瀛豐放題料理專門店

難得嘅高質放題！主打港日泰料理，環境舒適，落單完全冇錯漏，無論係上菜定係收碟都好快手，服務值得讚賞😍 食物方面質素唔錯，除咗刺身之外，仲有好多比較少見嘅特色小食，選擇豐富。刺身估唔到係成隻船咁樣上菜，打卡超靚，三文魚腩仲要介埋花，擺碟有心思！螺肉同貝類都推薦！泰式生蝦醬汁惹味，辣勁十足，充滿泰國風味。推薦食物：生蠔&海膽帶子-帶子切開一半夾住海膽，新鮮味美，鹹鹹香香。生蠔新鮮飽滿，充滿海水咸香。椒鹽豆腐：做到外脆內軟嘅口感，趁熱食好滋味。鹹蛋黃薯條：香濃鹹蛋黃味，薯條唔算脆，但味道好！冬陰功湯：係我鍾意嘅調味！以甜味為主，酸味為輔，唔會有太強烈嘅辣勁，飲得好舒服！炸香蕉：外面比較少見嘅小食，熱辣辣，食落香甜，好味！香芋波波同樣滋味，炸物做得幾出色！海鮮選擇都幾多款😛

今晚去銅鑼灣間瀛豐，本身晚市任食都係$259一位，好抵！但我同朋友都加多$138任食生蠔、同埋 帶子刺身 夾海膽。飲品櫃都有琳瑯滿目嘅選擇，升級飲埋生啤都係$68。一開始店員已經快速上咗大大盤刺身，最吸引係大過塊面嘅赤蝦，仲有三文魚、醬油吞拿魚、鮑片、赤貝….等跟住就梗係食埋第一輪嘅生蠔同海膽帶子，上碟夠凍又有鮮味，我哋最後係reorder咗3次刺身、生蠔、帶子，超級滿足！都唔可以淨係食生嘢，所以我哋都試吓蟹膏蟹鉗撈飯、天婦羅、日式小食、串燒、湯物….真係過足口癮，係時候要留肚食甜品🫶🏻瀛豐有超多款式嘅甜品，細細件可以試盡佢又獨立包裝感覺好衞生，淨係布甸都有牛乳味、芒果味、芝士味，又有豆腐花，其他一口size嘅有啫喱、New York cheese cake、木糠布甸、咖啡杯、蛋糕仔，我仲食咗泡芙、榴槤糯米糍🤭 當然唔少得食雪糕啦🍧，貪心嘅我又食 榴槤雪條 同咖啡雪糕。其實仲有豆腐味同花茶味雪糕，但肚子真的不行了，留待下次再嚟食過！

為咗慶祝另一半生日,所以就嚟到呢度食放題,而且我哋又升級到,所以生蠔同埋海膽帶子係任食,另外仲有Hoegaarden 啤酒任飲雖然係任食生蠔,但係生蠔嘅質素都幾好,鮮甜而且蠔味夠重,另外海膽帶子嘅海膽係冇明礬味,值得一試,可以享受雙重鮮甜嘅感覺刺身方面,貝類螺類尤其出色,唔會雪到淨係得雪藏味,而係食到魚生本身嘅味道,另外赤海蝦亦都非常大隻,食落爽彈熟食方面,主打泰式菜,呢度嘅炒嘅小菜非常惹味,有鑊氣。另外炸物大多數都炸得脆口,如果有返啲醬汁就更好飲品嘅種類都相當多,而雪糕就係提供cocoberry

