瀛鍋

營業中

休息中

前排同朋友去九龍城食野，佢介紹我一間好出名既火鍋店- 瀛鍋。餐廳好近九龍城廣場，有代客泊車服務。樓上仲有獨立房間可以用，最大既房可以容納28人，公司聚會或者一大班朋友黎就岩哂！地下仲有小型遊樂場比小朋友放電啦，最正係原來佢係Pet- friendly餐廳，勁岩帶埋狗狗去。一坐底職員就比左個九宮格醬料我地，包括豉油、花生醬、麻醬、蒜蓉、辣椒油等等，可以自己混搭，增加食材口感👍🏻我地叫左佢地特色既椒鹽三文魚，新鮮炸好嘅三文魚骨楠，脆卜卜咁食，油脂超豐富，食落完全唔腥好有口感！😋另外仲叫左個刺身拼盤，有三文魚、希靈魚，北寄貝同魷魚，新鮮度一級棒！比平時放題食到既更勝一籌！🐟🦑湯底方面，佢地嘅花膠雞湯好出色。有一大種雞同兩大塊花膠，湯嘅味道濃郁又潤口，店員會幫手切開隻雞，我地食前先飲下一啖湯，鮮味十足，夠味同滋潤！🐔🍲手切鴛鴦牛真係好推薦👍🏻分別有手打牛肉同安格斯牛，手打牛肉口感嫩滑，肉質鮮嫩，而安格斯牛嘅牛味更加濃郁，兩款都好好食呀！最後，手打四寶丸都值得一提，有魚蛋、牛丸、墨丸同蟹黃丸，全部都係手打嘅，新鮮又有彈性，好好食！😍總括而言，瀛鍋嘅食物味道真係唔錯，而且餐廳環境都好舒適😋👍如果你

今晚係2024年最凍既晚上，一定要黎個打邊爐應下節，好有氣氛呀有好多款湯底揀，我地女士既當然鍾意花膠雞湯底啦（有竹笙、花膠、半隻雞同魚唇）$368，一滾起，黎返兩碗充滿骨膠原既湯飲下先，非常黏嘴夠骨膠原，又好濃郁鮮甜、竹笙仲好大塊呀！好肚餓，叫咗個炸椒鹽三文魚骨腩小食 $78啲三文魚骨腩炸起一啲都唔油，脆漿夠薄，食落好鬆化，仲想上一層椒鹽七味粉，更添惹味！田園菜籃 $88店員話呢度啲菜係有機㗎，所以食落都好放心。有粟米、秀珍菇、生菜、油麥菜同蕃茄，樣樣都好新鮮，粟米亦都好甜。手打四寶丸 $78一上碟就知道呢幾粒丸一定係師傅自己手打嘅。不論係蝦丸、墨魚丸、牛肉丸、豬肉丸，粒粒都好彈牙，鮮味十足。鮮蝦水餃皇（兩粒） $15/粒呢個堪稱係舖頭嘅招牌，係人手自家包製嘅。雲吞外型飽滿，入面包咗好多餡料，有原隻鮮蝦、木耳絲、新鮮豬肉、筍絲等，所以食一粒都好飽肚，唔怪得要斷粒計😆😆好正！兩個人食呢個份量都已經好飽，所以今晚我哋都冇叫麵類、肉類。呢間唔入黎都唔知原來係間寵物共融既中日式火鍋店，樓上有一間間房俾養寵物既主人包間房去打邊爐，咁就唔需要擔心自己既寵物會打搞到隔離檯既食客啦，地下層既一個cor

瀛鍋🌟刺身拼盤🌟手切牛肉拼盤🌟水餃拼盤🌟鴛鴦湯底覺得呢幾日有啲凍，係九龍城食完恒發雞蛋仔之後想打個邊爐，好random咁行咗入間餐廳。呢間火鍋餐廳都幾得意，有個playground 俾小朋友玩，又有好多包房，好似話兩個人都可以一間房。不過因為我同朋友都唔係好肚餓，淨係叫少少嘢食，所以就坐返喺大廳。湯底揀咗鴛鴦湯底一個沙嗲鍋拼豆腐清湯鍋，兩款都OK。牛肉拼盤兩款都係手切牛肉，牛味都濃郁，個人覺得同沙嗲湯底比較夾，沙嗲湯底入面嘅豆卜份量都好多，食極都仲有。

