火水爐冰室火鍋

營業中

休息中

這間＂火水爐冰室火鍋＂一聽個名就知道懷舊啦，一行到門口見到即日放映火水爐很多電影海報，童年回憶返晒黎😝樓梯上去看到他們的佈置真的很像電視粵語長片以前7，80年代的大排檔， 枱枱椅椅餐具都盡量跟足抵讃👍🏻招牌鮑魚麻辣雞煲服務員用計時器要煮5分鐘，好心急覺得要煮好耐點知一打開煲蓋香噴噴，夠鐘服務員幫我們撈好。雞件不但很滑溜一點也不嚡，而且很入味，雞煲的醬汁調得非常好微微麻辣，如果唔係食火鍋我肯定食幾碗飯撈曬d汁😋😋 招牌番茄海鮮蟹鍋原隻青蟹當然令海鮮蟹鍋鮮味提升！時令海鮮拼盤（廣島蠔，脆鯇片，蝦，花甲，沙白)海鮮新鮮啲蝦大大隻很爽甜，廣島蠔蠔味清淡，脆鯇片啖啖肉美國安格斯牛安格斯牛味濃，油花分布均勻質量不錯！西班牙黑毛豬黑毛豬腍滑龍蝦沙拉丸，雲吞，芝士腸仔龍蝦沙拉芝芯有少許wasabi味有驚喜，雲吞有鮮蝦醬爆魚丸，墨汁墨魚丸，響鈴醬爆魚丸食時要小心，真的會爆汁😆墨丸很彈牙炸魚皮炸魚皮香口但較薄身芫茜，生菜很少火鍋店可以叫芫茜👏🏻洗得乾淨食得放心懷舊甜品估唔到飯後甜品有涼粉食，很久沒有食涼粉了，紅豆大大粒，加上雜果味道不太甜剛剛好👍🏻

今晚約咗家人吃飯，他們㨂了我最喜歡的火鍋，而地點就是旺角，來到時看到門口裝修真係以為去了戲院睇戲，又有售票窗口，又有劇照海報。上到二樓分了左右兩邊，每邊都有四、五張圓枱，仲有個用火水爐裝飾的牆，感覺好像回到七、八十年代。首先侍應送上一個鮑魚雞煲，個雞煲都幾有水準，啲雞都好味唔會煑得太硬唔會老，味道都幾濃郁，連洋蔥同蒜頭都咁好味，每人都有一隻鮑魚。通常好多都係食完雞煲加水俾你打邊爐，但係火水爐唔會係咁，因為雞煲還雞煲，邊爐還邊爐，所以係叫了一個鴛鴦鍋底，係沙嗲湯底併芫荽皮蛋湯，沙嗲湯超濃，芫荽清甜。個海鮮盤好得，啲海鮮好新鮮好彈牙，脆肉鯇魚片、脆肉鯇魚腩、海蝦、生蠔、貝殼。生蠔係黐住貝殼㗎👍，認真新鮮。呢度啲手打丸，丸好好味，唔似係交嚟嘅，個廚師嘅手打丸了得。我推薦黑蚊蚊嘅墨魚丸👌👍安格斯牛肉，厚度適中，只要滾一會就可以吃，味道濃郁。黑毛豬切得薄些，完全沒有騷味，果然係好豬。將牛肉、黑毛豬放在沙嗲湯最正，丸類和海鮮就放在芫荽湯，唔會搶走鮮味。最後仲有紅豆、雜果涼粉，為今晚作出一個句號。

