濟州燒肉食堂

營業中

休息中

朋友辛辛苦苦考完試終於畢業！😚🤩所以今日我就請佢食好啲 去咗食燒肉慶祝吓.餐廳會提供多種前菜 全部都可以添食例如泡菜、大豆芽菜、海帶等等仲提供左一兜沙律俾我哋🥗至於鐵板上有兩個位置可以燒泡菜煎蛋🍳同埋芝士粟米🧀🌽 同樣可以任添.🌟特選和牛內裙肉（$285）和牛油脂分布平均 而且口感嫩滑軟腍😍燒嘅時候可以輕輕一燒 唔使太熟咁就可以食到牛肉嘅肉汁.🌟食堂黑毛豬五花肉（$128）至於五花肉比較大塊 所以需要手動剪開邪惡嘅脂肪一邊燒一邊滴油 令到個爐燒得更旺🔥燒完之後用生菜🥬包住豬肉一齊食 味道更加清新😚.🌟梨汁雞頸肉（$108）第一次食雞頸肉 肉質嫩滑😃正正因為呢個部位 所以肉切得比較細 .🌟食堂豬皮 （$88）豬皮一碟有四塊 份量都幾多口感意想不到咁腍 味道甘香🤤而且一早已經醃好晒味 所以唔使點醬汁都好好味.🌟韓國鰻魚（半份）（$115）估唔到韓燒連鰻魚都有得點所以就試吓🤪鰻魚配咗燒汁上菜 所以可以自己體驗下點樣整蒲燒鰻魚原來都幾難控制 不過好玩鰻魚口感彈牙而且肉質厚實 鍾意食魚嘅人值得一試！👍🏼.🌟原味炸雞（$98）燒肉嘅途中會有空檔 呢個時候最好就係食住熟食先炸雞新鮮熱辣上枱 外層香脆

呢間人氣燒肉店，每次嚟親都係滿座，梗係要醒目book定位啦，呢度環境好舒適，仲有一排可以望到海嘅位置，無論晏晝定夜晚嚟，都一樣咁好feel😌豪快黑毛和牛外羣肉 $285和牛牛味濃， 肉汁豐富， 入口非常嫩滑食堂黑毛豬五花肉 $128五花肉油脂分佈均勻，燒完用生菜包埋泡菜食一流梨汁雞頸肉 $108雞肉嫩滑，用咗梨汁腌，味道好鮮甜食堂豬皮 $88，每日新鮮鰻魚(半份)$115豬皮有4大塊超厚身，啖啖骨膠原😍鰻魚好肥美，燒到塊皮脆卜卜，勁正原味炸雞半份 $98炸雞熱辣辣，脆卜卜，雞肉肉質嫩滑多汁，入面仲有粗薯條🍟好香口柑橘梳打 $32，荔枝梳打 $32食燒肉飲返杯梳打解膩一流，梳打味道唔太甜👍🏻

收工去北角搵朋友食飯，上網搵到呢間濟州燒肉食堂好似好吸引🤤餐廳對住成個維港景，食個景都夠飽！而且位於北角匯入面又有街行，所以一於就試下佢啦！。。🔘濟州五花肉套餐 | $588評分: 🌕🌕🌕🌕🌑評語: 一個非常豐富嘅套餐🤤凡選擇任何燒肉套餐，都會跟埋幾款嘅韓式前菜、燒泡菜蛋同燒芝士粟米，主食未到都已經食到好飽🤣呢個五花肉套餐包括大八爪魚鬚🐙、濟州五花肉、牛小排、醬油豬扒骨肉、豪快嚴選牛舌，個人特別推介濟州五花肉同牛小排！五花肉經過高溫燒過後將油脂逼出，油香味極重🤤再將生菜夾住燒至金黃嘅五花肉一齊食，真係肥多兩磅都抵🤣而牛小排油脂分布好均勻，係好好食嘅雪花牛肉🐮牛小排放上烤爐每邊燒10秒左右就食得！放入口已經有即溶嘅口感🫢牛味好香好濃！成個套我同朋友兩個人都食唔晒！。。🔻我六點去到已經差不多坐滿，記得預約呀！🔻北角、九龍灣都有分店推介指數: ⭐⭐⭐️⭐️

