火鍋先生 (已結業)

補寫食評用餐日期：2021年10月23日 星期六自小超級愛吃火鍋，是個不折不扣的火鍋控！自COVID--19爆發，２年多，外出吃火鍋的次數大大減少！Open Rice發現尖沙嘴有新開的火鍋店 (當時是新開)，和家人來試試，開心！鍋底：冬瓜竹笙瑤柱雞鍋足料！竹笙大塊，吸收湯水，好好吃！#大白鱔片：本來想點活大蝦，缺貨，改吃大白鱔片，厚切，骨膠源滿滿，讚！#手打墨魚滑：Ｑ彈，好吃！#乒乓雲吞：蝦肉爽脆，喜歡！#蟹肉黑松露餃：蟹肉滿滿，滿足！#牛筋丸：我的最愛，yummy！#本地手切肥牛：牛肉味不夠濃，本餐唯一不推薦。#鹿兒島黑豚肉片：鮮味！#油麥菜：翠嫩，好！#紅薯粉：ＱＱ，好味！#鬼馬雙星：熟食，甘香，卜卜脆！#青檸梳打：水Jar上，爽！開心又滿足的一餐！

嚟過好幾次，環境乾淨舒適，座位闊落，店員服務一流，用料一貫上乘，早幾日老闆來電，話新推感謝祭有$9生蠔任叫，仲有原隻$188象拔蚌刺身，襯放寬咗即刻約幾個老友上去聚下順便試下，生蠔送到，見到賣相已經感覺絕對超值😋食落直頭要再叫，4個人，食咗2打生蠔，2條$188象拔蚌，再叫個$698套餐，叫多碟靚牛肉，啤酒仲買一送一，埋單人頭只係4百鬆😋，唯一可惜只能飲到十點，期待19號放寬到12點，到時要飲飽食醉

朋友推介黎呢間烚下烚下，我地就一行6人上去，雖然場地唔係大，眼見得6張枱，但原來仲有兩間房嘅，而且環境都乾淨，裝修都精緻，坐得都舒服，最好訂位先，始終枱唔多。人未齊但又肚餓，就叫d 小食邊食邊等，咁我地叫咗黃金魚皮，椒鹽雞軟骨同黃金魚旦角，真係即整所以係熱辣辣，好好味。之後人齊，朋友就點咗刺身同火鍋配料，刺身真係好正，而我最欣賞嘅係鮮鮑魚，好爽甜。火鍋料都好新鮮，牛嘅特別部位（黃喉同唔知咩爽）都可以食到，真係唔錯唔錯，根住我掛住食嘢，有好多食物都冇影到相 （牛骨髓，鵝腸，冰菜，鴨血，竹笙），我地點嘅火鍋湯底麻辣 ＆酸菜豬肚，我略嫌唔夠濃，如果可以濃返d辣返d 就仲正。

好值得去試嘅一間火鍋店，座位闊落，門面裝潢時尚，梳化坐得幾舒服。湯底方面，選擇都算幾多。我地四個人叫左個火焰椰子雞煲，湯底超正，材料十足，絕對有驚喜。食物方面，都令人眼前一亮，我哋叫左個手切肥牛，肥牛好有牛味，入口唔奀，同湯底好夾。手打墨魚丸好彈牙，仲好有鮮味。黃金魚皮新鮮炸出嚟，脆卜卜熱辣辣，仲要有鹹蛋黃粒，超級好味道😋海鮮方面，擺盤勁靚，好有看頭，啲蝦新鮮到放落火鍋前，都仲識得郁吓郁吓。飲酒聚會必選嘅地方，環境舒服，嘢食一流，讚👍🏻

呢間係朋友介紹我嚟嘅，見到朋友喺面書上Post打邊爐嘅地方可以 有間房同埋有卡拉ok🌈我覺得同全班大伙朋友嚟係非常之合適嘅地方除咗環境好之外 佢嘅嘢食都好新鮮，例如象拔蚌，魚生刺身，甜蝦，龍蝦，鮑魚全部都非常之新鮮我哋試咗兩個湯底，係花膠雞湯底，花膠海參湯底，味道濃，同埋食材都好特別，非一般打邊爐食材最後環境方面尚算可以，全層地方唔會太大，但係都夠寬敞 ，價錢方面我就覺得喺樓上舖嚟講就貴咗少少了。

