火五越式牛肉粉專門店 (其昌樓)

營業中

休息中

夏日炎炎，最好就是吃個清涼檬粉，今天帶媽媽到佐敦逛逛百貨公司，順便和她吃吃越南菜。火五火車頭牛肉粉媽媽去旅行時最喜歡吃的就是牛肉粉，想不到今天能夠再吃到越南的味道。整碗粉的份量非常令人滿意，材料有扎肉、牛肉、和牛牛丸，牛丸好Juicy，牛肉有鮮味，配上香葉後，整碗粉更有香氣。湯底似是特別熬製而成，配上嫩滑河粉，不錯👍🏼香茅美國黑毛豬扒撈檬撈檬超大碗，而且可以免費加粉😆好在我都冇加，因為黑毛豬扒很大件，加上用香茅醃製過後，很入味。再配上炸蒜、青瓜、甘筍思、整碗粉更有口感。火五特式鳳爪鳳爪的份量非常足夠，是整隻上，不是切半😂🤣 鳳爪很爽口，配上不同的醃料，酸酸甜甜，醒胃好吃。店家還細心的有空氣清新機，加分

今日專試吓火五粵式牛肉粉專門店，餐牌好多選擇，梗係要試吓佢嘅牛肉河，店員態度非常親切，好有禮貌，我哋就叫咗火五火車頭牛肉檬粉，另外叫咗個生熟牛肉河粉。先講火五火車頭牛肉檬粉，適合選擇困難症嘅朋友😂，大大嚿牛肋條，軟綿綿半筋半腩，適合大眾，最意想不到嘅牛丸，同坊間嘅牛丸吾同，充滿油脂牛味，大大碗好抵食👍另外嘅火五熟牛肉河，湯底清甜，唔會口渴，肥牛同牛肋條充滿牛味，配合河粉非常夾。小食方面我哋嗌左炸蝦春卷，好長嘅蝦肉春卷咬落去非常隨口，跟住叫咗手作蝦米紙卷，口感清新，配合越式檬汁，非常醒胃。整體用餐舒適，店員態度有禮，價錢貼地我哋都食到飽，值得推介。

-🔸香茅雞翼 $22🔸火五火車頭牛肉粉 $62🔸香草大蝦青木瓜沙律$52🔸手作挪威煙三文魚米紙卷 $48🔸凍越南椰汁冰 $19🔸凍青檸梳打 $19🔹外賣自取八折-間唔中都會想食吓湯粉清清哋，見依間外賣自取有八折幾抵食就買返屋企慢慢食啦。火車頭牛肉粉有齊生牛肉、熟牛肉、和牛牛丸、扎肉，連湯都好清甜，正啊！米紙卷包住好多蔬菜，同埋米粉，配埋煙三文魚。青木瓜沙律酸酸哋好開胃，仲有四隻炸大蝦，正。仲有即炸香茅雞翼，拎到返屋企都仲脆喎。

火五之前都係太子同朋友食過，已經覺得性價比好高，因為份量夠大，而且價錢相宜，佐敦都開左分店，咁岩經過見到就食埋lunch。火車頭湯河佢既招牌必食之選，講真2個女仔share食都無問題，份量多多，有牛肉，牛丸同牛腩，湯頭都好清，加左青檸同辣椒，就更有越式味道。蒜香牛油蝦球呢個小食好香口，蒜蓉加牛油既配搭係無得輸，一份有5隻，唔算好平，不過都幾大隻。意大利黑醋蒜蓉雞翼同樣有5隻，雞翼好大隻同啖啖肉，黑醋既酸味令雞翼變得無咁油膩，而且咬落有肉汁，作為前菜不錯。

本來想同男友去一嚐澳牛光速餐🧐但太多人排隊又太餓放棄左🤣去左附近食越式野叫左好多野食😋食到捧住個肚走我地分別叫左幾樣特色野同小食都幾惹味🎐火五火車頭牛肉粉入面分別有生熟牛肉、和牛牛丸同扎肉架🐃食越式粉我就最中意d洋蔥絲夠咬口又索湯🥰佢個和牛牛丸都好juicy 拍得住瀨尿牛丸😏😏🎐 越式魚翅花膠雞湯飯個飯要浸湯！個飯要浸湯！個飯要浸湯！重要既事情要講3次 浸完食就岩岩好有花膠有魚翅 60大元有找喎邊度搵先？佢個雞仲要係無骨架～岩曬我d懶人勁幸福🎐意大利黑醋汁蒜茸牛油雞翼食越式野必食既牛油雞翼 呢度38蚊有5隻😎個黑醋汁酸酸地幾開胃 吊出個雞翼味夠曬反傳統～幾有趣🎐招牌小食拼盤等我講解下有咩食先～黃金脆魚皮、青木瓜沙律炸蝦春卷、香草大蝦、手作大蝦米紙卷、手作扎肉米紙卷呢個小食拼盤既份量其實係有一個餐既份量個黃金脆魚皮夠曬脆之餘又可以撈埋d汁好入味食越式野點少得米紙卷 拼盤就岩曬心大心細既你啦🌟最正係食lunch佢d飲品跟餐係半價架都幾抵飲 我個日叫左杯越南椰汁冰好解渴💦

