火車頭越南餐室 (浣紗街)

營業中

休息中

餐廳位於大坑，鄰近天后站。餐廳內部環境是以火車車廂作為主題，座位舒適。蒸粉卷62元，四大件，熱辣辣，淡味道的粉卷皮配上香脆的炸蒜片和鹹味的蔥油，味道很夾。餡料豐富，包括有木耳、紅蘿蔔及豬肉等。蔗蝦88元，四件都很巨型，蝦肉有彈性，甘蔗新鮮，咬落有超甜蔗汁。新鮮椰青38元，肉嫩，汁清涼且很甜。炭火沙嗲雞三串63元，肉厚且嫩，表面有香料味道，醬汁有花生香味和少少辣味。牛油果軟殻蟹紙米凍卷78元，份量多，飽肚，軟殻蟹香脆。總結：大任抵食好味

今日天氣有少少回暖冇之前寒冷！最啱出外搵食！好想食越南餐！酸酸甜甜好好味最啱我胃口！呢間位於大坑浣紗街🥢🥢火車頭越南🇻🇳餐室　🥢🥢餐廳裝修俾你感覺好似去咗越南咁！非常休閒而且開咗個門好有氣氛！令人覺得好舒服😘好relax🙆‍♀️春卷共有四條！外層脆卜卜內涵裏帶點清新且香濃！而且好夠味！用新鮮生菜包裹吃是最正👍⋯⋯炭🔥燒沙嗲雞共有三串！雞肉充滿炭燒嘅香氣！肉質新鮮鮮嫩！充滿肉汁！配上自家製嘅沙嗲醬非常惹味⋯⋯豬扒乾撈檬粉豬扒肉質新鮮！而且好入味⋯⋯份量都唔少！加埋新鮮嘅蔬菜絲又爽脆又好味😋鮮蟹肉湯檬湯底非常鮮味！可能🈶️蟹肉嘅關係！有大蝦丶龍蝦丸⋯⋯備有大量芽菜丶青檸丶辣椒粒😬仲有佢秘製嘅醬汁！最後我哋連湯都飲晒！蒜蓉包非常鬆脆👍好香蒜蓉味🙆‍♀️這間小店服務態度非常好👍下次光顧仲有coupon八五折添⋯⋯

今日收工和老婆相約在天后集合一齊行去大坑搵食, 一轉入浣沙街就俾頭上面嘅招牌吸引左。因為我地兩個都好鍾意食越南菜, 見到火車頭呢三個字代表呢度肯定有越南粉食。😋餐廳名叫火車頭越南餐室, 裝修以越南古老火車車箱為藍本, 配以懷舊裝飾, 非常有情調, 餐廳仲設有車箱卡座, 可惜今晚已俾人訂座, 下次我地黎之前都應該要預先訂座。😌我地點左兩款餐廳招牌的湯粉, 越車菜必配的滴漏咖啡, 加碟馬拉盞炒菜, 兩個人share肯定夠食。😁火車頭招牌湯金邊粉 $98$98配的招牌火車頭湯粉超大碗, 牛肉湯底味道香濃, 而且材料豐富, 除左生熟牛肉之外, 仲有牛筋, 牛丸, 牛柏葉等配料, 另外仲可以自加青檸, 九層塔同芽菜, 味道層次豐富。😍鮮蟹肉湯檬 $108鮮蟹肉湯檬湯底用上好多蕃茄, 加上蟹肉, 非常鮮甜, 另外仲加左龍蝦丸, 春卷, 味道清新醒胃。👍馬拉盞炒通菜 $78馬拉盞非常惹味, 比一般味道辣, 通菜爽嫩, 份量亦好多。凍越式滴漏咖啡 $36越式滴漏咖啡味道香濃, 配練奶入口甜而滑。😋熱黑糖薑茶 $33埋單每位$194, 性價比唔錯。👍