差不多個多月沒有和倆位妹妹吃飯，而天氣轉冷，最好就是打邊爐，而網路上經常看到這家以火水爐為名火鍋店，於是便訂了位。入口處裝修得好似八、九十年代的戲院售票處，而樓梯亦掛滿了電影海報，店內播放80年代音樂，仲有一排火水爐裝飾。這裡提供海鮮火鍋套餐，每位$258，另外醬料$12，限時150分鐘。包雞煲、一盤海鮮拼盤，任食安格斯牛肉、西班牙黑毛豬、丸類、蔬菜、麵條、餃子、炸物，及汽水任飲。如果唔鐘意套餐，可以選擇散叫，不過我們覺得套餐比較低食。侍應首先送上小食頭盤，內有炸魚旦及燒賣。隨後就會上鮑魚雞煲，由於妹妹唔吃辣，所以雞煲只是微辣，不過雞煲味道好香濃野味，因為有大量羗、蔥、紅洋蔥、蒜頭、芫茜、花椒，而鮑魚好淋。吃完雞煲，就可以吃火鍋，我們揀了沙爹及芫茜皮蛋雙拼(鴛鴦鍋另加28)，沙爹湯味道好濃郁，芫茜皮蛋湯就非常香濃。用沙爹湯來滾安格斯牛肉和黑毛豬就最正，肉類吸收了沙爹的味道，如果配合烏冬或公仔麵仲正，可惜太多野食。😂😂😂海鮮拼盤有脆肉鯇魚、沙白、蠔、花甲，每種都好新鮮，配合芫茜湯底就最好味。我們仲有點水餃、雲吞、牛丸、陳皮魚旦、墨汁墨魚丸、玉米貢丸、龍蝦沙律丸、爆漿魚丸。我覺得墨汁墨魚丸

俾啲心理準備，餐廳門口好易搵，但係你會諗一諗佢究竟係咪一間餐廳，因為好似「回到過去」，走進歷史建築。其實我好鍾意佢個門面裝修！二百多蚊有任飲任食，訂位送鮑魚雞煲！雖然唔係用火水爐，都好有feel！小食有魚蛋燒賣，都係任食，味道唔錯！4個人食，一人一隻鮑魚，唔使爭。隻鮑魚都幾淋，雞煲叫左BB辣，所以偏甜，份量都幾大！任食menu，選擇唔算好多，不過一定食得飽你。雞煲食完佢會拎走，我哋嗌左招牌特濃沙嗲湯鍋，d豆腐卜超入味。任食美國安格斯肥牛，回本貨，我個人食咗三碟，肉味夠，唔算太多肥，親貨！佢地d丸同出面有d唔同，好多都係第一次食，推介玉米貢丸。肥瘦均勻，食到我停唔到口！西班牙黑毛豬，薄切一啲都唔「鞋」，好味！無論食物，價錢，地點，環境都一流，我又多左一間「飯堂」了！

上次食糖水同事話呢間幾過癮咁下次要黎食，今次我地就試下呢間先。呢間餐廳就朝早下晝做茶餐廳，夜晚就打邊爐。嗯～ 係食呢D野嘅！樣樣都有D咁！價錢一目了然！因為我地有訂位，贈送一個鮑魚雞煲🤗，人頭計每人有隻鮑魚仔。小辣都好辣好滋味，另外有無限洋蔥，香噴噴！餐前小食有炸燒賣同魚蛋，炸燒賣已經好少見，又俾佢諗到要黎食小食，過癮！之後換過一個新鍋打邊爐，招牌沙嗲湯底。呢個湯底係比較甜，似馬拉喇沙味，好重花生🥜醬，好特別！仲有一個海鮮拼盤，有沙白、蜆仔、鯇魚片同中蝦！ 個鯇魚皮有薄片同厚切，幾新鮮同份量好多，性價比高！另外，任食肥牛個質素都幾高，幾嫩同無咩根，算係幾好！厚切牛餐肉，大大片，吸哂個湯底，甜甜地好香口！響鈴🔔質素一般，不過不失！最後食飽飽仲敬送甜品，其實係冰底黎，唔太甜，總算合格！順帶一提，杯杯碟碟好有懷舊味道，影下相幾頂癮！

