瀧宴日本料理

營業中

休息中

今日約咗好耐無見的朋友黎食呢度食晚餐，餐廳樓底高空間感好夠，而且佢可以遠眺維港，仲望到維園，今晚黎食下佢個Tasting Menu先，就咁睇Menu就見到有好多種類的唔同食物，聽職員介紹全部都係用上時令食材。自家製醬汁煮南非鮑魚鮑魚切好一塊塊，好淋入味得黎唔會過咸，佢連個配菜白蘿蔔都整到好出色😍季節刺身三款(秋刀魚 吞拿魚 鯛魚)我平時好怕魚腥的人，呢個秋刀魚刺身一啲腥味都無，仲有好濃郁的魚味☺️金鎗魚腩手卷職員介紹已經做左調味，醬油都唔使點，就咁用手拎住食，真係好鮮味，睇到啲飯粒係粒粒分明。海鮮茶碗蒸職員好細心，幫我哋打開個蓋，怕我哋會熱親，睇上去唔係好大碗，點知食落又大碗又足料，調味亦都做到非常恰當。澳洲龍蝦一上枱就已經聞到好香的燒牛油味，已經整好啲肉出嚟好方便食，龍蝦肉爽口彈牙。香煎鵝肝伴自家製醬汁個鵝肝一咬入口即溶，伴以整到好香脆的多士食，再配上自家製藍莓汁食，可減低油膩感，呢個大推。美國頂級牛柳薄燒係包住啲蔥黎食，好軟熟又好香。厚燒配上蒜片食又係好正😍😍煙肉香蒜炒飯炒得好香，好有鑊氣，煙肉帶點咸香，食完呢個就開始好飽🤣🤣炒什菜正常發揮精選甜品係提子啫喱，職員介紹係廚師自家製，啫

久聞瀧宴鐵板燒店的食物味道水準不錯，碰巧優惠正進行中，就決定訂位一嚐。今次選了晚市鐵板燒套餐，冷盤有刺身，熱盤有經鐵板烹調的肉類及海鮮，湯品，炒飯，蔬菜，還有甜品，看來很豐富。✨自家製醬汁煮南非鮑魚南非鮑魚經過自家製醬汁烹調，散發濃郁的味道，口感較軟腍✨季節刺身是晚的季節刺身是赤身和深海池魚，新鮮的赤身和深海池魚肉質細嫩，鮮味不錯✨金鎗魚腩最中餅外貌可愛，有綿綿的金鎗魚腩魚蓉，放在最中餅上，能一口吃下品嚐魚肉的風味✨海鮮茶碗蒸蒸蛋很滑口，拼搭著魚肉蟹肉絲和菇類，味道豐富✨澳洲龍蝦龍蝦口感彈牙，搭配蟹頭膏醬煮後，鮮味更出眾✨美國頂級牛柳厚燒的牛柳肉質軟腍多汁，味道濃郁✨西班牙黑毛豬薄燒的豬肉油香均勻，配上香蔥超香口。也可以用伴碟的炸蒜片，鹽加入獨有的調味✨香煎鵝肝伴自家制醬汁鵝肝油香豐富，口感細膩，搭配意大利黑醋，能中和油膩感和調味✨季節吸物較清甜的熱湯，搭配時令蔬菜✨煙肉香蒜炒飯香氣四散，煙肉和香蒜使飯味更濃郁✨炒什菜清新的芽菜搭配蒜蓉醬，有惹味感覺✨是日精選甜品提子啫喱感覺清涼，啫喱彈牙的感覺特別