已有一段時間未有和媽咪食飯，今天在大坑工作，於是便約了媽咪到火車頭越南餐室吃晚飯入到店內，已感受到濃濃的越南氣氛金庸提字，確是不同凡響啊Q 嘜保證，一定是信心之選蟹肉炒粉絲是我這個粉絲迷叫的，粉絲炒得非常乾爽，配料非常豐富，蟹肉亦多，所以啖啖都充滿著蟹味，好正牛油果軟殼蟹紙米凍卷份量十足，軟殻蟹伴著牛油果及生菜一起吃，很有口感，這個紙米凍卷真不錯燒豬肉濱海上枱時令人眼前一亮，美若一幅圖畫，經理教我們用生菜包著豬肉、米粉、生果、青瓜，及切碎了的調味粒，當然要加些少魚露才吃，果然食到舔舔脷，食材配合得宜，而酸酸的味道令人很開胃，最適合夏天食用結賬時經理還送了一張85折優惠卷給我們，下次光顧時可平DD 啊

一直都知道大坑有很多質素好的餐廳雲集於此，早前亦試過幾間...十分喜歡越南菜的我，今天與同事到這裏試一試這間火車頭， 結果令人喜出望外，菜式的選擇種類多，而且分量大，味道很不錯，是性價比高的一間餐廳！我們一行三人點了一個二人套餐，當中包括 大蝦柚子沙律、扎肉、蒸粉捲、咖哩雞配法包、馬拉盞炒通菜以及馳名的火車頭湯河， 另外還點了燒牛肉紙米捲以及雞絲撈檬。柚子沙律，扎肉及蒸粉捲是放在同一個大碟上，作為前菜及小食，柚子沙律做得很出色，不單柚子肉多，而且酸甜的味道跟生菜很配合，很有開胃的感覺，而大蝦則十分彈牙夾口！咖哩雞的咖哩十分香濃，辣度適中，裏面的土豆粒充滿咖哩香，煮得淋但仍然爽口，至於咖哩雞香滑有雞味，唯一稍有不足的是雞胸位置稍為乾身，不過咖哩汁滲透雞肉，十分香口，咖哩汁配上法包食更是一流！止於馳名的火車頭招牌湯河則是名不虛傳，首先上菜時湯河分量十分多，一個大碗盛載住牛肉 、牛筋、牛柏葉及牛丸...而湯底充滿牛肉香，香濃而且帶有甜味，配上芽菜及九層塔吃，令人齒頰留香。紙米捲的外皮又薄又滑，燒牛肉的牛肉汁香濃，牛肉軟熟，配合粉絲生菜及其他配料口感十分好，爽口彈牙、香濃集於一身。至於雞絲撈檬

天后行入跑馬地附近原來都唔少好嘢食，今次就試咗呢間越南風味嘅食物，感覺上都唔錯，雖然有少少難行入去但係都值得一去食下。生牛肉湯河，生牛肉嘅份量都唔少，足足鋪滿左成碗面上面，而且都算厚，雖然有少少難咬，但係份量搭救。加上旁邊有少少芽菜同埋辣椒青檸，可以放入去調味更加有越南街邊嘢食嘅風味。河粉份量亦都唔少而且唔會煮到淋曬，硬度啱啱好成碗面都合格。豬扒干撈檬粉，豬扒表面都煎得幾香脆而且香茅味都幾濃幾入味。入面都有唔少嘅配料，例如青瓜紅蘿蔔洋蔥等等。所以食落唔會剩係得檬粉嘅口感，仲有啲爽口都幾適合夏天食酸酸爽爽咁樣嘅開胃。蒜蓉法包，法包都烘得幾香脆，而且面頭蒜蓉都唔少不過如果佢可以塗滿晒兩邊嘅話會更加好。牛油雞翼，呢個就覺得啱啱好合格姐，因為面頭嘅咋粉太厚而且翻炸，加上入面只係得返少少嘅肉汁不過面頭有大量嘅蒜香蒜粒搭救，所以味道整體都唔錯。炭燒沙嗲雞串，雞肉都幾大粒，沙嗲味都幾香濃，旁邊仲有沙嗲汁俾你點，味道可以自己調校，而入面都仲有少少肉汁所以都笑得唔錯嘅唔會太乾身。最後職員嘅服務態度非常之好，而且食物嘅速度都來得比較合理，唔會一窩蜂咁黎晒所有食物唔錯。