又到聖誕🎄一年一度聖誕同朋友聚會，唸起之前食糖水時對面一間好特別裝修，夜晚係做火鍋既餐廳，就相約去試下啦！個名都特別過人，火水爐下午係冰室，夜晚就火鍋。很多八九十年代既裝修。連d 碗碟都係舊式既。急不及待坐低叫咗個$258 海鮮火鍋套餐姐姐好有耐性話我地知係有咩選擇。打頭陣既就係佢嘅招牌鮑魚雞煲，我地揀左小辣，一上枱超香麻辣味道剛剛好！d雞好嫩滑！好快就比我地KO了！呢間最好係食完雞煲可以轉另一個湯底唔洗係雞煲直接加水，即刻覺得值回票價。我地就試下個招牌沙爹湯底啦，夠惹味一上枱真係估唔到咁足料，好像食喇沙咁，甜甜地。忍不住飲下d湯底。跟住係每台都有既海鮮拼盤，翠玉皖魚肉好厚，好爽口，新鮮蝦都好鮮甜，真系抵食。跟住就係大大塊，可以任叫既安格斯肥牛，脂肪分明，入口即溶。好少任食做到。食煲尾聲仲有紅豆沙冰涼粉糖水，好滿足！

部門唯一的男同事快要結婚了，所以我們一行四行跟他「踐行」，到了這間看起來像是老式戲院的火水爐，給他最後「滾滾下」的機會(笑)。*火水爐從門面到內部的裝潢和擺設都是從一而終的「老式香港風」，有點「難兄難弟」的感覺，是拍照的好地方，不過晚上來就比較多人。*我們今天吃的是這個「火水爐安格斯海鮮火鍋任食套餐」，只是每位$258呀！早一點或晚一點來還更便宜。*炸魚蛋燒賣坐下來不久就送上炸魚蛋燒賣，餓鬼上身的我們3秒便把它吃光。*鮑魚雞煲記得要訂座才有這個鮑魚雞煲送！以送的來說，這用料也太豐富了。辣度是可以選的，我們點了小辣，平常吃十小辣的我們覺得剛剛好，有那種讓舌頭麻麻辣辣的感覺，但完全不會覺得辛苦。*雞件肥瘦適中，就是有肥有瘦有皮才好吃呀！吃起來的時候它還是滑嫩的覺得很感動。*鮑魚就是像湯匙的小小一隻，但是吃得起來很爽口，牙力不好的我覺得吃得很輕鬆。*吃完雞煲立馬吃火鍋，就是一個三項鐵人的吃法(笑)！醬料款式不多但該有的都有，而且還是用懷舊碗放的。*開始打火鍋前要選湯底，我們這幾個重口味的選了招牌特濃沙爹鍋！除了套餐已包的海鮮拼盤之外，還有很多基本款可以任點。*招牌特濃沙爹鍋也太濃了吧！根本就

非常之好值得推介，每人258 任食任飲 仲有一定要試吓凍檸Cream 仲有甜品送 員工態度非常好加上環境優美 仲有廁所唔污糟 本地肥牛 有牛味 汽水任飲 雪碧 Cream soda Good

之前在面書上看到這家餐廳以懷舊為主題, 裝潢和佈置都好用心的~令我這個懷舊控很想去打卡!!最近凍冰冰~最好就是打邊爐!! 而旺角又就腳, 所以一行四人晚上便去吃火鍋~ 餐廳位置在旺角街市去糖水街那邊, 遠看已經見到他們的「水火爐」大大的招牌~醒目仔的我們一早訂座, 便送多個鮑魚麻辣雞煲~正!! 從樓下走樓梯上樓上, 都見到充滿懷舊特色的裝飾~ 勁多影相位呢!!跟面書上看到的一樣, 整間餐廳裝潢、地板、一枱一凳都是滿滿舊香港風味~ 還有假街景hahaha~餐廳叫得「火水爐」, 又真的有一整排火水爐放在樓梯位, 完全配合主題!! 很好奇店主從那裡找來那麼多這種絕版火水爐? 除了有寫價錢之外, 都是任點任食的~ 汽水任飲~ 先來是小食一碟~ 炸魚蛋燒賣! 香脆又彈牙~ 幾好!再上麻辣鮑魚雞煲, 想不到都幾大鍋~ 裡面勁足料的~ 好多麻辣籽香料~ 雞件又多!! 鮑魚按人頭一人一顆~連洋蔥都好甜好入味~雞好彈~都幾滑~ 吸滿了鍋裡所以調味料的味道, 辣辣的幾惹味!!我們煮到鮑魚剛剛好熟~ (因為店員過來幫忙看了) 好Q彈, 一點也不會韌~ 正!! 吃完雞煲就正式打邊爐了!! 湯底方面選了招牌特濃