呢間餐廳係我食過最高質嘅韓國燒肉之一🤤肉類醃製落足心機～前菜亦有好多款～～爐邊芝士粟米同埋泡菜蛋任添！坐係窗邊位置仲會睇到靚海景，當日接近黃昏黎食仲睇到靚日落😍一邊睇日落一邊燒肉心情真係會特別好🫶🏻◾️特選和口牛内裙肉 • $285雖然經過醃製～但都唔會遮蓋牛肉本身嘅味道，肉質軟滑🤤◾️食堂黑毛豬五花肉 • $128五花肉一定要燒到逼出油脂，豬皮帶點脆身再包生菜食係最正😋◾️梨汁雞頸肉 • $108梨汁令肉質更juicy更嫩～就算燒耐左雞肉超滑🤤◾️食堂豬皮 • $88本身以為係要燒到佢脆身先好食！但呢款豬皮本身已經調味及炆熟左，只要燒一陣就食得，口感軟屬充滿骨膠原🤤值得一試🤤◾️大八爪魚鬚 • $126 八爪魚鬚充滿海水鹹鮮味，口感爽彈◾️原味炸雞（半份）• $98 炸雞粉漿唔算厚，比較鬆脆～調味不過不失🫣但炸一啲都唔柴。

食物整體Ok, 我和朋友6:45到，循例被通知90分鐘用餐，即是到8點多交枱，但我們一直點嘢食；但到9點卻被「埋單」當時環境是有空枱，無人等位。原因不是阻礙其他顧客，而是因為過咗90分鐘這個原則！沒有在90分鐘內要求「埋單」已經是對我們「寬容」！態度就有點施加壓力⋯⋯好像，我在用餐是被「施捨」！明白如有有等候客人，當然要「識做」但當時有「吉枱」無人等位，而且已經是「9點」晚飯時間已過⋯⋯再者，我亦持續消費⋯⋯⋯所以，有點「摸不着頭腦」而且，這位店長又幾堅持要我埋單⋯⋯我住「青龍頭」特別在北角吃飯，亦算支持吧⋯⋯而且又不是第一次「幫襯」。一直食得開心⋯⋯⋯但今次真的「掃興」⋯⋯⋯本來往後星期也有訂座，無奈也就取消，有緣再食 🤦🤦🤦🤦

垃圾公司垃圾服務員，18:45 walk in ，個帶位唔知做緊咩，問佢有無得walk-in佢話有，咁咪等佢比帶完位比飛，帶完位第個人過到嚟佢無視我比飛其他人，已經即時問佢我哋嚟先你比飛其他人先！？算，7:00 booking入晒一路等，吉枱都眼見4張，唔入人，問7:15booking，無人入，再等，7:23問有無7:30booking，玩咩？一張walk-in都無入過，但吉枱就由佢吉係道，咁一開始就唔好話有得walk-in啦，booking唔到又唔打電話，幾好食個境幾靚都假，啲職員無腦嘅

貪方便叫咗套餐，乜都有啲方便唔使自己諗，一次滿足唔同既願望濟洲五花肉肥瘦相間，油脂豐腴，燒完之後好香口～係韓燒必備項目豪快嚴選牛舌雖然唔係勁厚，但係食落好爽滑，又有嚼勁，味道濃郁，呢個唔錯原條大大大八爪魚鬚口感柔軟得嚟又有彈性，好豐富既海水鹹鮮美味🐙 個人感覺呢個夠特別唔係度度都有，而且吸睛指數都幾高套餐可以選擇要炒粉絲或者大醬湯，我哋揀左炒粉絲但呢個就麻麻哋食落偏油膩。好彩啲菜係可以追加，食返多啲菜balance 返下呢度除咗叫燒肉之外，仲可以無限量添加各式前菜，泡菜蛋好開心～

