火五越式牛肉粉專門店 (其昌樓)

營業中

休息中

火五之前都係太子同朋友食過，已經覺得性價比好高，因為份量夠大，而且價錢相宜，佐敦都開左分店，咁岩經過見到就食埋lunch。火車頭湯河佢既招牌必食之選，講真2個女仔share食都無問題，份量多多，有牛肉，牛丸同牛腩，湯頭都好清，加左青檸同辣椒，就更有越式味道。蒜香牛油蝦球呢個小食好香口，蒜蓉加牛油既配搭係無得輸，一份有5隻，唔算好平，不過都幾大隻。意大利黑醋蒜蓉雞翼同樣有5隻，雞翼好大隻同啖啖肉，黑醋既酸味令雞翼變得無咁油膩，而且咬落有肉汁，作為前菜不錯。