火鍋撚 (雲明行) (已結業)

星期五夜晚想搵位打邊爐都幾難，好彩有人cancel Booking我先有得食咋位於中環雲咸街，酒吧林立，其實有啲混亂。店內裝修行中國風，可能因為佢哋喺中環，想吸引外國客人。通風系統還好，唔會覺得好焗。環境尚算乾淨，地板望落都幾乾爽。我哋7:00pm坐低，之後先發現原來，七點半前埋單及九點半後入座原來有八五折其實打邊爐個湯底真係好重要，今次叫咗店內推介嘅蜂巢豆腐白湯鍋，鍋裹有好多料，好多豆腐，真係淨係食個喎都飽咗一半。湯底有層次感，裏面仲有粒粒胡椒，食到佢會覺得有啲辣。我哋四個人叫咗都算幾多野，象拔蚌，桂花蚌，安格斯牛肉，響鈴，蘿蔔，魚腐，白鱔，皇帝菜，生菜，仲有烏冬麵。象拔蚌食落好鮮甜，我哋叫咗細份但係四個人都夠食。安格斯肥牛就有啲失色，我哋已經叫咗大份，但係份量好少，無乜牛肉味，感覺唔係太抵。值得一提，係佢哋嘅炸魚腐，上枱時熱辣辣，好好味。其他嘢就正常嘅味道，不過不失。雖然九點鐘要還枱，但係店員都冇吹過我哋。埋單後仲送腐竹糖水冰沙，造型好特別，味道都幾好食，唔會太甜。

大約一年前食過一次，果陣係早鳥時間，全間店都無咩客。今次係31/12食，我地早到左45分鐘打算碰下運氣問一問會唔會有位早左騰空出黎，但接待處店員態度不佳，一聽到我地早到45分鐘就叫我地企係一邊，然後自顧自接待其他客人，印象不太好。及後，食物質素還好，但只有丸類維持到彈牙爽口，蜂巢豆腐、蝦/墨魚滑皆比一年前遜色，實在令失望，亦令我失去再次幫襯既意欲。

Taiwanese-style hot pot = full on ingredient soup base (some of the ingredients are all-you-can-eat). Your only regret here is not having a big enough stomach and come with too little friends (to order more and share the side ingredients... *the world seriously needs a Tinder app dedicated to matching hot pot lovers. Let’s name it the “Dipper”. Get it?).We ordered the half n’ half soup base:- ma la spicy soup (in medium spiciness because mild would just be salty, no spicy kick to it) > comes

去過台灣食過無老鍋，味道真的忘不了。但未必有空閒去一次台灣，唯有係香港食下台式火鍋頂頂隱。上網search 呢間火鍋店，好似呢排幾出名，所以就book左黎試試。估唔到又真係幾出色。湯底令我回想起無老鍋，正！不得不提，呢到既腐竹糖水沙冰，好飲！

嗌指定既煲可以無限加鴨血 、豆腐或者白肉‼️蜂巢豆腐白湯鍋有淡淡既藥材味，好養生🙈-呢到既肉類、蔬菜都好新鮮😋牛肉比豚肉出色而丸類都係手打丸💪🏻 好彈牙-🔔響鈴同魚皮都係即炸😍就咁食又得滾幾秒都得👍🏿-最後送既甜品🤔腐竹糖水冰沙幾特別呀😮但溶得好快店員同店名一樣都係🌚既樣

幾好食呀，初次光臨已覺得服務很好，不用叫才加水，食物質素唔洗講簡直好，d海鮮又夠新鮮，牛肉又係，佢地有樣野好窩心就係會有埋張牌寫住每碟食材煮幾耐，唔洗心掛掛成日唔知d野食熟未

自從然後去過台灣食豆腐藥膳火鍋，就愛上了有藥材味的火鍋。所以和朋友特登黎試吓。但係覺得同台灣仲有一大段距離，首先湯底我叫咗鴛鴦鍋，麻辣同豆腐養生鍋，兩個都係麻麻哋。環境來講，樓底低，枱面地下都有油漬，不算乾淨。食物方面，有啲嘢都幾創新，例如爆汁牛丸龍蝦。但其他都係一般般。我哋叫咗一支日本清酒，兩渣竹蓆茅根，冇叫海鮮，大概$400左右一位。我覺得價錢還可以。總括來講，如果你喺中環，火鍋冇乜選擇，可以一試，但係俾去好食嘅火鍋多的是，不會再去。順帶一提，無論你幾多點入席，限時兩個鐘，我覺得2.5hours好啲囉

