影片
開飯介紹
「火車頭」精心炮製的「火車頭」牛肉粉，湯底以牛骨、花椒、南薑、洋蔥等十多種材料，熬最少十小時而成，再奉上由進口鮮嫩薄切生牛肉，熱湯瀉下，牛肉轉色即熟。進食前，宜加入青檸、辣椒、魚露，越南香葉金不換、美人椒等香料調味，再嘗一口湯，別有一番風味。
繼續閱讀
特色
適合駕駛人士
營業時間
今日營業
11:00 - 23:00
星期一至日
11:00 - 23:00
公眾假期
11:00 - 23:00
公眾假期前夕
11:00 - 23:00
以上資料只供參考, 請與餐廳確認詳情
相關文章
大坑有好多隱世美食，今次選左食越南菜；越南菜係我喜愛既菜式之一，早就聽聞浣紗街呢間餐廳質素唔錯，抵食又好味相傳以前嘅越南火車站🛤️附近先有得賣河粉，所以餐廳跟住呢個相傳把室內裝修造成舊式火車箱內既卡座，恍似置身火車當中，甚有心思；門口亦有開放式坐位，充滿越南風情🏝️，感覺上會食得更地道💥越南小食拼盤每款都充滿越南風味嘅扎肉、春卷、蒸粉包、沙嗲雞肉串同青木瓜乾牛肉沙律，相當豐富！我嘅最愛係沙嗲雞肉串同蒸粉包，雞肉非常新鮮嫩滑，沙嗲味香濃；而蒸粉包亦充滿紮實嘅食材，包括蘿蔔絲、木耳絲同埋豬肉碎，口感十足！💥沙律撈檬檬粉清爽幼滑，跟上生菜、青瓜及木瓜沙律，混合魚露甜酸汁，清新爽口；檬粉配合醬汁，酸酸甜甜，味道一流🌟一份沙律撈檬配上一盤小食拼盤，完美既一份套餐💥火車頭湯河選用傳統做法用牛骨、牛肉同多種香料熬成湯底，飲落夠清甜不油膩! 煮熟河粉後配牛丸同牛嘅唔同部位，如牛腩、牛柏葉、牛筋等臨食再加芽菜、金不換、青檸、辣椒提升味道層次。成碗湯河咁多牛，啱哂咁多位牛魔王!🌟大大碗上枱，足夠兩個人食💥椒鹽軟殼蟹鋪滿了香脆既炸蒜片和粟米脆片，帶點椒鹽，相當美味，就咁食都停不了口!!酥香鬆脆既軟殼蟹，蟹肉連殼一口咬下，濃濃嘅鮮甜蟹滋味，加上鹹香惹味，充滿越南風味，可連殼一起吃，非常過癮~不論環境、食物都包圍住越南風味，味道同CP值高，而店員都招呼殷勤，態度親切，晚餐收費好親民，完全係有喜出望外，絕對是一個不錯的開飯選擇😋
繼續閱讀
兩個被工作折磨完既人想食越南嘢齊齊化悲憤為食量🤜🤛一入到浣紗街已經見到火車頭嘅霓虹招牌啦！💡即刻被吸引咗～門口平平無奇一開門就覺得別有洞天～好似將越南嘅火車站搬咗入大坑咁呀😍夜晚大約七點去到已經好多人啦，除咗本地人仲有幾台外國人添🈵🈵🈵 好彩啱啱有一台客埋單店員即刻做完清潔就俾咗個卡位我哋🥰🥰🥰🚂成功登上（佈置到好似）火車車卡（既卡位）！滿滿既氛圍感！！2個人叫既野食如下：🥘咖喱軟殼蟹🦀Deep Fried Soft Shell Crab with Curry Sauce一揭Menu已經比呢個軟殼蟹吸引咗咖哩汁味道香濃🧄蒜蓉包🥖Herbs Garlic Bread蒜香味濃～最難得係外脆內軟同軟殼蟹既咖喱都好夾～可以一齊叫！🧈牛油雞中翼🐥Garlic Butter Chicken Wingette配上大量炸蒜！！非常惹味！兩款炸物（軟殼蟹同雞翼）都炸到外脆內軟火候控制得好好～保留到鮮味同肉汁要趁熱食🥰🐖燒豬肉米紙卷🌯Rice Paper Roll (Roast Pork)🥗牙車快沙律🥙Shredded Chicken, Cabbage, Jellyfish & Jackfruit呢兩款係清新之選🥒又健康又開胃沙律好新鮮，尤其是佢有大樹菠蘿米紙卷好大份好滿足😋🍜素食喇沙湯粉絲🥣Vegetarian Laksa Glass Noodle Soup喇沙好好好濃郁惹味 香料味濃但係一啲都唔辣最特別係佢有素牛丸同素蔗蝦前者嘅黑椒味同埋質感都同真牛冇咩分別做到好一絲不苟🍋🟩鹹檸檬七喜🫧點樣好Nice啊～可以因應我哋嘅要求將七喜轉做梳打水🍫美祿哥斯拉🦖Milo Godzilla滿滿嘅美祿粉🍫🍫🍫總括嚟講呢度嘅食物都好大份又新鮮又好味環境又靚好適合放工同朋友嚟呢度食飯聚吓🫶🏻
繼續閱讀
上次喺旺角朗豪坊食過嘅火車頭越南餐室，味道唔錯，最鍾意就係佢個蒜蓉牛油雞翼，今日我就去到位於大坑嘅火車頭越南餐室總店，繼續越南越愛。蒜蓉牛油雞翼總店比分店更好味！外皮炸得鬆脆，雞肉又嫩又多汁，仲有淡淡嘅牛油香，更驚喜係面頭嘅炸蒜蓉，好香脆好惹味。馬拉盞炒通菜馬拉盞炒通菜份量十足，除咗鹹香味突出，仲有唔少辣椒粒，令通菜更加有層次。生熟牛河大大碗嘅生熟牛河，配料有羅勒、洋蔥絲、芽菜、紅椒同青檸。先嘗一啖湯，夠熱而牛味好香濃。全靠夠熱嘅湯，令生牛肉變熟，而我就比較喜歡嫩滑嘅生牛肉，份量一啲都唔少。
繼續閱讀
我挑選了三款食物和滴流咖啡。食物方面，有米紙卷、生牛肉河和春卷。米紙卷的味道很鮮甜，它的樣子包得十分美麗，我認為有9/10春卷很好味和很脆，我特別喜歡伴隨的醬料，我認為有9/10生牛肉河的湯好味，我認為有8/10滴漏咖啡8/10
繼續閱讀
今日經過大坑見到火車頭，都記得好似係有啲名氣，一入內油煙味極重，但係既然開咗門就坐低試一試啦。食物上菜非常慢，連飲品也慢，向職員追過進度，但係冇人理會。結果仲有一碗美食一杯未飲都起身埋單走人。味道只屬於非常普通質素，唔可以話係好難食，但係唔會想再食。再令我匪夷所思嘅地方係，聽到隔離枱想話碗麵嘅湯太少，想添少少湯，個男經理就話，冇得加湯。今時今日飲食業難做？依然有餐廳排晒隊。呢間真係要好好檢討下點解負評越嚟越多！
繼續閱讀