火車頭越南餐室 (浣紗街)

營業中

休息中

今日中午去火車頭叫咗一碟飯加一碟菜，食唔哂問佢要個外賣盒，佢話要加2蚊，咁我話好，埋單時候當然要比百份之十嘅服務費，咁我問佢囉個膠袋裝住啲外賣，佢話要另加1蚊，因為政府要收佢5毫，乜政府徴收膠袋税後，餐廳外賣盒同外賣膠袋要分開收費咩？最主要係服務員嘅態度同語氣都好差。

星期五下班去了大坑找美食，朋友想吃越南菜，所以找到這間越南餐室吃晚餐。店舖不大，但裝潢挺有心思，卓上有花的裝飾。我們點了火車頭套餐，這個套餐菜式很豐富。大蝦柚子沙律，大蝦很爽口，柚子清新，酸酸甜甜很醒胃，越南札肉，煎得香脆，很有嚼頭，特色蒜粉卷，舖上乾蔥，內有蝦米，菜等等，很惹味～馬拉盞炒通菜，用馬拉盞醬汁，炒通菜和紅椒、夠火候，味道剛好沒有過咸。咖哩雞配法包，咖哩汁足夠，微辣，椰子香味濃，雞也煮得很軟腍入味，法包外脆內軟，上菜時還是熱的～火車頭招牌湯河材料也十分豐富，有牛丸、牛柏葉、牛肉、牛筋，摘下金不換，下一些辣椒、芽菜，青檸，整個湯底味道更提鮮了～～芒果梳打是真芒果肉，底下是一絲絲芒果肉，和芒果蓉，服務也親切週到，食物水準也不錯。

大坑一向都好多嘢食又有特式，今日就去左一間越南餐廳下好彩有BOOK 位, 都好多人，我地有一個BB，職員好好又俾BB 椅, 又有一套BB餐具俾我地，又拎水俾我整糊仔，細心又熱心本身好想試火車頭，又見好多人叫，但朋友又想試下其他嘢俾呢粒星星吸引左，叫左個鮮茄蟹肉湯檬又真係好好食，蕃茄同蟹肉都幾MATCH，好少食到呢個MIX，又真係食到好多蟹肉，檬粉配呢個湯底好出色，感覺健康蒸粉皮呢個熱既前菜又真係好好食，以前只係食過凍既越南小食，呢個好有特色既粉皮，粉皮好滑，配一個濃味又好味既餡，我只記得有好香既蝦米，其他我唔記得最後叫左牛肉酸窩呢個都係第一次食，酸酸甜甜既湯底，有好多ONION，好好味，個湯配檬粉都好正，加牛肉就無左油膩既感覺。好滿意呢間餐廳，下次再黎要食火車頭

餐館環境清幽，十分寧靜，簡單的越南裝修，點了幾款小食及招牌湯河火車頭招牌湯河上枱時香氣撲鼻火車頭河粉材料十足，有牛柏葉、生牛肉、牛丸、牛筋等十分足料牛肉軟滑與河粉十分搭配小食方面幾款味道都不錯蒸粉卷味道清清淡淡，配料十足牛油雞翼香脆入味，加上伴碟的炸蒜作點綴，令雞翼味道更上一層樓，作為小食是很不錯牛油果軟殼蟹紙米凍卷也很出色軟殼蟹份量不少，紙米卷有咬口椰青清甜多水誠意推薦給喜愛越南餐的朋友遊覽大坑時值得一試

好耐無食過越南野，所以就上網揾下邊到有地道出名嘅越南菜，揾揾下就發現大坑有一間，由天后地鐵站行過去，大約幾分鐘。餐牌有好多選擇，諗咗好耐食咩好，最後決定唔散叫，叫咗果個火車頭套餐，每人$188。個套餐真係超級豐富，首先黎嘅係火車頭招牌湯河，啲河粉煮都好好味，啲牛丸勁彈牙馬拉盞抄時菜，辣辣地，好香口。大蝦柚子沙律、越南扎肉、特色蒸粉卷個沙律甜甜地酸酸地，好開胃最後仲有個咖哩雞配法包，法包加啲咖哩汁一齊食真係一流

年初六 下晝大坑冇乜餐廳開門，唯有去咗依間食越南野，叫咗一個$98所謂signature”火車頭越南pho”點知嚟到嘅居然係茶餐廳嘅河粉..都算!!自問係一個成日食越南野嘅人，平均一個月都要飛一次越南，但真係未食過一個既難食又臭嘅越南pho🤢🤢！1️⃣先講個粒牛丸，加咗勁多既黑椒，唔知以為自己食緊一粒「黑椒丸」🤮🤮2️⃣然後到牛筋，硬到好似冇煮過一樣，真心以為自己食緊樹根！😡3️⃣然後都冇乜技巧嘅牛柏葉，居然發出陣陣臭味😤😤4️⃣最後，係零技巧嘅河粉，但個河粉竟然係酸到不能入口嘅！最後食咗兩啖就成碗俾返佢！連所謂signature既都煮到咁。。其他 我真心唔敢食🤦🏻‍♀️🤦🏻‍♀️BTW 友人叫左個春卷撈，點菜嗰時，個Staff仲話..「下，撈係凍個喎」，其實，一個傻嘅都知撈係凍架啦😂個客想食乜咪叫乜囉。。 要關心嘅你又唔去關心🙄🙄最好笑嘅係，個Staff之後仲問我碗麵打唔打包，其實一個醒目嘅員工都應該會問吓過客究竟乜嘢事點解會成碗冇食過啦 下話🙄🙄🙄而至於員工態度方面🤭哈哈。。大家去坐下就明哂（無謂我一句搞到人地份工啦！）不過，就算唔使錢，我就依世都唔會再去依間嘢食垃圾啦💩💩💩