有朋友唔食辣，所以叫咗鴛鴦鍋，一邊酸菜白肉，另一邊麻辣(小辣)。個人覺得唔係太有辣味。而最正係佢入面嘅鴨血同蜂巢豆腐好好味，仲要無限refill！佢個墨魚滑好彈牙，而雲吞，水餃都好足料！另外，佢個響鈴同炸魚皮都係新鮮炸嘅，所以特別好食！而個魚腐同魚片都幾正。蔬菜類方面，粟米係最值得叫，真係超甜。另外，佢d嘢飲，都有幾款揀，但個竹蔗茅根太甜。打完邊爐仲有甜品送，個腐竹糖水味既冰沙唔錯！成餐個敗筆係個手打牛肉好嚡口，一d都唔好食！

想係中環搵間平平地嘅麻辣火鍋，呢間可能最岩你！一早訂左位，可能因為太full，餐廳都打黎double confirm係咪會到，入到去古色古香，坐嘅位置寬敞，不過抽氣同冷氣唔夠猛，好大味同埋有d焗，叫左秘製麻辣鍋同豆腐白湯底，問左鴨紅同豆腐可以任加，不過鴨紅麻麻，唔夠實，好似豬紅⋯所以我地都冇添，野飲有好多款，我地叫左杞子龍眼菊花蜜同柑桔檸檬蜜，柑桔較濃味而且酸酸甜甜，菊花蜜較清甜，打邊爐個人鍾意配柑桔蜜最後埋單每人都係300蚊左右，叫左咁多野，又係中環，仲唔係平價打邊爐之選？

明明朋友話喂食飯，是但食，食平飯，話食火鍋撚，無諗到係餐廳名收工不定時仲超時超時，幾時先完呀又食火鍋啦🤭去到已經點齊野，做得好好，唔使諗食咩呢間係食左幾餐上海正邊爐後都覺得佢幾正既一餐有厚切午餐肉，8秒牛，無限添豬紅同豆腐（同熬百年一樣），黑𩃭露墨魚滑，龍蝦汁太，魚皮餃。。。點左鴛鴦鍋底個麻辣又幾好食喎，種麻辣係慢慢慢慢咁樣滲出嚟餐後仲每人一杯腐竹糖水沙冰，我一向食嘢進度比較慢大家想飲沙冰嘅時候我仲食緊，所以當大家問要糖水沙冰嘅時候職員都好細心咁話先上四杯啦呵仲有一位未答，哈哈呢杯腐竹糖水沙冰真係好好味好似嗰啲分子雪糕咁樣個味道真係好似你食緊腐竹糖水咁仲要個杯都好有特色同事話：嘩！好似皇上‘賜酒咁除番一人三百幾蚊唔算平不過呢個質素都還可以

極度不滿中環火鍋撚的訂座安排，一個月前，網上訂座，星期五晚上七點半四位。即日亦收到網上確認訂座，於出席前一晚再收到該店職員致電確認訂座，聲稱星期五晚為繁忙時間限時兩小時，此安排令人反感，此餐廳並非限時任食，於網上訂座或確認電郵內亦沒有列明此點，於電話中要求職員可否安排2.5小時交檯會較為合理。在進餐前一晚才通知，另行再預訂其他餐廳非常困難，但職員聲稱網上有說明，並著本人自行考慮是否接受。餐廳除食物質素外，亦應考慮客人進餐時間是否合理，更不應強迫客人欣然接受，此等服務態度實在令客人不能接受。今次原來是介紹朋友來餐廳用餐，但因此安排唯有臨時取消。

香港人鍾意打邊爐，我都唔例外.港式食得多會悶，偶然轉下台式都唔錯.之前試過好多間台式火鍋店都比較貴，同埋口味未必咁o岩.火鍋撚價錢還可以，尤其係雲咸街呢間.因為如果叫左麻辣同酸菜白肉鍋，自然鴨血，蜂巢豆腐同酸菜白肉可以無限添加，而旺角分店係無架. 食物都算新鮮，有即食同火鍋料，選擇都算多.響鈴就咁食鬆脆，浸麻辣湯索晒d汁又另一番風味.田雞非常新鮮，上枱時d肌肉重收縮緊.蟹籽燒賣打邊爐好特別，第一次咁食法.龍蝦湯爆漿牛丸彈牙.最特別莫過於腐豆糖水沙冰，由於掛住食都無乜影過相.

