火車頭越南餐室 (浣紗街)

營業中

休息中

過左銅鑼灣做野, 做完野個客同我食個飯先走佢就揀左係大坑既一個叫火車頭既越南野食佢話真係好好味, 咁我梗係跟地頭蟲搵食啦位置係大坑浣紗街, 其實係銅鑼灣行過黎都幾快, 位置都幾方便入面既環境充滿越南帶點法式既氣氛, 感覺舒服酸辣無骨鳳爪-$63炎炎夏日最好食下D酸辣做開胃菜, D個鳳爪真係最岩, 酸酸辣辣真係好開胃, 菜單寫D個係兩粒辣, 但真係唔係好覺, 都幾好味, 而且無骨食得好方便牛油雞中翼-$68次次食越南野都食D個, 我其中一樣好鐘意既野, D度都煮得唔錯, 炸得好香炸, 但入面仲保留左唔少肉汁, 而且牛油味真係好惹味呀!生熟牛肉湯河-$79D個牛肉河係D度既鎮店之寶黎, 所以必叫, 個湯真係好香, 好重牛骨味, 加上嫩口既牛肉, 滑嫩既河粉, 唔怪得可以做到鎮店之寶啦叻沙湯粉絲-$88個叻沙湯底好濃, 配粉絲食好夾, 而且有好多料, 包括有蝦, 有蜆等等, 完全能滿足我地既胃口, 好好味!椰汁紅豆冰-$34荔枝梳打凍-$32夠晒透心涼, 夏天之最愛總結性價比高, 服務都唔錯, 唔怪得地頭蟲都推薦啦!

今日放工好想入大坑食，因為嗰度嘅氣氛真係寧靜寫意，好似去咗歐洲嘅小鎮咁。😍大蝦柚子沙律🥗最喜歡就係柚子好清甜，飽滿多汁，令成個沙律提升不少！越南扎肉扎肉輕微煎燶，香口美味。特色蒸粉卷內裏的材料入味，外層的粉卷厚薄適中，幾飽肚，又可口。咖喱雞配法包配料多，雞肉厚，很適合跟法包一起享用，咖喱稍為淡了一些。馬拉盞炒時菜這個馬拉盞炒通菜很好味，喜歡他辣辣的，又多汁又香。火車頭招牌湯河這個果然是招牌，內裏又大片又厚的牛肉，大大件的蘿蔔又入味又鮮甜，還有牛丸，仲有香草🌿配菜。算是滿意兼抵食的一餐😌😌

天黑了，功課做好了，人開始疲累重有點餓，商討晚餐吃些什麼好，同學不喜歡商場食店，喜歡巷弄裡特色小舖，並提議到大坑裡覓食，好吧定了點就出發吧。味道：清湯牛肉鍋越式粉卷雞絲撈檬環境：店舖比之前細了很多，被安排坐卡位，枱跟椅子太貼近，坐下來有點窄。服務：食客不是太多，侍應們多採取自由放任模式，召喚才來下單，下單後隨即溜走。衛生：繼續自由奔放型。桌上沒消毒濕紙巾，沒消毒搓手液，沒放口罩紙袋。抵食：人均 HKD$200 很飽足。

這間位於大坑的越南餐館裝修特別，以火車旅遊為主題帶領食客味遊越南🇻🇳點餐紙以鐵路沿線為籃本，兩旁牆壁更放滿了旅行喼🧳樓底非常高且提供雅座感覺舒服。食品很正宗午餐水準出色。大愛鮮茄蟹肉蝦湯檬，一上枱已聞到濃濃的膏香味，相信湯底用了海鮮殼餚製，入口鹹香鮮甜，更有蝦卷大蝦及蟹丸，大碗夾抵食。越南焦糖紅燒肉配飯，五花腩相當多，更有茄子，雞蛋及豆腐泡等濃香入味。外加了蒜香牛油雞中翼也香脆多汁。椰汁涼粉珍多冰乃消暑之飲😋越南滴漏咖啡看到已很治癒，一滴一滴的伴以我最愛的煉奶，重捨越南旅行的感覺。

某日工作經開大坑, 於是午餐點了菠蘿大蝦炒飯, 值得一讚個炒飯乾身得黎有少少濕潤, 而且材料豐富, 喜歡加了提子乾, 洋蔥, 紅椒粒, 青椒粒, 當然不少得有菠蘿, 食落爽口清新, 還有大蝦, 臘腸, 面上加了果仁肉鬆, 是一個非常層次多而豐富的炒飯。跟餐點了杯熱檸水。