銅鑼灣人氣放題餐廳-瀛豐放題料理專門店🤩超過180款港日泰美食任叫任食😍平時食嘅放題都係日式多,但呢度有埋泰國菜好特別😍而且環境舒適🥰而家仲可以套餐升級,加多$138就可以升級任食飛機直運生蠔、海膽帶子、任飲Hoegaarden、Stella生啤🍺生蠔大大隻🦪口感爽滑,非常新鮮👍🏻鍾意食生蠔就啱晒😚海膽帶子更加係我最愛😍帶子夾住海膽,海膽甘甜,帶子鮮味,絕對係最佳配搭😛刺身有珍寶赤蝦、三文魚、油甘魚、希靈魚、八爪魚、馬刀貝、北海道角螺、赤貝、醬油吞拿魚、白玉貝、泰式生蝦😍刺身鮮甜肥美🤤泰國菜方面有好多選擇🇹🇭好似泰式魚餅、泰式蝦餅、泰式肉碎包、泰式炸蛋、泰式鹵水豬手、乾炒泰式金邊粉、冬陰公蝦湯、泰式鳳爪、飛天通菜、泰式酸辣手撕雞、鹹魚炒芥蘭、泰式燒元貝、泰式燒羊腩、炭燒豬頸肉等等🤩超級正👍🏻我就最鍾意鹹蛋黃炒薯條🍟滿滿鹹蛋黃滋味😛除咗壽司、卷物、燒物、沙律、天婦羅、甜品、飲品外,亦都有好多特別嘅小食,好似麻辣小龍蝦、甘葉香蒜炒墨魚鬚、川式牛利、口水雞、尖椒皮蛋、涼拌青瓜、辣酒煮花螺、滷水豬耳等等🤩平時放題好少見,呢度都可以食到😝

瀛豐放題料理專門店，集合港·日·泰式美食，多達180款食物及飲品選擇。 座位闊落，枱與枱之間不會逼夾。2小時 港日泰美食放題 $259+$138 升級放題，仲可以食埋生蠔、海膽帶子！性價比高！😝自助冷盤前菜，有麻辣帶子裙邊沙律、凍瀨尿蝦、味付螺肉、芝麻八爪魚、泰式酸辣手撕雞、泰式酸辣鳳爪。 自助甜品，有柚子乳酪、豆腐花、馬卡龍、榴槤糯米糍、小泡芙、抹茶杯子蛋糕、雪糕、雪條等等。自助飲品，有啤酒、汽水、多款茶飲，仲有細支裝蜂蜜雪梨飲。QR Code點餐，食物選擇多！有日式刺身、壽司、卷物、天婦羅、串燒、手卷。 泰式海南雞、小炒及炸物。 川式冷盤涼菜，如口水雞、川式牛脷等等。有鮮味、有脆口、有惹味、有酸辣、有麻辣、又有甜品！夠晒豐富！可以滿足不同口味！🥳_______________瀛豐放題料理專門店 (銅鑼灣)銅鑼灣駱克道491-499號京都廣場3樓_______________

好耐都無食過放題，今次第一次食日、泰放題，原來係幾正㗎喎！😍😍⭐️生蠔任食無咩放題有生蠔任食！😍😍即刻心心眼先！生蠔唔算好大隻肥美，但勝在新鮮有蠔味，encore咗兩轉✌🏻✌🏻⭐️海膽帶子都係任食㗎！帶子好大隻🤩🤩一啖食晒，簡直係滿足感爆棚！海膽份量都唔少，新鮮！淨係狂食呢個都值回票價😆😆⭐️刺身每款都叫啲，所有都好新鮮，特別推介牡丹蝦，超大隻肥美！赤貝好爽口👍🏻👍🏻三文魚、油甘魚都非常厚切，仲有乾冰附上，即時昇華！⭐️泰式食品辣酒煮花螺，正！泰式炒蜆唔錯，有驚喜👍🏻👍🏻我推介芫茜三文魚湯，我呢啲芫茜控就覺得好鬼正😂😂泰式生蝦都好好食，但有啲辣！⭐️冷盤小食我淨係試咗泰式鳳爪，味道啱啱好👍🏻👍🏻其餘我真係太飽，食唔到⭐️甜品雪糕都好好食喎，唔知係咪泰國雪糕，我encore咗幾轉😂😂仲有好多款食物，不能盡錄，食物質素唔錯👍🏻多款選擇👍🏻👍🏻上菜速度ok，服務態度都好好，環境舒服，唔會好迫，地下又唔會好濕好滑，又多一個好選擇啦😊😊

