瀛豐放題料理專門店

剛剛裝修完嘅日式放題，地方好似大咗坐得舒服咗，平日嘅兩小時晚市放題，$259一位，另外每位追加$138可以任食生蠔同海膽帶子，多達180款食物選擇，除咗日式仲有唔少泰式料理~第一round即刻order生蠔同海膽帶子，海膽帶子幾鮮味，解凍情況良好，生蠔中size，有海水味，店員好好有提我哋生蠔唔好擺放太耐先食～刺身同壽司款式比想像中多，每款叫少少嚟試吓，結果隻刺身船超澎湃，整體質素都幾好，特別推介三文魚腩，真係好肥美，另外油甘魚同大蝦都幾好食，壽司就比較鍾意炙燒系列, e.g. 和牛火炙壽司~其實食完上面嘅食物已經飽咗七八成，再揀一啲心水嘅熟食，非常惹味嘅辣酒煮花螺、川式牛脷、椒鹽豆腐、大蝦天婦羅同燒扇貝都幾有水準~甜品係自助形式，自己出去揀，試咗雪糕、馬卡龍、木糠布甸同榴槤糯米糍，其中糯米糍要再encore兩粒😇😇~