澳門翠苑餐廳

營業中

休息中

依間o野真係好屈機, 佢竟然可以係Openrice有48個笑面, 咁都唔係重點, 佢係0喊面lor, 真係好勁ar. 所以今次就請o左公公, 婆婆同埋媽咪去試o下la~~不可不試的招牌菜- 咖哩雞肉農夫飽依個包真係好屈機, 原個農夫包只係$40左右, 先評個包, 好脆口, 配以咖哩汁真係唔錯, 最重要係價錢公道ar ma~~~~ 雞肉係雪藏雞柳, 所以全部都係肉, 雖然冇咩雞味, 但勝在夠滑ar ma, 另有一碗咖哩驚你唔夠, 有埋薯仔tim, 唔係好辣, 但點包一流, 一個農夫包可以4個人share tim ar另一招牌推介- 豬扒包豬扒包個包好夠厚, 同埋好脆口, 外脆內軟呢!!!! 最重要有蒜蓉味, yummy yummy 豬扒看上去好似好瘦咁, 但係一d都唔"鞋"ga, 但係可以多點洋蔥作配料就正斗la~~~!可以唔食- 鮑魚雞肉飯大堆頭製作, 但唔係招牌就唔係ga la, 可以用難食去形容, 太濕la, 得d素鮑, 同埋好多雞肉gum lor 唔ok ar, 如果唔係要滿足公公食飯的慾望, 一定唔會叫ar.d招牌食物真係好ok ga, 但如果佢係自己一個店會好好多lor,

之前睇到有咁多好評~前兩日得閒就走左去試試~我個人覺得豬排包好食過農夫包~個包真係外脆內軟~d豬排肉油好夠~又香~另一個招牌咖啡我個fd就話好得~不過我唔太飲咖啡~唔覺得好特別~農夫包最大問題係唔太知點樣去食佢............地點係熟食中心都唔好太有要求~不過真係比其他熟食中心乾淨~

食過幾次，農夫包、法包、豬扒包好好味，外脆內軟。加小小咖喱汁落去豬扒包都幾好味，羅宋湯有水準，不下於一般餐廳；咖啡亦然。會繼續常去。

昨晚去食，兩個人食了一個咖哩牛腩農夫包餐包餐湯及飲品，蕃茄牛肉通粉餐（包一個牛油脆豬仔包及飲品），兩杯凍咖啡．農夫包相當大個，包面脆脆好味，內藏相當多牛腩很香林而有肉質，一碗咖哩汁分開上，細心之作．蕃茄牛肉通粉好味，湯底清甜，沒有味精味，但通粉不是一般通粉，比較大粒厚皮．我還是喜歡傳統通心粉．跟餐的牛油脆豬仔包最好食，細細個好脆，內有許多溶化了的牛油，好好食，要熱食啊！凍咖啡，叫了少甜少冰，老闆照做．咖啡面放了些粒粒咖啡粉，咖啡很甘香沒有酸味或苦味，一定要試啊！身在熟食中心，服務超出水平．老闆老實，朋友想叫農夫包及雜錦蔬菜盒，老闆說份量很多，先叫一個食吧！不用號碼牌，不用站著等，他們會送食物來．朋友說要再來，我都會再來食．

豬排包好好食，塊豬排好野味，有heart而農夫包面亦好脆，點咖哩汁好食，有heart老闆好nice,介紹我飲涷啡，當然都係有heart之作啦咁價錢有咁好質素，一定再有下次........

估唔倒第一個o係open rice o既食評係俾"ok"見呢間野有咁多好評....仲要一個劣評都冇...就去試試佢....兩個人食叫左一個咖哩牛腩農夫包餐+海防米線餐凍咖啡不錯...個海防米線係d肉碎+蕃茄...好似d食剩左o既野整埋一碗咁至於農夫包....本身真係抱住極高期望個包幾脆.....但咖哩不見得有咩特別最好味係個鮮油豬仔包囉

夜晚睇戲前同女友食飯，很久前看過食評已想試很久了，既然在旺角睇戲，於是走去試一上試。因為時間不多，決定叫獲好評的食品：咖哩雞農夫包+牛尾湯+凍啡餐和朱排包+凍茶餐。叫完餐後，拿一個牌仔，他們會送過來，不需自己取，(記著，那裡是熟食亭，而不是餐廳啊!)服務不錯。首先來到的是朱排包，好味，個包面好脆，內裡軟，而朱排又夠熱又入味，一流配搭，真是比澳門的新x利更好味，不過杯奶茶就差了些。之後等多一會，農夫包到了，我想他們是即焗的，急不及待打開吃，嘩，好好味，個雞肉農夫包外脆內軟，滲了少許雞的肉汁，加點咖哩汁，真的好好味。咖哩幾香，不過唔夠辣，農夫包咬下去真的"索索聲"，雞肉都不錯。牛尾湯就比較似羅宋湯，一般。而杯凍啡真的不錯，頗濃咖啡味，幾香，又不會太甜。這一頓飯比想像中的好，下次來可以試試牛腩，。