熊妹生日飯唔好俾佢停！好有心的謝西卡貓妹，羅賓漢同豬妹一早book 定枱約好熊妹食大餐慶祝慶祝。《火鍋撚》熊妹一早都久仰大名，聽聞勁讚其味道同用料，估唔到羅賓漢又咁有心揀呢間俾熊妹喎。熊妹唔係好熟中環路，係蘭桂芳兜左幾個圈，然後謝西卡貓妹提醒係陪佢試婚紗個度，原來就係籣桂芳再上面，最後熊妹都係遲到左，唔好意思。平日的八點都仲有咁多人，可見有幾咁出名。古色古香的裝潢，有兵馬俑先生在門口歡迎食客。一黎到已經叫左🍲火鍋湯底喇，秘製麻辣鍋，$128同蜂巢豆腐白湯鍋，$128。麻辣鍋底勁多花椒八角，好夠麻辣味喎，打邊爐真係一流！辣得濟就可以食返隔離的白湯鍋，幾重藥材味，鍋底的材料有大蔥，大蒜，藥材，仲有幾舊蜂巢豆腐，堅係足料，呢兩個鍋配撘幾唔錯！火鍋配料都陸續送上喇。謝西卡貓妹表示其他餃好多地方都有得食，想點啲有特式啲的，所以揀左創意午餐肉菜甫餃，$60。又真係幾特別喎，雖然午餐肉同菜甫兩款食材都係醃製過製成品，熊妹以為會咸上加咸，但食落味道又幾好，又唔覺好咸喎，午餐肉的淋肉配菜甫的爽口，又幾夾喎，而且非常足料，大大件，熊妹忍不住口食左兩件，謝西卡貓妹無揀錯！跟住到羅賓漢揀的龍蝦湯爆醬牛丸，$8

上星期五朋友突然好想食酸菜白肉鍋咪即興打電話去book位。點知happy Friday 間間打邊邊都爆晒，要成9,30後先有位，我地唯有忍改星期一先打。今日準時7點去到，可能時間尚早唔太多人，但一入到門口已經聞到好香麻辣味。一到7,30就已經爆晒，好彩今次有一早book定位。叫左麻辣(中辣)拼酸菜白肉鍋，中環依間真係抵過旺角分店好多，鴨血同酸菜都係任加。除左湯底佢個手切肥牛都好好食，佢地仲好貼心提你請灼8秒，灼一灼就食得一d都唔un仲有好香牛肉味添。我地仲叫左鵝腸，桂花蚌，羊肉，九肚魚，炸魚皮，響玲，水餃，墨魚滑，菊花龍眼蜜。。。樣樣野都好新鮮，尤其係桂花蚌真係好鮮甜。炸魚皮同響玲都係即炸即起，上枱仲熱辣辣可以就咁食。不得不提既就係佢既鴨血，一定要比佢係d麻辣汁到滾一滾等舊鴨血吸引收晒d麻辣汁入去，食落口真係又香又滑。最尾送既甜品係腐竹沙冰，個杯就真係好靚幾特別。但杯野就真係唔得，勁甜甜到覺得飲完會有糖尿，希望佢地可以落少d糖。P.S. 唔知佢係咪抽風壞左定點，打打下邊邊覺得好攻鼻拿眼喉嚨好唔舒服。四周圍d人係咁比d麻辣味攻到打乞痴，連d侍應都要帶返個口罩。

之前係openrice見到呢間餐廳個名幾得意，click入去望下，比杯沙冰吸引o左就係咁~一直都想黎試，今晚終於有呢個機會o拿。入去感覺寬敞，唔會坐得好逼。可能星期一既關係，未有滿座，不過都有7,8成滿打開menu就覺得，中環黎講價錢都算係咁，再見到d火鍋料上枱，就覺得價錢絕對合理。首選一定要order牛啦 呢個手切牛 (細)  份量足，溫馨提示 灼8秒就食得，真心好味!另一款係安格斯牛，口感比較鍾意上手切牛多d水晶奶皇 & 水晶香芋紫薯 ，個人比較喜歡奶皇，就算滾完都重好香奶皇味，但香芋紫薯就差dd響鈴牙響鈴牙，之前一直好欣賞北角竹園既響鈴，點知呢間都係無得輸，大愛都唔記得左講湯底添~靜係掛住食，我地揀左麻辣湯底(小辣) ，剛剛好~食到最尾亦都唔會功咸最正係重可以re-fill鴨血&豆腐yummyyummy~一定會再黎，最愛既水蜜桃沙冰~下次要飲多round~