今日黎大坑上堂，就係附近食埋lunch !行過見到呢間火車頭越南餐室，就入左去食！餐廳裝修係用火車做主題，帶點復古感覺幾特別！我就先叫左個牛油蒜雞翼，超多炸蒜，所以食落脆卜卜，又有牛油香又惹味！雞翼又夠哂大隻！飲品我就叫左涼粉紅豆冰，奶味都幾濃郁，紅豆加埋涼粉更加有口感，同埋唔會過甜呢！我就叫左個豬潤湯濛，豬潤湯底都好香濃，帶點薑味，濛粉好有質感吸哂湯汁既鮮味，十分正呢！呢度不覺意經過，但十分有驚喜，下次會再黎呢！

大坑是有名的食街，各式美食餐廳齊全，晚上更有讓人置身外國小鎮的感覺。這晚我特意約了友人到大坑的火車頭越南餐廳用膳。走進餐廳，設計舒適，鮮花擺設令人心曠神怡。最特別是餐廳可以遙望整個戶外社區，令人十分舒泰。我們點了火車頭湯粉🍜，裏面有非常濃郁的牛肉湯底味，一向不喜歡吃牛丸的我也覺得牛丸非常爽口彈牙，牛味重；配上芽菜及醬汁，使整碗粉更加味道十足。我們吃了一個軟殼蟹牛油果🥑米卷，我從來沒吃過軟殼蟹的蟹肉如此豐富，而且大大份的牛油果夾在中間，使整個米粉卷惹味十足。值得一提的是大蝦🍤柚子沙律🥗，在別處吃味道也好，但是像這家的如此新鮮美味像在吃大蝦🍤主菜一樣還是第一次呢！我們邊吃邊喝着清甜的椰青，之後在附近逛逛，為這晚餐劃上完美句號。

今晚朋友突然好想食越南菜，而我腦海裏面第一時間想到的便是這間火車頭越南餐室。餐廳的裝橫很有越南風，給人一種舒適的感覺。柚子鮮蝦沙律：鮮蝦好大隻，蝦肉鮮甜爽口，再配合甜甜酸酸的柚子和醬汁，十分醒胃。軟殼蟹紙米卷：軟殼蟹超級大隻，蟹肉多，再配合牛油果、檬粉和生菜，口感極具層次，認真一流！火車頭招牌湯河：湯底是用牛骨精心熬製，味道香濃。如配搭其他香料進食，必定有另一番風味！我自己就喜歡另外加上甜醬和辣醬，吃的時候更添美味！椰青：非常清甜，很美味！😋

以前喺中央圖書館讀書，讀到悶悶地都會嚟大坑哩便行一行。 貪呢邊多小店，比多樣化同特別。 朋友就嚟結婚話怕肥，所以就諗到黎食呢間越南嘢。門面裝潢都唔錯。特別放咗架單車，真係好有甜蜜蜜黎明同舒淇feel。睇下餐牌有咩食，有小食，湯麵，特色小菜同甜品等。最後我哋叫咗個蜜桃大蝦紙米卷，火車頭招牌湯河，蟹肉炒粉絲同一杯熱薑茶。計埋加一，大概都係400左右。第一次試蜜桃配大蝦哩個組合。估唔到係咁清新。 甜甜地嘅蜜桃，配埋蝦，生菜，米粉，朱古力醬，想像唔到既夾。唔錯唔錯。招牌湯河既湯底真係一流! 唔係出面嗰啲味精湯，呢個真係似用肉排或牛骨去淆製而成，夠清甜，唔錯唔錯。份量都好大，足夠兩個人食。入面有好多牛肉片，牛丸，牛筋，牛肚，蘿蔔等等。(朋友話食極都仲有肉，份量其實夠四個人食，我真係不能認同更多了。) 如果加埋枱上面既九層塔，生菜，會令到個湯底，更加豐富同埋多層次。好用心嘅擺法，將啲香草葉，生菜，當係插花咁樣裝飾。蟹肉炒粉絲，又係一個有特色嘅小炒。粉絲好煙韌， 好有大排檔小炒嘅風味。 可惜前面嗰河粉已經差不多KO左我地2個，所以都食得唔多，要外帶走。薑茶，好飲。食飽黎一杯，好醒神。最後有位好似老闆