今日去咗大坑食越南菜，去左幫襯火車頭，而家佢哋做緊二人套餐覺得幾抵食，每位都係$188。套餐前菜有䄂子蝦沙律，有兩隻大蝦喺面，酸酸甜甜的沙律裏面有好多香葉，青瓜，生菜同埋䄂子，配有少少麻油香，清爽的口感，讓人胃口大開。越南扎肉口感好彈牙有肉味，不會全口都係粉。特色蒸粉卷，裏面有沙葛，木耳，羅定同埋蝦米，鹹鹹香香，幾惹味，個粉皮做得夠薄有米香，味道唔錯。咖喱雞配法式麵包，味道香濃屬於泰式style，有不同香料的混撘在一起，散發着椰汁的清香，厚重的汁配香香軟軟的法式麵包，非常配搭。馬拉盞炒椰菜，非常有鑊氣，菜夠入味又充滿鹹香，而且略帶辣味，入口好惹味！火車頭招牌湯河，湯底比其他店更深色重口味，有着濃郁的中藥滷水香，配料除咗生牛肉片，牛腩，牛筋，仲有牛丸，牛柏葉及入晒味嘅蘿蔔，河粉做得好出色，加埋其他香葉，芽菜及少少辣椒，湯底味道一下子提升了。套餐分量十足，兩個人食都好夠飽，咁嘅價錢喺大坑，真係非常公道！

約咗朋友喺港島區諗住去大坑嗰邊晚飯， 人流冇咁多又唔算離地鐵站太遠。沿路都有好多特色餐廳， 朋友鍾情『火車頭越南餐室』， 裝修好別緻， 燈光柔和， 帶點法式小館嘅風情， 晚上的氣氛一流。紅酒燴牛尾$148牛嘅味道好濃郁， 牛尾炆得夠腍夠入味， 唔會好大嚿 size 啱啱好，否則就吃得較狼狽。 加入大量洋蔥和其他香料淆製而成嘅紅酒汁味道芳香有層次， 唔會帶酸味和苦澀， 忍唔住配一碗白飯！ （ 份量超大要二人share😋）大蝦芒果米紙卷$73米紙卷仲係好軟熟唔會乾爭爭， 大蝦 堅夠鮮甜， 唔係雪藏蝦仁貨色， 配合甜甜的芒果 和幼細嘅蔬菜絲， 粉絲， 非常美味的餐前小吃。唯獨是附設嘅醬汁 類似海鮮醬，味道太濃太甜， 搶咗米紙卷嘅天然鮮味。青檸梳打$32青檸味好開胃又消滯， 梳打夠氣！生牛肉湯河$79目測份量唔細， 先試湯底～ 嘩牛肉湯味道好香濃， 唔可以食太慢因為河粉會索哂湯底。 牛肉切得好薄 ，入囗夠嫩！ 河粉又滑又爽！當然仲有越南河粉地道配菜： 芽菜，檸檬葉，辣椒粒和青檸， 按個人喜好先放入湯河， 咁樣食法就夠晒圓滿～

疫情放援小小，晚飯嘅限聚回復至4人！太開心了，梗係立即約好姐妹們食晚飯，好耐冇去大坑，大家都想坐得舒服就揀左火車頭越南餐室，可能啱啱放寬嘅星期五晚，非常熱鬧！ 都要等左一陣先有位。座位適中未至於濶落，不過唔會聽到隔離枱講嘢嘅！我地有冇嘈親人就唔知啦 🤣🤣 招牌生牛肉河 $79  最鐘意呢度個牛河，牛肉有肉味夠淋唔會好肥同多根，配料香口，湯頭濃，推介！雞絲扎肉湯河  $79 唔食雞嘅朋友點左雞河，一樣咁好味，雖然湯頭比牛河清，雞肉同扎肉份量適中！ 🥑牛油果軟殼蟹米紙卷 $73 遲來了的牛油果軟殼蟹米紙卷，新鮮爽口， 酥炸軟殼蟹肉質厚，配生菜好夾 ，加埋甜酸醬一流！蔗蝦  $73 蝦肉爽，唔太油，份量剛剛好 ！