好值得去試既一間火鍋店，裝修門面好舒服，坐位闊落唔怕好逼，梳化坐得耐都唔怕攰呀。而且佢仲有一個好特別既升降火鍋爐，只要接制就將鍋底升上黎，唔怕食物淥得太耐之餘仲唔洗周圍撈，真係好方便。食物方面都係一流，湯底選擇都算多，而且好足料，特別係火焰龍皇海鮮鍋，材料十足，海鮮新鮮，仲好有睇頭。刺身方面都唔遜色出面既日本餐廳，擺盤靚，味道鮮甜，真係令人驚喜。最重要既火鍋配料都係令人眼前一亮，手切肥牛好有牛味，一d都唔奀，而且仲有得揀肥瘦，照顧曬各種喜好既朋友仔，另外好推介大家試下爆汁牛丸同竹笙，丸牛非常驚喜，牛味好重彈牙，而且真係會爆汁，真係無改錯名，竹笙相信大家都食過，但咁大條既竹笙真係第一次見，湯汁入哂去，食落爽口，真係值得一試，其他配料都相當好食。

聚餐地方一流，地方舒服，食物又正叫左個火焰海鮮湯底，個湯超正，上到嚟完全有驚喜，估唔到啲海鮮咁新鮮咁大件刺身啲蝦又係超級大隻，食到舔舔脷🤤🤤黃金魚片頭完全係我依個鹹蛋黃愛好者必點，仲要有鹹蛋黃粒😍😍叫左個手切牛肉，勁有牛味，好食到忍唔住要叫多碟喺出邊食咗咁多次竹笙，第一次見到咁大條，配埋呢個湯底完全係絕配另一個驚喜就係終於搵到間啲魚標係好食😋😋啲鵝腸十分新鮮，係必點菜式👍🏻👍🏻飲酒聚會地方必選，環境舒服，嘢食好食，員工服務一流👍🏻👍🏻睇黎以後又多個飯堂🤤🤤

難得一家人出嚟食飯，見評論不錯又新開，於是乎試吓，點知。。。。。火鍋都可以整得難食少有，湯底完全唔合格，食物種類又少，唔算新鮮價錢同食物質素完全不符，評論都唔知真定假，勁嬲勁失望，

前排當政府放寬可以6人餐廳用膳時見天氣凍就想打邊爐，就即約5個朋友出黎試下新野，於是就選左呢間新開MR.Hotpot,黎到餐廳果陣，裝修好靚，仲有6星級酒店的香味，店員好有禮貌，估唔到仲有驚喜，問我地想唔想坐房，我地梗係二話不說話好啦，原來坐房係可以唱K,我地完全想像唔到可以唱K+打邊爐，而且D歌都好新，我D朋友當然歌神上身！我就問店員有咩推介，我地點左象拔蚌刺身+生蠔，因為生蠔係當日飛機直送，叫了一打，原來係法國蠔，試左好新鮮入口creamy可口！再試下象拔蚌，好新鮮好爽，真係食唔停口，必試再黎選湯底，選左女士最愛，花膠海參竹笙雞湯底，好補，湯底好濃，打邊爐前飲一碗之前試左招牌本地牛，店員推介抓邊，無推介錯，牛味好重，入口有口感，再叫多左一碟再黎試左爆牛丸，好爽好彈牙，又試左冰菜，出面少見，好特別，跟著又試左游水花竹蝦，好大隻，一隻手掌咁大，好新鮮總括試左海鮮魚生牛都好不錯，係非酒精飲品款式唔夠多期待下次再上來試其他，而且仲有得唱K,店員又無催我地，值得再試

