火車頭越南餐室 (朗豪坊)

營業中

休息中

On Feb 22' 2019 (Friday) evening, visiting Langham Place and found this Vietnamese Restaurant with around 4 ~ 6 tables empty, browsed the menu and saw the dish of Lobster in coconut curry sauce quite tempting....The waitress led me to the table with menus but no one offered me any glass of water even after taking my order. I had to order a glass of water after my dish came.I confirmed with the waitress if the Lobster dish was indeed $98 as another menu stated $138., she claimed the $98 sticker m

講真香港好多越南野都好好食，呢間都係正常味道，但價錢較貴，又冇話特別好味，勝價比低。叫左個火車頭，優點係超大碗，食完好飽，湯底都濃郁，牛肉都新鮮，但啲牛筯係冇味嘅，千祈唔好叫牛筯麵！好在另外叫左個軟殼蟹米紙圈，都貴，但特別啲唔係間間有得食。Overall係ok 好味但太貴！

嘢食麻麻地 但啲員工服務都唔差 印象中有一倆個都靚靚仔仔 有一個都幾有明星臉 不過來左幾次 都開始冇見佢 服務周到 👍🏻👍🏻純粹覺得火車頭還可以值得嘗試 份量夠大 兩個人岩岩好

平時行開旺角朗豪坊都無留意到這間餐廳，餐廳門口位置容易錯過。餐廳不大，餐枱更加超細張，比快餐店的枱還要細，如兩人坐下只食碗粉加杯飲品就ok，我哋今次叫咗個2人Set Dinner，餐到上枱就有點尷尬了。套餐只有一款"海鮮2人餐"，價錢$388+10%。散餐種類亦不太多。跟餐的咸檸七唔錯，個咸檸檬是攪爛咗的。牛油果軟殼蟹米紙卷賣相都幾靚，味道亦ok， 不過軟殼蟹是室溫的應該不是即時製作，而且一些蟹味都沒有。蟹肉炒金邊粉完全是零分，沒有蟹肉亦只有一隻虾咁大把(哈哈…… 基本上佢已經觸犯咗商品說明條例)，沒有什麼配料， 而且啲金邊粉仲好硬。椰湯浸波士頓龍蝦，個椰湯好好味， 龍蝦就一份半隻，隻龍蝦應該不是一隻一開二的，因為一邊大一邊細少少，沒有什麼龍蝦味。馬拉盞炒時菜，時菜是用通菜，但就漏單，催促咗幾次才到，味道就炒得不夠香。散叫價錢仲貴一些，但品質唔知會不會好一些呢……？但試我一次就算了……

朋友食過這間晚餐話好食，帶我來食午餐，一坐下table map就是menu，非常方便，款式非常多，花多眼亂，要選小食、主食及飲品，都係$80~$100/餐，非常底食。我們選了越南法飽，五色素菜紙米凍卷，鮮茄蟹肉蝦湯檬，生牛肉湯檬，熱羅漢果水，薄荷青檸梳打。越南法飽香脆，幾好食。 紙米卷内嘅蔬菜幾新鮮，而且賣相吸引。鮮茄蟹肉蝦湯檬好濃蝦湯味。羅漢果水都好有味，有時出街飲到嘅羅漢果水只有顏色沒有味道。薄荷青檸梳打都好ok。

嗰日行過朗豪坊，經過呢間越南嘢見到佢地竟然有vegetarian pho 所以決定同阿媽去試下.嗰日我哋係去食lunch. 叫咗一碟蒜蓉炒通菜$6x（味道幾好,偏鹹）素食火車頭湯河我對個素湯河期望太過高. 第一啖入口好似飲緊暖水咁，個湯無味又唔夠熱. 啲素肉冇乜驚喜.總括嚟講都係唔會再去