今次試左一間係銅鑼灣既日式放題餐廳，款式豐富多樣，超過 180 款選擇，仲可以加＄138升級任食-有任食海膽帶子、即開生蠔刺身、同埋任飲2款啤酒。剌身類海膽帶子必試，海膽既滑嫩與帶子既鮮甜完美結合，高質之選；即開生蠔刺身肥美；珍寶赤蝦好大隻，肉質綿密且鮮甜不膩；油甘魚刺身食落口淡淡甘甜；馬刀具刺身爽口，赤貝刺身外層爽脆，内裡貝肉又軟又嫩。壽司手卷類：最鐘意嘅係蟹肉沙律花之戀，外型好似盛開既花，沙律味道清新，蟹肉鮮美；鵝肝帶子壽司細細粒，鵝肝入口油香細膩，加上鮮甜帶子，令人回味無窮，XO醬拖羅蓉手卷口感獨特；蒜蓉帆立貝壽司上面帆立貝炙燒過，香濃惹味。炸物類：大蝦天婦羅同埋溫室南瓜天婦羅外皮香脆；芝麻炸雞翼次次放題都會點，外皮酥脆，雞肉鮮嫩；燒菠蘿微微焦黄，味道酸甜適中。泰式食物類：冬陰公湯口感酸辣，充滿住香料風味；泰式蝦餅、泰式魚餅係泰國的經典小吃，咬落去滿口都係香料既香氣；泰式燒元貝同埋炭燒豬頸肉非常惹味；辣椒膏炒蜆有鑊氣，中意食泰國菜既朋友有福。甜品類：各種各樣甜品放左係自助區，有泡芙、布甸、Macaron、豆腐花、雪糕、雪條等等，泡芙香甜奶油味，布甸口感细腻，Macaron 色彩鮮

Sashimi and sushi 刺身及壽司🍣 餐廳嘅有煙經典刺身船好吸睛🚢🌫️，種類非常豐富又新鮮，好似係肥美嘅三文魚腩、好鮮甜嘅油甘魚🐟、爽口嘅馬刀貝、螺肉🐚、大大隻有蝦膏嘅虎蝦🦐、八爪魚🐙、北寄貝、脹卜卜嘅飛魚籽、小朋友都啱食嘅鮑魚片，睇落好壯觀，另外仲有矜貴嘅帶子海膽同埋飽滿生蠔🦪，而一口壽司飯嘅份量恰當，可以試到更多種類嘅壽司😍，好貼心啊Japanese grilled skewers & cooked food 串燒、熟食類 🍢🍲餐廳有自助吧可以自己夾唔同嘅前菜，包括有冰鎮賴尿蝦、麻辣帶子裙邊🌶️、滑脫脫嘅手撕雞🍗等，另外有多款熟食提供，例如唔同種類嘅肉類或海鮮串燒、多款惹味炒菜🥦、天婦羅海鮮同蔬菜🍤、各款烤物、homemade 湯水，種類繁多又正呀！Beverages and desserts 🍨 飲品、甜品飲品嘅種類琳琅滿目，有啤酒🍺、果汁🧃、汽水以至凍熱茶類🍵，而自助嘅甜品櫃有大概10幾款雪條🍦、自家製desserts，由西式慕絲蛋糕、啫喱、泡芙，到傳統港式豆腐花都有，令成個放題食完後更加滿足👍🏻

近來好想食放題buffet🍽,今次揀咗嚟銅鑼灣一間抵食,款式又多嘅放題專門店🍣~佢哋晚市時段食足兩個鐘都只係二百零蚊一位~加多百零蚊仲有得任食生蠔同帶子夾海膽添🦪!佢嘅刺身款式都幾多,有馬刀貝,鮑片,希靈魚,三文魚,油甘魚,赤蝦等等🐟🐟~我一向都係最鍾意希靈魚,而油甘魚都幾肥美幾正😋~追加嘅生蠔唔算好大隻,但都幾甜,呢個價位過下口癮都幾抵~而帶子夾海膽都好值回票價🤑,帶子夠肥厚又鮮甜~佢哋仲有好多款嘅壽司,軍艦,火炙壽司,卷物等等🔥~壽司類就比較少叫,因為好多都可以直接叫刺身~而火炙壽司有左口魚邊同和牛都幾好食🐮~熱食類嘅選擇都好多,天婦羅唔會好油淋淋,個炸皮都幾薄🍤~而燒物有燒元貝,泰式串燒蝦同埋燒豬頸肉之類🐷,幾款都好好食~佢仲有啲泰式炒菜同冬蔭功🌶,全部都好出色~我朋友笑話呢間係被放題擔誤嘅泰國菜😂😂😂~除咗呢啲點嘅嘢食,出面仲有多款飲品🥤,前菜同埋甜品揀🍰~款式之多,一定有嘢食啱你心水,性價比夠晒高👍!