最近工作壓力太大，今日俾自己放縱吓，放一日假抖抖，今日晏畫行經銅鑼灣，記得曾經mark低過一間好想試嘅日本鐵板燒就在銅鑼灣糖街，於是走去試吓呢間嘅午餐先。一入到呢間餐廳，俾佢個無敵兼居高臨下嘅景色吸引住對眼球👀，可以望到全維港景色兼整個維園景，淨係個景已經加晒分喇。今日試食咗個$488午餐，足足有9道菜，呢個價錢極為吸引。➰ 季節前菜 （煙燻吞拿魚沙律）兩件厚厚兼肥美嘅吞拿魚刺身，既有濃濃嘅煙熏味，再配以師傅自家製嘅蒜蓉醬，同埋同埋炒製過嘅紫洋蔥，提升咗口感層次，使到味道更加豐富。➰ 季節刺身二款 （深海池魚+吞拿魚赤身）深海池魚肉质鲜嫩，口感细腻，而吞拿魚赤身則带有淡淡的油脂香。➰ 精選壽司2款 （伊佐木壽司 + 鯛魚壽司）伊佐木壽司口感細膩，魚味濃郁，帶有魚油的芳香，滑而不膩。而黑松露鯛魚壽司同樣係肉質滑嫩，加埋黑松露的香氣嘅融合，口感極為豐富，層次分明。➰ 香煎法國鵝肝師傅把鵝肝煎到外焦里嫩，口感细腻，油而不腻，搭配埋意大利陳醋汁的酸甜，能中和鵝肝嘅油膩感，再加埋師傅特別醃製過嘅日本黑豆，口感甜甜哋，更可解膩。➰ 香草牛油帆立貝師傅用少許牛油把帆立貝煎香，肉質夠鮮嫩，口感好Q彈，

❤️今日真係超級開心🥰同老公 阿女一齊食鐵板燒🦞係銅鑼灣近維園個邊 都幾容易搵一入餐廳就有種嘩嘅感覺 居高臨下嘅風景好正🤣Staff見到我地湊住阿女 比左紫菜阿女食🤣仲會時不時氹阿女笑 令我覺得好貼心☺️廚師亦都會同我地互動 介紹下今日嘅食材😍我地嗌左兩個Dinner Tasting Menu🍴自家製醬汁煮南非鮑魚評分：👍🏻👍🏻👍🏻👍🏻👍🏻頭盤呢個鮑魚已經好用心，係用左自家製醬汁煮嘅南非鮑魚，咬落去唔會好韌，仲好入味😋刺身評分：👍🏻👍🏻👍🏻👍🏻👍🏻𩶘魚，中拖羅非常鮮甜肥美，香滑無筋，肉質仲好軟綿，連我唔太好刺身嘅人都忍唔住食曬😆金鎗魚腩配餅評分：👍🏻👍🏻👍🏻👍🏻👍🏻好特別用餅唔係用紫菜，因為會更快唔脆，呢個仲更美觀，金䱽魚腩亦都係好肥美，用粒狀形式口感好豐富海鮮茶碗蒸評分：👍🏻👍🏻👍🏻👍🏻👍🏻勁嫩滑嘅蒸蛋，仲有啲海鮮係入面，阿女食到舔舔脷😋澳洲龍蝦🦞評分：👍🏻👍🏻👍🏻👍🏻係新鮮係水游水嘅龍蝦🦞廚師將龍蝦膏連龍蝦肉一齊煮，索曬啲膏勁入味，龍蝦肉質超級新鮮彈牙，連埋龍蝦膏食真係令口感再昇華🤤香煎鵝肝伴自家製醬汁評分：👍🏻👍🏻👍🏻👍🏻👍🏻底下嘅脆法包餅吸收左鵝肝嘅油分，入口就冇咁油膩，味道肥美煎

一入門，望到藍天白雲，加埋迷人景色 同遊艇會，未食已經覺得 心情愉快Lunch Special Menu：九道菜一次過有齊刺身、壽司、鐵板燒🔹 梅子素麵素麵 冰凍，掛滿梅子汁，十分清新，係一個十分開胃嘅前菜👍🏻🔸 Sushi：吞拿魚 + 黑松露鯛魚吞拿魚 油脂重，入口軟滑。黑松露配鯛魚 多層次味道，朋友話最鍾意😍🔸 Sashimi：油甘魚+鰹魚十分厚切，入口軟滑，又鮮甜，好有口感，好滿足😋🔹 鐵板 煎虎蝦虎蝦肉 爽口彈牙，味道滋味🔹 北海道 帆立貝口感爽口，鮮味，配上菠菜湯汁，好 match，好清甜🔹 香煎法國鵝肝 配自家制藍莓醬鵝肝外層焦香、脆口，入口即融，充滿油脂香，而多士焦香脆口，仲有有2粒黑豆，口感軟軟地，味道有調味，幾特別。🔹 US Prime Beef6成熟，肉色粉嫩，肉質軟滑，外面有鐵板燒嘅香口，內裏有牛脂味。🔸 鐵板 櫻花蝦炒飯櫻花蝦十分香口，炒飯乾身同粒粒分明，再加上其他配料，例如：洋蔥粒、葱粒……，口感豐富，不油不膩🔸 炒雜菜 配 糊椒醬芽菜條條肥厚，糊椒醬惹味🔸 海帶麵豉湯每道菜，職員都會細心地講解。職員對顧客嘅專注度好高。

