火水爐冰室火鍋

營業中

休息中

一行7⃣️人打邊爐，地點在油麻地與旺角交界，地點算方便，環境裝修係懷舊主題為主，如果電話定位有得送花膠雞煲一個，花膠都幾多，花膠大件厚身，雞煲味道較濃，鹹咗少少，嘢食飲品任飲，每人大約$297一個，食物乾淨，但係食品及嘢飲種類比較少，買單之後有甜品送，類似棉花冰，棉花冰上有紅豆，涼粉，雜果，棷汁，幾特別，透心涼！

點解呢度叫火水爐？因為呢度真係好多火水爐，而且佈置到好有舊香港嘅感覺！一坐低就有個炸燒賣比我地做小食！點左佢嘅安格斯海鮮火鍋任食套餐，先來一個熱辣辣嘅雞煲，啱哂最近逐漸變冷嘅天氣！雞煲醬汁都幾濃郁，雞肉都算係嫰滑，最緊要係大大嚿花膠勁吸汁勁正😍！食到到咁上下就轉返做打邊爐，唔係加湯咁求其，係成個湯底換咗佢，一個價錢兩個享受！我地驚再食麻辣太過燥熱，最後揀左芫茜皮蛋湯，睇落成煲抹茶咁😂用料都非常新鮮，最鐘意就係首先嚟嘅海鮮拼盤，海蝦蝦肉真係好新鮮好彈牙，大蜆無砂又爽口，塊鯇魚切得幾靚！鐘意食肉嘅朋友就最啱，任食安格斯肥牛真係食到飽！最後嚟多個凍冰冰指定甜品消一消熱，大大碗冰配上煉奶，加上甜到入心嘅紅豆蓉、涼粉同雜果！係呢個環境食呢款舊式甜品，特別有 feel！

今日同朋友黎火水爐試下，見面書有介紹，又抵食！冇理由唔試！呢道賣點做懷舊野，大排檔 feel，上到黎都幾靚！樓梯仲成排火水爐！後生既應該冇見過 🤣🤣今日發生左件 Kai 事，本來好少何食雞煲，我竟然問阿姐...可唔可以鴛鴦...阿姐打左個突 🤣🤣 答我成完雞煲先打邊爐 😤因為我地訂位，所以個雞煲送花膠！會會太開心呀 😍送既小食，炸魚蛋同燒賣呢個就係送既 花膠雞煲，花膠都唔扼人，都算大同厚！味道我覺得唔錯！我少食既比較唔到！唔會過咸，但雞既味道冇雪味，都幾滑！唔鞋身 👍🏻食完雞煲就可以上湯鍋打邊爐，先黎海鮮盤，種類都幾多下！大家話熱氣，要點個清清地既，而莞茜皮蛋就岩哂喇 🤣🤣明明話熱氣...係都要點既一班人 🤣🤣 打邊爐點可以唔叫 魚皮 同 響鈴 先，魚皮好脆好夠味，響鈴都唔錯呀！黑毛豬，豬味好夠，但唔好滾咁耐呀！浪費左佢架！安格斯牛小排，拿！我有做功課呀！主攻呢個 🤣🤣臨尾食飽，原來仲有甜品送，4人份既什果紅豆涼粉冰，好懷舊 🤣 但好食 👍🏻

又係食雞煲嘅時候啦今次同朋友去咗旺角。依間店門面好有趣，好似舊戲院。一上到去見到好多火水爐仲有大大個夜總會牌係我隔離。朋友好叻仔識得訂咗位先，唔單止唔使等仲有個花膠雞煲送。佢個前菜竟然係炸魚蛋同埋燒賣，但係都幾好食嘅。轉頭就嚟咗個花膠雞煲全部用好濃嘅汁包住。大約煮多5分鐘等佢滾就食得。啲雞幾嫩口，但係個汁真係太鹹囉！特別係啲豬皮索晒啲汁咸得太緊要。好彩佢唔係用依個煲加水打邊爐點左個冬瓜蓮子百合煲清清地。海鮮拼盤係跟餐嘅，都幾新鮮，翠肉鯇夠爽脆，蠔都好大隻，肥牛質量不過不失唔會太肥。

