澳門翠苑餐廳

營業中

休息中

小女子如大家一樣,看到食評中一個苦臉也沒有,就決定和男友來試試~大家都說可以一份兩人吃,所以只叫了一個餐!1) 咖哩雞農夫飽~~果然一如大家所說,讚! 包的外皮crispy內軟,不只是那個cover,就連載着雞的包也一樣!男友說雞雖然多肥多皮(我們都是不吃皮的人),但雞燒得剛剛好,很香很滑!那個咖喱汁是葡式的吧,不太辣,一點點coconut味,可惜的是,只有兩只potato,potato很內味很林,正!2)紅湯,過油,男友說淡了點,但我覺得剛剛好!3)凍檸茶,男友喝的,所以不評價~可能男友較大食,結果是他吃飽了,我吃不飽!最後我們對此的評價是"正!下次會來試咖哩牛腩農夫飽"

同個friend夜行旺角,順便食晚飯,記得呢間澳門茶餐廳有好多笑臉, 所以去試吓老細極力推荐涷啡,不過驚夜晚訓唔到覺,只好叫涷奶茶,都好飲,同行者叫咗涷啡,話味道超好,下次有機會再試正餐叫咗咖哩牛腩農夫包,食完先後悔一人叫一個,因為一份都夠我們兩個人食飽咖哩汁好味,夠香,個包幾鬆口,沾咗咖哩之後無得頂,牛腩好滑,味道夠濃差啲連湯都唔夠位飲落肚下次都係兩個人叫一個餐

見翠苑在OR有多達32個笑臉(0個喊臉)，加上本身愛吃包，於是慕名而來，與友人叫了一個套餐\($41)share(葡汁咖哩雞農夫飽+ 咖哩汁+ 葡式鮮茄牛腩粒湯+ COT)。order完等了10mins，侍應便把套餐\\\捧上，第一個感覺係個包好大個，好在友人係猛男一名，唔怕食唔晒。打開錫紙，急不及待咬一啖，農夫飽的確係外脆內軟，葡汁咖哩有椰香，兩者配合起來，美味極了。雞肉本身尚算嫩滑，份量也不算少。吃罷整個農夫飽，很飽，很滿足。葡式鮮茄牛腩粒湯味道普通，不過不失。一定會再來，下次試咖哩牛腩農夫包^^

今晚兩個人特登黎呢到食咖哩農夫包叩左個咖哩牛腩農夫包SET個包真係好大個..外脆內軟!! 點埋碗醬真係好正!!兩個人食一個餐真係夠!下次應該會再黎呢到試試埋個咖哩雞同豬扒包仲有涷啡...不過老實講..味道真係唔錯但39蚊如果凍飲再+2蚊真係貴左少少三十蚊左右我就覺得物有所值

上星期我同男朋友去左哩到食晚飯, 我就叫左個越南米線, 而我男朋友就叫左個牛扒飯. 等左一陣, d 野都好快送到我面前. 見d野個賣相其實都係一般. 我男朋友食完話塊扒都幾好食, 不過我自己o個個就真係麻麻地喇, 不過好彩有個餐包搭夠. 我真係好想讚下個餐包, 真係好趣好新鮮. 後來我俾左d男朋友試下, 佢一食就即刻話想叫個豬扒包食.......後來.......佢食左一啖就不停咁讚好好食. 到最後我地兩個都只係食左五十幾蚊, 講真好算幾平, 而且又有番咁上下水準, 都算係一個好地方.

同姐去食飯。立即想起去食個農夫包先。收錢個個男人同我地幾好傾。佢話佢之前起一間澳門既餐廳度做過佢識得一個macau人所以會知道多一點地度既食法。一杯凍啡,一個農夫包。保險一點加個炒豬排公仔面豬排好味,雖然我地都唔太食豬。又香又軟農夫包我們不要餸。只點汁已令姐驚嘆不絕。不過場地好大冷氣,要食快一點如果唔係就會唔熱,,,,,,杯啡又香又好味,我姐說的。

素知呢間茶記以澳門食物為主打。專誠嚟到，點可以唔試?理論上應必試豬扒包。但見賣相，有如瘦骨嶙峋之老人，睇見怕怕...太座叫嘅蕃茄薯仔牛腩碎湯通粉，用嘅係有坑紋嘅通粉，更易嗦晒D茄味，加埋碎牛腩，有口感，稱得上係一個製作簡單而美味嘅速食之作...呢度嘅掛頭牌之作為麵包雞。印象上呢味未响澳門食過(反而响馬來西亞就食過一次)。以大大個法包嚟做容器為賣點，包表皮食落頗脆口，伴包吃嘅咖喱汁頗稀身，椰味尚夠；雞件雖係雪藏貨，但食落唔覺有乜雪味，雞件經走油後食落頗香口，尚可....份量極大，食極都食唔晒....水準不俗，但未致於一鳴驚人...

lunch叫左個咖哩牛腩農夫包,跟羅宋湯,餐飲.等左10mins以上,好攪笑,order之後佢話坐低等,一陣拎比你.(心諗佢都唔知我坐邊,點拎比我呀??)最後都係企o係度等!個包個皮好脆,似係薯片果d脆,但係個咖哩牛筯有陣杏味囉..好臭...個咖哩係印度x港式...其實唔係好好味..係因為佢特別先食..