Teppanyaki dinner, recommended by PickyEater. 2 Teppanyaki counters. Various sets to choose from.Here’s what we had ($1480 set).Trio of Appetiser: 靜岡 Tomato, 水雲 and Tuna pre-marinated in soy sauce.Pickles Quail consommé cooked for 6 hours, leaving an indelible impression on my taste buds.South African AbaloneKing PrawnCod Fish- superbly cooked with super Crispy skinScallop With Herb ButterU.S Prime Beef- sliced and in pieces. Garlic pieces were perfectly done; wished we weee given more.Sakura Eb

呢日唔係咩特別日子﹐就係純粹想食omakase慰勞下響香港生活既自己水雲菜、昆布、京都腐皮作為開胃前菜，水雲菜柔軟黏滑；腐皮上有一小海膽，完全提升層次！刺身係大池魚同吞拿魚池魚爽口，沾上點點芥末更添鮮味壽司係針魚同池魚針魚比較少食，入口都是爽口彈牙，味道淡雅清甜，唔錯！off topic我覺得食餓媽家姐最享受既環節之一係睇師傅準備食物我叫佢做中場蔬菜到熟食喇呢堆就係準備進入我個肚既野個塊魚皮真係精華同重點…鱈場蟹其實我是港女，一食貴野就想影相呢舊係美國牛柳 煎得太太太靚沾一點海鹽食 簡直上升天堂西班牙火腿炒飯係正你面前炒呀炒，呢個過程已經令你流曬口水終於到甜品了其實到呢刻已經好飽 以為d野細細碟咁上唔覺但其實份量剛剛好愈食愈脹個肚 每一道都好精緻同勁好食但價錢係超級合理個人覺得有得翻啅

我有個群組有個朋友極力推介我哋去吃日本料理鐵板燒，佢哋話呢間餐廳係間食物高質素、好好食、環境一流、好受客人歡迎嘅餐廳， 由經驗豐富嘅廚師掌舵，我朋友仲話這間餐廳開業一週年，全日午市晚市正價套餐都有八折優惠。這間餐廳名叫瀧宴，位於銅鑼灣糖街25-31號Sugar + 26樓，銅鑼灣地鐵站E出口，行幾分鐘就到，非常方便，今午就同親友去食。這間餐廳在商業大廈的26樓，一出電梯，已經見到環境寬敞明亮，裝修得金碧華麗，以日式風格為主，枱椅擺放亦闊落，外面景觀開揚，從窗邊位置，透過落地大玻璃觀望到維多利亞公園的美麗景色，同埋靚海港景色，好令人感到舒適寫意食得開心，而店員有禮貌服務態度好，佢地會時刻留意客人，時常為客人加茶水及清理枱面。這間餐廳嘅餐牌食物嘅款式非常多，睇落食物好吸引，尤其是Lunch Special Menu，有9道好味菜式，包括有季節前菜、刺身、壽司、鵝肝、大虎蝦、帆立貝、頂級牛肉、炒飯配湯、炒什菜，真係超級大滿足，我哋就叫來食。首先來季節前菜，個賣相好精緻，杯日本麵顏色好靚嘅粉紅色，食落爽滑可口，連埋小黃菊花粒同小紫菜條，味道清爽，令人開胃，好正嘅前菜。🌟刺身有油甘魚和吞拿魚，兩