冬天最適合打邊爐🍲，今次專登同男友黎到九龍城搵食，因為朋友食過都話好食🤤呢間餐廳係pet friendly ,可以帶埋寵物過黎，同埋有好多唔同包廂，啱曬朋友聚會❤️我地叫左1️⃣鮮味卜卜蜆鍋湯底好清甜，有好多大蜆，全部鮮甜無沙，裡面仲有粉絲、粟米等，好鮮美，適合食完打邊爐食👍2️⃣自製丸叫左幾款丸試下，有香芋包心貢丸、芥末貢丸、蟹籽包、牛肉粗丸等，有幾款係出面都未食過，最有特色就係芥末貢丸同埋牛肉粗丸，前者有芥末味好醒胃，後者牛味濃厚，好好食😋3️⃣自家製餃子🥟叫左魚皮餃、韭菜餃、同埋鮮蝦水餃皇，全部都係師傅自己包，食得出同出面唔同，餡料豐富，調味適當👍4️⃣全天然霜降肥牛肉安格斯牛肉油脂分佈好靚，好似大理石紋咁，食落牛味香濃😍5️⃣洛神花茶飲落酸酸甜甜，打邊爐食最下火6️⃣鹹檸七鹹檸七好夠氣，鹹檸檬已經督好晒，好味😋結論：（10分為滿分）味道：8/10性價比：8/10回頭指數：8/10餐廳名稱：瀛鍋餐廳地址：九龍城福佬村道82-84號福成閣地下A-B號舖

好少入九龍城打bino估唔到有間兩層高既大舖包廂有唔同大細最特別係樓下有個遊樂場，pet friendly之外仲係family friendly 🔶鮮味卜卜蜆鍋$298湯底價錢正常，卜卜蜆肉無沙蜆殼打開時成個鍋會卜卜聲湯味充滿鮮甜蜆肉味粉絲同粟米同好入味 可以浸耐啲先食🔶海鮮盛盒 $398 (二人份)鮑魚、海蝦、廣島蠔、元貝、魚唇同蜆雖然湯底已經有蜆肉，但計埋其他海鮮都算抵食嘅 鮑魚同廣島蠔都夠大，爽口鮮甜又多汁海蝦唔會霉成個盛盒都唔錯另外丸類選擇都多每樣試咗啲就剛剛好

🍲😋💕九龍城實在太多好嘢食啦！冬天幾乎日日都想打邊爐，呢度好啱一家大細黎，因為除左可以打邊爐，仲有兒童玩樂區，包房帶埋寵物黎都無問題！🐔胡椒豬肚雞鍋（$198）湯底款式選擇好多，揀左胡椒豬肚雞鍋，胡椒香味撲鼻而來，雞件非常新鮮嫩滑，飲一碗落肚，即刻暖笠笠！🐮手切A級鮮肥牛（$468）油花呈大理石紋，肉質柔嫩牛味突出，充滿油香，質素好高，牛魔王必吃！👏🏻手打四寶丸（$78）鬆脆炸響鈴（$58）田園菜籃（$88）✨食材全部都好新鮮抵食，手打四寶丸同一般嘅真係有分別，口感特別彈牙鮮味。即炸響鈴夠鬆脆，蔬菜拼盤亦分量十足！🍹洛神花大大杯（$38）大大杯鹹檸七（$30）

