真係好滿足私人空間感好值得讚我哋係平日去嘅 130一位小童6個月以上bb係免費嘅另外仲會送小食俾小朋友買單最後都會附送兩個金幣係俾小朋友扭蛋用 扭左架飛機仔同車仔仲有一個鐘體驗韓服大人要另加$70

「炑八韓烤親子餐廳」觀塘親子分店帶小朋友去玩佢個遊戲室而家仲有新套餐$862 暑假遊學團套餐 月見和牛肩肉扒超級靚嘅蔬菜南瓜車醬油五花腩、紅蝦、護心肉、肉單骨雞翼、韓牛前胸肉仲有煮食炸雞翼薯條佢哋仲有為小朋友提供前菜我哋一家人食得好飽悦悦每次喺遊樂區玩到唔捨得走要呀媽吹三吹四先願意岀嚟先食幾啖野又返入去玩不過爸爸就可以坐係到慢慢燒慢慢嘆，隔住個玻璃睇住佢前世情人遊戲區星期一至四 16:00先開放星期五六日就午市都有得玩

係觀塘突然間想食韓燒 但APM有好多人就黎到呢間炑八燒烤親子餐廳一入門口就見到一個好大既空間for小朋友玩對於一眾家長絕對係一個好地方 可以俾小朋友放下電 自己又可以同朋友傾下計 有自己me time 又或者同小朋友一齊入去玩都得!一入座就有幾款前菜同沙律食完仲可以REFILL 泡菜海帶同芽菜都令我愛不釋手韓燒亦都唔少得既就係爐邊蛋同芝士粟米 都係我FAV~~呢到既餐牌同平時既炑八都有D唔同 親子餐廳都有照顧到有小朋友家長既需要暑假遊學團套餐 $862套餐已經包左好多野包括月見和牛肩肉、蔬菜南瓜車、醬油五花肉、紅蝦、護心肉、單骨雞翼、韓牛前胸肉仲有小食炸雞翼薯條(如果有小朋友實開心死)特別要一提既和牛肩肉扒 大大塊 而且肉味濃 入口即溶 超推介配埋溫泉蛋簡直絕配其他既肉類質素都十分唔錯 包埋生菜唔會太膩另外亦都叫左兩杯飲品- 白桃梳打 & 荔枝梳打大推既絕對係白桃梳打 因為餐廳放左半個桃係杯梳打到 超級足料去食既千祈唔好錯過

暑假來了，由於疫情關係冇得去旅行，唯有帶女女去住偽韓國炑八親子餐廳，止止隱先。親子餐廳環境好大，以韓國韓屋傳統建築作為親子餐廳的設計藍圖，好像一個迷你的韓國村，而且小朋友仲可以免費穿上韓服周圍打卡，大人同小朋友感覺置身於韓國一樣。親子餐廳當然有playhouse，playhouse 環境乾淨，適合8歲以下小朋友，而大人亦可透過玻璃窗望到小朋友玩，大人食得安心，小朋友玩得盡興。夏日繽紛樂園套餐一坐低，侍應已經送上柚子沙律、生菜、泡菜、海帶、醃蘿蔔、芽菜、爐邊上的芝士粟米，蛋都是無限添加，特別喜歡芝士粟米和蛋，蛋味濃郁，滑溜溜，芝士粟米，有拉絲效果，芝味濃郁，我地encore 左3次。主食有Oppa 飯盒，窩心摩天輪Oppa 飯盒，賣相超可愛，小朋友見到好開心。窩心摩天輪好豐富，入面有炸薯條、紫菜包飯、炸雞翼、韓式炸餃子、魚糕串，炸物新鮮熱辣辣炸起，特別韓式炸餃子，炸到非常香口。燒烤有月見和牛肩肉扒、大八爪魚、牛舌、醬油五花肉、韓牛前胸肉、豬梅花肉、梨汁雞肉、蔬菜南瓜車。肉類款款都好高質，豬梅花肉好厚身，豬肉味特別濃，梨汁雞肉醃得夠入味，雞肉好嫩滑，大八爪魚夠大隻，爽口彈牙，夠入味，韓牛前