最近去咗Sugar+ 26樓嘅瀧宴食晚飯，望住維園夜景，仲可以遠眺埋維港嘅景色，真係好靚！餐廳個環境優美到不得了，仲有師傅即場席前烹煮，呢種體驗真係唔同凡響，整體感覺非常高級。自家製醬汁煮南非鮑魚，南非鮑魚個口感好彈牙，鮮味十足，啲醬汁鮮甜得嚟又唔會搶鮑魚嘅味道，配埋啲蘿蔔，已經吸收哂湯汁，味道好入味，真係一流！  接住落嚟就係 季節刺身3款，有真鯛、深海池魚同埋中吞拿魚腩，三款都係好高質嘅魚生，真鯛嗰種鮮甜真係出乎意料，深海池魚口感非常爽口，中吞拿魚腩更係油香豐富，魚味濃郁，每一啖都好滿足！  之後嚟到嘅係 金鎗魚腩手卷，用吞拿魚腩做手卷，真係將油香同脆餅結合得恰到好處，個層次感非常豐富，一咬落去，好似可以食到好多層唔同嘅口感，真係好滿足！  海鮮茶碗蒸 真係令我哋好驚喜，蛋嘅香味超濃，口感嫩滑到不得了，加上海鮮嘅鮮甜味，真係食落去好正，完全係一個完美嘅配搭！  到呢度，重頭戲出場啦——澳洲龍蝦！呢度最特別嘅係，佢哋有個水缸，師傅即場捉龍蝦，真係睇住佢即捉即煮，嗰種鮮甜爽口係即刻感受到。龍蝦肉夠彈牙，仲要啲蝦膏味道濃郁到令人一啖接一啖，真係超級好食！  接住落嚟嘅係 香煎鵝肝伴自家制

瀧宴，份於銅鑼灣糖街，餐廳走高格調日式鐵板燒路線，環境舒適優雅。餐廳服務確實一流，上每一碟菜都會細心講解，建議進食方法先後次序等等，賓至如歸的感覺。提前網上訂座，更有折扣優惠，物超所值。餐廳上每一碟菜都好似一幅藝術品，擺盤相當精美。前菜自家製醬汁煮南非鮑魚，鮑魚超級入味，軟嫩，連擺盤下面配菜粒蘿蔔都好好食。海鮮茶碗蒸，有別於一般茶碗蒸，海鮮比較濃，而且鮮甜。主菜有澳洲龍蝦，廚師傑作先將龍蝦膏挑出，鐵板燒龍蝦肉時再擺回龍蝦膏，味道超濃，龍蝦肉新鮮彈牙。香煎鵝肝配多士，鵝肝入口即溶，多士脆卜卜好食。美國頂級牛柳，有齊薄燒及厚切，牛肉味濃，厚切多汁、薄切配香蔥，口感味道不同。炒什菜，大大粒芽菜，脆嫩多汁好好食。

首先一入到餐廳好光猛舒適，採光好好，有落地大玻璃，餐廳樓層高望出去高過晒附近嘅大廈，好靚，唔會覺得密集壓迫。南非鮑魚好大隻，食落鮮嫩多汁，個自家袐製醬汁好味，香濃又唔會鹹，好欣賞已經切定咗一片片，方便食用。季節刺身有3款左口魚、油甘魚同埋吞拿魚，全部都好大片仲係厚切，好夠厚度，魚油分佈均勻，食落唔腥，唔會似平價食到有筋嘅位。淡雪鹽吞拿魚配飯有個花花形餅底，打卡一流，個擺盤都好靚好精緻，個吞拿魚特別有口感，味道啱啱好。另外要提一提個服務態度超好，食完個吞拿魚餅手有油，員工就注意到即刻比濕紙巾抹手仲會好及時添茶，又會問你茶夠唔夠濃。鵝肝多士，鵝肝油脂分布均勻，食落唔油膩，唔乾唔硬，有入口即化嘅感覺，有兩粒黑豆清味用，食完鵝肝多士先食，味道清清甜甜，幾好。澳洲龍蝦，好大隻，啖啖肉，肉質彈牙夠新鮮，食落啲汁好鮮甜。海鮮茶碗蒸，都幾大碗好足料，好啱鍾意食海鮮嘅人。海鮮蜆清湯好飲，海帶爽口，湯汁鹹鹹地然後味道回甘甜，正👍🏻煙肉香蒜炒飯，廚師個打蛋技巧好勁，夠晒香口，啱啱炒起特別好食。甜品巨峰提子果凍，巨峰提子味超濃，果凍本身食落無味道，配搭提子汁香濃得嚟又帶有清甜。

