瀛鍋

營業中

休息中

有親子樂園嘅火鍋店🌟呢間餐廳好貼心，設有小朋友專區，大人可以專心食嘢😆另外仲有唔同大細嘅獨立房，好適合一班朋友gathering、親友聚會、生日派對等等😍今晚我哋兩個人叫咗以下食物：花膠瑤柱冬瓜鍋 $248鮮活鱆紅刺身 $198三文魚 （四件）$98大元貝（四隻） $272日本霜降肥牛（細）$288雜丸 $98真係要讚一讚呢度嘅食材好新鮮，尤其係大元貝！海鮮新唔新鮮，真係好容易食得出～大元貝勁高質，厚肉大隻又鮮甜👍🏻 霜降肥牛雪花超靚，肉質極嫩滑，入口即溶😍自家手打丸都好好味😋尤其係個蝦丸，味道鮮甜彈牙！瀛鍋 (九龍城)九龍城福佬村道82-84號福成閣地下A-B號舖

今日講下呢間打邊爐餐廳餐廳樓高兩層，樓上有好多間房間，全部獨立包廂，啱曬傾生意嘅商務客人而樓下都有一個親子樂園空間可以帶埋小朋友過嚟玩樂或者搞生日party聚餐都可以✨天麻川弓白芷魚頭鍋呢個湯底幾健康又特別藥膳和魚頭做湯底天麻和白芷帶有微苦的香氣，與鮮嫩的魚肉融合，好獨特的養生湯底牛什拼(B檯)(拼豬)(拼羊)今次叫咗唔同嘅肉類拼盤滿足曬小編食肉獸需要♥️另外小編再嗌咗棉花魚肚和手打四寶丸魚肚肥美軟嫩、四寶丸口感獨特，不過較細粒最後叫埋大元貝，味道好鮮甜另外，洛神花大大杯一路打邊爐一路飲佢好開胃

今次約朋友打邊爐推介話呢間親子寵物友善火鍋店，話呢度可以帶寵物，又有兒童corner,可以大人食野，小朋友都有地方放電，咁我可以安樂同朋友打邊爐，小朋友又有得玩。原來佢地上邊有不同主題嘅房，下次可以約多d朋友開party。佢地d野食都幾多種類，又有刺身，我地就叫咗幾款試吓。刺身拼盤分別有三文魚，希靈魚，北寄貝，紋甲魷魚，擺盤非常靚，食落好新鮮，d刺身仲要厚切，正。天麻川弓白芷魚頭湯底一上枱已經好香藥膳嘅味道，未打邊爐之前飲啖湯，非常濃郁，睇個湯底都幾足料，都幾好味。手打蝦丸拼墨魚丸d丸勁彈牙，入面仲有芝士涵，一咬落去溶咗嘅芝士流晒出黎，勁正。豬牛羊拼盤呢個拼盤，可以試晒3款肉，啱晒想試多d款嘅我，d牛脂肪好均勻，食落好重牛味，而羊同豬嘅肉質都唔錯，d肉好有彈性。脆肉鯇d魚肉勁新鮮，食落好脆口，而好有魚味。帆立貝呢度非常細心，佢地將d帆立貝裙邊都切埋，同帆立貝肉分開，因為佢地熟嘅時間唔同，可以分開淥，食落好鮮味，勁新鮮。魚肚要黎吸湯一流，食落質地帶少少爽口，份量都幾多，片片都好大片。