🎃萬聖節🎃嚟咗一間好懷舊、好有特色嘅任食邊爐🎊呢度《$258嘅火鍋套餐》有任飲汽水🥤、任食黑毛豬片、安格斯牛等等！首先有個小食拼盤《炸燒賣魚蛋》。邊食邊等個《雞煲》，早一日訂枱有雞煲送㗎！雞煲我哋叫咗BB辣，裏面仲有大大舊花膠，正啊😍😍 然後到主菜《海鮮拼盤》，裡面有魚滑、魚片、蠔、青口、蜆、蝦🦐。海鮮都算新鮮、爽口喔👏🏻食完再追加其他配料：安格斯牛、響鈴、牛柏葉、滑豆腐、蕃茄等！呢度啲食材新鮮🤤而配料因應人數份量而定，我哋兩個女仔去食，配料細細份，感覺啱啱好啊！最怕太多食唔曬☺️最後仲有埋糖水送添♥️

約11時入坐，服務有禮，侍應會主動加湯和為雞煲計時，值得一讚。店面有火水爐裝飾，有懷舊情調。先上的是炸燒賣和魚蛋。兩者而言，魚蛋較彈牙，燒賣則較乾身，作為餐前小食，尚算合格。第二上的是雞煲，雞不算多，但勝在雞計滑身多汁，我們點了BB辣，辣度尚可，另附有豆卜和花膠，入味軟身。吃了雞煲後，便是打邊爐。我因吃了小食打底，所以不多叫，只叫了唐生菜、雲吞、牛小排和豬肉片。牛肉尚算有牛味，口感只是普通。反而豬肉片入口溶化，味道尚佳。唐生菜也算有菜味，口感爽脆。雲吞蝦味甚濃，可以一戰。其實還有甜品，是涼粉雜果冰，味道只是一般，因此不在這裏長述。埋單418蚊，人均消費209蚊。

同朋友好耐無見，而朋友係網上見到哩到嘅環境就深深被吸引左要黎試下喇。首先係OpenRice訂座有送花膠雞煲嘅優惠，去到我地揀左個$258位計嘅價錢，如果8點半前離座就可以享有$239嘅優惠，同埋限時食2個鐘架姐，首先雞煲我地揀左唔辣，上枱時佢會放低埋計時器，5分鐘後佢會過黎幫你撈起就食得喇，雖然佢地店員不多得4名，但都不時會睇睇有無需要換碟同收碟，個雞煲我同朋友都覺得雞食落好鞋，所以都無食哂，我諗本身應該熟左攞出黎再熱返，而個汁就比較咸，如果可以有啲甜味平衡返啲會比較好，之後用加單紙再叫食材打邊爐，我地都差不多每種類叫啲，海鮮盤嘅蜆食落幾隻都有沙，另外青口好淡味感覺好似唔新鮮，而另外牛方面有兩種可以叫，但食落都好一般，牛味較淡的，其他都不過不失，一般般，係抵在可以任食同汽水任飲，對要求不高嘅朋友都可以黎試試，最後仲有甜品湯水，但我地已經飽到食唔落無要到。

火水爐這間火鍋店，第一次的接觸是在朋友的facebook，相中的裝修極具風格，仿四、五十年的裝飾令我印象深刻。今日朋友提議去雞煲打邊爐，我想也不想叫建議火水爐。一到它的門口，影相打卡是指定動作，影完後然後走上一層，侍應安排了一張四人枱，看看餐牌後點了一個雞煲、肥牛、豬肉、海鮮拼盤、生根、響鈴卷、牛丸、墨丸等。先講雞煲，除了雞件，裡面還有花膠、西芹、豆卜、芫荽等，用料十足，味道非常惹味，吃完雞煲後加湯繼續打邊爐，配料當中，它的肥牛不錯，大份又富牛味。整晚在這特別的環境打邊爐，猶如時光倒流五十年，十分令人回味。