之前和老公來過，這裏是動物友善和親子餐廳，樓上還有獨立房間，可供享用，地下的遊樂場，非常適合小朋友放電。除了樓下雅座之外，樓上還有多間貴賓房，私隱度極高。𤅗鍋海鮮盛盒$398，鮑魚、海蝦、元貝、廣島蠔、魚唇、花甲。款款都很新鮮，其中以海蝦最為爽口彈牙。花膠濃雞鍋$368，雞湯味道十足，加上大大隻的花膠，先來喝兩碗湯已經非常補身。全天然霜降肥牛肉$288，安格斯牛肉，脂肪和肉質分布有魚大理石，牛肉味道十足，只需放在湯內十數秒，便可吃到鮮嫩可口的牛肉了。野生厥根粉$30，這個粉外表看來全黑色，吃落煙煙韌韌，非常爽口彈牙。西洋菜$48，爽脆可口，這個年代注重健康，雖然吃火鍋，都要吃點蔬菜。椒鹽三文魚骨腩$78，外表香脆可口的三文魚骨腩，沒有三文魚的腥味，只有鮮甜的味道，如果喝啤酒，這個是最佳伴侶。

今日朋友帶我到九龍城瀛鍋打邊爐店內有個兒童天地供小朋友玩樂，啱晒朋友的囡囡，我哋就可以安心一邊傾偈一邊打邊爐餐廳仲有可以帶竉物的VIP房 。服務非常貼心 值得一讚菜膽鮮魚濃湯鍋鮮魚濃湯非常鮮甜 絕無味精 配有魚肉、白菜、豆腐等 我地先先飲左鮮湯暖暖胃 之後先開始打邊爐鮮牛肉拼霜降肥牛手切肥牛肉質嫩滑 牛味濃郁 入口溶化雜錦餃分別有手工鮮蝦水餃王、鮮蝦雲吞、韭菜餃。自家製水餃皇大大粒 餡料十足 鮮味爽口。鮮蝦雲吞夠鮮甜。韭菜餃爽脆多汁鯇魚片鯇魚片夠新鮮 口感嫩滑椒鹽海蝦椒鹽海蝦惹味十足 蝦肉新鮮彈牙 非常香口整體來說，環境闊落，職員有善，大人小朋友都好滿足

九龍城呢間餐廳有親子遊樂區，亦都有可以帶寵物嘅VIP房，啱晒一家大細嚟食。我特別鐘意佢哋嘅火鍋湯底，好多款都可以當湯飲㗎。✨椒鹽海蝦 蝦殼脆卜卜，蝦肉彈牙仲要有蝦膏。味道鹹香好啱餸酒。✨天麻川弓白芷魚頭鍋 用鮮魚熬製，一日得三鍋，想食一定要訂。奶白色嘅湯底一睇就知幾濃厚！鮮甜得嚟一啲腥味都冇。未開始打邊爐已經飲咗幾碗。建議叫多個烏冬，配魚湯特別正。✨手打四寶丸 佢哋啲手打丸特別彈牙同多肉汁，尤其係鮮肥牛粗丸。芝心丸嘅餡都比平時食開嘅更加香。✨刺身拼盤三文魚好肥美而且夠厚切。紋甲魷魚鮮甜又彈牙。整體感覺上質素好過放題/部份居酒屋。✨全天然霜降肥牛肉配特級手切金錢𦟌霜降肥牛肉油脂均勻，嫩滑同有油香。金錢𦟌就比較有咬口同重肉味，筋位都唔會難咬。

九龍城一向是開餐勝地，加上地鐵開通後，更是繁華。平日小編都是自架遊的，餐廳門前有標位，亦有代客泊車服務，不用煩泊車。二樓有大量VIP房間，每間都布置精美，這裏還是一間寵物友善的火鍋店，可帶寵物一起開餐。有小朋友耍樂區，大人吃得輕鬆，細路玩得盡興，連寵物寶寶也𣎴用獨留家中，全部都大滿足！基本的醬料都有，醬料提籃自動送上，不用走來走去的取醬料，抵讚！先來一份小食，椒鹽三文魚骨腩 $78，乾身香口，佐酒一流。湯底點了有機蕃茄薯仔鮮牛窩 $128，湯底清甜，滿滿蕃茄味道，鍋底特大，超值！鮮水餃皇(粒）$30，是餐廳廚師自制款式，水餃皇饀料豐富，有豬肉、木耳、鮮蝦等，稱得上皮薄饀靚 😋😋手打四寶丸 $78，單看是手打的，已值得一試。有鮮肥牛粗丸、蒜香豬肉丸、墨魚丸及鮮蝦丸。賣相精美的海鮮盛盒（2位用）$398，有鮮鮑魚、魚鰾、海蝦、沙白、生蠔、魚唇沙白是鮮活的，下鍋直至蜆殼打開，即可食用！😋😋火鍋主角霜降肥牛肉（小) $288，肥牛紅白分明，目測已相當吸引 😋😋肥牛肉味香濃，口感軟熟。最後來一客田園菜籃 $88，粟米清甜、蕃茄新鮮、菇菌、生菜及油麥菜，勉強算得是五色素菜，健康值即時提升。