同學仔生日，最好一定係打邊爐吹下水，今次去尖沙咀H8,M.R.HOT POT。之前開業無耐試過，今次決定再去一次試多d嘢，果然冇失望，食物依然保持高水準。海鮮刺身非常新鮮，龍蝦同象拔蚌都好好食，好鮮甜，牛肉又好好味。餃子唔係雪都硬掘嗰啲。仲可以雙拼。今次試咗咗個豬肚粉腸湯底。啲同學仔全部食曬。佢個爐仲可以升降。朋友成日撳制升來升去。😂😂魚片頭同魚皮好好食魚皮仲要係即炸脆卜卜。員工服務又好，有禮貌坐得又好舒服。今次食得好滿足，值得推介一下。

四條友戇居居傍晚6點零行完街響厚福街肚餓唔知食乜好時見到hot pot即刻衝上去😍先講環境，裝修相當唔錯，全部喺梳化椅🤓老闆話今晚唔算full所以豪俾我哋坐房可以大聲吹水睇電視👍🏻叫咗個刺身拼盤有海膽，三文魚腩，帶子特別要講吓象拔蚌好正好鮮甜😋我哋嗌左沙嗲湯底好香，湯底已經有豬皮同埋豆卜，煮耐都唔會杰撻撻🤤唔食牛肉叫咗黑豚好味👍🏻仲有蔬菜拼盤新鮮👍🏻花竹蝦大過我隻手🤩🤩🤩🤩有膏架厚蟹捧，掛湯一流😋花膠因為都唔記得咗影相放晒落個鍋度大隻夠厚一定唔係行貨🥰一定要叫黑松露餃係即叫即包餃皮好q好香好好食💯四個人埋單3000有找食物質素價錢叫超荀，有環境有服務👍🏻💯btw,老闆高大威猛又nice,staff 好好禮貌會keep 住幫襯👏🏻👏🏻👏🏻

非一般火鍋店，食材用心製作，員工服務好，有禮貌，環境舒適，生蠔超鮮甜，底湯材料足夠一流，餐具都好靚，食得開心超滿足，仲有movenpick雪糕送，下次一定會再去手。

經常打邊爐，好多都試雲哂，隨便在Openrice睇下有咩新開的火鍋店，估唔到比我搵到間咁高質嘅餐廳，令我短短20日去左3次，無辦法唔寫返篇食評。第一次去，叫左條象拔蚌，真係有驚喜，出面好多餐廳，都用大陸蚌扮加蚌，其實識食嘅，唔洗放入口，望都知係咪大陸貨式，呢間真係用加蚌，仲要好抵食，呢條蚌，比我去街市買都要＄780左右，佢賣＄1100，真係抵到想每星期黎食一條（所以我之後兩次去都有叫）食完刺身，打邊爐最緊要係湯底，試左花膠雞湯都唔錯，其他食物都好平均，感覺好乾淨衛生。令我短期內再去，除左食物環境，服務真係佔左好大因素，經理民仔好識照顧每一位客人，一眼關七，連我咁鬼麻煩都讚不絕口呢間係我會推介比身邊朋友要試的火鍋店

MR.HOTPOT 真心高質😍！！食物質數好高，用料新鮮仲要好足，前幾日同朋友興祝生日，大家都食得好盡興。火焰龍皇海鮮湯底真係好鮮甜，海鮮亦都好新鮮同乾淨，點左嘅食物質素都真係好好，蟹肉黑松露餃、手打墨魚滑同黑豚肉片超級好味。不過除咗火鍋方面，刺身都非常之出色，好有驚喜，鮮甜同新鮮度可以同係日本食比美。最後都想讚下餐廳環境舒適乾淨，所有員工嘅服務態度亦都好好！得閒一定會再去👍🏽👍🏽👍🏽

位於厚福街最入既單棟大廈H8 11樓，環境舒適，三五知己一齊去坐得好舒服。侍應服務態度非常好👍🏻講返食物方面，打邊爐前必試佢地既海鮮刺身，新鮮好味，可以媲美於日本料理既刺身。食到Lam lam😋。之於火鍋湯底都有好多選擇，首選一定要試竹笙花膠湯底🤩女人點都要補下🤓另外必試既係黑松露餃，好濃郁黑松露味😚其他火鍋食品都很新鮮。期待下次光臨