早一日訂座有花膠雞煲送 係幾好食 值得推介 不過就偏辣 （當時我地叫左bb辣）當時見佢寫住沙嗲湯底係推薦加係招牌 心諗今次實冇死啦 應該幾好食 點知佢一上個湯底 嘩 點解咁多油嘅 多到係好似麻辣湯底咁款 然後第一啖：點解咁甜嘅？點解冇沙嗲味嘅？後尾店員比嘅答案係 因為佢係有用花生去整 所以會比較偏甜⋯⋯Emm...喱個答案有少少勉強送嘅海鮮拼盤 青口唔新鮮外 其他都可以接受肥牛質素唔錯 但其他配菜就略有不失 感覺上成餐飯 好似送嘅野食仲好食過要比錢買嘅咁～

早排喺朋友ig見到一間懷舊火鍋好似好得意咁，終於比我搵到原來喺旺角，今日約埋班朋友齊齊嚟打邊爐。提提大家要記得電話book檯，因為會送秘製鲍魚麻辣雞煲！店舖裝修相當有特色，門口有夜總會招牌、懐舊戲院、樓上仲有兒時好鍾意玩嘅康樂棋壁畫、押店設計、懐舊式收銀機，所有傢俬、擺設，就連餐具都用沿用古舊的，可以比你完全感覺極懷舊70年代嘅風格。入座時，店主首先送上前菜，有魚蛋燒賣🍡，相當特別。送嘅秘製鮑魚麻辣雞煲一啲都唔簡單，絕不馬虎，材料豐富，份量十足，雞肉超入味，有少少辛辣感，相當刺激味蕾。仲有2隻鮑魚，新鮮彈牙，同樣入味。食完雞煲之後就揀番個火鍋湯底🥘，火鍋湯底仲多不勝數，例如：夏熱天時，有足料解暑冬瓜盅鍋，新鮮百合加上清心蓮子，再以金華火腿同冬瓜熬煮而成，清熱解毒，仲可以消晶袪濕。仲有苦瓜排骨煲，苦甘清潤，明目解毒。而我哋就揀咗招牌沙嗲湯底，花生味好香🥜，沙嗲味濃。每位$258就有海鮮拼盤，安格斯牛任飲任食🐂，除此之外，火鍋配料、手包餃、丸類🍡、飲品🥃、粉麵🍲、蔬菜都任叫🥒🌽🥕，相當抵食。海鮮拼盤超豐富，有蝦🦐、青口、魚🐟、墨魚滑同埋生蠔，全部都好新鮮，墨魚滑爽口又彈牙。安格斯牛肉嫩滑有

今次一行五人想去打邊爐，咁有次係旺角見到呢間既裝修幾特別，就係 openrice book 位，咁岩預訂就送一份花膠雞煲，所以就決定試一試。平日晚飯時間都不至於要排好耐先有位, 去到門面環境都很整潔。入座後，枱與枱之間都比較近，所以感覺較迫，但侍應態度都好好。跟住先黎一碟炸魚旦燒賣前菜，不過燒賣內裡還是凍的，所以我地只食魚旦。到咗最期待既花膠雞煲，上枱既賣相唔係咁吸引，但食落都唔係太差喎，只要將花膠同雞煲既少少辣溝勻，味道都唔錯。之後，我地揀咗鴛鴦湯底(涼瓜排骨湯及冬陰公湯底) 涼瓜排骨出面打邊爐都好少見，食落清清地，感覺好似可以下火咁；而冬陰公就真係比較辣，不過味道就一般。呢碟手切牛就真係夠厚喇，不過唔知係煮得太耐定點呢？感覺有點韌跟住我地仲點咗肥牛，生根，魚皮，菜同丸，大致上同一般打邊爐既餐廳一樣，無咩特別。最後，呢個海鮮拼盤都唔錯，每樣都好新鮮，好味。其實去到最後個個都飽到食唔哂既時侯，我地都堅持食埋呢個飯後甜品「紅豆雜果涼粉冰」，好彩有要咋，可能真係打完邊爐關係，呢碟野好搶手，一陣就食咋喇！出奇地好味～不過個日咁岩隔離枱成班男士可能飲酒又加上太興奮關係啦，嘈到成晚我地完全聽唔到