天氣越來越凍了，最適合吃火鍋，最近在旺角新開了一間火鍋任食餐廳，聽聞裝修格調玩味十足，充滿懷舊氣氛，彷彿置身於70年代當中，非常特別，所以這晚一於與友人到「火水爐」品嚐品嚐。火水爐安格斯海鮮火鍋任食套餐，每位$258，用餐時間150分鐘。火鍋任食套餐到底有什麼吃？包括前菜小食、招牌鮑魚麻辣雞煲、時令海鮮拼盤、美國安格斯牛及西班牙黑豚豬肉、各式丸子、美味餃子、風味炸物、多款新鮮蔬菜、麵及其他食物，還有特色甜品及汽水任飲。食物款式非常多，很豐富呀！前菜小食首先上枱，是炸燒賣及炸魚旦，配上特製醬汁，非常惹味。主角出場了，是招牌鮑魚麻辣雞煲，我們點了小辣，濃郁的醬汁又香又辣，夠哂過癮！雞件份量適中，雞肉鮮味嫩滑，配上辣汁非常惹味！又配上芫荽及紫洋蔥，令味道更香更突出。吃過雞煲後，店員是以我們選擇火鍋湯底，我們點了鴛鴦湯底，分別是沙嗲及皮番茄濃湯。海鮮拼盤陣容強大，分量超多、想不到二百多元便可吃到這麼豐富的拼盤。海鮮拼盤有鮑魚、沙白、聖子、脆鯇片及蝦等，每樣都非常新鮮，最愛吃沙白！接着，肉類也上枱了，分別是黑豚豬肉及美國安格斯肥牛，肥牛牛肉非常濃郁，口感不錯，黑豚豬肉片是厚切的，餐廳毫不吝嗇呢。

火鍋真係好邪惡，冬天嘅時候特別想食。今日經過旺角，同啲舊同學揀咗間之前冇見過嘅火鍋店。原因係，佢出邊個裝修非常特別，好有港式風格，嗰種6、70年代海報、塗鴉做裝飾。感覺好似睇緊香港電影，最輝煌嘅年代。坐低，店員有禮貌。睇咗陣揀咗最熱氣嘅沙嗲火鍋湯底，因為熱氣通常好味。雖然係任食火鍋，但我通常首先會叫蔬菜。揀咗比較特別嘅皇帝菜、同埋經常食嘅娃娃菜。這間餐廳，我覺得比較特別是火鍋丸子。牛丸，其實非常入味，而且沸騰後，依然有好有肉汁，正。黑色墨汁墨魚丸都非常嘢未，情不自禁叫咗兩碟。另外都要提一提，有個沙律丸子，放落火鍋湯後，沸騰了，院子中的沙律醬，熱呼呼的汁流出來，非常過癮。不過，要小心辣嘴。魚肉一般。蝦配上沙嗲湯，比想像中更要配合。整體來說，非常不錯。手切牛肉、及豬肉有不錯的水準，沙嗲湯非常正，配合牛肉及豬肉，可以考慮加返個公仔麵或者烏冬。配上來吃，你會感到非常滿足。不過我就麻麻哋，有一個陳皮炸魚旦可以做前菜，但感覺有點不太配合食火鍋。雖然味道不是太差，可是我認為可以省略。除非，放落火鍋一起滾，否則不太建議就叫。最驚喜的是，買單的時候店員提醒我們，原來有甜品附送！是日甜品，涼粉雜果紅豆冰一