九龍城出名食好西就唔洗講😉呢間火鍋係九龍城開左成十幾年了，野食仲要好出色添～🌟菜膽鮮魚湯窩湯底🌟🍲魚湯好入味，冇味精，落左少少胡椒提鮮，落埋白菜同豆腐，打邊爐前要飲番碗先🌟椒鹽三文魚骨腩🌟🐟外層又對又脆，最愛腩位，又嫩又滑呀🌟新鮮魚卜🌟🐡第一次食，洽7-9秒就食得，又幾脆幾有嚼口喎🌟手切鴛鴦牛🌟🥩牛小排都算靚牛，唔算薄切，有咬口🌟鮮蝦水餃皇🌟🥟自家製的，餡料勁豐富，大大粒，果然用料十足🌟鬆脆響鈴🌟❗打邊爐必點❗🌟有機蔬菜🌟🥬（唐生菜、油麥菜）有機菜係唔同啲，冇打藥，啖啖新鮮菜味。➡️餐廳有獨立VIP ROOM，2個人已經可以包房（最低消費每人$500），仲係Pet friendly，有兒童遊戲空間，娛樂性高。

#瀛鍋 🇯🇵今日黎試試這間在九龍城Pet friendly 的火鍋店。餐廳分了兩層，下層有讓小朋友玩耍的Play area ，上層有大、中、細包廂，裡面有電視機、客人可以包房帶寵物打邊爐，很夠私隱度。我們點了：花膠濃雞鍋 $368 手切鴛鴦肥牛 $368手切芝心鮮蝦丸、手切芝心鮮墨魚丸、手切黑白墨魚丸 $108芥末貢丸$58田園菜籃$88整體食物都不錯的， 花膠雞鍋有花膠、竹笙、魚唇、半隻雞，好足料養顏的。手切鴛鴦牛有本地牛同安格斯牛，兩款都算肉質鮮嫩，不會太靭或太肥。手打丸就每款都包了餡料，口感彈牙。人均$500📍九龍城福佬村道82-84號福成閣地下（宋王臺站B3出口行約6分鐘）

今日放工約咗屋企人去公司附近呢間餐廳「𤅀鍋」食好嘢！呢間火鍋食材高質，新鮮好味。餐廳裝修新淨，入面有個兒童天地比小朋友玩放下電，方便一家人聚餐，幾細心。員工服務態度好，有代客泊車服務。閒談間話佢哋歡迎帶寵物一齊嚟食嘢，仲帶我哋參觀大、中、細包廂，私隱度十足，下次可以約有毛孩嘅朋友嚟聚下先。今晚食得好豐富，我哋叫咗：🌟 菜膽鮮魚濃湯鍋 $238奶白色嘅湯底有白菜、豆腐、魚肉，超鮮甜，我哋每人飲咗2、3碗😂。之後再加水打邊爐！🌟 游水海石蚌 $398廚師刀工犀利，每片厚度平均、通透，擺盤好靚，配埋柚子醋一齊食好鮮味！正呀，好值得一試！😋🌟牛肉至尊拼盤-手切本地A級鮮肥牛-全天然箱降肥牛肉-全天然西班牙黑毛豬肉片-牛爽白肉-安格斯牛肉全部食材都好高質好好味🤤🌟 自製手作丸-肥牛粗丸，建議煮15分鐘，咬開肉汁滲出嚟好Juicy。-鮮蝦水餃皇-大大粒-鮮蝦雲吞，-韭菜肉碎餃-金沙流心魚蛋，咬開芥末汁滲出嚟好惹味🌟椒鹽三文魚骨腩 $78啖啖肉嘅椒鹽三文魚腩，香脆好味！🌟田園菜籃 $88