今日去左打邊爐，揀咗間係九龍城嘅火鍋店。瀛鍋就係一間結合中日式火鍋嘅餐廳。佢地有大、中、細間包廂，每間主題都唔同，仲有冷氣同電視。而且佢地仲有個兒童玩樂場，可以帶小朋友嚟玩，仲可以帶埋寵物嚟㗎。家長可以同朋友一齊食火鍋，一邊睇住小朋友同寵物玩，好方便。佢地仲有代客泊車服務，真係貼心。打邊爐嘅蘸料都好重要，佢地有9款，包括豉油、花生醬、麻醬、蒜蓉、辣椒油等，可以隨個人口味喜好混搭，增加食材嘅風味同口感。🌟椒鹽海蝦 $168海蝦好大隻，咬落去好爽口，連個殼都鬆脆，蝦頭內都有好多蝦膏。同避風塘蒜粒一齊食，味道更加誘人。🌟自家種蘆薈海底椰窩 $128佢地嘅湯底好特別，有麻辣、鮮甜同鹹香等選擇，滿足唔同口味嘅需要。而我哋今次選擇嘅嗰一款湯定係自家種嘅蘆薈海底椰鍋，清淡得黎亦都帶啲甜味。🌟手切鴛鴦牛（小） $368肥牛切成薄片，有咬勁同鮮嫩嘅肉質。鴛鴦牛就係切成兩款厚度唔同嘅肉片，一邊係嫩牛肉，一邊係牛脷肉。煮熟之後，肉質更加彈牙，帶出兩款牛肉嘅風味。🌟棉花魚肚 $78棉花魚肚質感鬆軟，湯底配合帶出鮮味。🌟什餃（B檯）（韭菜餃）（雲吞） $98韭菜餃裡面包滿韭菜，餃皮薄軟，雲吞餡料鮮美，餛飩皮滑嫩

經朋友介紹，去咗九龍城呢間親子餐廳打邊爐。呢度嘅地方好大，仲有個兒童遊樂區，我哋可以一邊食嘢，一邊睇住小朋友玩，呢個設計真係好貼心。刺身拼盤：刺身拼盤擁有多種豐富的海鮮選擇，包括三文魚、希靈魚、紋甲魷魚、北寄貝、池魚和鱆紅鮮。每一樣刺身都新鮮又美味，帶有鮮甜的海洋風味。鮮味卜卜蜆鍋：鮮味卜卜蜆鍋蜆肉鮮嫩多汁，湯底鮮甜濃郁，讓人回味無窮。鮮蝦雲吞：雲吞皮薄而有嚼勁，內裡包著鮮嫩多汁的蝦肉，口感極佳。韭菜肉碎餃：餃子皮薄而有彈性，內裏填滿了韭菜和肉碎的香氣。每一口都帶來了滿滿的鮮美口感。稻庭烏冬：彈牙的烏冬麵條，打邊爐的最佳配搭。大大杯鹹檸七：清新又開胃的飲品。它帶有濃厚的檸檬香氣和微微的鹹味，給人一種獨特的口感體驗。

瀛鍋🥘九龍城除咗泰國菜之外，火鍋都好出名！今日要介紹嘅呢一間火鍋，舖頭面積超級大，大到直程有個兒童遊樂區，啱晒一家大細過嚟食飯！ 佢哋唔止歡迎BB仔，連貓仔狗仔佢哋都歡迎㗎！👨‍👩‍👧‍👧🐶🐱🐰見佢哋都有好多款唔同嘅刺身，我哋就揀咗八件超厚切三文魚$168，好耐都冇食過厚切到呢個程度嘅三文魚啦！除咗刺身之外，佢都仲有好多唔同款式嘅小食，我哋今次就揀咗椒鹽三文魚骨腩🐟$78，咬落非常香脆，啱晒送酒啊🍻🍻店員就介紹佢哋舖頭最出名嘅花膠濃雞湯🐔$368，入面有勁多大大嚿嘅花膠、半隻雞、竹笙等材料，非常豐富！配料方面我哋就特別推介手打四寶丸$78🍢總括而言，呢一間火鍋店，我覺得幾適合一家大細做節食飯過嚟試吓因為佢哋可以照顧到大人👨🏻細路👶🏻甚至毛孩🐶唔同嘅需要，而且食物都有質素！❤️

呢日路經九龍城，突然落大雨，同大少、小妹去咗食嘢避雨，啱啱好就去咗呢間親子打邊爐餐廳。間餐廳非常寬敞，仲有個兒童遊戲區，可以俾小朋友玩，家長可以邊食邊睇住佢哋，真係好方便。鮮味卜卜蜆鍋：這道菜以鮮蜆、粟米和蘿蔔為主要材料，湯底濃郁鮮美。脆鯇魚片：魚片切得薄而寬，質感鮮嫩。每一片魚片滾完之後，都帶有微妙的甜味，入口後在口腔中融化。手切霜降肥牛：霜降肥牛切得薄片，鮮嫩多汁，入口即溶，好正~鮮蝦水餃皇：大大隻，水餃皮薄而有彈性，內餡多汁鮮美。蝦肉的鮮甜與水餃皮的口感相得益彰，每一口都充滿了滿滿的鮮蝦香氣。椒鹽三文魚骨：三文魚骨經過椒鹽炸至金黃酥脆，外層酥脆，內裏鮮嫩多汁。椒鹽的調味帶來了微辣和微咸的風味，開胃美味。有機洛神花茶：具有獨特的花香和酸甜口感。洛神花有助於解渴，清新怡人。

