瀛豐放題料理專門店

難得嘅高質放題！主打港日泰料理，環境舒適，落單完全冇錯漏，無論係上菜定係收碟都好快手，服務值得讚賞😍 食物方面質素唔錯，除咗刺身之外，仲有好多比較少見嘅特色小食，選擇豐富。刺身估唔到係成隻船咁樣上菜，打卡超靚，三文魚腩仲要介埋花，擺碟有心思！螺肉同貝類都推薦！泰式生蝦醬汁惹味，辣勁十足，充滿泰國風味。推薦食物：生蠔&海膽帶子-帶子切開一半夾住海膽，新鮮味美，鹹鹹香香。生蠔新鮮飽滿，充滿海水咸香。椒鹽豆腐：做到外脆內軟嘅口感，趁熱食好滋味。鹹蛋黃薯條：香濃鹹蛋黃味，薯條唔算脆，但味道好！冬陰功湯：係我鍾意嘅調味！以甜味為主，酸味為輔，唔會有太強烈嘅辣勁，飲得好舒服！炸香蕉：外面比較少見嘅小食，熱辣辣，食落香甜，好味！香芋波波同樣滋味，炸物做得幾出色！海鮮選擇都幾多款😛