走遍區區搵好嘢食，今日就去大坑。記得以前的大坑有點荒涼感覺，現在完全不同了，多了幾分文青氣息，活潑得多了。火車頭呢間越南菜館來過大坑的話，無人不知，老字號。裝潢是火車的原素，有風格。生熟牛肉湯河湯頭清甜有肉香，牛肉軟腍，肉味香濃，河粉就不夠滑身。可案個人喜好放入香葉，芽菜，青檸，紅椒粒，增加層次與味道的變化。燒豬肉柚子蝦餅幾有特色的小食，蝦餅鬆脆，配搭又香又濃味的燒豬肉，襯托上米粉，柚子醬，豐富口感。

今日要去天后覆診，睇完醫生，見時間尚早，決定過去大坑逛逛，順便買些外賣回家做午餐。有人話想食越南菜，記得浣紗街有間「火車頭越南餐室」，趁還未到午市繁忙時間，人流不多，一於過去八下。到埗後，先在門外細看餐牌，原來餐廳午市有套餐供應，選擇非常豐富，共有 18 款，定價由 $59 - $83 不等，套餐包飲品，另外亦可以加錢配一份小食。我揀咗兩個套餐，另外加入咗兩份小食。由於食物製作需時，店員讓我先進餐廳內坐下等候， 服務非常貼心。越式牛柳粒紅飯 ($79)  配羅漢果蜜 + 越南炸春卷 ($22)先試下個越南炸春卷，由於拿回家有一段路程，所以吃時春卷嘅外皮已經唔算好酥脆，不過入面嘅餡料很豐富，有紅蘿蔔絲、木耳、蔥花和豬絞肉等，加上入口不油，食味亦不俗。牛柳粒同紅飯各自分開盛載，牛柳粒肉質甚佳，夠鬆軟又嫩滑，牛味濃郁，可口味美，而配料亦下得很慷慨，有三色椒和洋蔥等。紅飯經番茄炒過，入口酸酸甜甜，茄味包裹住每粒米飯，口感不油不膩，配上多汁牛柳粒，老少皆宜！菠蘿大蝦炒飯 ($79)  配檸檬紅茶 + 燒豬肉柚子蝦片 ($18)燒豬肉柚子蝦片很有驚喜，墊底嘅蝦片雖然唔算好脆口，但面頭嘅豬肉燒得很香

大坑一直是美食的集中地，今日趁放假便約了朋友過來吃晚餐。這家位於大街的火車頭越南餐室是主打越南牛河的，我和朋友都很愛吃，於是決定進來一嚐。我們選了一個招牌的火車頭套餐，包有前菜，小食，湯河等，更可以以買一送一的優惠加點青檸梳打。大蝦柚子沙律，越南扎肉，特色蒸粉卷蒸粉卷是至愛之一，粉皮滑溜薄身，入口煙韌有口感，包有肉碎，蝦肉，青菜等多種配料，口感豐富。大蝦柚子沙律份量多，柚子清甜多汁，甘而不苦，沙律菜爽脆香甜，蝦肉彈牙爽口。咖喱雞配法包咖喱雞以小鍋呈上，熱騰騰，咖喱味道香濃滑溜，雞肉煮得入味嫩滑，用法包蘸上咖喱汁食味道一流。馬拉盞炒芥蘭炒得香氣撲鼻，惹味可口，鹹度適中，芥蘭新鮮爽脆，帶有少許辣味。火車頭招牌湯河餐廳的招牌菜之一，超大碗，有各種配料和材料，有生牛肉，牛肚，扎肉等，牛肉味濃郁，湯底清甜而入味。河粉軟稔爽滑，吸收了湯底的精華，彈牙可口。

真心難食。店員態度親切，但係食物出品不敢恭維。火車頭湯河，牛肉一大舊咬唔斷，牛百葉一樣，都唔切開，牛肉丸有冷藏咗好耐嘅怪味。已經唔係以前嘅味道，點解唔可以俾d心機煮？法包最好食，咩餡都冇。冰滴咖啡似雀巢即溶咖啡，牛油果奶昔，係常溫嘅，唔好意思可能係我見識少，未飲過唔凍嘅牛油果奶昔，feel唔到有果肉。我一般唔評價，唔係今次覺得伏到一個點，唔想大家同我一樣中伏我真係唔寫咁長，為咗俾出中肯嘅評價，我要寫200字先有機會評分，多謝OpenRice 定條咁嘅規定。