九龍城動物友善高尚火鍋名店好久沒有去九龍城打邊爐,剛好今天寒冷~見到此店門口有幾隻哥基犬等候入座,被動物所吸引而入內消費~幸好為食妹的朋友Puffy都可以入內~除了有小朋友遊樂區外,樓上還有包房(不同主題)都幾特別~今晚選了少有的湯底和刺身拼盤,埋單約500元一位,雖然價錢較高但都幾高質素!刺身拼盤三文魚好肥美,蟹籽帶子就好清甜~還有海石蚌,希靈魚同墨魚,每一款都好新鮮~每片魚肉厚度平均,肉質通透,配埋柚子醋一齊食好夾~天麻川弓白芷魚頭鍋等了20分鐘才上桌都好值得,因為藥材味非常突出,味道鮮甜!未上菜已經不停飲好暖身又保身子,香港好少見的湯底了~田園菜籃各種時令的蔬菜,包括油麥菜,娃娃菜,生菜,花菇,蕃茄及粟米,每款都好鮮甜~手打牛丸/手打豬肉丸/芋泥包心丸/鮮蝦雲吞包心丸入面包咗芋泥,本身都好彈牙,加上芋泥就更加好味~手工牛丸及豬肉丸就有嚼勁,特別是牛丸的牛味濃郁,豬肉丸就鮮美多汁,好出色~有機洛神花茶飲品清爽酸甜非常開胃,打邊爐一流~瀛鍋九龍城福佬村道82-84號福成閣地下A-B號舖#瀛鍋 #九龍城 #洛神花茶 #火鍋 #動物友善 #打邊爐 #天麻 #川弓 #白芷魚頭鍋 #刺身拼盤

原來九龍城嘅打邊爐，依家連兒童遊樂場同埋寵物遊樂場都整埋出嚟，可以帶寵物同細路係隔離玩，然後大人自己好開心咁吹水，真係好爽！呢間餐廳特登開設咗一個位會俾細路仔玩，嗰度有好多唔同嘅遊樂設施，超適合細佬同寵物喺度放電。除咗佢嘅遊樂場之外，佢啲嘢食都幾特別。呢度嘅海鮮好新鮮，而且湯底都唔錯。而且估唔到嘅係呢度居然有豬腦花同埋豬大腸，鍾意食內臟嘅話就應該覺得好正。當然呢度嘅火鍋亦都會有刺身同埋其他肉食等等，全部都幾好味，再加上呢度其實有兩層樓，所以第二層樓係包廂，如果成班人想有私隱度嘅話，特登book佢嘅包廂嚟食火鍋，都幾正！我前幾日去嘅時候我見大部份客都book咗包廂，都好full下🤣🤣飲品方面，呢度亦都會有自家製嘅洛神花茶，味道唔會太甜，啱啱好飲落都幾舒服，個人幾鍾意拎佢嚟解辣。

最近有朋友介紹食飯如果有小朋友嘅一定一定要試吓呢間火鍋店.佢個地方超大私隱度極高枱與枱之間唔會做到好壓迫. 你睇吓佢個小朋友嘅playground. 小朋友嘅廚房,設備齊全. 佢食完個烏冬可以同朋友既小朋友自己去嗰度玩.D食一啲都唔失禮，象拔蚌鮑魚超級新鮮. 梁丸似食咁鮮甜嘅鮑魚.雪花肥牛,你見到啲雪花油脂分布正到一個點.菜其實好平，但係最緊要洗得乾淨. 呢度做到好好.啲菜全部鯨乾咗水. 翠綠同乾淨食到好多心思喺度. 仲有啲水餃手打四保丸，全部都好好食我諗好快會再嚟encore.