尋晚同bf去試下呢間店舖我們點了招牌咖哩雞肉農夫包同鮮茄牛腩粒通粉麵包份量很大，中間有雞肉，肉質味道嫩滑，雖然雞肉有少少肥麵包+雞肉+咖哩汁等如一絕個汁唔辣，椰子味又不太濃，但非常好味再黎試下個通粉，湯底唔似用罐頭貨式番茄味很濃，加上牛腩位，好似飲緊屋企煲的湯雖然男友都算大食，不過只係食哂農夫包，通粉剩下1/3碗份量之大足夠3個女仔食呀本來想試下招牌咖啡，但怕飲完瞓 唔到，唯有留待下一次啦

看到這裡的好評, 於是也親身一試, 先後嚐過這裡的豬扒飽、咖喱牛腩農夫飽、凍啡。豬扒飽外脆內軟，豬扒十分入味。咖喱牛腩農夫飽的咖喱不算辣，但味道還不錯，牛腩很淋。凍啡有驚喜，想不到在熟食中心可以有這樣的咖啡供應，不像一般茶餐廳、快餐店的味道，更接近咖啡店的水平。看出是一間用心經營的食店。

特登帶爸媽輝嚟試,我要咖哩牛腩農夫飽,雖然個飽好大個,我食唔哂,但係我覺得硬咗啲.老闆推介咖啡,我話有冇得試飲先,點知佢真係倒咗成杯比我,係送比我呀!又真係幾正喎,多謝老闆!!!

地方唔算太難搵,同朗豪坊真係好近同朋友去食,叫左必食的農夫包淨咖哩汁.因怕肥所以無加雞不過只係點咖哩汁都已經好好味個包脆卜卜.好好口感而朋友就叫左豬扒包其實都好想試,不過又係驚肥朋友話好味而老闆都好nice見我影相,送多碗湯比我.哈哈不過比左朋友飲,佢\話唔錯見到人地食炒飯,好似幾好味咁,而且自己亦好鍾意食炒飯下次要留肚去試試,要試埋咖啡tim

我時時都同老婆與邦仔食飯, 這間餐\廳人情味, 食品味道都很好, 一定要試下他們的Ice Vanila Coffee, 非常好味, 唯環境一般

睇完網上各位朋友對此處的評價後，小弟決定要來此地一試。環境，你想怎樣，它身於熟食巿場~哈~~~~不能有要求吧~~~我和朋友仔二人(*兩個大食的男孩) 分別點了下午茶的豬扒飽餐+2元凍飲(*$21) 和澳門咖哩雞農夫飽+4元要了咸檸7 (*$43)。我無綠試食豬扒飽，嗚，因為大食友人一個"好味"，兩個"正"字就將之KO掉了，不過，友人對它評價非常的高!!!!而且，他對其價錢的評價是："極度物有所值！"澳門咖哩雞農夫飽，43元，抵過食"必殺"，我將之切成6大份(個農夫飽真係勁大個，仲大過本牛津字典)，足夠令我倆滿足如此的份量真的相當不簡單！！！雞，有別於一般的咖哩雞，它是雞扒，不過煎得非常滑！！咖哩的味道很香、味濃、不辣，有點像日式甜咖哩般，很適合不能食辣的朋友。仲有個超足料既羅宋湯！！！很久也沒有喝過如此足料的羅宋湯囉~~~服務~？不過不失吧~他們會主動的介紹，笑容滿面~嗯！！下次要再試其他的食品呢！！！期待中~~~~~~

奴隸獸雖然錯過了午餐，但順利將工作完成。現在可以嘆下午茶啦！葡式豬扒包配奶茶。（HK$19）：法包外層皮脆，內層軟熟，豬扒夠腍，配上煮得剛好的洋蔥，實在美味。奶茶茶味不夠濃，好一般。食飽飽，是時候回去向主人報到。

沉日同家姐一齊上左哩個一個喊面都冇既翠苑食野, 入到去第一檔就係就係, 係openrice做晒功課, 唔洗諗就點左咖哩雞農夫飽餐(HKD39)同埋一個葡式鮮茄牛腩粒通粉餐(HKD25), 兩個餐都跟一杯野飲, 凍飲加2蚊, 老闆好好笑容, 佢問我地餐飲要咩, 家姐就問佢咩好飲, 佢就勁力推介叫我地飲咖啡, 我sa手ling頭咁話我唔飲咖啡, 因為一來我唔鍾意飲, 二來我受唔到咖啡飲完會心跳手振作嘔同埋會失眠, 我就叫咸檸7,佢好快手咁沖左一杯比我家姐, 仲講笑話唔好飲就可以兜頭淋落佢度woo~家姐試左一啖望住我眼jarm jarm講左一句”好好飲呀”, 咁我即刻試左啖, 嘩..真係好好飲, 老闆即刻問我轉唔轉軑, 我本來都諗住唔轉, 但比佢講多兩講, 我就抵唔住轉左, 因為真係好好飲, 坐低等左一陣, 先黎葡式鮮茄牛腩粒通粉, d粉普普通通, 不過就好大碗, 個餐包好得, 豬仔包外面好脆裡面內軟, 夾左舊牛油, 十分好食, 食到咁上下咖哩雞農夫飽餐就到, 個包同個豬仔包口感差唔多, 點葡汁好好食, d雞都幾好, 唔係白烚, 應該炸/炮過, 好似有d蒜香味, 仲有個羅宋湯, 個面好多油,