去佐敦買鈕扣，火五 就喺澳牛旁邊，突然好想食火車頭，睇吓Menu價錢又幾抵，等咗一陣位，店員安排入座，環境乾淨企理，裝潢簡潔明亮。火五火車頭牛肉粉 $62上次去越南旅行，我好鍾意食佢哋嘅越式牛肉粉，火五 的味道做得好接近，而且勁抵食。賣相相當吸引～生熟牛肉、 和牛牛丸、 扎肉⋯大大碗河粉都幾滑。和牛牛丸勁大粒好似乒乓波咁，彈牙爽口而且牛味香濃。生牛肉牛味濃，入口軟嫩順滑。熟牛肉口感似牛腩，食落有咬口又多汁。扎肉香軟厚切口感好。湯底真係可以飲多幾啖，好正！牛骨味 鮮甜，河粉煙韌吸收晒湯底精華，果然係招牌菜！香茅美國黑毛豬扒撈檬 $56香茅清香惹味，美國黑毛豬扒肉質鮮嫩多汁，同事就最鍾意食撈檬 ，自家調配的撈檬酸甜汁簡直係靈魂所在，酸酸甜甜好開胃，口味又帶一點微辣，高質抵讚！黃金脆魚皮 $32魚皮香脆薄身，黃金鹹蛋黃有質感，掛汁度高，夠哂味。香茅雞翼 $22越南風味的香茅雞翼，口感外脆內嫩，可口多汁，越式風味滿分💯凍越南三式冰 $19好似係街買珍珠奶茶咁，獨立包裝夠晒衛生，如果飲唔晒仲可以拎走添！三式冰有咬口，椰汁味香。

就到10點大限，喺佐敦嘅街頭仲未決定食咩好，聽天由命啦，伏死罷就，求其揀間餐廳醫肚最實際，於是就嚟咗呢間越南餐廳價錢係一般水平，諗住應該係細細碗，一上檯當場嘩咗一聲，勁大碗，大過大胃個頭多多聲唔係份量發達，材料就簡單喎，河粉有韌性唔鬆散，牛丸超有牛香，仲勁彈牙呢碗咖喱飯同埋勁大碗，色水吸引唔只得咖喱汁㗎，牛肉牛根都勁多，而且好嫩口仲要係油香飯做底，認真抵食大熱天時，飲返杯青檸梳打勁解渴鹹檸超正，已經幫係攪成碎，啖啖都飲到檸肉，好刺激雞翼大大件，炸得好脆，大量蒜蓉別具滋味春卷勁長，起碼兩條中指咁長，咬落依然啖啖蝦肉終於趕得切10點前食完，勁飽勁滿足呀

好耐無食越南野啦🤤師奶最愛就係小食！呢間值得推薦！火五特色鳳爪：無骨鳳爪，食落夠爽口！配埋醃製過既青瓜絲，味道酸酸甜甜，超級開胃！香茅雞翼：師奶最愛排行榜第一位😂我對雞翼真係毫無抵抗力！佢仲要煎到外皮勁香脆，香茅味又醃到入晒味！黎多碟都仲得！蒜蓉牛油蝦球：唔使多講啦，蒜蓉同牛油呢個組合跟本就無得輸！勁香呀！蝦球雖然係炸過，但一啲都唔乾，亦唔油膩！蝦肉仲好爽口彈牙添！火五火車頭牛肉粉：超級大碗！入面有生牛肉、熟牛肉，牛丸同埋扎肉！超多料！生牛肉都幾嫩滑，食落唔鞋，而熟牛肉就似牛腩，仲要大大舊！食落軟腍唔會韌！但反而我幾鍾意佢嘅牛丸，幾彈牙！而湯底都唔錯，牛味香濃，唔算油膩！越式鹹菜腐竹胡椒豬肚湯河：鍾意重口味的話，呢個啱晒你！胡椒同鹹菜呢兩樣重口味加埋又幾夾，真係連湯都可以飲埋😌呢間小食出色，湯河大大碗又抵食👍🏻 鍾意食越南野既不妨去試吓！

係門口企左幾分鐘，已經有唔少食客進入，小妹都唔執輸了💃🏻🥢炸軟殼蟹撈檬：大大隻軟殻蟹，中間係半肉半蟹膏🤩，蟹膏夠香，配埋甜酸撈檬和菜絲，唔會覺得油膩，性價比高👍🏻🥢火五火車頭牛肉粉：有生牛肉、熟牛肉、和牛牛肉丸、扎肉。當中熟牛好淋，牛肉丸則juicy爆油，充滿牛油香。職員亦細心將芽菜、九層塔和青檸分開上。🥢意大利黑醋汁蒜蓉牛油雞翼：味道濃郁，加埋青檸汁和黑醋又中和了油脂。呢度炸漿做得酥脆，推介炸物👍🏻

都有一排無係佐敦搵食，平價小店選擇多，是日想食越南嘢，見到呢間火五生意不錯，仲有分店，就揀左佢。環境細細間，座位不多。餐牌唔止越南湯河，仲有多款小食，油飯。火五火車頭牛肉粉 $62 生牛肉、熟牛肉、和牛牛丸、扎肉。好多餸，和牛牛丸必食，咬落去肉味濃，有肉汁！湯底清、不油，可以再濃味d！越式魚翅花膠雞湯河 $59 另一碗叫左比較特別嘅魚翅花膠雞，花膠都有4,5件，不過有d失望唔見魚翅，整碗湯好清淡，啱鍾意清清地嘅人。手作大蝦米紙卷 $38 另外小食叫左大蝦米紙卷，入面有放炸蒜，但偏硬，以致食起上黎有d吃力，大蝦就正常。凍越南椰汁冰/青檸梳打 $19 [/⼃i]飲品係速成類，椰汁冰唔係即打smoothie 果種，青檸梳打會比較啱飲。