風景好，初頭不算太多人，但係好油煙，抽氣系統有待改善，週末職員不太熟練運作，基本醬油都冇比，加上沒有提示生菜可以添加，我哋會形容為一個韓式茶餐廳，價錢偏向貴，而食得不算太飽

好今日去咗九龍灣食韓國嘢.基本上食韓國嘢d 前菜從來都係任食嘅.依家都唔例外泡菜啦，蘿蔔，同埋麻油野菜.蘿蔔同野菜就一半水準啦. 泡菜就比較篇條歌嚟認為唔夠辣.叫咗幾款燒肉套餐平均都$150個.牛肉味都好夠但係就好似醃料過甜，令到牛肉味唔夠突出, 不過如果鍾意食甜嘅朋友可能會調返轉個甜味令到個頭冇咁油膩.不過呢一點就要注意啦因為個汁太多糖，所以就好容易燒燶.仲有呢度嘅蛋都係任食嘅好似我咁泡菜加蛋都refill jor 5次

平日夜晚都滿座，人手好少，侍應好忙好忙。要添前菜、爐邊物、改鐵網嘅時候成日都要等5分鐘以上，有時要再提多次，但係佢哋真係好忙，有時都會自動自覺添野食、收碟。野食整體都唔錯，但醬汁類嘅燒肉都偏重口味，前菜、爐邊物味精味都幾重手吓*前菜：泡菜、醬油蘿蔔、涼拌芽菜、辣拌四季豆，全部都好食、出色，清新、爽口、微辣。最開心係可以任添！爐邊物又係任添！泡菜蛋：記得半熟嘅時候要撈吓啲蛋，嫩好多架。芝士粟米：有芝士就係正！濟洲五花肉套餐 $588套餐包晒海陸兩味：大八爪魚鬚、牛小排、豪快嚴選牛舌、濟洲五花肉、醬油豬排骨肉。質素普通，無論牛肉豬肉嘅肉味都屬於中上水平，八爪魚鬚彈牙肉脆。我最鍾意係五花肉，燒到焦黃色，再剪開細塊，點少少汁再加泡菜，包埋生菜食好正！揀咗韓式炒粉絲，配料種類多但份量少，肉絲、紅蘿蔔絲、洋蔥絲，味道普通，而且偏油。豪快蘋果醬油雞腿 $88雞腿厚肉大隻，所以好難燒🙈最後要剪開一塊塊燒先熟得晒。肉質好嫩好水，但係雞肉味俾醬油味蓋過晒。

呢間係唯一一間會不斷再食嘅韓式燒肉店，而且呢間燒肉好多人食，次次黎到都full曬，book左位都未必有得準時入座小菜好豐富而且味道都唔錯，配燒肉食味道口感一流特選和牛内裙肉 💰285有醬汁醃過又juicy又惹味，油脂分佈非常平均，紋路清晰，肉質口感非常鮮嫩食堂黑毛豬五花肉 💰128肥瘦相間，肥肉食落都唔會好肥膩，肉汁非常飽滿，肉質亦都好鮮嫩梨汁雞頸肉 💰108雞肉好滑好juicy，唔沾醬都好滋味，好好食😋食堂豬皮 💰88豬皮塊塊都好厚實，口感綿綿地大八爪魚鬚 💰126雖然得一條，但份量都幾大，口感結實爽口原味炸雞（半份）💰98炸雞個皮薄炸得好酥脆，份量多亦配左啲薯條，啲薯條都幾好食濟州特飲 💰32味道好fresh，有橙🍊同柚子香味梅子青檸梳打 💰32味道酸酸地，配燒肉非常夾