火車頭越南餐室 在浣紗街, 是我喜歡的東南亞菜式餐廳. 環境裝修幾好, 有用心設計過,  抬頭看見國際時鐘及那些行李箱, 感覺身在火車站, 座位整齊, 客人也不少.我們特別喜歡卡座, 因為佈置有點像正在坐歐州長途火車, 於車廂內 吃晚餐, 好寫意.餐牌食物選擇多,  有不少地道越南菜, 及東南亞美食 .有特式小食, 河粉, 豬, 牛, 雞, 海產, 款式多, 價錢老實.看看  “火車頭“  晚餐,  有 二人, 四人套餐,  食物組合不錯.我們細心選擇, 結果點了  小食拼盤,  賣相好靚, 拼盤放置於高腳座上,  好像 High-Tea,  實在吸引.食物好豐富.  有 青木瓜沙律,  兩串沙爹雞肉串燒, 越南扎肉, 春卷生菜包, 加上兩籠蒸粉包, 份量不輕. 先吃 青木瓜沙律.  青木瓜, 蘿蔔絲及生菜好新鮮, 加上酸酸甜甜的醋汁, 好開胃.沙爹雞肉串,烤得表面微微焦香,  帶點濃濃的燒烤味, 雞肉吃起來嫩而不乾, 肉質嫩滑, 點些沙爹及花生混和醬, 醬汁惹味, 蠻好吃.  籠蒸粉包,每籠一件, 蒸得熱, 有點像中式的粉卷.  粉包皮滑, 內餡滿滿, 有肉碎, 熟蝦和菜絲. 越南扎

雖然不少朋友都很喜歡吃日本菜，但對於我來說，我對於越南菜更情有獨鍾。之前去過河內及胡志明市旅遊，都被越南菜獨特的口味，食材味道層次豐富而深深吸引。火車頭越南餐室已經不是第一次去，食物高質，價錢合理，性價比高，絕對是我常去的餐廳之一。今晚途經天后就決定入大坑再食一餐豐富的越南菜。之前通常點米紙卷，但今次就試一試新菜式：香茅牛肉蝦片及燒豬肉丸生菜包。另外必點的有：火車頭招牌湯河、酸辣去骨鳳爪及馬拉盞通菜。火車頭招牌湯河用料十足，價錢不算貴，雖然河粉並未用上越南正宗河粉，但湯底十分清甜，充滿牛肉味。而且麵上菜式選擇很多，包括了牛的不同部位，半生熟牛肉片、牛根、牛柏葉、牛丸等。牛肉片肥膏不多，但絕不嚡口；牛筋炆得很入味，而且腍，充滿濃濃的骨膠原；牛柏葉則很爽口，沾上牛肉湯湯底滋味十足。另外配有大量芽菜、九層塔、青檸及辣椒粒，浸在湯裏令到本身鮮甜的牛肉湯底更有一份清新感覺，這亦正正展現了越南菜味道層次豐富的優點。至於酸辣去骨鳳爪份量亦算多，而且無骨鳳爪吃起來更加方便。味道酸酸辣辣，十分開胃，很適合現在這般炎熱的天氣進食，吃完後令人食慾大增。馬拉盞炒通菜則有點泰國菜的感覺，味道偏濃，配飯或河粉吃更

其實香港係一個模範嘅城市，每個市民都好警覺戴口罩用消毒易清潔雙手，所以我覺得其實喺香港出街食嘢都係好安全⋯⋯而且呢間餐廳🍴火車頭越南餐室都會幫人度體溫😬提供酒精搓手液！所以好放心！香茅豬扒湯河豬扒厚切！豬扒肉質新鮮！非常鮮嫩保留肉汁！湯底非常惹味⋯⋯春卷扎肉撈檬天氣咁熱食返個酸酸辣辣嘅春卷撈檬！非常開胃！最主要佢自家製嘅檬汁！做得非常出色！咖喱雜菜用砂鍋奉上！有西蘭花🥦椰菜、菜心、勝瓜、點少得薯仔🥔呢！咖喱有少少辣！材料豐富而且非常大份！燒豬肉柚子蝦片呢個係最惹味！我覺得最好味😋⋯⋯有椰菜和柚子配搭加上燒過嘅豬肉非常香口！沙嗲雞肉串話明係越南餐廳🍴佢嘅沙嗲醬做得非常出色！