瀛豐放題，係銅鑼灣京都廣場，超方便，價錢合理，主打日+泰菜式，仲有得升級食生蠔、海膽帶子，仲有生啤🤤正到爆，環境都幾舒服幾大，價錢合理，要試下😗食放題梗係刺身先行🤣超級刺身組合，上枱實在嚇親，超靚超驚人，好多款刺身，全部都好鮮，特別既係三文魚超肥美，係三文魚腩級👍🏻呑拿魚煙過其實好味，油甘魚好鮮，魚類都好肥美🐟升級物到！生蠔，相當鮮，海水味同蠔味都重，質素唔錯😗海膽帶子，係勁正💟帶子刺身好鮮，加埋海膽唔點醬都好好味🥳極力推，啲背都好正，勁鮮又好多款，必食✨熟食時間，焗元貝必食，又鮮又好味，香到爆⚠️天婦羅都okay，皇帝蟹棒幾好，燒蝦好香，都一定要食，又香又好味😌啲泰式既熟食真係好味，炒菜勁好味，炒通菜、椰菜苗😋泰式蝦餅有驚喜，細細塊咁唔係想你飽，但幾有蝦味幾正😆松葉蟹杯，賣相一流，有蟹膏蟹肉配啲飯，又香又好味👍🏻飲品都多，唔加錢都有喜力飲🤣推爆既係泰式手撕雞，勁勁好味❣️相當唔錯既放題，泰式熟食真係正👍🏻涼菜熱菜都好食，氣氛服務都好😳推薦！💟

放題我就食得多，有生蠔海膽嘅放題就真係第一次食，完全冇諗過會有好開心！超多嘢食，好多東南亞菜，我好欣賞佢嘅冬陰功蝦湯，超濃郁煲得好好飲，同泰國餐廳嗰啲一樣好味！另外仲有個三文魚豆腐湯，豆腐好滑刺身方面會直接上一大盤刺身拼盤，有幾款嘅魚，例如三文魚，吞拿魚八爪魚，牡丹蝦等等，望到會好開心，因為擺盤都好靚！另外，佢嘅炸物都好食，叫咗個炸香蕉，本身以為真係炸咗條香蕉，但係原來應該係糯米糍包住香蕉蓉攞去炸，香味十足，離遠都聞到！令我好鍾意佢㗎脆皮炸豆腐，裏面豆腐好滑，出面嘅炸粉又唔會好厚，薄薄地哋脆脆地幾好食！雪糕方面，佢有五款唔同味道嘅雪糕，呢個牌子我未食過，但係佢好香濃又滑，最鍾意佢嘅咖啡味非常濃郁！另外甜品方面都有好多種細細杯嘅甜品，我鍾意tiramisu!整得好好食😻

朋友推介呢間放題超正，今晚一齊放肆一晚🤣晚市2佰幾蚊任食任飲，單睇價錢都超值😍見到有升級優惠，加多$138 可以任食海膽帶子、生蠔、啤酒，真係好抵🤩🤩 有理無理第一時間叫海膽帶子、生蠔、刺身😜可能我地叫得太瘋狂🤪黎左隻刺身船，個畫面令人好開心🤩🤩唔係孤孤寒寒😌三文魚同油甘魚刺身勁肥美🍣食落有魚油甘香🐙八爪魚刺身難得有鮮味，唔係趙香口膠咁  赤貝刺身好鮮甜 😌角螺刺身肉質爽口彈牙👍🦪生蠔勁新鮮又肥美，加幾滴檸檬汁，已經好夠，唔會只有海水鹹味，係有蠔味帶子海膽刺身仲不得了🤤🤤帶子鮮甜到呢…好少係香港食到😏海膽好新鮮，初初係擔心有💩😅呢度真心顛覆咗我食放題係齋填肚嘅想法，真心推介🥳🥳🥳絕對會一再幫襯😉 熟食都好多款揀，除左一般日式野食、炸物等，估唔到有泰式野食🤭熟食又估唔到有鑊氣喎，上到枱時自己好似食緊大排檔咁😆 最後留肚食甜品，甜品種類好多，樣樣都細細件，好啱每樣都試下，味道唔錯👍好難得😎而雪糕就試左個未食過嘅牌子，見係香港製造，都好好味😊 返到屋企仲同屋企人回味呢一餐😚已經約定日子成日去食好野 