因為報左兩堂在旺角上堂的課。同朋友仔一齊去食兩日不同的Lunch。 今次去既 火車頭，老實講 平時都會好容易行過左佢， 佢位置在電梯下，但同時又能享受非常樓底高的環境 所以縱然位置都幾密、 但坐得都算適切。 講翻食物， 我叫左生熟牛肉粉， 餐單幾特別， 好似路線圖加上我地食午餐時分，有套裝價錢。但特色小食不俗， 牛肉粉卷，另外 不用加錢，飲左橙茶（ 其實檸茶concept，不過轉左橙片🤣。） 整體食得好舒服 ， 味道中規中矩， 價錢比得合理。 若下次在附近唔知食乜。我覺得是很可翻食之選。 試下不同款

Food is good, but somehow we had to pay before the food arrives. But on the other hand, other people pays their bills after asking for their bill. If we would like to order more food, then we need would need to multiple times... plate was not 100% clean, but its expected from hongkong.

❖ 牙車快沙律$62❖ 牛油果軟殼蟹紙米凍卷 $65❖ 蔗蝦 $49/件❖ 馬拉盞炒通菜 $79❖ 生牛肉湯河 $79 + 牛筋 $15❖ 香茅啫喱 $48❖ 鮮椰青 $39⠀⠀⠀⠀⠀⠀⠀⠀⠀⠀⠀⠀#牙車快沙律非常開胃既前菜👍🏻配合酸甜汁既越式沙律菜，好清新，份量唔少⠀⠀⠀⠀⠀⠀⠀⠀⠀⠀⠀⠀#牛油果軟殼蟹紙米凍卷好鍾意食米紙卷，尤其軟脆既軟殼蟹🤤同米粉生菜既配菜好夾，仲一定要點埋汁！btw 有無人覺得佢個幾條天線好qq🤣⠀⠀⠀⠀⠀⠀⠀⠀⠀⠀⠀⠀#蔗蝦一件一件賣既蔗蝦🍤千萬唔好一次點咁多！圖中所示就係一件！已經有少少覺得太多如果兩個人share 一人一半其實已經好滯，加上太甜好似食緊一舊好大既蝦丸咁😅⠀⠀⠀⠀⠀⠀⠀⠀⠀⠀⠀⠀#生牛肉湯河有啲失望既生牛肉河🙁點解生牛肉都會咁老明明上枱都仲係生，可見本身肉質如何不過湯係好香好濃既，牛筋都好味值得加⠀⠀⠀⠀⠀⠀⠀⠀⠀⠀⠀⠀#香茅啫喱估佢唔到 全晚最surprise係佢😀因為食完飯滯滯地雪糕個啲都唔係太想食就一於試下啫喱...加上香茅啫喱啵 真係聞所未聞食落好清新 口感偏爽比較似食緊大菜糕入口有淡淡香茅味 又唔會甜👍🏻

鮮茄蟹肉蝦湯檬 $108Crab Meat Vermicelli Prawn Tomato Broth前幾天到朗豪坊試了這家越南菜，七時人潮不多，不用等位，真好。那天想吃湯粉，便點了鮮茄蟹肉蝦湯檬 ，配料有海鮮卷、蝦球、少少蟹肉，蕃茄湯酸酸甜甜夠開胃。火車頭招牌湯河$98 至於餐廳招牌的火車頭湯河，想必要一試，份量多，配料豐富，驚喜的是牛丸彈牙，牛根腩亦夠腍。一個女生吃的話很飽，不過湯底不算特別。小食方面，軟殼蟹牛油果米紙卷值得一試，軟殼蟹超脆，沾了醬汁吃很滋味～

記得細細個成日同屋企人係大坑食火車頭🚄大個左搬離開左港島都好少特登入大坑食佢點知最近係旺角#朗豪坊 開左新店喎落地大玻璃好光猛 座位闊落又舒服LunchSet幾豐富抵食 主食➕小食➕飲品我就叫左個鮮蕃茄蟹肉蝦湯檬粉 ($108)🍜小食就要左個鮮蝦蜜桃米紙凍卷🍤🍑夏日炎炎飲品就梗係要返杯龍眼冰消下暑啦🤤好大碗喎 表面的蟹肉堆到成座山咁⛰仲有好多炸蒜同蝦米仔增強口感蕃茄湯底好鮮味 好適合夏天相對清新🍅蟹肉唔會碎濕濕食左等於無食咁 都幾大粒有口感下面就得一隻蝦 expect起碼有2-3隻架嘛不過好在佢係新鮮蝦挽回少少分數另外有條南記春卷 幾彈牙 中意檬粉浸極唔淋又彈牙至於米紙卷 夾上大量蔬菜 加上蝦肉蜜桃令口感更豐富爆餡 整體清新中午時段黎食全場爆滿 不過上菜速度夠快 唔洗等太耐😗