去完日本旅行之後對日本菜念念不忘，喺香港食返高質嘅日本菜都唔係咁簡單，今次就嚟咗瀧宴試下佢哋嘅dinner tasting menu，順便慰勞下努力工作嘅自己🙏🏼餐廳嘅位置喺Sugar+26樓全層，入到去發現現場只有~10個bar檯位，人少少好舒服，每個位都可以望到師傅處理食材1. 自家醬汁煮南非鮑魚- 大大隻，切開4件- 蘿蔔入味- 味道唔會太甜/太鹹2. 季節剌身- 雕魚、鯖魚、拖羅- 細心提示食用順序，每款剌身配唔同醬增加層次感，而且可以減輕魚嘅腥味- 每片都好有份量，拖羅冇筋👍🏼3. 金鎗魚腩手卷- 原來係蔥拖羅壽司- 但係配合糯米+日本和菓子威化餅，好特別嘅組合4. 海鮮茶碗蒸- 上面淋咗蟹肉醬汁- 蛋夠滑5. 澳洲龍蝦- 用龍蝦膏去炒- 每人足半隻開邊龍蝦份量- 肉質細嫩唔會癡牙6. 香煎鵝肝- 鵝肝好肥美juicy，厚厚一片- 好有心思地配襯入口清甜嘅日本黑豆，食完鵝肝可以解膩繼續食其他菜式🥰7. 厚燒+薄燒牛柳- 同朋友去就可以試晒厚燒同薄燒- 一如既往，肉質唔會痴牙- 個人更推薦薄燒8. 季節吸物- 店員介紹係鮮熬嘅鯛魚湯- 味道濃郁，湯料有山藥9. 煙肉香蒜炒飯-

瀧宴位於銅鑼灣，落地大玻璃俯瞰維港海景及球場景色，令人心曠神怡，返工一族午餐嚟依度放鬆一下即刻精神抖擻💪🏼餐廳食物行中高尚路線，套餐有多款不同海鮮，例如大虎蝦帆立貝等高級食材，絕對係返工辛苦想食餐好啲慰勞吓自己嘅首選！套餐先嚟一個季節前菜，非常爽口開胃。鵝肝燒得好香，鵝油慢慢滲落脆卜卜嘅香烤多士，令到多士都超香鵝肝味，而且兩者平衡得剛剛好，唔會太膩食到停唔到口😋太虎蝦真係大大隻，新鮮得來用烤嘅方法整逼曬啲蝦嘅鮮味出嚟，入口好香好惹味～而香草牛油帆立貝就用牛油燒，令帆立貝仲帶有油香，兩種食法都超好味，各有千秋。銀鱈魚燒得外脆內滑，入面魚肉鎖住肉汁，入口即溶，天然嘅魚油香都唔使再多落油已經香氣撲鼻，齒頰留香，食完有一種幸福滿瀉嘅感覺🤩美國頂級牛肉好嫩滑，口感一流，食材本身高質好有牛味，燒嘅火喉亦都拿捏得剛剛好，五成熟不多不少，將美味值推滿😍總括而言，成餐飯每一道菜都好高質，價錢亦都合理，最後仲有炒飯同埋炒雜菜，保證食得飽飽之餘又有均衡嘅營養，推介大家同埋男女朋友成班同事一齊試下~

呢日黎到CWB呢間瀧宴, 係食omakese 既! 朋友一早已經訂左位慶祝另一位朋友番黎香港~ 呢位朋友好耐都冇食高質日本野, 所以我地即刻搵間好野俾佢嘆下! OMAKASE 其中一個精髓係一定要坐吧枱, 因為可以望到師傅做既每個步驟,又可以同師傅傾下計, 一路睇一路食一路傾真係人生一大享受! 朋友超滿意, 佢既前菜一黎到我都已經覺得好吸引!真係好多唔同既口感,豐富到我地既味蕾! 刺身又夠新鮮, 好飽滿充滿油香, 新鮮都真係好重要!壽司同醃漬物都好岩我心水!個湯係魚湯,勁香魚味, 唔腥又超甜! YUMMY! 跟住就係鐵板, 係勁大舊既蟹肉, 真係好鮮甜既蟹味, 配埋D 汁估唔到咁夾! 魚又好食! 厚切牛同薄切牛都係咁好食!跟住就係個炒飯, 充滿油香又足料! 配埋最後個甜品作結真係好滿足, 朋友勁滿意!