影片
更多
2024-10-22
264 瀏覽
紀念日當然要食餐好，黎到銅鑼灣呢間高質鐵板燒， 用餐體驗非常好， 除咗可以享用美食， 更可以飽覽港島夜景。週五嘅晚上餐廳好full，吧枱已經比人預訂哂。我地直接揀咗做緊promotion嘅晚市套餐，而家做緊$880 ！！（原價$1380）自家製醬汁煮南非鮑魚南非鮑魚非常大隻，鮑魚味濃郁、鮮甜味明顯，而且厚肉爽身。新鮮嘅鮑魚口感更加柔軟彈牙， 加上師傅自家製嘅醬汁， 鮑魚好入味。季節刺身 3 款分別係深海池魚、中吞拿魚，以及吸盤八爪魚。 深海池魚油脂豐盛，入口魚油甘香細膩，口感柔滑；中吞拿魚新鮮厚切，魚味香濃，完全無筋；吸盤八爪魚非常爽口彈牙。金艙魚腩手卷有別於一般嘅手卷，師傅以鬆脆最中餅代替傳統紫菜，令口感更有層次。魚腩蓉油脂豐溢，幾乎入口即化，師傅已事先調味好，成個口感味道都搭配得好好。海鮮茶碗蒸蛋味香濃，口感滑嫩，重點係入面佈滿左好多蟹肉絲，將茶碗蒸既鮮味大大提升，魚肉絲同菇類亦提升左茶碗蒸既口咸。野生生猛龍蝦大大隻新鮮龍蝦，師傅好細心已經幫我地拆好肉，進食好方便，每一啖都啖啖肉。龍蝦燒到好香，燒得剛剛好，龍蝦肉質非常彈牙緊緻，而且咬落好juicy。以龍蝦蝦膏作醬料將龍蝦鮮味發揮到
週五嘅晚上餐廳好full，吧枱已經比人預訂哂。我地直接揀咗做緊promotion嘅晚市套餐，而家做緊$880 ！！（原價$1380）
自家製醬汁煮南非鮑魚
南非鮑魚非常大隻，鮑魚味濃郁、鮮甜味明顯，而且厚肉爽身。新鮮嘅鮑魚口感更加柔軟彈牙， 加上師傅自家製嘅醬汁， 鮑魚好入味。
季節刺身 3 款
分別係深海池魚、中吞拿魚，以及吸盤八爪魚。 深海池魚油脂豐盛，入口魚油甘香細膩，口感柔滑；中吞拿魚新鮮厚切，魚味香濃，完全無筋；吸盤八爪魚非常爽口彈牙。
金艙魚腩手卷
有別於一般嘅手卷，師傅以鬆脆最中餅代替傳統紫菜，令口感更有層次。魚腩蓉油脂豐溢，幾乎入口即化，師傅已事先調味好，成個口感味道都搭配得好好。
海鮮茶碗蒸
蛋味香濃，口感滑嫩，重點係入面佈滿左好多蟹肉絲，將茶碗蒸既鮮味大大提升，魚肉絲同菇類亦提升左茶碗蒸既口咸。
野生生猛龍蝦
大大隻新鮮龍蝦，師傅好細心已經幫我地拆好肉，進食好方便，每一啖都啖啖肉。龍蝦燒到好香，燒得剛剛好，龍蝦肉質非常彈牙緊緻，而且咬落好juicy。以龍蝦蝦膏作醬料將龍蝦鮮味發揮到極致，真係令人欲罷不能。
季節吸物：蜆肉昆布清湯
湯品鮮味暖胃，蜆肉無沙。
香煎鵝肝伴自家制醬汁
呢個鵝肝真係不得了，油脂感max，一咬開外脆內軟，鵝肝既油脂香氣充斥成個口腔，幸福感滿滿。雖然會有啲膩，但脆脆嘅面包同酸甜嘅醬汁正好可以中和。
美食牛柳
牛肉係精選嘅美國頂級牛柳，同平時食開嘅有明顯分別，肉質比較嫩。而鐵板將牛柳表面燒得好香，鎖緊肉汁。師傅將牛柳切成一口大小，一啖一粒好滋味。
西班牙黑毛豬
黑毛豬肉質緊緻綿密，油脂分佈細密均勻，味道非常濃厚鮮味。可以按個人喜好沾上鹽及蒜片食用。
煙肉香蒜炒飯
炒飯炒至金黃色，粒粒分明，煙肉及香蒜將炒飯嘅香氣提升。
炒什菜
炒什菜相對較為普通，但師傅自家調製嘅蒜蓉醬好好味
是日精選甜品： 巨峰提子啫哩
啫喱清新香味，果汁豐富，係個好好嘅收尾。
張貼