又到左Happy Friday 時間啦😬當然要食好啲啦！就帶左太太去北角望住個海景食下燒肉嘅餐廳「濟州燒肉食堂」😋望住個海食心情真係唔同啲！真係會放鬆啲😜仲要食太太嘅夢想「家鄉」韓國菜🇰🇷😂濟州特級套餐(2-3人) $588 + $56 柑橘梳打 荔枝梳打套餐內包括：食堂牛小排、和牛牛五花、濟州五花肉、食堂豬皮、食堂蘋果梨汁雞肉、醬油梅花肉、大醬湯😋 仲有芝士 同 泡菜蛋係無限添加架😬呢個2-3人套餐非常豐富😊價錢亦相當合理😬性價比都算高😂再加上店員們嘅親切有禮 同埋 非常主動嘅服務態度，令到小編十分滿意！😄👍

黎到#北角 食乜好？今日就去左#濟州燒肉食堂 食#燒肉 我地2個人去食，簡簡單單叫左個濟洲特級套餐 $588套餐野食都唔小嫁 2-3人都夠食- 食堂牛小排🐮- 和牛牛五花🐮- 濟州五花肉🐷- 食堂豬皮🐷- 食堂蘋果梨汁雞肉🐥- 醬油梅花肉🐷- 大醬湯 🥣佢所有前菜都係無限添嫁🥰生菜🥬，芝士粟米🌽，蛋我足足添左3次😍淨係食前菜都可以食飽😂大醬湯入面勁多料👍🏻👍🏻👍🏻又有豆腐，牛肉，海鮮。。。👍🏻👍🏻👍🏻好好飲呀！最緊要係個湯唔會好鹹😍柑橘🍊梳打 ，荔枝梳打唔會好甜👍🏻最怕飲太甜既野，推介👍🏻👍🏻👍🏻👍🏻呢度環境都好好👍🏻，座位唔會好迫👍🏻👍🏻👍🏻坐得好自在我既評分（5⭐️為滿分）環境：⭐️⭐️⭐️⭐️⭐️食物：⭐️⭐️⭐️⭐️⭐️服務態度：⭐️⭐️⭐️⭐️推薦：⭐️⭐️⭐️⭐️⭐️濟州燒肉食堂 (北角)📍北角渣華道123號北角匯2期2樓210號舖

홍콩 고기 맛집 ❤️中文在下面👇🏻계란찜을 무한리필이다!!!😍😍😍소고기는 부드럽고 양념을 맛있다👍🏻 삼겹살을 바삭바삭해서 짱이었다! 오징어 구이?😂식당을 넓어서 괜찮았어.北角無限添加爐邊蛋😍❤️前菜同泡菜蛋+芝士粟米可以無限添加🥩😋特選和牛內裙肉醬汁好足，入口好滿醬汁加好濃郁肉汁香，肉質好嫩，推介❗️🐷食堂黑毛豬五花肉油脂分布啱啱好，有醃制過，燒完又脆又多汁 ，配合生菜食一流🔅🐙大八爪魚須好特別平時燒肉好少見到，好大只，爽口彈牙😍😍😍😍食堂豬皮入口即溶，燒焦少少仲好食！！香港少見！🐔原味炸雞炸粉好薄，雞肉超嫩滑，多肉汁😋環境: 環境舒適 座位好闊落👍🏻

晚餐同老公黎嘆個韓燒，餐廳望出去係一片海景，加上有藍天白雲成個環境好靚好有feel，由於早食晚餐所以好快入座！-特選和牛內裙肉-食堂黑毛豬五花肉-梨汁雞頸肉-食堂豬皮-大八爪魚鬚-原味炸雞半份🍸柑橘梳打🍸濟洲特飲和牛油脂豐富，輕輕一燒就食得，醬汁入味，我地超鐘意！五花肉厚薄適中，肥瘦相間肉汁豐腴八爪魚份量好足，厚切的關係食落有嚼頭口感好好雞頸肉有梨汁所以帶點清新不油膩豬皮一碟四皮，肉質爽彈，充滿骨膠原金黃色的炸雞做到皮脆肉嫩仲超多汁！食落唔會太咸，底下仲有薯條～濟洲特飲飲落有啲似檸檬茶但比佢更加好飲！柑橘梳打酸酸甜甜幾解渴～