火水爐主題火鍋店提早做冬，做屋企人懷舊一下，去左一間以70年代為主題嘅餐廳。餐廳主打食火鍋，擺放的用具都以70年代為主，整個環境、設計、碗碟都是一貫懷舊的。餐廳是主打任食火鍋，2.5小時任飲任食（$238）,汽水任飲，晚飯時間人很多，大家來之前記得要訂位！DIY調味醬架也是大同小異的醬料！前菜小食炸陳皮魚蛋、燒賣很特別的呢！招牌鮑魚麻辣雞煲估唔到任食火鍋都有得食雞煲，仲要有鮑魚食！客人可以按個人喜好選擇雞煲的辣度，吃完雞煲後就可以揀湯底開始打邊爐啦！鍋底（雙拼加$28）招牌特濃沙嗲鍋🌶香茜皮蛋鍋湯底選了店內極力推薦的招牌特濃沙嗲鍋，味道果然夠晒濃郁美味！不用多加調味已經非常夠味！由於湯底非常濃稠， 所以記得要不是攪拌鍋底，以免燒焦。香茜皮蛋鍋也是非常不錯呢！芫荽夠多，皮蛋也不吝嗇地分量非常多，湯底鮮甜，好味道！時令海鮮拼盤鮑魚、廣島蠔、脆鯇片、帆立貝、白蟶子、沙白、蝦、花甲時令海鮮拼盤每日都是不同的，按當日新鮮海鮮而定，但至少有四至五款給客人。之後還有無限追加的食物美國安格斯牛西班牙黑豚豬肉丸類斯選擇很多牛丸、陳皮魚蛋、墨汁墨魚丸、玉米貢丸龍蝦沙拉丸、爆漿魚丸餃類有水餃和雲吞，都是自家

今天是同事生日，我們book左煙廠街的火水爐冰室火鍋，為佢慶祝生日，因為生日尼位同事喜歡懷舊，這火水爐店就一定滿足到佢，無論裝修和擺設都如時光倒流，回到以前用火水爐那年代，而且又有任飲任食的火鍋套餐食，就等佢回憶一下少年 時代的生活！雞煲和海鮮拼盤是一次性的，其餘的都是任飲任食。首先是食雞煲，有辣度選擇，同事不喜歡辣，所以我們選擇原味的，雞肉嫩滑，鮑魚爽口彈牙，加上濃濃的特製醬汁，非常惹味！食過雞煲，就開始食火鍋，我們因為喜歡食海鮮，所以加錢升級，要了一個招牌蕃茄海鮮蟹鍋，大大隻蟹好新鮮，重有其他配料，份量十足！海鮮拼盤:有蝦、鮑魚、蟶子、帆立貝、蠔、脆鯇片、蜆。材料都好新鮮！我特別喜歡鮑魚，上枱時還在蠕動，很生猛！因為同事吾食牛，所以要了西班牙黑毛豬，因為是手切，所以有厚度有口感！其他任食的火鍋配料也很新鮮，有爽口的、有彈牙的、各式各樣，真的食不停口！最後還有甜品，甜甜的紅豆，滑滑的涼粉，還有雜果，只要將下面加左花奶的碎冰撈勻，就可以食用。十分美味！

知道旺角開咗間以懷舊為主題嘅餐廳，主打食火鍋，餐廳以懷舊嘅裝修作招徠，底層設計成一個懷舊戲院，上層則擺放多個火水爐在樓梯邊，加上昔日的相片掛在牆上，並用上懷舊的碗碟，配以70年代的地磚，一切都很懷舊呢！ 餐廳是主打火鍋的，😋2.5小時任飲任食🍴（$238）,晚飯時間人頭湧湧，來之前記得訂位啊！ 混醬時間到，個人認為如果點了特濃沙嗲鍋，此調味架可以不用理會，因為湯底已經非常夠味！ 看！碗碟都非常懷舊，而且非常特別呢！ 🌿前菜小食 🍡炸陳皮魚蛋、燒賣 🐥招牌鮑魚麻辣雞煲 雞煲配上鮑魚後即刻昇華左，成件事高級左好多！店內時先吃雞煲後打邊爐，客人可以按個人喜好選擇雞煲的辣度，吃完雞煲後就可以揀湯底開始打邊爐啦！ 😋鍋底（雙拼加$28） 👍🏻招牌特濃沙嗲鍋🌶 🍲香茜皮蛋鍋 湯底選了店內極力推薦的招牌特濃沙嗲鍋，味道果然夠晒濃郁美味，惹味可口！不用多加調味已經非常夠味！由於湯底非常濃稠， 所以記得要不是攪拌鍋底，以免燒焦。 香茜皮蛋鍋也是非常不錯呢！芫荽夠多，皮蛋也不吝嗇地分量非常多，加上湯底鮮甜，真的非常好吃！ 🦐