和家人來到熟食中心吃個家常飯,叫了一個二人餐:有黃花魚, 一碟青菜和白飯例湯,一個快餐:茄汁豬扒意粉, 和萄汁咖哩雞農夫飽,家人說二人餐和快餐都不過爾爾, 青菜更少得可憐,最出色的當然是萄汁咖哩雞農夫飽,我雖然沒吃雞肉, 但那萄汁咖哩充滿了椰香,很濃很香, 農夫包又是外脆內軟的, 我這個包癡當然開心透了~ 熱一點會更好,凍咖啡也好喝~ 雖然熟食中心環境不佳,但價錢廉宜,值回票價了~

跑來這來試咖哩牛腩農夫包+凍啡.跟的蕃茄蘿蔔餐湯普通貨色, 沒有甚麼特別. 跟著撕開包住農夫包的錫紙, 將"蓋子"浸在咖哩中- 最後發現最好吃的, 就是這個蓋! 蓋子那時還是脆的. 包裏的陷料味道普通, 咖哩不夠濃.另外包, 真是非常大, 吃到一半己經lum了冷了, 我還是一個胃口挺大的男生!凍啡, 又真是很不錯, 水準之上. 味道的4分, 是給凍啡的.每每聽見小朋友大朋友指著個農夫包問, e個係乜野呢架?

買個陣以為要自己拎,點知有專人送黎咁好服務,抵讚$41有一大個包,幾件雞仲有野飲同湯真係好抵,兩個人食一個都夠飽,包烘得脆口,沾上咖哩汁非常美味。

同阿思行旺角，唔想又食意大利蕃茄，加上睇OR話朗豪坊附近有個熟食中心，於是今日就走黎試試。係入面行左成個round，都係呢間最多人排隊，一於就試呢間啦。同阿思都係叫常餐，我就要個越南海防米線+ 牛油法包+凍咖啡，一落單，老細就以為我黎過呢度食，因為我叫既法包咖啡都係出名既食物。而阿思就叫忌廉鴨胸通粉+奄列+凍檸茶。我果個米線有番茄西芹蛋花肉碎，清清地，份量幾多;法包外脆內軟，剛剛烘，熱熱地，加埋少少牛油真係幾正，連阿思都話好味;至於凍啡就比一般既好少少，可能係因為面頭灑左D咖啡粉，所以我對佢既印象分唔差。另外，有專人將食物拎去你面前，而老闆又幾nice，所以總括黎講，係值得再黎食。只係嫌D食具唔夠乾淨。

尋日約左男友係朗豪坊睇變型金剛,時間關係梨呢度再安歌番上次果個餐,有豬仔包好香脆正,蕃茄牛腩湯通粉個湯好似屋企煲既蕃茄薯仔湯好味,要推介係佢地大杯凍啡好好飲,男友都話豬仔包正,佢叫左個雜排餐,個羅宋湯好好飲,豬排好軟熟,佢話咁既價錢正過大家樂啦,仲要唔駛自己出去拎喎,咁好食唔怪得知見隔離檔粉麵好清閒啦.....

上星期二(7/8/07)晚，再到旺角熟食中心食飯。之前其實都過好幾次，但都係冇特別出色o既食品要分享，所以都的唔起心肝寫食評。今次同太太決定食一以前冇食過o既食肆，於是我就揀呢道。由於唔係好肚餓，所以叫個常餐A：包括有蕃茄牛腩粒湯通粉、牛油法包(可轉奄列)、熱飲或湯。本來諗住唔要法包改奄列，但落單個哥仔問我：『你食個我地個法包未先？』咁招積？又試下係咪咁正...等個幾字，阿姐將個餐送到。先食個包先，真係幾得喎。做到外脆內軟，而且熱辣辣，雖然只係加上簡單o既牛油，已經好好味。輪到個蕃茄牛腩粒湯通粉，個湯底唔算濃，亦唔覺太重味精，真係有蕃茄味，仲好足料，成個薯仔蕃茄湯咁。牛腩粒份量唔算多，但味道唔錯又唔韌：通粉係有坑紋o固種！！唔會太淋太爛，軟硬適中。份量仲幾多添！飲品要我最喜愛的- 奶茶，奶、茶份量比例適中，茶餐廳水準之作！整體好滿意，不過價錢呢道唔算平。

今晚和女友來試試這裏的招牌農包...約莫晚上七時半到達,那天我們選了一個小菜套餐$38一碟西蘭花炒牛肉加一碟炒白菜,跟兩個細白飯,一碗中湯及一杯餐飲之後叫了個咖哩雞農夫包套餐$37一個比椰子大少許的農夫包跟一碗咖哩汁,一碗西湯及一杯餐飲講真~小菜套餐$38都係抵到爆,而且都炒得幾好,如果兩個女仔一定夠食..而農夫包因為第一次食,貪新鮮.麵包蘸咖哩汁都唔洗點講都知好食啦!包內藏著炸過既雞肉,肉既份量也算恰當!不過地方真係唔多足夠冷氣,可能我們坐的位置問題啦!一路食飯一跟滴汗,不只我和女友是這様.坐我們前面那枱的男子,他背住我們的,只見他背脊慢慢濕透了.一句講曬:真係好好食我唔敢講,但只可以話好抵食囉!