Friend子知我鍾意食海鮮，於是呢晚便帶我到佢屋企附近嘅 【瀛鍋 】食海鮮火鍋大餐，滿滿期待啊！餐廳位於九龍城，從港鐵土瓜灣站走不用10分鐘便到達～ 餐廳地方寬敞，坐得舒服，上層更設包廂，只需人均消費$500，房間仲設有電視機添~而地下嗰層有個小型playhouse, 啱晒俾小朋友食飽飽來放電~ 餐廳仲係pet friendly，可以帶埋寵物陪主人食火鍋呢～食火鍋個湯底好重要，今次點左菜膽鮮魚濃湯鍋，佢集合左多種魚包括：九棍魚和梭羅魚等一齊煮成的，見到啲魚湯白雪雪已經好吸引，入口非常香濃鮮甜真係冇得輸，非常足料，而且一啲都唔唔腥！我地一開始已經飲左兩大碗喇！湯底仲有魚角和豆腐等配料，好好味，十分推介！食物方面，呢度除了平時火鍋常見食材外，仲提供各式刺身、象拔蚌、龍蝦、冰鎮南非鮑，種類繁多，而飲品就有酒精飲品及特飲等，都幾多元化～Friend子話呢度嘅海鮮好好食，所以今次點左鮑魚、海蝦、蟶子皇、刀貝、廣島蠔、魚唇，真係非常新鮮、有水準，尤其是鮑魚好彈牙，蟶子皇多肉鮮甜，魚唇比較少食，好滑，難怪friend子大力推薦！我地仲點左啲手打丸，香芋貢丸、芥末貢丸和牛粗丸都好爽口，大愛金沙流心魚

九龍城一向以美食聞名，今晚我哋去咗打邊爐，呢家餐廳獨特地結合左港式火鍋同日式料理🥳🥳三文魚刺身💯先黎一客三文魚刺身熱下身先，刺身厚實肥美，一份有八大片，一啲都唔吝嗇。鮮豔嘅顏色同光澤展現佢新鮮甜美嘅特點。椒鹽海蝦🫶海蝦非常大隻，咬落去肉質爽口，連外殼都鬆脆，蝦頭內仲有豐富嘅蝦膏。搭配埋避風塘蒜粒一齊食，味道更加誘人。菜膽鮮魚濃湯鍋🍲餐牌上有多達14種湯底供應，我嘅選擇困難症又黎，店員就建議我地試下菜膽鮮魚濃湯鍋，因為係每日限量供應，我地今日真係有幸飲到呢個湯。個湯一上枱就散發出濃郁嘅魚香味，湯色雪白，內有魚腐同豆腐，仲有鶴斗白菜。飲一啖充滿濃郁嘅鮮味，絕對係用上真材實料熬煮而成，令人飲完一碗又一碗，欲罷不能。對於平時缺少湯水嘅我黎講，真係要飲多幾碗。手打芝心鮮蝦丸拼手打黑白墨魚丸🉐墨魚丸彈牙十足，咬一啖竟然可以做出拉絲芝士，令人驚喜。蝦丸全用新鮮蝦肉製成，熱騰騰時芝士溢出，咬落時更係芝士盈溢。田園菜籃🥦🥒🥬🌽所有蔬菜都非常新鮮甜美，顏色翠綠，店員同我地講呢啲都係有機蔬菜，老闆自家農場出產，所以品質非常之有保證。鮮蝦水餃皇🥟🥟水餃皇既份量真係好大，大到好似湯匙咁大，內餡非常豐富，豬肉同雲

【九龍城•瀛鍋】@ππππππππππππππππππππππππππππππ九龍城靚靚瀛鍋 打邊爐一流 仲有兒童天地鮮味卜卜蜆鍋海鮮盛盒（蟶子、牛筋、生蠔、魷魚、豬皮、蝦）鮮蝦水餃皇蝦滑拼墨魚滑手打鮮肥牛粗丸田園菜籃【鮮味卜卜蜆鍋】這道熱鍋以其湯底聞名，鮮美而不油膩，由多種秘制配料熬煮而成，汤头濃郁而充滿了蜆的海鲜鮮味。蜆肉飽滿，入口即感其肉質細嫩，吸附了湯汁的精華，非常適合與朋友或家人一同圍爐享受。【海鮮盛盒】海鮮盛盒如其名，是一個集海之精華於一盒的豪華組合。從甜美的蟶子到彈牙的牛筋，從鮮嫩的生蠔到Q彈的魷魚，每一種海鮮都新鲜非凡，展示了不同的口感和風味。特別值得一提的是豬皮，經過了長時間燉煮，既保留了豬皮的彈性，又能吸滿了海鮮的精华，成為這盛盒中的隱藏版美味。【鮮蝦水餃皇】精選鮮蝦製成的水餃，一啖一個正好，薄皮包裹下是鮮嫩多汁的蝦肉餡料，伴隨著一絲絲鮮甜的湯汁，讓人忍不住一吃再吃。【蝦滑拼墨魚滑】這個拼盤將蝦滑與墨魚滑並列，鮮蝦打滑入味，質感幼滑細膩；而墨魚滑則較為緊實，帶有一絲絲的嚼勁。這兩種海鮮滑的對比，也是對口感的一次有趣探索。【手打鮮肥牛粗丸】每一顆肥牛丸都是手打而成，肉