公司對面開咗間炑八韓烤。原來係親子餐廳來，有埋活動區比小朋友玩。咁就岩哂一家大細來又玩又食👍見到menu 有個期間限定套餐。睇落都好多嘢食。叫個試吓先。呢個慶州套餐真係幾多野食，有豬又有牛同海鮮。韓牛前胸肉、醬油牛小排、薄切牛舌、慶州五花肉、慶州豬梅肉、韓風墨魚、辣炒年糕。唔係講笑呢個慶州豬五花肉有埋認定証啲雪花紋好均勻👍韓牛前胸肉食落好有牛味。淋淋地幾好味。韓風墨魚有啲辣都幾爽口😋辣炒年糕仲有兩杯特飲

親子餐廳雖然唔關我事，但勝在夠大。不過小朋友係坐走廊位都幾奇怪。$588 開SUM 夏日套餐 以為唔夠食，仲諗住加野都唔得了，雖然添左幾之芝士同泡菜蛋，不過啲蛋好耐都未熟。推薦先吃和牛肩肉排，由於全套餐一齊到，諗住好野最後食等到出哂血水。同埋好大塊難處理，燒個陣要小心小心！另外牛小排及魷魚都值得推介，由於本身有味不用再加調味料！2杯梳打菠蘿味沒什麼特別，但桃味十分推薦，半個白桃不是罐頭桃，以為梳打都不太甜。

夏日繽紛樂團套餐 $1388套餐依然有包埋前菜，仲多咗唔少熟食👉🏻當中OPPA飯盒一見到真係唔捨得食😻超可愛，好耐冇食過午餐肉，🉑以放上烤爐再整熱啲嚟食都得，配埋紫菜飯團🍙一齊食，味道都唔錯❤️仲有個好靚嘅窩心摩天輪🎡有紫菜包飯，炸著條，炸雞翼，韓式炸餃子➕魚糕串，啲童年回憶即刻返晒嚟💕最鍾意就係個炸雞翼，外層炸得好香口，滋味滿寫加埋個蔬菜南瓜車，行過嘅小朋友都忍唔到望多兩眼，佢將薯仔，白蘿蔔，紅蘿蔔同埋南瓜切成好可愛嘅薄片圖案，好易燒我最鍾意食燒牛肉，無論係日見和牛肩肉扒，牛舌或韓牛前胸肉，都一樣牛味香濃，個和牛肩肉扒仲有認證添，又香又嫩滑，仲送埋個溫泉蛋，超滑溜，好味😋豬梅花肉個脂肪分布得好靚，仲𠝹咗花，食落好香口好juicy 醬油五花肉嘅口感都好得，唔算好膩大八爪魚🐙依然係好爽脆yummy 👍🏻梨汁雞肉食落肉汁豐富，一啲都唔會韌飲品揀咗完熟白桃沙冰同埋清爽白桃梳打，兩杯都各自有半個大桃🍑沙冰個桃味香濃啲，梳打飲落感覺好清新

月見和牛肩肉扒，雪花紋路脂肪，油香味濃，配以生蛋食用，味道更佳。韓牛前胸肉，肉質厚身，牛味濃厚。護心肉，肉質嫩滑，肉味濃郁。醬油五花肉，肉質肥瘦均匀，油脂部分入口即化，味道咸甜。紅蝦，肉質爽口，味道鮮甜。單骨雞翼，肉質嫩滑，肉汁飽滿，味道咸香帶甜，媲美去BBQ嘅燒烤雞翼。蔬菜南瓜車，使用南瓜盛載蔬菜，表面鋪有蘿蔔星星、南瓜星星，有西蘭花，有不同蔬菜串串，包括有南瓜、馬鈴薯、車厘茄、白蘿蔔、紅蘿蔔，有不同造型設計。炸雞翼薯條，即叫即炸，表面鋪有香草，雞翼食香脆，附有蕃茄醬。炑八沙律，表面鋪有日式芝麻醬，車厘茄、沙律菜食落好新鮮。韓式前菜及檸檬水，可以無限添加，包括有芝士粟米、泡白菜、辣椒青瓜醃海帶、醃大豆芽、青陽辣椒、蒜片、醃紅蘿蔔白蘿蔔、生菜、泡菜爐邊蛋、大醬、黑椒細鹽、醬油。2杯清爽白桃梳打，好足料，內有半個韓國白桃，白桃食落好Juicy，味道清甜。