剛做完野又喺大坑附近，而且又想食碗麵，於是就行咗去浣沙街覓食...經過火車頭越南河，想起幾年前第一次帶爸爸食越南河就是來到這間店舖，當時爸爸還說湯底好味，很重牛骨味道。爸爸的說話就像昨天跟我說的一樣...於是很自然的走進店內點了當天跟爸爸一起吃過的菜式。先點了一個火車頭招牌河，我和爸爸都很喜歡吃牛，招牌河內有生牛肉、牛腩、牛筋、牛百葉、牛丸，最令人難忘的是那湯底，十分重牛骨味道，最重要係當時爸爸也很喜歡吃隨後上枱是越式春卷及蜜糖魚露雞翼，最後是越式香草薑蔥蠔煲，蠔幾鮮味埋單$460

約左朋友來大坑搵野食我地好鐘意去d小店搵下人情味同特色美食行左陣發現左呢間感覺好懷舊嘅餐廳因爲門面同入面都好靚所以我地就試下呢度係越南餐廳來入到來感覺有少少置身火車站同火車車箱內呢度樓底高空間感唔錯好relax啊咖哩牛腩呢個好驚喜無霖到d牛腩整得好「淋」d咖喱好香我地加左飯同蒜蓉包蒜蓉包有香草牛油同蒜香味道未食已聞到好香蒜蓉包食完再encore因為咖喱汁好香好正唔食曬佢有d對唔住自己🥳脆卜卜😊小食拼盤超豐富有柚子沙律、春卷、雞肉串燒、扎肉同蒸粉卷樣樣都好味最鐘意個salad唔會好辣但d味好夠香燒有機豬扒勁香雞肉好嫩個醬超好食加埋真係一流野飲叫左椰汁三色冰同椰青三色冰好多料好好飲又唔太甜椰青鮮甜解渴好正呢度環景、服務同食物都好高質值得推介

平日夜晚7點左右Walkin去食一枱客都冇我嗌左雞絲河另加札肉 $68+$20黎到一飲湯 覺得幾清甜但讚左幾句就要收返事關我食左幾啖都唔覺有雞絲 問個落單呀姐原來佢同我落左 「札肉河加札肉」。。。仲要笑笑口咁講 呀我幫你落左雙份扮晒嘢當冇事要我出聲問 咁你係咪補返d雞絲俾我先？佢居然話 冇架啦下 你冇野呀？訓醒未呀？自己落錯單要我硬食？我幾時話要雙份札肉呀？跟住 佢話俾個9折我姐係埋單免加一但我就食札肉食到傻呢間可以唔洗再去

約了朋友在銅鑼灣，朋友想食越南菜。因此我們便到大坑浣紗街火車頭越南餐室。裝修好靚，恍如置身火車站。餐牌上有好多越南菜式。小食拼盤柚子沙律味道清新，春卷香口，扎肉爽脆彈牙，蒸粉卷晶瑩剔透，餡料鮮嫩可口。香燒有機豬扒口感軟滑爽彈，香口多肉汁豐富。炭燒沙嗲雞串雞肉嫰滑多汁，再加上沙嗲醬，超惹味。咖喱牛腩煲香氣四溢，牛筋和牛腩都十分軟稔，肉質入口鬆化，咖喱香味濃。蒜蓉法包蒜蓉味濃，非常香脆，配上咖喱汁味道一流。新鮮椰青味道清甜，清新解渴。椰汁三色冰材料十足，透心涼的消暑凍飲。

