火鍋先生 (已結業)

朋友推介黎呢間烚下烚下，我地就一行6人上去，雖然場地唔係大，眼見得6張枱，但原來仲有兩間房嘅，而且環境都乾淨，裝修都精緻，坐得都舒服，最好訂位先，始終枱唔多。人未齊但又肚餓，就叫d 小食邊食邊等，咁我地叫咗黃金魚皮，椒鹽雞軟骨同黃金魚旦角，真係即整所以係熱辣辣，好好味。之後人齊，朋友就點咗刺身同火鍋配料，刺身真係好正，而我最欣賞嘅係鮮鮑魚，好爽甜。火鍋料都好新鮮，牛嘅特別部位（黃喉同唔知咩爽）都可以食到，真係唔錯唔錯，根住我掛住食嘢，有好多食物都冇影到相 （牛骨髓，鵝腸，冰菜，鴨血，竹笙），我地點嘅火鍋湯底麻辣 ＆酸菜豬肚，我略嫌唔夠濃，如果可以濃返d辣返d 就仲正。