好耐冇入大坑，今日入黎搵食！揀左呢間裝修得有越南氣息既火車頭越南餐廳首先，我點左我一定會嗌既軟殼蟹紙米卷，薄薄既米粉皮包住生菜、牛油果、米粉同炸左既軟殼蟹，清清淡淡。如果沾酸辣汁食，又會有另一番風味！其次，青木瓜、乾牛肉沙律 - 大量青木瓜同椰菜絲加上好似牛肉乾既乾牛肉絲（略嫌太小），拌食好開胃蟹肉炒粉絲 - 有蟹肉、札肉條、蛋絲同芽菜做配料，令炒粉絲更添豐富！飲品方面，我叫左龍眼肉冰！滿滿既龍眼肉，甜甜的！好飲👍🏻

I thought Locomotive was more of an authentic restaurant, but I was way wrong! my friend and I had ordered 3 dishes, none of them made a good impression. To be real, it was more like bad impressions. We ordered the Assorted beef noodle soup ($98), I guess the fatty beef and soup were ok, but the restaurant decides to put 2 beef balls in it which was probably not the best idea. We also order the crab soup based noodle ($108), it had absolutely nothing but noodles in it. *Where is my cr

去過越南旅遊，越南河粉是必吃的一道菜，回港後總是把越南河粉掛在口唇邊今晚又在懷念的時候，決定走到火車頭.......椰汁珍多冰及椰汁三多冰，滿滿的椰汁沙冰，椰汁味很濃郁，杯頂上的冰球，沒有把椰汁味沖淡火車頭招牌湯河先喝一口深啡色的湯，入口果然重味，濃，香正宗的湯底以牛骨，南薑，花椒，洋蔥等十多種材料煮成電料方面，有牛柏葉，肥牛，牛筋，牛肉片及牛丸，足料，當中最好吃是肥牛，半肥瘦肥牛好香紙米凍卷，餡料選了軟殼蟹，香脆軟殼蟹夾上軟淋口感的牛油果，還有檬粉及生菜，份量大得不能一口放進口裡燒豬肉濱海，其實也不知道是什麼，看餐牌上的圖片像生菜包一樣，上檯是擺放得像花一樣燦爛生菜包著菠蘿，蜜桃，青瓜還有豬肉一起吃，好豐富，一酸一甜的水果令兩者味道中和，值得點濱海像是米粉餅，較為幼身，入口亦比較柔滑，原來濱海是皇朝的皇室及貴族的餐前小食，製作是滿滿技術和經驗，難怪外面的越南餐廳很少有得吃

約了好友食越南菜，係天后A&B出口再行10分鐘就到達。唔難搵👍🏻👍🏻👍🏻店內環境好舒服。不錯有卡位好似好火車車廂內。餐牌款式多。樣樣都想食😆點了生牛肉河。2個2仔真係叫一碗就足夠。因為都比較大碗。湯底濃厚牛骨湯味，材料好足，另上一碟大芽菜。正。牛肉嫩滑，鮮甜。配合其他材料真不錯。叫了薑蔥焗蠔，配料多。味道甜甜。蠔size都大隻。好鮮味。連蔥食好好味。鹽焗燒魚，店員話要一早叫時間比較耐。盲曹估唔到燒都好鮮。好甜。好滑。真係令人難忘。有淡淡鹽香味。不錯不錯

朋友介绍天后這間特色越南菜餐廳邀約我們去品嚐，近住大坑地段，晚飯時間都比較多人，我們大概等左十幾分鐘左右便有位進去，我們4個人，於是點了兩份火車頭套餐，過了不久便送上剛炒好的馬拉盏炒時菜來，時菜是用了椰菜，色澤和味道都非常好，跟著便送上一個睇落似竹製成的碟，原來內裡放了大蝦柚子沙律、越南扎肉及特色蒸粉卷三款菜色，沙律上有兩隻中型煎過的蝦，當中還有椰菜絲、蘿蔔絲、柚子，食落酸酸甜甜，味道清新，扎肉煎香了，食落比較香口，至於特色蒸粉卷，因為只有兩件，所以我無緣品嚐到，接住再黎個咖喱雞煲配小型法包，小型法包真的很迷你，迷你到一口便吞下了，咖哩雞味道唔錯，但肉質比較鞋口，我們一路食一路聊天，都沒注意時間，直至我見到隔離張枱既客人遲過我們來，但食物巳出齊及差不多吃完，才發現我們的主菜火車頭招牌湯河一直都仲未黎，於是我們問侍應，点知他們反問返我們坐左甘耐，点會仲未出比我們，是否我們自己吃了，於是和店長在我們台上豪不客氣地搜索，我心想: 張枱有多大，一眼就睇哂，何雖如此重覆兩次地搜尋，加上我們(即客人)還在，他們實在非常沒禮貌，於是我聽到店長叫廚房嗱嗱聲整反比我們，或拎隔離枱果碗比左我們先，終於擾攘