大坑這個地方也可以說是美食天堂，種類琳琅滿目，日式越式泰式川菜甚至拉麵都有，當中我特別喜歡這一間火車頭越南餐室。雖然炎炎夏日叫我在天后站走10分鐘過來是有一點辛苦，但是每當想到這裏的越式佳餚，就讓我的疲勞一掃而空，今天點了一個蕃茄蟹粉湯河，半隻越式燒雞，兩個清潤的椰青。這個蕃茄蟹粉湯河，裏面包含了鮮蝦春卷新鮮蕃茄和龍蝦丸，一來到的時候蟹粉的鮮味撲鼻，鮮蝦非常彈牙，這個番茄湯非常非常濃郁加上一眾的香料，感覺今天真是幸福的一天。再來半只燒雞，鮮雞即燒，所以等得比較久一點，但是來到的香味保證不會讓你後悔點了這個菜，不但雞肉外脆內軟，香料的味道也讓人垂涎欲滴。椰青可以滋潤我這個乾燥的一天，在辦公室內吹着冷氣，嘴唇都乾透了，正好補充我這一天的水份，非常清甜。吃過飯之後就沿着那條小橋走到大街上，在大坑我忘記了生活的繁囂，漫步在小橋上，讓心情都平靜下來，吹着晚風，讓人豁然開朗，非常推薦大家心煩的時候去大坑吃一頓好吃的越南菜，再慢慢散步，保證會讓你心情變好。

唔係好食，普通到不得了，價格卻極高，性價比低。兩個人五舊幾水成250蚊一位，我去食西餐無咁嬲，又可以坐得舒服d。呢度裝潢欠奉，食物賣相不濟，服務一般，嘢飲呢頭落完嗰頭追佢又話唔記得咗先至落返。兩隻大蝦又唔係好食但要等到差不多食完哂所有嘢先上檯。火車頭河粉用嘅香葉一早放定哂擺喺檯度，想點先？我會信咁樣擺新鮮d? 收加一更加離譜，茶餐廳好少少的水準，但完全未到收加一既服務。如果租金昂貴，建議你另找平的舖位。否則如此價錢卻予如斯待客質素，你捱到一年，我下次來幫襯醒多五舊你！

同朋友去維園泳池游水後，去大坑食飯，大坑越來越多野食，其中結業嘅都唔少。而呢間火車頭開咗十幾年，一定有佢嘅優點！晚飯時間雖然剛好唔洗等位，但都幾乎坐滿。裝修行懷舊風格，有唔同嘅擺設。食越南野一定會點生熟牛肉湯河（$72）牛肉湯好香濃，牛肉份量超多，生熟牛肉有兩種口感～我就鍾意生牛肉多啲，新鮮嫩滑！好有牛味😍牛油果軟殼蟹紙米卷（$78）即做的紙米卷，外面暖暖地，軟殼蟹熱辣香脆，同牛油果永遠都係perfect match！但個size有啲大，要一啖咬到唔容易，啲料好易會走晒出嚟🤣馬拉盞炒通菜（$78）青梗通菜爽脆惹味，味道啱我同朋友口味，濃味得嚟，辣度適中又唔會太鹹👍🏻蟹肉炒粉絲（$158）份量都幾多，仲有嘅扎肉，不過主角蟹肉就唔係好見影，可能炒嘅時間散晒🙈整體嚟講最鍾意生熟牛河同埋馬拉盞炒通菜！牛河湯底好濃牛味，難怪咁出名！有機會去大坑會再食👍🏻👍🏻👍🏻

星期五放工 更係要食返餐好野！同朋友揀左大坑既火車頭越南餐室😋佢有2款套餐都幾抵食 火車頭套餐 同埋 大頭蝦二人套餐由於個焗大頭蝦好似好吸引咁我地就揀左大頭蝦二人套餐招牌火車頭湯河既份量好多可以俾到2個人食湯頭幾唔錯 仲同以自行加辣椒同青檸調味香矛豬扒米紙卷加左甜醬油令到米紙卷唔似平時出面係個啲咁淡豬扒juicy好野味是日時菜係椰菜雖然第一次食馬拉盞椰菜但出奇地夾 有小小辣椰菜仲好爽口最後就梗係今餐既重點 焗大頭蝦大頭蝦好大一隻 十足十一隻龍蝦咁蝦頭位置仲要好多膏 正最後埋單$218一個人 好滿足

今日經過大坑就食下聞名已久嘅火車頭🚆越南餐啦因為今日唔太餓嘅關係所以同媽媽一人叫左兩碗粉就算。媽媽食雞絲湯河，而我就食札肉湯濛。個湯底就係用正宗越南牛/雞湯整嘅，咁我地就一人一款湯底啦，牛湯就偏濃少少同帶點甜味，雞湯就清啲落埋檸檬汁就好食啲👍🏻