今日去咗九龍城打邊爐，瀛鍋係一間Pet-friendly 同埋好適合一家大細嚟嘅餐廳～佢有一個兒童專區，超多遊戲可以玩，帶埋你嘅小朋友嚟就啱晒啦！而且佢有VIP房，仲可以代客泊車，一大班friend來玩都好好㗎😆❥有機蕃茄薯仔鮮牛鍋 $128如果平時打邊爐唔鍾意食太淡味，又唔鍾意食太濃味嘅話蕃茄湯就啱晒啦😝呢個嘅蕃茄味比較清甜🍅而且入面仲有少少牛肉粒🐮食落都唔錯㗎～❥海鮮盛盒 $398海鮮一共有五款：有鮑魚、魚卜、刀貝、鮮蝦、魚唇👅本來魚卜應該係蟶子，但可惜嗰日賣晒😢不過海鮮整體來講都好新鮮同鮮甜😋❥霜降肥牛肉 $288肥牛肉好靚！煮出嚟牛味好重🤤而且肉質軟嫩🫶🏻❥手打四寶丸 $78全部都係師傅自己手打出嚟㗎🤩所以比較彈牙🥰四寶丸分別係：牛丸、豬肉丸、蝦丸、墨魚丸👍🏻❥鮮蝦水餃王 $30水餃王係按隻計的，每隻$15～佢叫水餃王嘅原因係佢真係好大隻！！入面嘅餡料好充足😻除咗有大大嘅鮮蝦之外，仲有啲木耳同筍絲增加口感😽❥田園菜籃 $88有各式蔬菜🥗個人覺得菇同呢個蕃茄湯底最夾❤️❥椒鹽三文魚骨腩 $78三文魚骨腩炸得好酥脆😚咬落去三文魚嘅油脂係會流出嚟嘅！不過我覺得太多骨了🙈

好耐無打邊爐🍲餐廳竟然有好大個親子遊樂區帶埋小朋友都唔洗擔心會悶仲係𝐏𝐞𝐭 𝐟𝐫𝐢𝐞𝐧𝐝𝐥𝐲 可以帶埋寵物餐廳有多間包廂 啱晒一班朋友聚會食材好高質 非常推薦‼️🔸鮮味卜卜蜆鍋湯底味道清香鮮甜，每一啖都品嘗到蜆肉嘅鮮味，蜆肉超大粒！配埋粟米、芫荽、白蘿蔔、粉絲同蒜蓉一齊滾，真係非常惹味。🔸牛肉豬肉拼盤今次試咗幾款肉類，分別係手切本地鮮牛肉、安格斯牛肉、全天然西班牙黑毛豬肉片同埋牛爽白肉。牛肉嘅色澤好亮麗，紋理亦好靚，食落好嫩滑。豬肉嘅油脂分布好平均，啖啖肉非常好味。🔸馳名自製手作丸餃類呢到嘅自製丸類同餃類嘉高質，今晚叫咗手打鮮肥牛粗丸、自制潮州魚蛋、香芋包心貢丸同埋韭菜肉碎餃。每一款都係自家製，好新鮮彈牙！其中手打鮮肥牛粗丸就最特別，口感好有嚼勁，牛味亦好香濃。另外兩款都好出色。🔸椒鹽三文魚骨腩即叫即炸，外層炸到金黃香脆，裡面嘅魚肉好滑溜，落咗椒鹽去炒好入味。🔸西洋菜採用本地有機西洋菜，色澤好嫩綠，洗得好乾淨，食落好清新爽嫩。🔸鬼馬鴛鴦膠將蝦膠同埋墨魚膠釀入油炸鬼入面，可以就咁食或者碌一碌再食都得，非常好味。