每次經過朗豪坊都見到呢間越南餐廳超多人流，一試發現原來好耐之前食過位於大坑既總店，當時已經好岀名排哂隊，怪不得進駐旺角後人流更加多！叫左兩個前菜，第一個係越式蒸粉包。用蒸籠裝住好似食緊點心，就算係露天既環境都唔怕凍。味道較淡，主要靠炸蒜同醬汁吊味。第二個就係牙車快沙律。用杯裝住睇落唔大兜，但食食下份量都幾大份。食呢個餸記住要撈埋啲汁食，因為杯型設計啲汁跌哂落底。撈埋啲汁酸酸地好清新，岩哂做前菜。越菜主食當然要嗌香茅豬扒撈檬。豬扒都幾多，而且非常入味。檬粉夠凍，同埋咬落唔粉，加埋魚露撈埋，雖然簡單，但真心好食。等左好耐終於到重頭戲，芝士蒜蓉牛油焗大頭蝦！因為即叫即焗，所以預左需時較耐。一上枱相當驚喜，因為真係好大隻，即使係大頭蝦都有好多蝦肉，唔講以為食緊龍蝦。蝦既表面焗得好香，濃濃既芝士蒜蓉牛油味，再加上些少焦香味，入口係非常正。但係蝦肉本身既味道唔濃，所以食哂表面既蒜蓉，味道就相對較淡。

完全冇晒以前嘅水準，永遠永遠都唔會再幫襯了。記得之前係灣仔食過，水準唔錯，牛肉有牛肉的味，湯都好濃郁，配菜都係令個面升華咗，係一般超水準嘅火車頭。今次經過旺角見到依個火車頭分店，諗住回味一番。點知竟然係一個惡夢嘅開始，今次食完火車頭，完全係跌晒眼鏡，啲牛肉臭之餘仲有一浸雪藏味，令成碗湯都有一浸怪味，個口感完全唔似牛肉。成個火車頭就比啲牛肉破壞晒，食到一半就急急腳走了，真心奉勸老細可以嚴格監管下你啲材料嘅來源！

之前已經聽聞這間越南菜遠近馳名想不到晚飯時間來到真的要排隊等候打開餐牌，都幾豐富，很多選擇我們叫了火車頭招牌金邊粉，入面材料很豐富，有牛筋，牛腩，牛柏葉，牛丸和半生熟牛肉，湯底好夠味正呀蜜糖魚露雞中翼即叫即炸整隻雞翼都有脆漿，非常入味超正馬拉盞炒通菜就比較遜色，菜比較老，現在不是吃通菜的季節，可惜時菜只有通菜可以選擇朋友叫了龍眼冰我叫的三檸蜂蜜還不錯，甜度剛好，有三種檸味這個叫慾望三合一，我是被它的名字吸引了，將咖啡酒加入雪糕内吃，令人一試難忘埋單400多元吃埋甜品價錢大眾化

食物普通, 最睇唔過眼係服務員好似無受過TRAINING一樣, 坐低點了食物後我要了兩杯水, 那位年輕WAITER像遊魂一樣, 兩杯水送錯枱. 點了一杯可樂, 黎到杯可樂完全無氣, 糖水一杯, 我要求換過一杯, 一位廣東話唔正嘅WAITRESS埋枱後聽到我嘅要求又唔識處理, 擾攘了一陣. 叫左埋單後等了10分鐘張單仲未到, 兩個人食左$349, 我比$500, 找錢時得$120.........當然我出聲之後就比返$150我.......