好有特色嘅餐廳，離遠望已見到門面有好特別，裝潢營造出舊式戲院的感覺，門口好似售票處咁，上樓梯後見到一排排舊式火水爐做裝飾，好耐冇見過咁懷舊嘅火水爐喇，坐位都好有舊式冰室感覺。入座時都好多人，只剩下三兩張枱。一心諗住打邊爐，但原來竟然有花膠雞煲送，仲好驚喜添，味道拍得住出面的麻辣雞煲，我選了中辣，辣度好啱我，雞好入味又夠滑，花膠夠淋，而且分量都唔少，我反而比呢個雞煲吸引左😂。食完個雞煲其實我都飽左七成🤤，我㨂左沙嗲鍋，海鮮有，蝦、青口、蜆、墨魚滑等等。最後仲有台式甜品食😋

朋友介紹下，知道呢間火鍋店啲料質數唔錯，兩百幾蚊有安格斯牛任食，而且預先book位仲有雞煲送。鋪面用左舊式戲院做主題。鋪入面就係啲懷舊既裝修，枱櫈都係舊式格調。我地就叫左每人258既餐。湯底有唔少款揀，有啲要加錢都只係十幾廿蚊。送既麻辣花膠雞煲，佢可以揀唔辣的。我地叫左個傳統既沙爹湯底，好香濃！初頭以為佢會食完雞煲再加湯就算，但原來係另外比過個煲你。先黎左個海鮮拼盤(非任食)，蝦同魚片好鮮甜，啲蠔好肥美，墨魚滑好彈牙。安格斯牛小排，肉質同油脂唔錯，食落唔韌，每次比既份量唔會得過幾塊咁孤寒。每塊都好大塊，正！芫荽控既我比我發現可以剩係叫芫荽食，當然encore左幾次！其他火鍋料既質數都唔錯。叫埋單既時候佢地送左個甜品黎，個甜品都唔係普通大煲出黎既野。打完邊爐食個刨冰，成個人涼哂~

有次喺附近食飯見到呢間鋪幾特別, 好似啲舊式影院咁, 今次終於有機會食了!入面裝修原來唔係戲院, 係各式舊香港既鋪頭特色標誌.我地揀左安格斯海鮮套餐. 因為我地有預早訂位, 所以送左個花膠麻辣雞煲比我地!!坐底先黎左個小食, 就係炸魚蛋同炸燒賣.送既花膠雞煲到啦!! 量唔係好多, 但啲雞同花膠好入味.花膠好滑好淋好夠味!!之後黎左個海鮮拼盤, 鯇魚片同蝦好鮮甜, 蠔亦好大隻, 另外仲有少量蜆同青口.任食部份種類都唔少. 用料都幾好, 而且每次都一齊黎哂, 又無漏過野食.普通肥牛. 唔係好肥, 所以都唔會韌.安格斯牛小排, 肉質比普通肥牛嫩, 肉味較香.食飽哂之後仲有個甜品送, 多哂凍，一個完美既終紶.

閒日晚上9點去食，嘈到爆，完全傾唔到計，檯同檯之間太迫，不斷比人撞。食物性價比低，旺角區300蚊大把選擇，牛肉唔合格，衰過同區138蚊果D。入座前冇講有每位12蚊醬油收費，幾蚊唔係多，但有責任同客人講聲。任飲只提供氣水，扣分(冇氣飲品，另外收費)，湯底冇特別好食，雞煲又普通……椅子唔好座……衛生真心一般，D野都黐立立……廁所反而算好衛生。唯一加分，服務可以。訂座送既，花膠雞煲，普普通通，冇特別，雞唔入味。6人份量，一次性，呢個合格，都新鮮，全晚最好食……湯底好一般，2個味加$28，太咸，太重味，冇咩特別。6個人送一碗甜品XDD份量只夠3個人食……冇特別不過送既唔會高要求。總結，同區$138至$198既質量更好，呢間野影相呃Like可以，但冇下次。