第一次見有𝐏𝐞𝐭 𝐟𝐫𝐢𝐞𝐧𝐝𝐥𝐲同埋有小朋友玩樂區既火鍋店, 二樓仲有幾間包房, 有大有細由二人至十幾人都啱! 睇黎裝潢都落足本。刺身拼盤夠新鮮, 三文魚夠肥美, 仲有個蟹籽墨魚幾得意。 估唔到佢湯底咁正, 好少見既天麻川弓白芷魚頭鍋, 滾起即時飲番兩碗, 藥材味突出, 味道鮮甜! 連魚頭D肉都有鮮味, 証明係夠新鮮, 讚!瀛鍋牛王拼盤有齊手切肥牛, 金錢展, 霜降和牛同和牛粒同埋牛舌片。 和牛D油花多而均勻, 油分充足好重牛脂香, 連牛粒都好軟熟。手切牛軟滑juicy, 牛肉味濃。金錢展口感帶點爽彈,  牛舌都好嫩, 成盤都高質!另外佢都有自家手打丸, 雲吞等火鍋料都唔錯, 推介魚肚!! 索湯一流, 唔好浪費左佢個咁好味既魚頭湯!! 最後當然唔少得蔬菜拼盤, 配上哩個清甜湯底。野飲唔揀汽水, 識飲一定飲佢地自己煲既洛神花茶, 味道比一般飲開既濃, 酸酸甜甜非常解膩!! 今餐火鍋又好味又完全零罪惡感, 正正~~ 

以前去親九龍城都係食泰國野，今次終於試下其他野打下邊爐，入到去先知呢間邊爐店有個小朋友𝐚𝐫𝐞𝐚可以玩下煮飯仔(˶˚ ᗨ ˚˶)有獨立房仲可以帶埋狗仔黎，環境都幾舒服，冇啲連鎖店咁多人咁逼~ᵕ̈ 日本池魚王 $𝟐𝟖𝟖ᵕ̈ 海鮮盛合 $𝟑𝟗𝟖ᵕ̈ 全天然霜降肥牛肉(細) $𝟐𝟖𝟖ᵕ̈ 自家種蘆薈海底椰鍋 $𝟏𝟐𝟖ᵕ̈ 手打四寶丸 $𝟕𝟖ᵕ̈ 布包豆腐 拼 娃娃菜 $𝟑𝟓ᵕ̈ 台灣冰豆腐 拼 魚皮餃 $𝟑𝟓ᵕ̈ 稻庭烏冬 $𝟑𝟎打邊爐最緊要就係個湯底，平時成日食麻辣𝐱白湯鍋既我今次諗住食清啲，試下佢地既蘆薈海底椰鍋，估唔到配冰豆腐好夾，清得黎嗰椰味好重好入味~海鮮拼盤有蠔🦪、蟶子、花甲、海蝦同魚肚，我最鍾意就係份蟶子，幾爽彈，海蝦都好新鮮，配清清地既湯底唔會搶咗份鮮味，唔錯喔(´ސު｀)見呢間餐廳好似幾多人有叫刺身食，我地就揀咗個日本池魚王黎試下，雖然刺身切得比想像中薄，不過食落好爽，質素同日式居酒屋真係有得比，下次會再試下佢地既其他刺身~個手打四寶丸都幾出色，肉質比較爽彈，最鍾意係佢地個蟹子包心丸同肥牛粗丸，可以𝐞𝐧𝐜𝐨𝐫𝐞!!(꒪´꒳`꒪)