19/7/2023Birthday dinner continues 好似好耐冇食日式放題，今晚去咗銅鑼灣 瀛豐放題料理專門店。我地有加錢升級版（每人+$138）仲可以任食生蠔、帶子海膽，仲可以任飲生啤（有heogarden , stella 選擇）我地都食咗4轉生蠔同帶子海膽，因為真係好味。雖然生蠔個樣唔算十分飽滿，不過食落都有少少海水味，同埋唔會好霉。帶子海膽好新鮮，鮮甜。即係食幾多粒都唔會滯。其他食物我覺得好食嘅有泰式碎肉包生菜，串燒，炸蝦餅，炒蜆，魚生刺身（醬油吞拿魚超好食）、燒扇貝、炸豆腐粒。麻麻哋嘅食物：出邊拎嘅甜品，刺身嘅牡丹蝦、芝麻雞翼，天婦羅。整體嚟講都幾好食，不過佢兩小時任食，45分鐘前已經要last order 就有啲早。同埋感覺要加錢升級版嘅嘢食吸引多啲，如果唔食生蠔同唔食海膽帶子其實坊間都仲有大把選擇，因為佢其他食物好似都唔算特別出色。

銅鑼灣有間好平價嘅日式放題, 今日專程黎食，位置都好方便就喺銅鑼灣站C出口對面京都廣場3樓。一入到去，餐廳環境空間都好闊落，唔會話坐到好迫，坐低就可以用QR code叫嘢食～我哋叫咗好多魚生食，質素都OK～ 最推介嘅有三文魚同埋帶子海膽👌🏻❤️我哋叫咗火炙三文魚壽司，呢一個都推介大家食，三文魚同上面既芝士醬都燒得岩岩好～食落好鬆軟～ 三文魚刺身都幾好食🤤爽口得黎又有黏住既口感～食得放題一定有大量嘅飲品同甜品選擇，呢度都有同埋前菜都係自己任拎～甜品方面，呢度有好多款蛋糕，全部都細細盒，可以每樣都試吓唔怕浪費😆特別啲想推薦大家食嘅，有呢款韓國嘅榴槤雪條👍🏻 榴槤味非常之濃郁，值得推介～～～如果唔食生蠔同海膽唔洗加錢用229$就食到好多唔同既野食了～🥰

剛剛裝修完嘅日式放題，地方好似大咗坐得舒服咗，平日嘅兩小時晚市放題，$259一位，另外每位追加$138可以任食生蠔同海膽帶子，多達180款食物選擇，除咗日式仲有唔少泰式料理~第一round即刻order生蠔同海膽帶子，海膽帶子幾鮮味，解凍情況良好，生蠔中size，有海水味，店員好好有提我哋生蠔唔好擺放太耐先食～刺身同壽司款式比想像中多，每款叫少少嚟試吓，結果隻刺身船超澎湃，整體質素都幾好，特別推介三文魚腩，真係好肥美，另外油甘魚同大蝦都幾好食，壽司就比較鍾意炙燒系列, e.g. 和牛火炙壽司~其實食完上面嘅食物已經飽咗七八成，再揀一啲心水嘅熟食，非常惹味嘅辣酒煮花螺、川式牛脷、椒鹽豆腐、大蝦天婦羅同燒扇貝都幾有水準~甜品係自助形式，自己出去揀，試咗雪糕、馬卡龍、木糠布甸同榴槤糯米糍，其中糯米糍要再encore兩粒😇😇~